Spegillinn 8. okóber 2019

Umsjón: Kristján Sigurjónsson

Tæknimaður: Magnús Þorsteinn Magnússon

Karlmaður sem ítrekað níddist kynferðislega á barnungum syni sínum var í dag dæmdur í Hérðasdómi Reytkjavíkur í sjö ára fangelsi.

Afstaða Íslands til yfirvofandi hernaðaraðgerða Tyrkja gegn Kúrdum í Sýrlandi er óbreytt segir utanríkisráðherra. Fyllilega komi til greina að gangrýna aðgerðir Tyrkja, líkt og íslensk stjórnvöld hafi gert áður.

Endurskoðunarfyrirtækið Grand Thornton hefur verið fengið til að fara yfir rekstur fasteignafélagsins Upphafs og fagfjárfestasjóðsins Gamma Novus.

Sendiherra Bandaríkjanna hjá Evrópusambandinu hefur verið stefnt til að mæta til yfirheyrslu hjá fulltrúadeild Bandaríkjaþings. Trump forseti hafði áður bannað honum að bera þar vitni.

Þegar hafa fundist leirbrot í fornleifauppgreftri fyrir aftan Stjórnarráðshúsið sem hófst fyrir hálfum mánuði. Hugsanlega er þar að finna minjar frá elstu tíð, segir fornleifafræðingur.

Héraðsdómur Reykjavíkur dæmdi tvo karla og eina konu í dag til skilorðsbundinnar fangelsisvistar fyrir kannabisræktun og og vörslu marijúna sem ætlað var til sölu og dreifingar. Dómurinn er hluti af enn stærra máli sem snýr að kannabisrækt og amfetamínframleiðslu

Sex jarðskjálftar hafa mælst í Heklu síðan í nótt. Veðurstofan lét Almannavarnir og Isavia vita í morgun um að þar væri aukin virkni. Skjálftarnir voru allir litlir, flestir innan við 1 að stærð, en óvenjulegt er að svo margir skjálftar mælist þar á svo skömmum tíma.

Lengri umfjallanir.

Og þá að snúinni stöðu við landamæri Tyrklands og Sýrlands. Tyrkir hóta að ráðast yfir landamærin og inn í Sýrland og mynda þar svokallað öryggissvæði. Svæðið Sýrlandsmegin er yfirráðasvæði Kúrda sem berjast gegn Assad Sýrlandsforseta ásamt öðrum stjórnarandstæðingum og hafa verið leiðandi í stríðinu gegn hryðjaverkasamtökunum sem kalla sig íslamskt ríki, eða ISIS, og hafa þar verið bandamenn Bandaríkjamanna og annarra vestrænna þjóða. Á sama tíma þá tortryggja Tyrkir, bandalagsþjóð NATÓ, Kúrda, vilja sem minnst hafa saman við þá að sælda og líta á hersveitir þeirra sem hryðjuverkamenn. . Á þessu svæði eru borgir og bæir sem Kúrdar búa í, einnig flóttamannabúðir þar sem fólk sem flúið hefur óöldina í Sýrlandi heldur til og fangabúðir þar sem herteknir ISIS liðar og fjölskyldur þeirra eru í haldi. Arnar Þórisson dagskrárgerðarmaður í fréttaskýringaþættinum Kveik hjá RúV þekkir vel til þessa svæðis. Kristján Sigurjónsson talar við hann.

Ég var aldrei pólitísk, fyrr en eftir að ég komst á lífeyrisaldur. Þetta seg

Áhrifamiklir Repúblikanar á Bandaríkjaþingi gagnrýna þá ákvörðun Donalds Trumps að láta af stuðningi við Kúrda í Sýrlandi. Fyrir vikið eigi vígasveitir Íslamska ríkisins eftir að margeflast á ný.

Tveggja og hálfs árs bið er eftir ADHD greiningu fyrir börn. Formaður samtakanna segir það óafsakanlegt.

Hægt væri að byggja heilt Úlfars ár dalshverfi og eina Smáralind á svæðinu sem nú fer undir Miklubraut verði hún sett í stokk og fjármagna hluta af kostnaðinum með lóðasölu.

Formaður kennarafélags Fjölbrautarskóla Vesturlands, segir hættu á uppsögnum verði núverandi skólameistari endurráðinn.

Saksóknari á Manhattan fær heimild til að nálgast skattframtöl Donalds Trump, forseta Bandaríkjanna, allt til ársins 2011

Sótt var um styrki til að koma upp hraðhleðslustöðvum fyrir um tæpa tvo milljarða króna. Styrkir frá ríkinu miða við að heildarkostnaður nemi 400 milljónum króna.

Íbúafundur um mögulega sameiningu Djúpavogshrepps, Borgarfjarðarhrepps, Fljótsdalshéraðs og Seyðisfjarðarkaupstaðar verður á Egilsstöðum í kvöld

„Fyrsta árið var svolítið skrítið, það vantaði svolítið inn í tilveruna.“ Svona lýsir Jóhann Gunnarsson, þeim tímamótum að hætta að vinna. Þetta vandist með tímanum og hann þakkar það ekki síst þátttöku í Körlum í skúrum, verkefni á vegum Rauða krossins. Skúrinn er við Helluhraun í Hafnarfirði og þangað geta karlar á öllum aldri komið og sinnt ýmsum verkefnum. Spegillinn hitti Jóhann í skúrnum. Arnhildur Hálfdánardóttir ræddi við Jóhann Salomon Gunnarsson.

Elizabeth Warren er einna líklegust til að mæta Donald Trump í forsetakosningunum á næsta ári. Trump kallar hana iðulega indjánann eða Pókahontas eftir amerísku frumbyggjakonunni frá sautjándu öld sem öðlaðist heimsfrægð í túlkun Disney í teiknimynd frá 1995. Pálmi Jónasson segir frá

Það er einfeldningsskapur að ætla að ekkert barnaníð rati á netið á Íslandi. Þetta segir talskona Stígamóta. Samtökin hafa í ár fengið til meðferðar sex mál þar sem börn voru gerð út í vændi.

Starfsmaður forsetaembættisins var sendur í leyfi og fékk skriflega áminningu vegna kynferðislegrar áreitni í ferð starfsmanna til Parísar í síðasta mánuði.

Lögreglan á höfuðborgarsvæðinu handtók síðdegis tvo menn í bakhúsi við Síðumúla í Reykjavík. Sérsveitarmenn, vopnaðir og búnir skjöldum til að verja sig, réðust til atlögu inn í húsið.

Icelandair aflýsti fjórtán flugferðum frá landinu seinni partinn vegna veðurs.

Útlit er fyrir að forsætisráðherra Portúgals og Sósíalistaflokkur hans fari með sigur af hólmi í þingkosningum á sunnudag, þökk sé batnandi efnahag landsmanna á síðasta kjörtímabili.

Óvissan um hvernig fer í Brexit-málum hefur farið vaxandi. Það er vel hugsanlegt að Bretland, næst mikilvægasta viðskiptaland Íslands, yfirgefi Evrópusambandið án samnings í mánaðarlok. Rætt um aðgerðir stjórnvalda í Brexit-málum og áhrif harðrar útgöngu á íslensk fyrirtæki. við Jóhönnu Jónsdóttur, sérfræðing í utanríkisráðuneytinu sem leitt hefur vinnu Brexit-stýrihóps ráðuneytisins og Karl Guðmundsson, forstöðumann útflutnings hjá Íslandsstofu.

Berserkir átu líklega ekki berserkjasveppi og berserksgangur telst ekki lengur skilvirk aðferð í stríðsrekstri. Anna Kristín Jónsdóttir.

Stjórnendur sveitarfélaga mótmæla nýjum urðunarskatti harðlega og telja hann einfaldlega nefskatt á íbúa landsins. Þetta kom fram á fjármálaráðstefnu sveitarfélaga í dag. Fjármálaráðherra segir að vinna þurfi betur í frumvarpinu.

Viskíframleiðendur í Skotlandi eru uggandi vegna áforma Bandaríkjamanna um að leggja 25 prósenta toll á framleiðslu þeirra. Bandaríkjamenn keyptu af þeim viskí fyrir meira en einn milljarð sterlingspunda í fyrra.

Framkvæmdastjóri Birtu lífeyrissjóðs vill að farið verði ofan í rekstrarsögu fjárfestingasjóðsins Gamma Novus.

Fjórir létust þegar maður, vopnaður hnífi, réðst inn í lögreglustöð í miðborg Parísar í dag. Árásarmaðurinn vann á stöðinni. Hann var skotinn til bana.

Það hvort Bretar ganga úr ESB með eða án samnings gæti ráðist á næstu sólarhringum.

Ertu orðinn svona gamall? spyr fólk Ásgeir Hólm, sem gantast með að honum líði stundum eins og hann hafi gert eitthvað af sér. Hann er 78 ára og hætti aldrei að vinna, sneiddi í raun hjá þeim tímamótum sem fylgja starfslokum.

Aðeins eitt íbúðarhús er kynt með olíu á höfuðborgarsvæðinu. Eigandinn segir að borgin vilji rífa húsið og neiti honum um hitaveitu.

Nýr forstjóri Gamma segir að leitað verði skýringa á því hvers vegna eigið fé fjárfestingasjóðs í eigu Gamma þurrkaðist nánast upp. Fundur með kröfuhöfum hefur verið boðaður á þriðjudag.

Seðlabankastjóri vill ekki svara því hvort nú sé rétti tíminn fyrir ríkið að selja Íslandsbanka. Hann hafi ekki verðmat bankans við höndina.

Minni hætta er á gasmengun frá hlaupinu í Múlakvísl nú en í gærkvöld þar sem farið er að hvessa. Hvassviðrið verður til þess að gas safnast síður saman í lægðum.

Bernie Sanders, sem stefnir að því að verða frambjóðandi Demókrataflokksins í forsetakosningum í Bandaríkjunum hefur aflýst öllum fundum um óákveðinn tíma af heilsufarsástæðum.

Undirbúningur er hafinn að nýrri kvikmynd um Línu langsokk, í tilefni þess að á næsta ári eru liðin 75 ár frá því að fyrsta bókin um hana kom út.

Þrír staðir á landinu eru nær alfarið háðir olíu, bæði til að fá rafmagn og kynda upp hús. Ekki eru horfur á að breytingar verði á þessu í nánustu framtíð. Arnar Páll segir frá olf ræðir við Sigurð Bjarnason í Grímsey, Braga Benediktsson á Grísmsstöðum á Fjöllum og Hafstein Guðmundsson í Flatey.

Fyrir fáeinum árum kusu íbúar í Gautaborg um hvort leggja ætti sérstakan skatt á bílaumferð um miðborgina, til að draga úr umferðarteppum og fjármagna miklar samgönguúrbætur. Skattinum var hafnað af meirihluta kjósenda. En hvað með það? Skatturinn, sem hafði þá þegar verið tekinn upp, var áfram í gildi. Og er enn.

Kári Gylfason í Gautaborg segir frá.

Anna Kristín Jónsdóttir segir frá tillögum Boris Johnson um útgöngu Breta úr ESB og ræðu sem hann hélt á fundi Íhaldsflokksins í dag

Fylgi flokka breytist lítið milli mánaða í nýjum þjóðarpúlsi Gallups en væri kosið nú næðu ríkisstjórnarflokkarnir ekki meirihluta á þingi. Milla Ósk Magnúsdóttir sagði frá.

Gjaldþrot WOW air á stærstan hlut í tveggja og hálfs milljarðs tapi Isavia á fyrri helmingi ársins. Birgir Þór Harðarson sagði frá.

Án samningsins um evrópska efnahagssvæðið væri hætta á einangrun, stöðnun og afturför í íslensku þjóðfélagi að dómi starfshóps utanríkisráðherra sem skilaði af sér í dag. Magnús Geir Eyjólfsson ræddi við Guðlaug Þór Þórðarson utanríkissráðherra um samninginn.

Áhyggjur vaxa í Frakklandi vegna mengunar af völdum eldsvoða í efnaverksmiðju í síðustu viku. Bændum í nágrenni hennar hefur verið bannað að selja afurðir sínar. Ásgeir Tómasson tók saman.

--------------

Samgöngusáttmálinn sem undirritaður var í síðustu viku er afar mikilvægt skref en framundan er vinna og mögulega átök í þinginu, ekki síst um útfærslu gjaldheimtu segja Reykjavíkurþingmennirnir Hanna Katrín Friðriksson, (Viðreisn) og Kolbeinn Óttarsson Proppé (VG)

Umsjón: Anna Kristín Jónsdóttir

Tæknimaður: Ragnar Gunnarsson

Stjórn útsendingar: Ingibjörg Sara Guðmundsdóttir

Öllum starfsmönnum hjá fiskvinnslunni Ísfiski á Akranesi var sagt upp í dag, sextíu manns missa vinnuna ef Ísfiski tekst ekki að endurfjármagna. Vilhjálmur Birgisson formaður Verkalýðsfélags Akraness segir þetta þungt högg fyirir Akurnesinga og frekari blikur á lofti í atvinnumálum.

Forsætisráðherra lagði í dag fram lagafrumvarp um heimild til að greiða bætur vegna sýknudóms Hæstaréttar í Guðmundar- og Geirfinnsmálinu. Andri Yrkill Valsson segir frá.

Rekstur flugfélaga í innanlandsflugi er þungur og ólíklegt að skoska leiðin leysi vanda félaganna. Þetta segir Hörður Guðmundsson forstjóri Ernis sem segir erfitt að keppa við aðrar samgöngur sem niðurgreiddar eru af hinu opinbera. Magnús Geir Eyjólfsson talaði við Hörð.

Dagur B. Eggertsson, borgarstjóri gefur ekki mikið fyrir gagnrýni formanns VR um að sala á Keldnalandi muni gera erfitt að byggja hagkvæmt húsnæði þar - líkt og kveðið er á um í Lífskjarasamningnum.

Fjármálaráðherra Bretlands boðar hækkun lágmarkslauna, 25 milljarða sterlingspunda til vegamála og fimm milljarða til að styrkja stafræna innviði þannig að netsamband verði um nánast allt landið. Hann ítrekar að Bretar gangi úr Evrópusambandinu eftir einn mánuð með samningi eða án. Ásgeir Tómasson segir frá.

------------

Fasteignamarkaðurinn er hagstæðari kaupendum en ungt fólk mætir enn hindrunum, segir Guðmundur Sigfinnsson hagfræðingur hjá Íbúðalánasjóði. Ungt fólk eigi frekar eftir að kaupa íbúðir sem rísa í úthverfum en lúxusíbúðir miðsvæðis. Arnhildur Hálfdánardóttir talaði við hann.

Flokksþing Íhaldsflokksins er haldið í skugga uppljóstrana um einkamál Boris Johnson og óvissu um Brexit-áætlun hans. Sigrún Davíðsdóttir segir frá.

Tilraunaverkefni eru að hefjast með fiskeldi í búrum neðansjávar. Ekki er þörf á hefðbundnu fóðri því sérsök ljóstækni sér um að lokka átu inn í búrin. Arnar Páll Hauksson ræddi við Hafstein Helgason sviðsstjóra viðskiptaþróunar hjá Eflu.

Hreinn Loftsson hefur verið ráðinn aðstoðarmaður Áslaugar Örnu Sigurbjörnsdóttur, dómsmálaráðherra. Hreinn var lögmaður í máli gegn Haraldi Jóhannessen ríkislögreglustjóra.

Forseti Bandaríkjanna neitar því staðfastlega að hafa brotið af sér í símtali við forseta Úkraínu. Demókratar segja að málið liggi ljóst fyrir enda sé vitað hvað forsetunum fór á milli.

Stefnt er að því að Ísland verði leiðandi á heimsvísu í sjálfbærni ferðaþjónustu. Ferðaþjónustan er víða farin að nálgast þolmörk.

Aukin samkeppni frá litlum fjármálafyrirtækjum, fjártæknifyrirtækjum og lífeyrissjóðum vó þungt í þeirri ákvörðun stjórnenda Arion banka að segja upp hundrað starfsmönnum.

Fulltrúar ungmenna sem efnt hafa til loftslagsverkfalla á Austurvelli á föstudögum urðu fyrir vonbrigðum á fundi með ráðherrum í dag þar sem þau afhentu þeim kröfugerðir.

Lýðræðissinnar í Hong Kong eru mættir til mótmæla sem eiga að standa fram á þriðjudag, þegar Kínverjar fagna sjötíu ára afmæli alþýðulýðveldisins.

Fjölmiðlanefnd er ekki starfhæf. Skipun nýrrar nefndar hefur frestast þar sem Blaðamannafélag Íslands hefur ekki ákveðið hvort það ætlar að tilnefna sinn fulltrúa.

Hvernig verða bankar framtíðar? Verða kannski engir bankar? Undanfarin ár hafa orðið hraðar breytingar í bankageiranum og það eru frekari breytingar framundan. Breytingar sem áttu þátt í því að hundrað starfsmönnum var sagt upp í Arion banka í gær. Arnhildur Hálfdánardóttir talar við Gunnlaug Jónsson.

Ólafur Árnason hjá Verkfræðistofunni Eflu hefur verkstýrði hópi fólks sem rýndi í gögn um ástand ferðaþjónustunnar í dag og hvernig best væri að standa að atvinnugreininni í framtíðinni. Kristján Sigurjónsson ræddi við Ólaf í dag.

Tyrkneskir sjónvarpsþættir fara sigurför um heiminn og eru orðnir ein helsta útflutningsvara landsins. Vinsældir draumasmiðjunnar í Tyrklandi á heimsvísu nálgast nú ört Hollywood sem í áratugi hefur verið allsráðandi á markaðnum. Pálmi Jónasson segir frá.

Bankastjóri Arion banka segir að með uppsögnum eitt hundrað starfsmanna í dag sé verið að bregðast við háum sköttum og álögum og harðnandi samkeppnisumhverfi. Hann segir að dagurinn í dag hafi verið erfiður.

Samkomulag sveitarfélaganna á höfuðborgarsvæðinu og ríkisins um 120 milljarða samgönguframkvæmdir á næstu 15 árum var undirritað í dag.

Sérfræðingar Boeing-verksmiðjanna og bandaríska loftferðaeftirlitsins vanmátu viðbrögð flugmanna við erfiðleikum við stjórn MAX-flugvélanna, að því er segir í rannsóknarskýrslu sem birt var í dag.

Icelandair stefnir á að koma Boeing 737 MAX-vélum sínum í loftið í janúar. Þetta segir forstjóri félagsins.

Formaður Öryrkjabandalagsins gagnrýnir að sett sé fram í skýrslum hversu mikill kostnaður það sé fyrir þjóðfélagið að hafa fólk á örorkubótum. ­Það brjóti fólk niður að sitja í rauninni undir ámæli fyrir það að veikjast.

Samgöngusáttmáli höfuðborgarsvæðisins var undirritaður í daga. Undir hann skrifaði ríkið og bæjarstjórar allra sveitarfélaganna sex á höfðuborgarsvæðinu. Samkomulagið hljóðar upp á að 120 milljörðum verði varið til samgönguframkvæmda á næstu15 árum eða fram til árins 2033. Hlutur ríkisins verður 45 milljarðar og sveitarfélaganna 15 milljarðar. 60 milljarða á að afla með sérstakri fjármögnun. Hún felst meðal annars í endurskoðun gjalda af ökutækjum og umferð í tengslum við orkuskipti eða með beinum framlögum við sölu á eignum ríkisins. Arnar Páll Hauksson talar við Sigurð Inga Jóhannsson.

Hundrað starfsmenn Arions banka misstu vinnuna í dag. Fleiri hafa ekki misst vinnuna í einu hjá fjármálafyrirtæki síðan haustið 2008. Hugsanlega verður árið í ár stærsta hópuppsagnaárið frá hruni. Forstjóri Vinnumálastofnunar telur að botninum sé ekki alveg náð. Hún skrifar hópuppsagnirnar nú á efnahagsástandið og aukna sjálfvirknivæðingu. Arnhildur Hálfdánardóttir talar við Unni Sverrisdóttur.

Dómsmálaráðuneytið þarf að útskýra hvers vegna það áminnti ekki Harald Johannessen, ríkislögreglustjóra, þótt hann hafi gerst sekur um ámælisverða framgöngu í starfi.

Breska þingið kom aftur saman í dag eftir að hæstiréttur Bretlands úrskurðaði þinghlé Johnsons ólöglegt í gær.

Bandaríkjaforseti segir að ákvörðun Demókrata um að láta rannsaka embættisfærslur hans sé heimatilbúin krísa. Útskrift var birt í dag á símtali hans og forseta Úkraínu.

Gólf Lagarfljótsbrúar milli Egilsstaða og Fellabæjar er orðið mjög lélegt og málmgrindur sem hlífa því götóttar. Rekstrarstjóri Dekkjahallarinnar á Egilsstöðum segir að einn til tveir á dag sprengi dekk þegar brot og hlutir úr brúnni stingast í dekkin.

Hlýnun á norðurskautssvæðinu hefur verið yfir tvöfalt meiri en að meðaltali á jörðinni síðustu tvo áratugi. Grænlandsjökull hefur rýrnað árlega um 280 milljarða tonna.

Hrafnhildur Hannesdóttir jöklafræðingur og Halldór Björnsson hópstjóri loftslagsrannsókna, sem bæði starfa á Veðurstofu Íslands ræddu málið við Arnar Pál Hauksson.

Innflutningur á bragðbættu vatni, gosdrykkjum og óáfengu öli hefur aukist mikið á síðustu tveimur árum. Stærstu drykkjarframleiðendurnir á Íslandi, Ölgerðin og CCEP, áður Vífilfell, fara ólíkar leiðir í innflutningi og framleiðslu. Arnhildur Hálfdánardóttir ræðir við Andra Þór Guðmundsson, forstjóra Ölgerðarinnar og Stefán Magnússon, sölustjóra hjá CCEP