Veggjöld eiga að skila um sextíu milljörðum til samgöngubóta á höfuðborgarsvæðinu næstu fimmtán ár. Innheimtar yrðu tvö til sex hundruð krónur fyrir hverja ferð um stofnæðar borgarinnar. Magnús Geir Eyjólfsson segir frá.

Stjórn Dómstólasýslunnar ítrekaði í dag fyrri yfirlýsingar um að mikilvægt sé að fjölga dómurum við Landsrétt.

Talið er að rekja megi tvö óhöpp í hringtorgum á Vesturlandsvegi til þess að malbikið verður sérstaklega hált í bleytu. Birkir Hrafn Jóakimsson, verkfræðingur hjá Vegagerðinni segir að ástæðan sé steinefni sem flutt var inn frá Noregi. Hætt er að nota það nú.

Ríkisendurskoðun hefur ákveðið að gera stjórnsýsluúttekt á embætti Ríkislögreglustjóra. Í tilkynningu frá Ríkislögreglustjóra er ákvörðun Ríkisendurskoðunar um þetta fagnað.

Breska ríkisstjórnin hyggst áfrýja niðurstöðu skosks áfrýjunardómstóls um að hlé á störfum breska þingsins til 14. október, sé ólöglegt. Þess er krafist að þingið verði kallað aftur til starfa. Guðmundur Björn Þorbjörnsson segir frá.

Reiknivillan í inntökuprófunum í læknadeild í vor, sem varð til þess að fimm nemendur sem áður höfðu ekki verið meðal 55 efstu í prófinu komust inn, hafði áhrif á einkunn 29 umsækjenda. Forseti læknadeildar Háskóla Íslands, segir að þegar línum var bætt við excel skjal, sem notað var til að halda utan um einkunnagjöfina, hafi villa komið upp í formúlu.

Tímamótadómur féll í héraðsdómi í Haag í Hollandi í dag þegar læknir var sýknaður af ákæru um manndráp eftir að hafa gefið 74 ára gömlum sjúklingi banvænan lyfjakokteil. Guðmundur Björn Þorbjörnsson segir frá.

Þótt John Bolton, fyrrverandi þjóðaröryggisráðgjafi Bandaríkjaforseta, hafi verið sagður arkitektinn að norðurslóðastefnu landsins, er ekki líklegt að brotthvarf hans breyti þeirri stefnu mikið. Þetta er mat Alberts Jónssonar, fyrrverandi sendiherra Íslands vestanhafs. Stígur Helgason ræddi við Albert og einnig heyrist brot úr viðtali Einars Þorsteinssonar við Ólaf Ragnar Grímsson, fyrrverandi forseta í Kastljósi.

Horfur eru á að ris úr dýfu sem ferðaþjónustan er í eftir magalendinguna í mars þegar WOW air varð gjaldþrota fari hægt af stað. Greiningardeild Arionbanka spáir því að ferðamönnum fjölgi um 2% á næsta ári og að störf í ferðaþjónustu verði um tveimur þúsundum færri undir lok árs en á sama tíma í fyrra. Rætt við Jóhannes Þór Skúlason, framkvæmdastjóra Samtaka ferðaþjónustunnar um horfurnar.

Læknar og hjúkrunarfræðingar á átta heilsugæslustöðvum í Svíþjóð eru sakaðir um að hafa ýkt heilsufarsvanda skjólstæðinga sinna í þeim tilgangi að svíkja út fé. K

Reglum um andsvör hefur verið breytt á Alþingi til að koma í veg fyrir að málþóf á borð við það sem var í orkupakkanum endurtaki sig. Steingrímur J. Sigfússon, forseti Alþingis skýrði frá breytingunum við setningu þingsins í dag.

Þjóðaröryggisráðgjafi Bandaríkjaforseta, var leystur frá störfum í dag. Ósætti milli ráðgjafans og forsetans í utanríkismálum er talið ástæða brottrekstursins. Guðmundur Björn Þorbjörnsson segir frá.

Ríkið borgar helming við uppbyggingu borgarlínu en næstu fimmtán ár ætla ríki og sveitarfélög að verja að minnsta kosti hundrað milljörðum í samgöngur á höfuðborgarsvæðinu.

Þrettán konur verða skipaðar í framkvæmdastjórn Evrópusambandsins, sem tekur til starfa í byrjun nóvember. Aldrei hafa fleiri konur setið í stjórninni. Enginn fulltrúi verður frá Bretlandi, en Bretar hyggja á útgöngu úr Evrópusambandinu í næsta mánuði. Guðmundur Björn Þorbjörnsson.

Húnaþing vestra ætlar ekki að endurnýja samstarfssamning sveitarfélaga á Norðurlandi vestra um málefni fatlaðra sem gildir til áramóta. Ragnheiður Jóna Ingimarsdóttir, sveitarstjóri segir að sveitarfélagið ætli sjálft að veita þjónustuna með skilvirkari hætti en áður. Bjarni Rúnarsson ræddi við hanal.

Guðna Th. Jóhannessyni, forseta Íslands, varð lítilsháttar fótaskortur á tungunni þegar hann bauð Indlandsforseta velkominn í dag - til Indlands.

---

Umhverfis- og orkumál eru sögð verða meðal heitustu deilumálanna á komandi þingi. Fjölmiðlar og heruppbygging í Keflavík eru á meðal mála sem helst eru talin geta skekið stjórnarsamstarfið. Stígur Helgason segir frá.

Bæði stuðningsmenn og andstæðingar vegtolla fögnuðu gengi sínu í sveitarstjórnarkosningum í Noregi en ríkisstjórnarflokkarnir guldu afhroð í gær. Gísli Kristjánsson talar frá Noregi.

Dularfull pest herjar nú á hunda í Noregi og í síðustu viku ákvað Matvælastofnun að setja bann við innflutningi á hundum frá Noregi þar til meira er vitað um veikindin. Tugir hunda í fjórtán fylkjum víðsvegar um Noreg hafa drepist þótt flestir hundanna sem veikst hafa séu á svæði í kringum höfuðborgina. Þóra Jóhanna Jónasdóttir, dýralæknir gæludýra og dýravelferðar hjá Matvælastofnun, segir kollega sína í Noregi keppast við að leita orsakanna. . Hundar hafi jafnvel drepist á innan við sólarhring þrátt fyrir mikla meðhöndlun og það sé skiljanlegt að slíkt veki gæludýraeigendum ugg. Anna Kristín Jónsdóttir talaði við hana.

Umsjón: Anna Kristín Jónsdóttir

Tæknimaður: Ragnar Gunnarsson

Stjórn útsendingar: Ingibjörg Sara Guðmundsdóttir

Umsjón: Stígur Helgason

Tæknimaður: Ragnar Gunnarsson

Dómsmálaráðherra fagnar því að yfirdeild Mannréttindadómstóls Evrópu hafi ákveðið að taka Landsréttarmálið til umfjöllunar. Þó sé viðbúið að bíða þurfi niðurstöðu í ár eða lengur.

Stjórn Lögreglufélags Reykjavíkur telur að ríkislögreglustjóri eigi að stíga til hliðar á meðan úttekt á embættinu fer fram.

Atkvæðagreiðsla á breska þinginu um hvort boða eigi til þingkosninga í næsta mánuði, dregst fram á kvöld. John Bercow, forseti neðri deildar breska þingsins ætlar að hætta í embætti, hvort sem kosið verður eða ekki.

Útgerðarfélag Reykjavíkur hefur keypt tæplega ellefu prósenta hlut í Brimi fyrir átta milljarða.

Deila er risin um það hvar grafa skuli Robert Mugabe, fyrrverandi forseta Simbabve. Um það eru fjölskylda hans og stjórnvöld ósammála.

Í Speglinum var rætt við Berglindi Svavarsdóttur, formann Lögmannafélags Íslands, um ákvörðun yfirdeildar Mannréttindadómstólsins að taka Landsréttarmálið til umfjöllunar.

Fyrir tveimur mánuðum, þegar Boris Johnson tók við sem forsætisráðherra Breta bauð írski forsætisráðherrann Leo Varadkar honum strax í heimsókn til að ræða útgöngu Breta úr Evrópusambandinu. Það var fyrst í morgun að Johnson gaf sér tíma til fundar í Dyflinni. Sem fyrr er allt óklárt heima fyrir: Johnson slær úr og í um útgöngusamning og hefur ekki lengur tök á framvindunni því hann hefur ekki meirihluta í þinginu. Hann getur því ekki efnt til kosninga í bráð og þingið gæti neytt hann til að fresta áætlaðri útgöngu úr ESB 31. október. Anna Kristín Jónsdóttir talaði við Sigrúnu Davíðsdóttur, sem hefur fylgst með framvindunni.

Þriðjungi fleiri komu á bráðamóttöku Landspítalans vegna fíkniefnaneyslu síðsumars en gera í venjulegum mánuði. Yfirlæknir bráðalækninga segir aukna kókaínneyslu áberandi og hún sé ekki bundin við neinn einn þjóðfélagshóp. Afleiðingarnar geti verið hjartaáfall. Ráðgjafi á meðferðarheimilinu Hlaðgerðarkoti segir það algera undantekningu að fólk komi í meðferð vegna áfengisneyslu. Hópurinn þar sé yngri en áður og í vanda vegna neyslu á hörðum fíkniefnum.

Spegillinn föstudaginn 6. september 2019

Umsjón: Kristján Sigurjónsson

Tæknimaður: Ragnar Gunnarsson

Nýr dómsmálaráðherra, Áslaug Arna Sigurbjörnsdóttir, tók við embætti í dag. Áslaug er þingmaður Sjálfstæðisflokksins og yngsti ráðherra í 75 ára sögu íslenska lýðveldisins.

Bretar geti ekki farið úr Evrópusambandinu án samnings. Lávarðadeild breska þingsins samþykkti í dag lög þess efnis.

Hækkun á tryggingum ökutækja lögreglu skýrir meðal annars hvers vegna leiguverð á tækjunum hefur hækkað. Þetta kemur fram í yfirlýsingu frá embætti ríkislögreglustjóra.

Rosknum karlmanni var bjargað út úr brennandi húsi á Hlíðarvegi í Reykjanesbæ síðdegis í dag. Hann er mikið slasaður að sögn sjukraflutningamanna. Eldurinn kom upp í eldhúsi og lagði mikinn reyk frá honum. Maðurinn var fluttur með sjúkrabíl á slysadeild í Fossvogi. Lögreglan rannsakar eldsupptök.

Aukalandsþing Sambands íslenskra sveitarfélaga samþykkti í dag að styðja þingsályktunartillögu sveitarstjórnarráðherra sem felur meðal annars í sér sameiningu og fækkun sveitarfélaga niður í 40 fyrir árið 2026. Þá mega sveitarfélög ekki vera með færri en 1000 íbúa.

Stór hluti hins nýja WOW flugfélags verður hér á landi, segir stjórnarformaður US Aerospace Associates, sem keypt hefur eignir þrotabús flugfélagsins.

Ákveðið hefur verið að banna innflutning á hundum frá Noregi. Ástæðan er sú að á síðustu dögum hafa borist fréttir af alvarlegum veikindum af óþekktum orsökum í hundum þar í landi.

ViðvörunTalsverðar eða mikillar úrkomu er að vænta á morgun sunnan og vestantil á landinu, einkum við Mýrdalsjökul. Búast má við vatnavöxtum og auknum líkum á skriðuföllum á þessum svæðum og eru óbrúaðar ár mjög varasamar í slíkum aðstæðum.

Lengri umfjöllun:

Bjarni Benediktsson fjármálaráðherra kynnti nýtt fjarlagafrumvarp í morgun. Helstu áherslur í fjárlagafrumvarpinu eru lægri tekjuskattur, nýr Landspítali, stuðningur við barnafjölskyldur, orkuskipti, rannsóknir - og samgöngur. Þá á að lengja fæðingarorlof í tíu mánuði úr níu um áramótin og auka framlög til barnabóta. Samkvæmt lífskjarasamningnum á að taka upp nýtt skattþrep, sem verður 31,44 prósent. Milliþrepið, - sem áður var lægra þrepið, hækkar um eitt prósentustig, í tæp 37 prósent. Þessar skattbreytingar taka að fullu gildi árið 2021. Þetta þýðir að ráðstöfunartekjur lægstu tekjuhópanna hækka um 10 þúsund krónur á mánuði. Kostnaður ríkissjóðs vegna þessara lækkana er 21 milljarður á næsta ári. Sigríður Dögg Auðunsdóttir ræðir við Bjarna Benediktsson og Oddnýju Harðardóttur fyrrverandi fjármálraðherra og þing

Áslaug Arna Sigurbjörnsdóttir er nýr dómsmálaráðherra. Þetta var samþykkt einróma á þingflokksfundi Sjálfstæðismanna nú á sjötta tímanum. Hún er yngsti ráðherrann í lýðveldissögunni.

Sendiherra Kína á Íslandi er mjög ósáttur við ummæli Mike Pence um bæði Belti og braut og fjarskiptarisann Huawei.

Það er ódýrara að flytja lögreglubifhjól með vagni til Keflavíkur, en að keyra þau þangað, vegna þess hve hátt kílómetragjald á hjólunum er.

Verðmæti efna sem lögregla lagði hald á þegar hún upprætti amfetamínframleiðslu í sumarbústað í Borgarfirði í byrjun sumars er tæpar 200 milljónir króna.

Í Spegglinum var fjallað um hvað risaverkefni Kínverja Belti og Braut. Rætt var við Egil Þór Níelsson og Borgar Þór Einarsson.

Krónprinsinn í Venstre er að taka við konungsríkinu. Jakob Ellemann-Jensen hefur tilkynnt að hann sækist eftir því að verða formaður Venstre. Hann tæki þar með við af Lars Løkke Rasmussen, fyrrverandi forsætisráðherra Danmerkur, sem tilkynnti afsögn sína um helgina. Jakob er sonur Uffe Ellemann-Jensen sem leiddi flokkinn í fjórtán ár, frá 1984 til 1998, og var utanríkisráðherra Danmerkur í rúman áratug. Pálmi Jónasson sagði frá.

Spegillinn verður að mestu helgaður heimsókn Mike Pence varaforseta Bandaríkjanna til Íslands í dag. Hann byrjaði á því að hitta forsetahjónin og síðan sat hann fund með utanríkisráðherra í Höfða ásamt fulltrúum úr íslensku atvinnulífi og frá bandarískum fyrirtækjum.

Rætt við Albert Jónsson sérfræðing í alþjóðamálum um komu Mike Pence til landsins

Heimsókn varaforseta Bandaríkjanna hefur ekki farið fram hjá landsmönnum. Fólk sem vinnur í nágrenni Höfða varð mörgu ekki mikið úr verki í dag þar sem margir lágu úti í glugga eða fóru jafnvel út á stétt til að fylgjast með. Nokkrir gerðu sér sérstaka ferð í Borgartúnið til að berja bílalest varaforsetans augum. Kristín Sigurðardóttir fréttamaður kynnti sér málið.

Umsjón: Pálmi Jónasson

Sagnfræðingur segir að heimsókn Mike Pence sé ekki kurteisisheimsókn. Hann sé kominn til að sinna ákveðnu erindi. Bandaríkjamenn vilji gera sig meira gildandi á norðurslóðum.

Boris Johnson hefur ekki lengur meirihluta á breska þinginu eftir að þingmaður Íhaldsflokksins gekk til liðs við Frjálslynda demókrata síðdegis.

Yfir sextíu þúsund manns á Bahamaeyjum þurfa á mataraðstoð að halda eftir fellibylinn Dorian.

Indverskt geimfar lendir að öllum líkindum á tunglinu á föstudagskvöld. Heppnist lendingin verður Indland fjórða ríkið í heiminum til að lenda geimfari á tunglinu.

Yfir áttatíu lyf eru ófáanleg hér á landi. Apótekari hvetur alla sem að málinu koma til að leita lausna. Lyfjaskorturinn valdi auknu álagi á lækna, heilsugæslu og sjúkrahús. Þá geti hann verið hættulegur heilsu fólks.

Prófessor í sagnfræði segir að heimsókn varaforseta Bandaríkjanna hingað til lands sé ekki bara kurteisisheimsókn. Bandaríkjamenn vilji gera sig meira gildandi í stórveldapólitíkinni á norðurslóðum og vilji ræða stöðu Íslands í því samhengi. Arnar Páll talar við Guðmund Hálfdánarson í Speglinum.

Rúmlega áttatíu lyf eru ófáanleg hér á landi. Apótekari segir það geta verið fólki mjög erfitt að fá ekki rétt lyf og geti beinlínis verið hættulegt. Eitt lyf er ófáanlegt vegna yfirvofandi útgöngu Breta úr Evrópusambandinu en algengari ástæða lyfjaskortsins virðist vera sú að erlendum lyfjaframleiðendum finnst eftirsóknaverðara að leita inn á stærri markaði en Ísland. Kristín Sigurðardóttir segir frá.

Indverska geimfarið Chandrayaan-2 lendir að öllum líkindum á tunglinu á föstudagskvöld. Heppnist lendingin verður Indland fjórða ríkið í heiminum til að lenda geimfari á tunglinu, á eftir Bandaríkjunum, Rússlandi og Kína. Fimmtíu ár eru síðan Neil Armstrong steig fyrstu manna fæti á tunglið. Lítið skref fyrir manninn en risastórt stökk fyrir mannkynið. Pálmi Jónasson tók saman.

Umsjón: Pálmi Jónasson

Katrín Jakobsdóttir, forsætisráðherra, og Mike Pence, varaforseti Bandaríkjanna hittast á Keflavíkurflugvelli á miðvikudagskvöld.

Þriðji orkupakkinn var samþykktur með yfirgnæfandi meirihluta á Alþingi í dag.

Fylgi Pírata minnkar um þrjú prósentustig og Samfylkingin bætir við sig, samkvæmt nýjum Þjóðarpúlsi Gallups.

Óttast er að um þrettán þúsund heimili hafi eyðilagst á Bahamaeyjum þegar fellibylurinn Dorian reið yfir.

Stefnt er að því að skrifa undir nýja kjarasamninga opinberra starfsmanna við ríki og sveitarfélög um miðjan mánuðinn.

Þriðji orkupakkinn var samþykktur á Alþingi í dag. Á meðan þingmenn greiddu atkvæði um málið safnaðist fremur fámennur hópur mótmælenda fyrir utan Alþingishúsið. Kristín Sigurðardóttir fréttamaður fylgdist með þingfundi sem hófst klukkan hálf ellefu í morgun.

Lars Løkke Rasmussen, fyrrverandi forsætisráðherra Danmerkur, tilkynnti nokkuð óvænt um helgina að hann hefði ákveðið að segja af sér formennsku í flokki sínum Venstre. Varaformaðurinn Kristian Jensen tilkynnti í kjölfarið afsögn. Líklegasti arftakinn er Jakob Ellemann-Jensen, sonur Uffe Ellemann-Jensen sem var formaður flokksins í fjórtán ár undir lok síðustu aldar. Pálmi Jónasson tók saman.

Kosið verður til sveitarstjórna í Noregi 9. September. Kosningabaráttan hefur einkennst af meiri sundrungu í flokkakerfinu en áður hefur verið. Nýir flokkar ná fylgi út á deilur um umhverfismál og gjá er að myndast milli landbygðar og þéttbýlis. Gísli Kristjánsson sagði frá.

Iðnaðarráðherra hefur setið tvo fundi með breska félaginu Atlantic Superconnection, ASC, þar sem fulltrúar þess kynntu áform sín um lagningu sæstrengs milli Íslands og Bretlands. Þeir ræddu líka við forystumenn flestra flokka á þingi.

Rúmeni og Þjóðverji, sem reyndu að smygla meira en fjörutíu kílóum af fíkniefnum í bíl með Norrænu fyrir einum mánuði, komu til landsins í fyrrasumar með sama bíl.

Leiðtogi Fimmstjörnuhreyfingarinnar á Ítalíu setti í dag skilyrði fyrir stjórnarsamstarfi við Lýðræðisflokkinn Forystumenn Lýðræðisflokksins hafa krafist skýringa á ummælum hans.

Heildarendurskoðun á lögum um fjarskipti á að tryggja neytendum alþjónustu á sviði fjarskipta. Aukin áhersla er lögð á öryggismál og hvernig haga skuli reglum um svokallað internet hlutanna

Menntamálaráðherra vill hefja viðræður við Dani um að þeir afhendi fleiri íslensk handrit. Forstöðumaður Árnastofnunar segir ætlunina ekki að stofna til nýrrar handritadeilu - enda eru þau öll eign Hafnarháskóla samkvæmt hæstaréttardómi. Sigríður Hagalín Björnsdóttir talaði við Guðrúnu Nordal, Gottskálk Jensson og Lilju Alferðsdóttur

Stjórnvöldum var tilkynnt í júlí að strandríkin Noregur, Færeyjar og ESB væru að íhuga aðgerðir sem gætu verið nauðsynlegar til að bregðast við ákvörðun Íslendinga að auka makrílkvótann. Arnar Páll Hauksson segir frá.

Hong Kong er eins og púðurtunna og einföld lausn á flókinni stöðu ekki í sjónmáli segir prófessor í kínverskum fræðum við Háskóla Íslands. Vaxandi spennu í Hong Kong megi kannski rekja til vaxandi alræðistilburða í Kína.

,Anna Kristín Jónsdóttir talaði viðsagði Geir Sigurðsson .