Iðnaðarráðherra hefur setið tvo fundi með breska félaginu Atlantic Superconnection, ASC, þar sem fulltrúar þess kynntu áform sín um lagningu sæstrengs milli Íslands og Bretlands. Þeir ræddu líka við forystumenn flestra flokka á þingi.

Rúmeni og Þjóðverji, sem reyndu að smygla meira en fjörutíu kílóum af fíkniefnum í bíl með Norrænu fyrir einum mánuði, komu til landsins í fyrrasumar með sama bíl.

Leiðtogi Fimmstjörnuhreyfingarinnar á Ítalíu setti í dag skilyrði fyrir stjórnarsamstarfi við Lýðræðisflokkinn Forystumenn Lýðræðisflokksins hafa krafist skýringa á ummælum hans.

Heildarendurskoðun á lögum um fjarskipti á að tryggja neytendum alþjónustu á sviði fjarskipta. Aukin áhersla er lögð á öryggismál og hvernig haga skuli reglum um svokallað internet hlutanna

Menntamálaráðherra vill hefja viðræður við Dani um að þeir afhendi fleiri íslensk handrit. Forstöðumaður Árnastofnunar segir ætlunina ekki að stofna til nýrrar handritadeilu - enda eru þau öll eign Hafnarháskóla samkvæmt hæstaréttardómi. Sigríður Hagalín Björnsdóttir talaði við Guðrúnu Nordal, Gottskálk Jensson og Lilju Alferðsdóttur

Stjórnvöldum var tilkynnt í júlí að strandríkin Noregur, Færeyjar og ESB væru að íhuga aðgerðir sem gætu verið nauðsynlegar til að bregðast við ákvörðun Íslendinga að auka makrílkvótann. Arnar Páll Hauksson segir frá.

Hong Kong er eins og púðurtunna og einföld lausn á flókinni stöðu ekki í sjónmáli segir prófessor í kínverskum fræðum við Háskóla Íslands. Vaxandi spennu í Hong Kong megi kannski rekja til vaxandi alræðistilburða í Kína.

,Anna Kristín Jónsdóttir talaði viðsagði Geir Sigurðsson .

Fyrrverandi dómsmálaráðherra segir að þriðji orkupakkinn hafi ekki mikil efnisleg áhrif hér á landi. Fyrri orkupakkar hafi haft miklu meiri áhrif.

Þrír Íslendingar sem eru á siglingu frá Miðjarðarhafi til Íslands björguðu manni úr hafinu þegar þeir sigldu um Gíbraltarsund.

Samkvæmt nýjum tillögum um fyrirkomulag rjúpnaveiða verður heimilt að veiða alla daga í nóvember nema miðvikudaga og fimmtudaga.

Formaður Samtaka fyrirtækja í sjávarútvegi, segir það ranga nálgun að hóta Íslendingum viðskiptabanni vegna makrílveiða. Evrópusambandið ætti frekar að einbeita sér að því að ná mönnum að samningaborðinu.

Franskir og rússneskir fornleifafræðingar velta nú fyrir sér hvort þeir hafi fundið beingrind fransks herforingja sem var í uppáhaldi hjá Napóleon Frakkakeisara.

Eldarnir í Amazon-regnskóginum hafa beint kastljósinu að enn stærra og flóknara vandamáli, örlögum allra hitabeltisregnskóga jarðarinnar. Þetta segir umhverfis- og auðlindafræðingur. Eldar loga líka í hitabeltisskógum Afríku, og skógar Súmötru og Borneó brunnu fyrir skömmu. Eyðing skóganna er af mannavöldum, og veldur allt að 17% af árlegri losun gróðurhúsalofttegunda í heiminum. Sigríður Hagalín Björnsdóttir talar við Jón Geir Pétursson og Hannes Hólmstein Gissurarson.

Formaður Samtaka fyrirtækja í sjávarútvegi hafnar því algjörlega að græðgi hafi ráðið makrílveiðum Íslendinga. Hann segir að það sé röng nálgun að hóta viðskiptabanni. Evrópusambandið ætti að einbeita sér að því að ná mönnum að samningaborðinu. Arnar Páll talar við Jens Garðar Helgason.

Nýlega fjallaði Spegillinn um hvernig draga mætti stórlega úr losun frá byggingariðnaði með því að minnka sementsinnihald steypu. Einnig var fjallað um meðferð byggingaúrgangs en algengt er að efni sem mætti endurvinna sé nýtt í landfyllingar. Um síðustu áramót færðust mannvirkjamálin frá umhverfisráðuneytinu og yfir til félagsmálaráðuneytis. Ásmundur Einar Daðason, ráðherra mannvirkjamála, sér fyrir sér að auknar kröfur verði gerðar til byggingageirans á næstu árum en vill ekki fara of geyst því það gæti komið íslenskum fyrirtækjum í greininni illa. Arnhildur Hálfdánardóttir talar við Ásmund Einar Daðason.

Forsætisráðherra segir að ekkert nýtt hafi komið fram í umræðunni um þriðja orkupakkann sem hefur staðið yfir á Alþingi í dag. Formaður Miðflokksins segir að því hafi ekki enn verið svarað hvers vegna verið sé að innleiða orkupakkann.

Gífurleg ólga er í breskum stjórnmálum eftir að Boris Johnson forsætisráðherra ákvað að senda þingið í frí frá annarri viku september til 14. október.

Íslendingar losa um 650 kíló af sorpi á hvern íbúa á ári og skipa fjórða sæti meðal Evrópuþjóða. Umhverfisráðherra segir í skoðun að setja flokkunarskyldu á heimili og fyrirtæki.

Ef Grænland væri fyrirtæki á markaði hefði gengi hlutabréfa margfaldast á undanförnum misserum, segir Damien Degeorges, sérfræðingur í málefnum norðurslóða.

Umræður á Alþingi um þriðja orkupakkann. Arnar Páll talat við Þorgerði Katrínu Gunnarsdóttur og Ólaf Ísleifsson.

Æ fleiri finna ástina á Tinder. Samkvæmt nýrri bandarískri rannsókn eru algóritmar samfélagsmiðlanna orðnir algengustu hjúskaparmiðlararnir. Er það jákvæð þróun, eða martraðarkennd framtíðarsýn? Spegilinn fer á Tinder og kannar málið.

Sigríður Hagalín Björnsdóttir ræddi við Glódísi Guðgeirsdóttur, Steinþór Helga Arnsteinsson, og Arnar Eggert Thoroddsen.

Það hljómaði frekar sakleysislega þegar Boris Johnson forsætisráðherra Breta tilkynnti í morgun að þinghlé fyrir stefnuræðu stjórnarinnar 14. október yrði lengt. Aðrir sjá þetta í öðru ljósi og stóryrði eins ,,einræðistilburðir" og ,,lokadagur lýðræðis í Bretlandi" fljúga um í fjölmiðlum. Allt snýst þetta um Brexit, stjórnarandstæðingar segja þetta viðleitni til að hindra að þingið stöðvi samningslausa útgöngu úr Evrópusambandinu sem stjórnin stefni að. Sigrún Davíðsdóttir.

Spegillinn þriðjudaginn 27. ágúst 2019

Umsjón: Kristján Sigurjónsson

Tæknimaður: Magnús Þorsteinn Magnússon

Flugliðar hjá Icelandair undirbúa hópmálsókn gegn félaginu. Þeir telja sig hafa orðið fyrir skaða vegna skertra loftgæða um borð í vélum félagsins.

Annarri umræðu um þriðja orkupakkann á Alþingi verður haldið áfram á morgun og fimmtudag eftir rúmlega tveggja mánaða hlé. Atkvæði verða greidd á mánudag.

Fimmstjörnuhreyfingin og Lýðræðisflokkurinn á Ítalíu reyna að mynda stjórn í kappi við tímann. Forseti landsins gaf þeim eins sólarhrings viðbótarfrest í gær.

Jair Bolsonaro, forseti Brasilíu, kveðst tilbúinn að ræða það að þiggja aðstoð frá G7 ríkjunum við að slökkva elda í Amazon regnskóginum, en aðeins gegn því að Emmanuel Macron Frakklandsforseti dragi til baka móðgandi ummæli um hann.

Bæjarstjórnarfulltrúar í Mosfellsbæ og Kópavogi segja að tveggja milljóna króna mánaðarlaun bæjarstjóra séu í samræmi við ábyrgð starfsins.

Enn standa yfir miklar framkvæmdir í Háskólanum á Akureyri vegna myglu í húsnæði skólans. Tvær skrifstofubyggingar með aðstöðu fyrir 25 starfsmenn voru tæmdar þar á síðasta ári og standa enn tómar. Aðgerðirnar kosta um 70 milljónir króna.

Lengi umfjallanir:

Í fyrramálið klukkan hálf ellefu kemur alþingi saman til að þess að ræða um þriðja orkupakkann. Þetta er framhald á síðari umræðu um þingsályktun sem frestað var í júní. Þá höfðu þingmenn Miðflokksins rætt einir um orkupakkannn í marga daga og haldið hátt í 300 ræður. Samkomulag tókst loks milli formanna þingflokkanna um að fresta umræðu þar til á morgun, 28. ágúst. Umræðu á að ljúka klukkan átta annað kvöld. Á fimmtudag verða umræður um þingsályktun og frumvörp sem tengjast 3. orkupakkanum auk umræðna um breytingu á lögum um tekjuskatt og lögum um staðgreiðslu skatts á fjármagnstekjur. Á mánudag verður síðan atkvæðagreiðsla um öll málin.

Umræðan um 3. orkupakkann tók drjúgan tíma á Alþingi í vor og og fjöldi sérfræðinga var kallaður fyrir þingnefndir. Bæði utanríkismálanefnd og atvinnuveganefnd kölluðu til sérfræðinga og álitsgjafa til á opna fundi nú í ágúst og nú lítur út fyrir að málið verði loks afgreitt á alþingi á mánudag. 3. orkupakkinn er umdeildur. Hann nýtur víðtæks stuðnings innan sjö þingflokka af níu, þingmenn Miðflokksins og báðir þingmenn Flokks fólksins eru á móti. Það hefur ekki farið fram hjá neinum að meðal almennra flokksmanna í Sjálfstæðisflokknum gætir efasemda, en erfitt er að gera sér grein fyrir hve sú andstaða er víðtæk. Undirskriftasöfnun var sett af stað meðal flokksmanna í sumar þar sem

Spegillinn mánudaginn 26. ágúst 2019

Umsjón: Kristján Sigurjónsson

Tæknimaður: Magnús Þorsteinn Magnússon

Karlmaður á þrítugsaldri var í Héraðsdómi Suðurlands dæmdur í sex ára fangelsi fyrir mjög grófa líkamsárás á konu í Vestmannaeyjum fyrir þremur árum.

Leiðtogar sjö helstu iðnríkja heims styðja sjálfstjórn Hong Kong sem Bretar og Kínverjar sömdu um fyrir 35 árum. Hörð mótmæli hafa verið í borginni síðustu vikur.

Stefnt er að því að kjósa um þriðja orkupakkinn á Alþingi á mánudag eftir viku.

Landsréttur hefur hafnað kröfu ákæruvaldsins um framlengt gæsluvarðhald yfir manni sem dæmdur var í fimm ára fangelsi fyrir árás á dyravörð á skemmtistað í miðbæ Reykjavíkur.

Strandveiðum lýkur um næstu mánaðamót. Útlit er fyrir að tæp 2000 tonn verði óveidd af veiðiheimildum.

Stofnaður hefur verið viðbragðshópur Matvælastofnunar, björgunarsveita og fleiri til að bjarga hvölum í neyð. Grindhvalur sem rak á land við Seltjarnarnes í dag var aflífaður nú skömmu fyrir fréttir.

Lengi umfjallanir:

Þingkosningar verða í Færeyjum á laugardag 31. ágúst. 33 þingmenn eru á færeyska lögþinginu. Rikisstjórn Þjóðveldisflokksins og Jafnaðarflokksins undir forystu Aksels V. Johannessen lögmanns úr síðarnefnda flokknum hefur nauman meirihluta og benda skoðanakannanir til að hún missi meirihluta sinn. Stærstu stjórnarandstöðuflokkarniir eru Sambandsflokkurinn og Fólkaflokkurinn, en það er þó óvíst að þeir nái saman í stjórnarmyndun verði kosningarnar þeim í hag. Færeysk stjórnmál eru um margt flókin og snúast ekki aðeins um hægri og vinstri, heldur einnig um afstöðuna til sambandsins við Dani og íhaldssememi eða frjálsyndi í afstöðu til jafnréttis- og trúmála. Norræna félagið á Íslandi hélt opinn fund í Norræna húsinu í Reykjavík í dag þar sem fjallað var um væntanlegar kosningar. Petur Petersen sendiherra Færeyinga á Íslandi sagði frá helstu málum sem þar ber á góma og nokkrir Íslendingar sem vel þekkja til í Færeyjum tóku þátt í pallborðsumræðum. Þar á meðal voru Sif Gunnarsdóttir skrifstofustjóri menningarmála hjá Reykjavíkurborg og fyrrverandi forstjóri Norræna hússins í Færeyjum og Gísli Gíslason varaformaður færeysk- íslenska viðskiptaráðsins og hafnarstjóri Faxaflóahafna. Kristján Sigurjónsson talar við þau í beinni útsendingu.

Pólverjar á Íslandi eru orðnir fleiri en tuttugu þúsund. Fæstir þeirra hafa áhuga á að setjast að hér á landi, heldur koma hingað í tímabundin uppgrip. Ný doktorsrannsókn Önnu Mariu Vojtynska leiðir í ljós að íslenskur vinnumarkaður verður sífellt stéttskiptari eftir þjóðerni, og tilhneigingin s

Verið er að skoða möguleika á því að Katrín Jakobsdóttir, forsætisráðherra, og Mike Pence, varaforseti Bandaríkjanna, hittist á Íslandi í byrjun næsta mánaðar. Fjarvera forsætisráðherra hefur vakið heimsathygli.

Eldar í Amazon-regnskóginum í Brasilíu verða eitt aðalumræðuefnið á fundi sjö helstu iðnríkja heims í Frakklandi um helgina. Brasilíuforseti íhugar að senda herinn til að reyna að ráða niðurlögum eldanna.

Félag eldri borgara í Reykjavík hefur nýtt sér kauprétt að íbúð í Árskógum, sem kaupendur neituðu að greiða hærra verð fyrir. Lögmaður kaupenda segir að svona gangi fasteignaviðskipti ekki fyrir sig.

Matvælastofnun hefur sett kjúklingabú í einangrun vegna tveggja sjúkdóma sem greinst hafa í kjúklingum þar

Stórfelld skriðuföll þarf að taka alvarlega, að mati jarðfræðings sem kallar eftir auknu fjármagni til að efla rannsóknir og vöktun. Íslendingar hafi sofið á verðinum gagnvart hugsanlegum bergskriðum, eins og í Reynisfjöru.

Í kjaraviðræðunum sem nú standa yfir á opinbera vinnumarkaðnum er krafa um að allir opinberir launamenn fái sex vikna sumarfrí.

Það er mikilvægt að haustrigningarnar klikki ekki eftir þurrka sumarsins, þetta segir veðurfræðingur.

Laun bæjarstjórans í Garðabæ svara til þess að hver bæjarbúi greiði 150 krónur á mánuði. Mánaðarlaun hans eru 2,4 milljónir.

Fleiri eldar hafa kviknað í Amazon-regnskóginum í ár en nokkru sinni fyrr. Prófessor í stofnlíffræði segir að afleiðingar eldanna séu víðtækar og ýti undir loftlagsbreytingar.

Frakklandsforseti segir að hin svokallaða baktrygging vegna útgöngu Breta úr Evrópusambandinu sé ófrávíkjanleg krafa.

Sæstrengur milli Íslands og Bretlands er ekki lengur hagkvæmur. Þetta segir formaður Náttúruverndarsamtaka Íslands.

Framkvæmdastjóri Grænni byggðar segir að mikil sóun viðgangist í byggingariðnaði. Miklu sé hent sem mætti nýta.

Stjórn Akureyrarstofu leggur til að hagrætt verði á Listasafninu á Akureyri. Að óbreyttu stefnir í 18 milljóna króna halla í rekstri á árinu.

Formaður Náttúruverndarsamtaka Íslands segir að lagning sæstrengs milli Bretlands og Íslands sé ekki lengur arðbær. Vindorka sé orðin svo ódýr í Bretlandi að raforka héðan um sæstreng sé ekki samkeppnishæf. Arnar Páll Hauksson talat við Árna finnsson.

Par sem vinnur að því að innrétta vinnustofur og íbúðir í húsum sem áður tilheyrðu Áburðarverksmiðjunni í Gufunesi hefur bjargað heilu gámaförmunum af notuðu byggingarefni sem annars hefði líklega verið urðað eða notað sem uppfylling. Óvissa ríkir um afdrif byggingarúrgangs á Íslandi en ljóst er að miklu er hent sem mætti nota. Framkvæmdastjóri félagasamtakanna Grænni byggðar segir mikla sóun viðgangast. Arnhildur hálfdánardóttir talar við Lóu Guðjónsdóttur og Þórhildi Fjólu Kristjánsdóttur.

Fiskeldi í sjó er fyrirferðarmikið úti fyrir ströndum Skotlands. Mikið af því er í eigu norskra fyrirtækja, sem geta ekki lengur stækkað heima fyrir og leita í góð skilyrði við strendur Skotlands. Nú síðast hafa áætlanir norska fyrirtækins Mowi um stærstu sjókvíar í Skotlandi ýtt undir umræðuna um kosti og galla eldisins. National Trust for Scotland, stærstu umhverfissamtök Skotlands, eru ósátt við kvíarnar sem yrðu undan eyju í eigu samtakanna. Sigrún Davíðsdóttir.

Spegillinn 21. ágúst 2019

Í yfirlýsingu sem miðstjórn Alþýðusambands Íslands sendi frá sér í dag segir að þolinmæði launafólks sé á þrotum. Forseti sambandsins krefst þess að ríkisstjórnin standi við loforð sín um skattalækkanir fyrir lágtekjufólk.

Vestmannaeyjaferjan Herjólfur hefur á síðustu vikum tvisvar rekist utan í hafnarkantinn í Landeyjahöfn. Framkvæmdastjóri Herjólfs segir tjónið óverulegt.

Nokkrar plánetur sem líkjast jörðinni hafa fundist á undanförnum árum. Þetta segir prófessor í stjarneðlisfræði sem tekur þátt í 600 manna ráðstefnu stjörnufræðinga í Reykjavík.

Síðustu íslensku frímerkin kunna að líta dagsins ljós eftir tvö ár. Mikið tap hefur verið á frímerkjaútgáfu Íslandspósts síðustu ár.

Danir eru gramir og hlessa yfir því að Bandaríkjaforseti hætti við opinbera heimsókn sína þangað til lands, en búast ekki við því að það spilli samskiptum til langframa. Anna Kristín Jónsdóttir.

Starfsfólk á lokaðri deild Landakotsspítala fyrir fólk með heilabilun segir þörf sjúklinga fyrir lyfjagjöf hafa minnkað eftir að farið var af stað með tónlistarmeðferðarstundir á deildinni. Daglegt nudd hafi líka gefið góða raun. Arnhildur Hálfdánardóttir fylgdist með músíkþerapíu og ræddi við Önnu Herdísi Pálsdóttur, aðstoðardeildarstjóra á deildinni og Þóru Gunnarsdóttur deildarstjóra.

Hópur vísindamanna hefur komist að þeirri niðurstöðu að pláss sé fyrir 11 milljónir vindmylla í Evrópu. Útreikningar þeirra sýna að þær gætu framleitt meiri orku en áætlað er að framleidd verði á heimsvísu 2050. Arnar Páll Hauksson fjallar um nýja skýrslu.

Norðurlandaþjóðirnar ætla að tala einum rómi á fundi Sameinuðu þjóðanna um loftslagsmál í haust, þannig fá þær aukinn slagkraft á alþjóðavettvangi, segir forsætisráðherra. Norðurlöndin eigi að verða sjálfbærasta og best samþætta svæði í heimi.

Skriða úr veðruðu móbergi við Reynisfjöru kemur ekki á óvart, segir sérfræðingur Veðurstofunnar. Hluta fjörunnar var lokað í gær eftir að ferðamenn urðu fyrir skriðu; önnur stærri féll þar í nótt.

Bretar ætla að hætta að taka þátt í helmingi funda og ráðstefna á vegum Evrópusambandsins. Breskir embættismenn eiga þess í stað að einbeita sér að Brexit 31. október.

Fyrir átta árum þegar síðast var gerð landskönnun á mataræði Íslendinga var einn af hverjum hundrað grænmetisæta. Framkvæmdastjóri Krónunnar telur að í dag sleppi tífalt fleiri kjöti.

Fullyrðingar um að samþykkt þriðja orkupakkans skuldbindi Ísland til að standa ekki í vegi fyrir fyrir lagningu sæstrengs eru óskiljanlegar. Í hafréttarsáttmálanum sé skýrt kveðið á um að enginn getur lagt sæstreng inn í landhelgi án samþykkis viðkomandi ríkis. Þetta segir sérfræðingur í hafréttarmálum.

Umsjón: Anna Kristín Jónsdóttir

Tæknimaður: Mark Eldred

Stjórn útsendingar: Björg Guðlaugsdóttir

Mikil öryggisgæsla er vegna komu Angelu Merkel, kanslari Þýskalands til landsins. Hún ræðir við Katrínu Jakobsdóttur, forsætisráðherra á Þingvöllum í kvöld og tekur þátt í fundir forsætisráðherra Norðurlandanna á mrogun. Jóhanna Vigdís Hjaltadóttir segir frá komu Merkel og viðbúnaði á Þingvöllum.

Frosti Sigurjónsson, talsmaður Orkunnar okkar segir að hætt sé við því að Ísland verði að greiða milljarðasektir ef stjórnvöld standa í vegi fyrir lagningu sæstrengs. Hann segir líka að væntanlega komi fram kröfur um að skipta Landsvirkjun upp og nýtingarrétturinn boðinn út. Arnar Páll Hauksson ræðir við Frosta.

Sonju Ýr Þorbergsdóttur, formanni BSRB svíður að laun tekjuhæstu ríkisstarfsmannanna hækki mest og oft jafnmikið og heil mánaðarlaun þeirra sem lægri hafa launin. Kristín Sigurðardóttir ræddi við hana.

Lögreglan hefur lokað Reynisfjöru vegna grjóthruns. Tveir slösuðust þar í dag, þó ekki alvarlega.

Þúsundir hafa þurft að flýja skógarelda á Gran Canaria og slökkviliðsmenn fá lítt við ráðið. Á eyjunni hafa kviknað gróðureldar í þriðja sinn á rúmri viku og þar er líka hitabylgja þessa dagana. Ásgeir Tómasson segir frá.

Skýrsla Deloitte til skiptastjóra flugfélagsins WOW air veitir innsýn í rekstur sem sýnir samspil flugfélagsins og félaga í eigu aðaleiganda Wow. Sigrún Davíðsdóttir segir frá.

Angela Merkel minntist í morgun með Viktori Orban, forsætisráðherra Ungverjalands Samevrópsku lautarferðarinnar, þar sem hundruð Austur Þjóðverja flýðu yfir landamæri Austurríkis og Ungverjalands fyrir þrjátíu árum. Anna Kristín Jónsdóttir segir frá.

Umsjón: Anna Kristín Jónsdóttir

Tæknimaður: Mark Eldred

Stjórn útsendingar: Björg Guðlaugsdóttir