Andlát manns í húsbíl sem brann í Grafningi á föstudagskvöld var líklega slys, að sögn Odds Árnasonar yfirlögregluþjóns. Engu hefði breytt þótt símtal í Neyðarlínuna um kvöldið hefði skilað sér rétta leið. Neyðarlínan og Ríkislögreglustjóri harma að það hafi misfarist. Stígur Helgason tók saman.

Lögregla í Hvíta-Rússlandi hótar að skjóta stjórnarandstæðinga ef þeir hætta ekki mótmælum gegn Lúkasjenkó, forseta landsins. Ásgeir Tómasson sagði frá

Sigríður Á. Andersen, þingmaður Sjálfstæðisflokksins segir löngu tímabært að endurskoða sóttvarnarlög og ræða heimildir og forsendur beitt hefur verið. Katrín Jakobsdóttir, forsætisráðherra segir að réttur fólks til lífs og heilsu trompi ýmis réttindi.

Aðalsteinn Hákonarson. formaður mannanafnanefndar segir að sér lítist vel á frumvarp dómsmálaráðherra um að fella nefndina niður en það væri miður ef breytingar á mannanafnalögum yrðu til þess að íslenski kenninafnasiðurinn léti undan. Systurnar Eydís Rán og Ingibjörg Sædís vilja hins ekki kenna sig við foreldra sína heldur búa sér til sitt eigið ættarnafn. Það hafa þær ekki mátt hingað til.

Njáll Trausti Friðbertsson, þingmaður Sjálfstæðisflokksins segir að það hafi verið mikil vonbrigði að lesa fréttir um að formaður Viðreisnar hafi farið svig við tilmæli sóttvarnaryfirvalda og spilað golf í Hveragerði. Þingmenn á landsbyggðinni leggi mikið á sig til að sinna störfum sínum í breyttu landslagi.

---

Geymsluvandi íslenskra safna er víða býsna alvarlegur - helst að ástandið sé þokkalegt á Þjóðminjasafninu. Höfuðsöfn hrjáir plássleysi, brunavörnum er ábótavant og hætta á skemmdum vegna raka og vatnsleka eins og fram kom í fréttaskýringarþættinun Kveik í síðustu viku. Í greinargerð vegna Fjármálaáætlunar ríkisins 2021-2025 segir beinlínis að menningararfur þjóðarinnar sé í hættu og geti glatast að einhverju leyti ef ekki sé tekið á þessum geymslumálum með heildstæðum hætti. Lilja Alfreðsdóttir, menningar- og menntamálaráðherra segir þetta auðvitað umhugsunarefni fyrir menningarþjóð en verið sé gera margt gott. Anna Kristín Jónsdóttir ræddi við Lilju.

Í síðustu viku var Bretland í fjórða sæti á listanum, sem enginn vill vera á, heimslistanum yfir mesta útbreiðslu Covid-19 veirunnar. Nú verða aðgerðir hertar þar í landi.

Vafasamir viðskiptahættir Norður-Kóreumanna eru afhjúpaðir í nýjum dönskum heimildaþætti sem vakið hefur mikla athygli. Þar kemur fram að í boði eru viðskipti með vopn og eiturlyf til að afla tekna fyrir landið.

Spegillinn 9. Október 2020

Umsjón: Kristján Sigurjónsson

Tæknimaður: Ragnar Gunnarsson

Ríkissjóður greiðir allt að 120 milljónum króna í lokunarstyrki til fyrirtækja sem þurfa að loka vegna sóttvarnaaðgerða. Von er á styrkjunum á allra næstu dögum, segir forsætisráðherra.

Frumvarp umhverfisráðherra um hálendisþjóðgarð verður sent stjórnarflokkunum til afgreiðslu. Þetta var ákveðið á fundi ríkisstjórnarinnar í dag.

Viðræður eru hafnar í Moskvu um vopnahlé í Nagorno-Karabakh. Aserar gefa Armenum eitt tækifæri til viðbótar til að leysa deilurnar friðsamlega.

Sanngirnisbætur verða greiddar til barna með fötlun sem dvöldu á litlum vistheimilum og voru beitt misrétti. Ríkisstjórnarfrumvarp þess efnis verður lagt fyrir Alþingi síðar í mánuðinum.

Svo gæti farið að fjölga þurfi plássum í farsóttarhúsinu í Reykjavík á næstunni. Nú eru 56 í einangrun í farsóttarhúsinu og 32 í sóttkví.

Þetta kemur fram í stöðuskýrslu frá almannavarnadeild Ríkislögreglustjóra í dag.

Börn sem mættu meira í leikskólann í fyrstu bylgju COVID höfðu minni áhyggjur af ástandinu en þau börn sem voru aðallega heima. Þetta kemur fram í óformlegri könnun sem Jóhann Friðjónsson, leikskólakennari gerði meðal elstu barna leikskólans Lundarsels á Akureyri.

Lengri umfjallanir:

Matvælastofnun Sameinuðu þjóðanna fær friðarverðlaun Nóbels í ár. Þetta eru ein virtustu verðlaun sem veitt eru hvert ár í heiminum og val á verðlaunahafa hefur oft vakið deilur. Svo er ekki nú en hins vegar nefndi stofnandinn, Alfreð Nobel, aldrei mat í stofnskrá sinni. Gísli Kristjánssonsegir frá.

Skólabörn á Íslandi hafa ekki farið varhluta af áhrifum COVID-19 farsóttarinnar frekar en aðrir. Síðustu daga hefur hún gert enn óþyrmilega vart við sig, hundruð nemanda hafa þurft að fara í sýnatökur og sóttkví og skólastarfið allt úr skorðum. Hrefna Sigurjónsdóttir, framkvæmdastjóri Heimilis og skóla, segir margt leggjast á börn og foreldra þessa dagana, samt sé ekki útilokað að eitthvað jákvætt komi út úr þessari þolraun. Anna Kristín Jónsdóttir talar við Hrefnu.

Það er erfitt fyrir ríkisstjórnir, líkt og aðra, að skipuleggja nokkurn skapaðan hlut á Covid-19 tímum. Í Bretlandi hefur þetta verið ljóst frá því í byrjun mars, þegar fjármálaráðherra tilkynnti um veiruaðgerðir upp á 350 milljarða punda, sex dögum eftir að hann ætlaði 12 milljarða í aðgerðirnar. Nú kalla ólíkar aðstæður í einstökum landshlutum á ólíkar efnahagsaðgerðir. En veirufaraldurinn afhjúpar einnig enn frekar tekju- og aðstöðumun í norður- og suðurhluta Bretlands, sem núverandi stjórn hafði sett sér að m

Þórólfur Guðnason, sóttvarnalæknir segir tímaspursmál hvenær faraldurinn berst yfir í eldra fólk og viðkvæma hópa. Nýgengi innanlandssmita er nálægt 200 samkvæmt nýjustu tölum. Þrír eru í öndunarvél á gjörgæslu með covid-19. Ingvar Þór Björnsson sagði frá, Bjarni Rúnarsson tók saman.

Ekki er tímabært að loka grunnskólum og senda nemendur heim þrátt fyrir vaxandi fjölda smita í samfélaginu. Þetta segir Þorsteinn Sæberg, formaður Skólastjórafélags Íslands. Hátt í hundrað börn á aldrinum 6 til 17 ára eru nú í einangrun. Þorgerður Laufey Diðriksdóttir, formaður félags Grunnskólakennara segir miklu skipta að halda daglega rútínu. Höskuldur Kári Schram ræddi við þau.

Donald Trump Bandaríkjaforseti segist ekki ætla að að eyða tíma sínum í rafrænar kappræður við Joe Biden forsetaefni Demókrata.

Guðmundi Guðlaugssyni, sem sat saklaus í einangrun í tíu daga vorið 2010, voru í sumar dæmdar 5,6 milljónir í bætur fyrir tekjutap. Fleiri bótamál hans á hendur ríkinu upp á tugi milljóna eru nú fyrir dómi. Stígur Helgason sagði frá.

Sigmundur Davíð Gunnlaugsson vissi ekki af því að nafn hans væri að finna á umdeildum undirskriftalista þar sem hvatt er til þess að sóttvarnaaðgerðir í heiminum verði mildaðar.

Rúmenar og Íslendingar eigast í kvöld við á Laugardalsvelli í umspili um sæti á EM karla í fótbolta. Þorkell Gunnar Sigurbjörnsson segir frá byrjunarliði Íslendinga.

-------------

Ragnar Þór Pétursson, formaður Kennarasambands Íslands segir að kennurum sé mörgum ekki rótt vegna þess hve erfitt er að koma við sóttvörnum í kennslu. Svo virðist sem tengsl séu milli vanlíðunar og þess hvort fólk hefur stjórn á aðstæðum sínum í vinnu. Anna Kristín Jónsdóttir ræddi við Ragnar.

Tæplega 15 þúsund færri starfsmenn fyrirtækja sem tengjast ferðaþjónustu fengu greidd laun í ágúst en á sama tíma í fyrra. Samkvæmt tölum frá Hagstofunni fækkaði þeim sem fengu greidd laun í flestum atvinnugreinum. Hins vegar fjölgar mest í opinbera geiranum eða um rúmlega sex þúsund. Arnar Páll Hauksson ræddi við Kristínu Arnórsdóttur sérfræðing á Hagstofunni.

Í Noregi er því spáð að heimsfaraldurinn vegna kórónuveirunni marki endalokin á rekstri fríhafna á helstu flugvöllum landsins. Að fók fái aldrei aftur að kaupa áfengi á niðursettu verði eftir að það stígur út úr millilandaflugvélum. Gísli Kristjánsson útskýrir málið.

Umsjón: Anna Kristín Jónsdóttir. Tæknimaður: Magnús Þorsteinn Magnússon.

Landspítali á enn eftir að útskrifa um þrjátíu sjúklinga úr hjúkrunarrýmum sem þurfa ekki að vera þar, til að mæta álagi í þriðju bylgjunni. Már Kristjánsson ,yfirlæknir býst við að innlögnum á spítalann fjölgi á næstu dögum. Þar eru nú 18 COVID-smitaðir. Hólmfríður Dagný Friðjónsdóttir tók saman.

Nýhertar sóttvarnaaðgerðir hafa ekki teljandi áhrif á skólastarf í Reykjavík segir Helgi Grímsson, sviðsstjóri skóla- og frístundasviðs borgarinnar.

Kórónuveirusmit í Evrópu eru komin yfir sex milljónir. Ástandið er verst í Rússlandi. Ásgeir Tómasson sagði frá.

Bergþóra Þorkelsdóttir, forstjóri Vegagerðarinnar segir að ný skýrsla sýni að það malbik sem lagt var á nokkra vegkafla í höfuðborginni í sumar hafi ekki staðist þær kröfur sem gerðar voru í útboði stofnunarinnar. Ekki hefur verið tekin ákvörðun um hvort málið verði kært.

Félagsmenn í fimm af sex stéttarfélögum hjá Rio Tinto í samþykktu verkfallsboðun með miklum meirihluta

Ummæli landbúnaðarráðherra um að sauðfjárbúskapur snúist um lífsstíl, ekki afkomu, hittir marga bændur illa fyrir í miðri sláturtíð segir Unnsteinn Snorri Snorrason, framkvæmdastjóri Landssamtaka sauðfjárbænda. Úlla Árdal talaði við hann.

---

Endurskoða á sóttvarnalög á grundvelli reynslu af COVID-19 heimsfaraldri. Páll Hreinsson fór í morgun á fundi stjórnskipunar og eftirlitsnefndar yfir greinargerð sem hann var fenginn til að skrifa um gangverk sóttvarnlaga í ljósi ríkisréttar. Anna Kristín Jónsdóttir tók saman.

Rjúpnastofninn hefur ekki verið minni í aldarfjórðung. Náttúrufræðistofnun leggur til að mjög verði dregið úr veiðum. Arnar Páll Hauksson talaði við Ólaf K. Nielsen, fuglafræðing.

Boðaðar breytingar á sænskri vinnulöggjöf hafa vakið miklar deilur og sagðar geta markað endalok sænska módelsins.

Umsjón: Anna Kristín Jónsdóttir. Tæknimaður: Markús Hjaltason

Umsjónarmaður: Ásrún Brynja Ingvarsdóttir

Sóttvarnalæknir leggur til hertar aðgerðir á höfuðborgarsvæðinu vegna fjölda smita sem þar hafa greinst undanfarna daga. Tveggja metra regla verður tekin upp næstu tvær vikur og grímuskylda við ákveðnar aðstæður.

Kári Stefánsson, forstjóri Íslenskrar erfðagreiningar, vill að tekin verði upp grímuskylda á Íslandi. Hann segir að óskynsamlegt sé að hertar reglur gildi ekki líka úti á landsbyggðinni.

Thor Aspelund, sem hefur gert spálíkön um útbreiðslu veirunnar, segir að smitstuðullinn sé hærri nú en í fyrstu bylgju faraldursins. Það þýði að veiran dreifi sér af meiri krafti.

Donald Trump kveðst vera orðinn nógu heilsuhraustur til að mæta Joe Biden, mótframbjóðanda sínum, í sjónvarpskappræðum í næstu viku.

Lengri umfjallanir:

Tveggja metra reglan verður tekin upp á ný á höfuðborgarsvæðinu og grímunotkun verður skylda við ákveðnar aðstæður vegna aukningar á smitum síðustu daga. Þórólfur Guðnason sóttvarnalæknir leggur til að hertar aðgerðir taki gildi sem fyrst og gildi í tvær vikur. Hann segir það vera vonbrigði að þurfa að koma fram með tillögur að hertum aðgerðum en það sé nauðsynlegt. Níutíu og níu smit greindust innanlands í gær, öll nema fimm á höfuðborgarsvæðinu. Þórólfur segir að það eigi eftir að taka eina til tvær vikur að sjá árangur af aðgerðunum. Ásrún Brynja Ingvarsdóttir tók saman.

En hvers vegna erum við komin á þennan stað í dag? 99 smit. Kári Stefánson, forstjóri Íslenskrar erfðagreiningar, segir að einhverjir smitaðir einstaklingar hafi komist inn í landið í kringum 15. ágúst meðal annars tveir smitaðir ferðamenn frá Frakklandi. Samskonar smit og þeir voru með hafi borist út í samfélagið. Hann ætli ekki að dæma um það hvort smiðið hafi komið frá þeim eða einhverjum öðrum sem komu með sömu vél. Arnar Páll Hauksson ræddi við Kára, Thor Aspelund og Má Kristjánsson.

Umsjón: Pálmi Jónasson

Á fjórða tug kórónuveirusmita eru rakin til æfinga hjá Hnefaleikafélagi Kópavogs.

Allir þeir sem eru á gjörgæsludeild Landspítala vegna COVID-19 eru nú í öndunarvél.

Landlæknir segir álagið á Landspítala mikið, en verið sé að útskrifa sjúklinga til nágrannasveitarfélaganna til að létta álagið.

Læknar Donalds Trumps Bandaríkjaforseta hafa enn ekki tilkynnt hvort hann verði útskrifaður af sjúkrahúsi í dag. Þar hefur hann verið frá því á föstudagskvöld.

Um helmingur sjómanna þjáist af mígreni og tæplega 90 prósent þeirra sem starfa í greininni hafa orðið sjóveikir, samkvæmt nýrri rannsókn.

Lengri umfjallanir:

„Það er ólíklegt en alls ekki fráleitt að Trump vinni,“ segir Eiríkur Bergmann stjórnmálafræðiprófessor um forsetakosningarnar í Bandaríkjunum 3. nóvember. Síðustu fjórar vikur kosningabaráttunnar verða mjög spennandi. Pálmi Jónasson ræðir stöðuna við Eirík í Speglinum.

Framkvæmdastjóri Samtaka ferðaþjónustunnar segir lífsnauðsynlegt að halda lífi í fyrirtækjum sem hafa orðið fyrir miklu tekjutapi. Það sé mikilvægt vegna verðmætasköpunar á næsta ári. Arnar Páll Hauksson segir frá.

Eftir að fara brattur af stað í mars með loforð um að bjarga störfum undan veirufaraldrinum, hefur Rishi Sunak fjármálaráðherra Breta þurft að viðurkenna, eins og fleiri starfsbræður hans, að það er ekki hægt að bjarga öllum störfum á Covid-19 tímum, bara lífvænlegum störfum í lífvænlegum geirum. En markvissar aðgerðir og fjárlagahalli er líka höfuðverkur. Sigrún Davíðsdóttir segir frá.

Umsjón: Anna Kristín Jónsdóttir

Tæknimaður: Mark Eldred

Skimanir á landamærum verða óbreyttar næstu mánuði. Smit víða í samfélaginu eru áhyggjuefni segir Katrín Jakobsdóttir forsætisráðherra og fyrir liggi að kunni að koma til hertra aðgerða. Þórólfur Guðnason, sóttvarnalæknir íhugar aðgerðir innanlands í líkingu við það sem var í vetur, en hefur ekki skilað minnisblaði um það til heilbrigðisráðherra. Alma Ómarsdóttir talaði við hann.

Donald Trump er með væg sjúkdómseinkenni eftir að hafa smitast af kórónuveirunni. Hann sinnir skyldustörfum sínum í Hvíta húsinu þrátt fyrir veikindin. Ásgeir Tómasson sagði frá.

Kona, sem fór í leghálsskimun hjá Leitarstöð krabbameinsfélagsins árið 2013 án athugasemda, greindist með krabbamein í legi tveimur árum síðan. Nýverið bað hún um að sjö ára gamalt sýni sitt yrði endurskoðað, henni var sagt að ekki hefði náðst í hana á sínum tíma til að láta hana vita af því að það hefur fundist frumbreytingar. . Mál hennar er eitt þeirra átta mála sem vísað hefur verið til landlæknis. Anna Liilja Þórisdóttir talaði við Sævar Þór Jónsson, lögmann konunnar.

Það er skynsamlegt að reka ríkissjóð með halla næstu ár, því ef ríkið tekur ekki á sig áfallið vegna kórónuveirunnar dreifist það ójafnt innan samfélagsins.

Þetta segir Gylfi Magnússon, forseti viðskiptafræðideildar Háskóla Íslands og fyrrverandi fjármálaráðherra. Þá hjálpi mikið til að vextir séu í sögulegu lágmarki. Þórhildur Þorkelsdóttir talaði við hann.

Stefnt er að því að Ísland verði óháð jarðefnaeldsneyti fyrir 2050 í nýrri orkustefnu sem var kynnt í dag. Þórdís Kolbrún Reykfjörð Gylfadóttir segir að nýrri orkustefnu fylgi skýr sýn á sjálfbæra orkuframtíð.

Fræðslusvið Akureyrarbæjar hefur sent erindi til starfsfólks leik- og grunnskóla bæjarins og meðal annars mælst til þess að starfsfólk fari ekki að nauðsynjalausu þangað sem nýgengi smita er hátt. Karl Frímannsson, sviðsstjóri segir tryggt skólastarf skipta bæði börn og samfélagið allt miklu.

---

Það er brekka framundan og við stöndum frammi fyrir einni mestu niðursveiflu í efnahagsmálum heimsins. Fjármál sveitarfélaganna og þjóðarbúskapurinn eru nátengd og óvissan í efnahagslífinu verður að óvissu um fjármál sveitarfélaganna, segir Sigurður Á. Snævarr sem stýrir hag- og upplýsingasviði Sambands íslenskra sveitarfélaga. Hann fór yfir afkomu og horfur á fjármálaráðstefnu sambandsins í morgun. Anna Kristín Jónsdóttir talaði við hann.

Flest lönd eiga fullt í fangi með Covid-19 faraldurinn. Í Bretlandi bætist Brexit ofan á þá raun. Það hafa verið ýmsar ögurstundir

Að meðaltali tveir COVID sjúklingar leggjast nú inn á Landspítalann á sólarhring að sögn forstjóra spítalans sem segir holskeflu skella á honum. Hann segir brýnt að taka á fráflæðivandanum og sendi í dag út ákall til heilbrigðisstarfsmanna um að leggja spítalanum lið, nú þurfi allar hendur upp á dekk

Forseti Íslands hvatti þingmenn við þingsetninguna í dag til að taka tillögur að stjórnarskrárbreytingum til efnislegrar umræðu.

Stjórnvöld á Ítalíu vilja framlengja neyðarlög vegna COVID-19 farsóttarinnar til janúarloka. Að óbreyttu falla þau úr gildi um miðjan þennan mánuð.

Gert er ráð fyrir að hallinn á fjárlögum næst árs verði 264 milljarðar króna og að samanlagður halli í ár og á næsta ári veriði um 600 miljarðar króna. Fram til ársins 2025 er áætlað að uppsafnaður halli ríkisjóðs nemi um 900 milljörðum króna. Skattar verða um 52 milljöðrum lægri á næsta ári. Efnahagsleg áhrif kórónuveirufaraldursins eru metin á 192 milljarða. Hagstofan spáir 3,9% hagvexti á næsta ári eftir 7,6% samdrátt á þessu ári. Spáin byggist á því að ekki þurfi að grípa til harðra sóttvarnaraðgerða á næsta ári. Heyrist í Bjarna Benediktssyni. Arnar Páll Hauksson talar við Drífu Snædal, Loga Einarsson Þorgerðir Katrínu Gunnarsdóttur, Sigmund Davíð Gunnlaugsson, Björn Leví Gunnarsson og Ingu Sæland.

Bandaríkin verða kannski aldrei aftur eins og við þekktum þau, jafnvel þótt Joe Biden sigri í forsetakosningunum í næsta mánuði. Þetta segir Silja Bára Ómarsdóttir stjórnmálafræðingur. Íslendingar þurfi sennilega að fara að svipast um eftir nýjum bandamönnum. Sigríður Hagalín Björnsdóttir talaði við Silju Báru

Tap Isavía á fyrri hluta ársins nemur hátt í átta milljörðum. Tekjur fyrirtækisins drógust saman um 97% á öðrum ársfjórðungi.

Tilkynningar um hópuppsagnir tæplega 300 manns hafa borist Vinnumálastofnun nú fyrir lok mánaðar.

Talið er mögulegt að fimm skipverjar togara sem er á leið til Seyðisfjarðar séu smitaðir af kórónuveirunni.

Verkefnastjóri á hjúkrunarheimilinu Eir í Grafarvogi segir að litlar heimtur séu úr bakvarðasveit velferðarþjónustunnar. Fimm starfsmenn eru í sóttkví.

Landsbankinn er stærsti hluthafinn í Icelandair eftir hlutafjárútboð fyrr í mánuðinum, með sjö og hálfs prósents hlut, og Íslandsbanki er þriðji stærsti hluthafinn, með sex og hálft prósent. Gildi lífeyrissjóður kemst upp á milli þeirra með 6,6 prósenta hlut. Þetta kemur fram í tilkynningu sem Icelandair birti í Kauphöllinni. Lífeyrissjóður starfsmanna ríkisins er fjórði stærsti hluthafinn með rúmra sex prósenta hlut og Brú, lífeyrissjóður starfsmanna sveitarfélaga, sá fimmti með tæpra fimm prósenta hlut.

Foreldrar eiga rétt á að fá greidd laun á meðan þeir annast börn í sóttkví. Smitist börnin fellur þessi réttur úr gildi.

Flugvirkjar sem starfa hjá Landhelgisgæslunni hafa boðað verkfall í lok næsta mánaðar.

Nýr meirihluti í Múlaþingi vill að Björn Ingimarsson bæjarstjóri á Fljótsdalshéraði verði bæjarstjóri nýja sveitarfélagsins.

Flestir eru sammála um að fyrstu kappræður frambjóðendanna í bandarísku forsetakosningunum í nótt hafi verið ómálefnalegar, rætnar og háværar, og hvorugur þátttakandinn hafi grætt á þeim. Silja Bára Ómarsdóttir stjórnmálafræðingur telur að þær geti helst orðið til þess að fæla óákveðna kjósendur frá kjörstað. Það sé Joe Biden og Demókrötum í óhag. Sigríður Hagalín Björnsdóttir talar við Silju Báru Ómarsdóttur.

Svo getur farið að allsherjarverkföll hefjist í tveimur álverum í byrjun desember. Í álverinu í Straumsvík og álveri Norðuráls á Grundartanga. Atkvæðagreiðsla hefst á föstudaginn meðal starfsmanna Ísals í Straumsvík um að skæruverkföll hefjist 16. október og allsherjarverkfall 1. desember. Arnar Páll Hauksson talar við Kolbein Gunnarsson og Vilhjálm Birgisson.

Eftir fjármálakreppuna 2008, þegar ríkisstjórnir víða um heim tóku á sig skuldir til að bjarga fjármálakerfum landa sinna, var víða tekið á auknum ríkisskuldum með miklum niðurskurði. En það er röng nálgun að líta á opinberar skuldir líkt og skuldir fyrirtækja eða heimila, segja hagfræðingar eins og Stephanie Kelton. Ef ríki skuldar hefur einhver fengið fé og þá skiptir öllu að féð sé vel nýtt, ekki hvort skuldirnar vaxi. Sigrún Davíðsdótti

Umsjón: Kristján Sigurjónsson

Tæknimaður: Magnús Þorsteinn Magnússon

Samtök atvinnulífsins hafa valdið óþarfa óöryggi og usla meðal fólks með því að draga gildi lífskjarasamninganna í efa, segir forseti Alþýðusambands Íslands.

Aðgerðir ríkisstjórnarinnar milda höggið sem fyrirtækin í landinu hafa orðið fyrir segir framkvæmdastjóri Samtaka atvinnulífsins. Ljóst er þó að mörg fyrirtæki verði áfram í miklum vanda.

Formaður Samfylkingarinnar segir ýmislegt gott í aðgerðaáætlun ríkisstjórnarinnar, en ekki sé gengið nógu langt. Hann kallar sérstaklega eftir aðgerðum í þágu atvinnulausra.

Armenar saka Tyrki um að hafa skotið niður flugvél armenska flughersins. Þeir segjast hvergi hafa komið nærri. Hátt í eitt hundrað hafa fallið í bardögum um Nagorno-Karabakh.

Dómsmálaráðherra ætlar að leggja fram frumvörp í byrjun þings sem skýra refsiákvæði gagnvart kynferðislegri friðhelgi og umsáturseinelti.

Stærstu hluthafar í Icelandair Group fyrir hlutafjárútboð eru það ekki lengur. Lífeyrissjóður verslunarmanna var stærstur með tæp 12 prósent en á nú rúmlega tvö prósent. Fjárfestingasjóðurinn PAR Investment Partners átti tíu en á nú tæplega tvö prósent. Hvorugur sjóðurinn tók þátt í útboðinu.

Samtals hafa átta starfsmenn hjá VÍS, Vátryggingafélagi Íslands, greinst með kórónuveirusmit. Flestir þeirra greindust fyrir tíu dögum og þá fóru 75 starfsmenn í sóttkví og unnu að heiman.

Fyrstu kappræður bandarísku forsetaframjóðendanna Joes Bidens og Donalds Trumps verða í nótt. Chris Wallace, fréttamaður FOX News, stýrir umræðunum í Cleveland í Ohio. Sýnt verður beint frá kappræðunum í sjónvarpinu og á ruv.is og hefst útsending klukkan eitt í nótt.

Lengri umfjallanir:

Forsætisráðherra vonast til að þær aðgerðir sem kynntar voru í dag, létti undir hjá atvinnulífinu og auðveldi atvinnurekendum að taka afstöðu til þess að hvort segja eigi upp kjarasamningum. Framkvæmdastjórn Samtaka atvinnulífsins ákvað í dag að hætta við atkvæðagreiðsluna meðal félagsmanna um hvort segja ætti upp samningum. ASÍ vill að stjórnvöld gefi vilyrði fyrir því að atvinnuleysisbætur verði hækkaðar. Katrín Ólafsdóttir hagfræðingur tekur undir þessa körfu. Katrín Jakobsdóttir forsætisráðherra kynnti aðgerðir ríkisstjórnarinnar að loknum ríkisstjórnarfundi í morgun. Arnar Páll Hauksson tekur saman og talar við Katrínu Ólafsdóttur.

Íbúar á höfuðborgarsvæðinu og á Reykjanesskaga þurfa að búa sig undir jarðskjálfta af stærðinni sex til sex komma fimm í náinni framtíð. Það sama á við um Húsvík og nágrenni. Þetta er mat Freysteins Sigmundssonar jarðe