Tveggja milljarða samningur Reykjalundar við Sjúkratryggingar Íslands gæti verið í uppnámi. Allir læknar á Reykjalundi, að þremur undanskildum, hafa sagt upp störfum.

Félagsmálaráðherra segir að ávallt verði að hafa hagsmuni barns í fyrirrúmi þegar því er valið fósturforeldri. Meta þurfi hverju sinni hvort mikið hreyfihamlað fólk sé fært um að taka að sér barn.

Bretar gengu ekki út úr Evrópusambandinu í dag líkt og til stóð. Þess í stað ganga þeir til þingkosninga þann tólfta desember.

Farið verður í mikla vinnu til að koma Íslandi af lista yfir ríki með ónógar varnir gegn peningaþvætti og fjármögnun hryðjuverka. Þetta segir ráðuneytisstjóri.

Um áttatíu starfsmenn ráðgjafafyrirtækisins KPMG hafa veikst af magapest undanfarna daga og hafa veikindin verið tilkynnt til embættis sóttvarnalæknis.

Hæstaréttarlögmaður segir ákveðins misskilnings gæta í umræðunni um miskabætur. Bætur vegna kynferðisbrota séu yfirleitt hærri en bætur vegna ólögmætra uppsagna.

Þegar Norðurlandabúar hittast gera menn að einhverju marki ráð fyrir því að Svíar, Danir og Norðmenn skilji tungumál hverjir annarra. Sá skilningur er þó oft takmarkaður, hvað þá Íslendinganna. Danskur málfræðingur telur að tryggja megi skilning með orðalista.

Það er skemmtilegt að hræða fólk. Þetta segir Torfi Sveinn Ásgeirsson, sem hræddi líftóruna úr félögum sínum í félagsmiðstöðinni Þrótheimum í Laugardal.

Lögmaður Atla Rafns Sigurðssonar leikara segir dóm Héraðsdóms Reykjavíkur sýna að Borgarleikhúsið hafi þverbrotið allar reglur. Leikhúsið var dæmt til að greiða Atla fimm og hálfa milljón króna fyrir að hafa sagt honum upp störfum.

Þrír ungir menn hafa verið úrskurðaðir í gæsluvarðhald vegna stórfellds fíkniefnasmygls, þeirra á meðal starfsmaður á Keflavíkurflugvelli.

Félagsmenn í Blaðamannafélagi Íslands samþykktu nú síðdegis með afgerandi meirihluta að fara í verkfall í næstu viku.

Opinber heimsókn forsetahjónanna á Snæfellsnes hófst í dag. Þau fóru um Snæfellsbæ í dag og verða í Grundarfirði á morgun.

Arne Sólmundsson segir að óháð veiðum séu ekki forsendur í náttúrunni til að byggja upp stóra rjúpnastofna eins og þekktust hér áður fyrr. Hann segir að fjöldi veiðidaga skipti ekki máli heldur hvenær árs sé veitt. Hann hefur rýnt í gögn um rjúpuna sem staðfesti að viðkoma hennar hafi minnkað um fimmtung frá árinu 2004. Arnar Páll Hauksson tlar við Arne Sólmundsson.

Tveir af hverjum fimm núlifandi Íslandingum voru sendir í sveit á sumrin. Þetta kemur fram í viðamikilli rannsókn um hvers vegna krakkar voru sendir í sveit. Jónína Einarsdóttir, sem stóð að rannsókninni, segir að í raun haf sveitunum verið falið eða verið fengið það hlutverk að ala upp þéttbýlisbörnin. Arnar Páll Hauksson talar við Jóníu Einarsdóttur.

Spegillinn 28. október 2019

Umsjón: Kristján Sigurjónsson

Tæknimaður: Magnús Þorsteinn Magnússon

Stjórn SÍBS samþykkti á fundi sínum í dag að skipuð verði þriggja manna starfsstjórn yfir rekstri Reykjalundar. Stjórn SÍBS hefur þá enga aðkomu að stjórnun stofnunarinnar.

Lagafrumvarp sem kveður á um að Bretar gangi til þingkosninga 12. desember er nú til umræðu á breska þinginu.

Ríkislögreglustjóri hefur gengist við migjörðum sínum í samskiptum sínum við rithöfnund og þáttastjórnanda á Hringbraut segir dómsmálaráðuneytið.

Áhættufjárfestingar skýra að einhverju leyti að ávöxtun lífeyrissjóða hefur minnkað mjög síðustu ár, segir verkfræðingursem hefur borið saman ávöxtun lífeyrissjóða. Lífeyrisfé eigi ekki heima í áhættufjárfestingum.

Óttast er að skógareldarnir í Kaliforníu magnist í kvöld og í nótt þar sem spáð er hvassviðri á eldslóðum.

Dorrit Moussiaeff fyrrverandi forsetafrú segist himinlifandi yfir Samson sem klónaður var úr Sámi, hundi hennar og Ólafs Ragnars Grímssonar. Samson fæddist í Texas á föstudaginn var. Dorrit fær hann ekki í hendur fyrr en eftir átta vikur.

Nepalski fjallgöngugarpurinn Nirmal Purja setti met í dag þegar hann kom niður af tindi fjallsins Shishapangma í Kína. Þá hafði hann klifið fjórtán hæstu fjallatinda heims á rúmlega sex mánuðum. Allir eru þeir yfir átta þúsund metrar á hæð.

Lengri umfjallanir:

Enn og aftur brennur skógur á stórum svæðum í Kaliforníu í Bandaríkjunum. Ár eftir ár kemur upp sú staða að þúsundir manna þurfa að flýja heimkynni sín, manntjón verður og ófá íbúðarhús og aðrar byggingar verða eldi að bráð. Um ellefu hundruð slökkviliðsmenn reyna nú að halda eldum í ríkinu í skefjum. Þeir stærstu eru á tveimur stöðum, annars vegar í Sonoma vínræktarhéraðinu norðan San Francisco og hins vegar sunnar í ríkinu norðan við stórborgina Los Angeles. Kristján Sigurjónsson segir frá og talar við Einar Þorsteinsson í Los Angeles.

Brexit er ekki gleymt en nú er þráttað um dagsetningar vetrarkosninga, 12. desember eins og stjórnin vill eða nokkrum dögum fyrr eins og stjórnarandstaðan vill. Niðurstaðan verður væntanlega ljós um klukkan níu í kvöld, þegar breska þingið hefur kosið um tillögur stjórnarinnar og annarra varðandi kosningar. Það er þó óvissa fram á síðustu stundu hvort stjórnin skipti um skoðun ef þingið samþykkir breytingartillögur sem eru henni á móti skapi. Sigrún Davíðsdóttir sagði frá.

Fyrir kjósendur í forvali Demókrata skipta málefni frambjóðenda minna en möguleikinn á að vinna Donald Trump í forsetakosningunum á næsta ári. Lengst af þótti Joe

Spegillinn 28. október 2019

Umsjón: Kristján Sigurjónsson

Tæknimaður: Magnús Þorsteinn Magnússon

Sjaldgæft er að ráðuneyti vísi málum til áfram til lögreglu eins og í Samherja- og Seðalabankamálinu, segir lögfræðilektor.

Slökkviliðsmenn hafa stjórn á einungis fimm prósentum gróðureldanna sem brenna í Kaliforníu. 27 þúsund hektarar eru sviðin jörð. Yfir 180 þúsund íbúum Sonoma-sýslu hefur verið skipað að forða sér að heiman.

Kjaradeila sveitarfélaganna og Starfsgreinasambandsins er komin í alvarlegan hnút, segir framkvæmdastjóri sambandsins.

Fylgi stjórnarflokkanna hefur minnkað frá kosningum fyrir tveimur árum samkvæmt fylgiskönnun Gallups. Rúmlega helmingur landsmanna styður ríkisstjórnina þegar kjörtímabilið er hálfnað.

Fullyrt er að lágmarks mánaðarlaun félagsmanna í 5 BHM félögum sem sömdu í síðustu viku verði 500 þúsund í lok samningstímans og að samningurinn tryggi kaupmáttaraukningu.

Slökkviliðsstjóri höfuðborgarsvæðisins segir góða reykskynjara brýnustu eldvörnina. Eldsvoðar hafa verið tíðir í heimahúsum að undanförnu.

Gengi hlutabréfa í Icelandair hækkaði um rúm 11 prósent í liðlega hundrað milljón króna viðskiptum í kauphöllinni í dag.

Tveir læknar til viðbótar hafa sagt upp störfum á Reykjalundi og hafa nú sjö læknar sagt upp störfum í mánuðinum í kjölfar uppsagnar forstjóra og framkvæmdastjóra lækninga.

Vegagerðin varar við því að færð geti orðið erfið í nótt og fyrramálið því búast megi við frostrigningu með glerhálku á Suðurlandi, á hringveginum milli Hveragerðis og Hellu og ekki síður í uppsveitum. Á Höfuðborgarsvæðinu rignir seint í kvöld og verður sums staðar ísing, en hlýnar í fyrramálið.

Lengri umfjallanir:

Það er óhætt að segja að heimildamyndaröðin Svona fólk sem sýnd var á RÚV síðastliðin fimm sunnudagskvöld hafi vakið verðskuldaða athygli. Svona fólk fjallar um mannréttindabaráttu homma og lesbía, hinsegin fólks, hér á landi síðastliðin rúm 40 ár, frá því að samtökin 78 voru stofnuð. Erfiðleikana og fordómana sem mættu þeim í upphafi, sigra og og ósigra, gjörbreytingu á viðhorfi þjóðarinnar um miðjan tíunda áratuginn, réttarbætur löggjafans, tregðu þjóðkirkjunnar til að viðurkenna fullan rétt samkynhneigðra og í lokin klofning og sárindi í samfélagi þeirra sem enn hafa ekki gróið. Höfundur myndarinnar er Hrafnhildur Gunnarsdóttir. Hún vann að henni í 26 ár. Kristján Sigurjónsson talar við Hrafnhildi.

Fullyrt er að lágmarks mánaðarlaun félagsmanna í 5 BHM félögum sem sömdu í síðustu viku verða 500 þúsund í lok samningstímans. Samningurinn á að tryggja kaupmáttaraukningu.

Héraðssaksóknari hefur gefið út ákæru á hendur tveimur mönnum fyrir stórfellt fíkniefnasmygl með Norrænu

Átta félög innan BHM, sem enn eiga eftir að semja við ríkið, hafna lífskjarasamningnum.

Að minnsta kosti 21 lét lífið í mótmælaaðgerðum stjórnarandstæðinga í Írak í dag. Efnt var til þeirra í tilefni þess að ríkisstjórn landsins tók við völdum fyrir einu ári.

Úttekt á því hvað fór úrskeiðis hjá fasteignafélaginu Upphafi og sjóðnum Gamma Novus verður tilbúin fyrir áramót. Eigendur í sjóðnum voru upplýstir um gang mála hjá Gamma í dag.

Jökulár hafa meira að segja í baráttunni gegn loftslagsbreytingum en talið hefur verið.

Brexit-óvissan mallar áfram í Bretlandi. Á viðsjárverðum tímum í Bretlandi er ekki allt sem sýnist.

Í dag þurfa stjórnendur fyrirtækja ekki að gægjast yfir öxlina á starfsfólki sínu til að athuga hvort það sé að slæpast á Facebook. Þau nota hugbúnaðarforrit og gervigreind.

Félag atvinnurekenda segir Alþingi taka stöðu gegn þjóðinni, verði nýtt frumvarp iðnaðar- og nýsköpunarráðherra um breytingar samkeppnislögum samþykkt.. Óánægja er meðal stjórnarliða á þinginu vegna málsins.

Sjötti læknirinn sagði upp störfum á Reykjalundi í gær. Heilbrigðisyfirvöld krefja stjórn stofnunarinnar skriflegra svara vegna ástandsins. Talmeinafræðingur segir fjölda starfsmanna íhuga uppsögn.

Appelsínugul viðvörun hefur verið gefin út vegna vegna veðurs á Suðausturlandi. Spáð er norðan 18-25 metrum á sekúndu og hviðum jafnvel yfir 50 m/s.

Félagsmálaráðherra kynnir í ríkisstjórn á morgun frumvarp um að tekju- og eignamörk vegna kaupa á almennum íbúðum verði rýmkuð.

Forsætisráðherra Bretlands býður þingmönnum á breska þinginu lengri tíma til að gaumgæfa Brexit samninginn gegn því að þeir fallist á þingkosningar 12. desember.

Ursula von der Leyen, næsti forseti framkvæmdastjórnar Evrópusambandsins, vill ráðast í aðgerðir til að bæta kjör láglaunafólks í Evrópu. Hún hefur viðrað hugmyndir um að lágmarkslaun verið innleidd með tilskipun. Kristján Bragason segir að launamunurinn sé mikill. Víða í Suðaustur-Evrópu séu tímalaun undir tveimur evrum á sama tíma og greiddar séu 12 til 18 evrur í löndum Vestur-Evrópu. Arnar Páll talar við Kristján Bragason.

Í dag er dagur Sameinuðu þjóðanna og af því tilefni stóðu Alþjóðamálastofnun Háskóla Íslands og Festa- miðstöð um samfélagsábyrgð fyrir fundi um markmið sem Norðurlandaþjóðirnar hafa sett sér á sviði sjálfbærni og hvað fyrirtæki geta lagt af mörkum til að ná þeim markmiðum.

Framkvæmdastjóri Festu, miðstöðvar um samfélagslega ábyrgð, segir að stjórnvöld þurfi að setja ramma og stjórnendur fyrirtæki þurfi að sýna hugrekki. Arnhildur Hálfdánardóttir talaði við Hrund Gunnsteinsdóttur.

Tíu ár eru liðin frá því fyrstu erlendu skipin fengu að fara Norðausturleiðina svokölluðu milli Evrópu og Asíu um Íshafið norðan Síberíu í rússneskir landhelgi. Það er þriðjungi styttri leið en að fara um Súesskurðinn milli heimsálfa. Ísinn er að brána en hvernig gengur að fá skipafélög til að nýta sér þessa hjáleið. Gísli Kristjánsson í Osló sagði frá.

Tap Tryggingamiðstöðvarinnar og VÍS vegna fasteignasjóðsins GAMMA Novus nemur nærri hálfum milljarði króna á þriðja ársfjórðungi.

Gul viðvörun hefur verið gefin út vegna veðurs á Norður- og Austurlandi á morgun. Spáð er hvassri norðanátt og snjókomu. Færð gæti spillst.

Aðildarríki Evrópusambandsins eru fylgjandi því að fresta útgöngu Breta úr Evrópusambandinu.

Tyrkneskar hersveitir hafa tekið yfir svæði í norðurhluta Sýrlands sem áður tilheyrðu Kúrdum. Rússar hafa sent herlögreglu til aðstoðar.

Yfir 70 prósent bíla fóru um Vaðlaheiðargöng milli Akureyrar og Fnjóskadals fyrstu níu mánuði ársins.

Lúpína þekur nú 300 ferkílómetra á landinu og líklegt að hún eigi eftir að breiða hressilega úr sér á næstu áratugum.

Er fótur fyrir sögum um að kínverskir ferðamenn séu óalandi og ferjandi? Spegillinn ræðir við kínverskufræðing. Arnhildur Hálfdánardóttir segir frá og talar Við Arnar Stein Þorsteinsson.

Stefnt er að því að banna allar selveiðar við Ísland vegna þess hve mikið sel hefur fækkað. Dýravistfræðingur segir að ástæða fækkunarinnar sé ekki ljós. Formaður samtaka selabænda hlær að tillögunni vegna þess að engar selveiðar séu lengur stundaðar. Arnar Páll Hauksson talar við Ester Rut Unnsteinsdðóttur og Pétur Guðmundsson.

Samkeppniseftirlitið segir drög að samkeppnislögum valda miklum vonbrigðum. Verði þau samþykkt geti Samkeppniseftirlitið ekki skotið niðurstöðum áfrýjunarnefndar til dómstóla en það geti fyrirtæki sem séu ósátt við úrskurði. Hagsmunagæsla öflugra fyrirtækja njóti forgangs en ekki neytendur og smærri fyrirtæki. Jón Hákon Halldórsson ræddi við Pál Gunnar Pálsson, forstjóra Samkeppniseftirlitsins.

Maðurinn sem stal sjúkrabíl í Ósló og keyrði á saklausa vegfarendur er grunaður um morðtilraun, segir Grete Lien Metlid lögreglustjóri í Ósló. Maðurinn er ásamt konu í haldi vegna málsins. Hallgrímur Indriðason sagði frá.

Þórhallur Halldórsson, prófessor í matvælafræði spyr sig hvers vegna selja megi orkudrykki í matvöruverslunum, ólíkt öðrum vörum sem bannaðar séu börnum, til dæmis áfengi.

Bjarni Benediktsson, fjármála- og efnahagsráðherra mælti síðdegis fyrir frumvarpi sínu um Þjóðarsjóð. Sjóðinum er ætlað að verja þjóðarhag fyrir ófyrirséðum áföllum og tekjur hans geta orðið 15 milljarðar á ári. Milla Ósk Magnúsdóttir fréttamaður hefur fylgst með fyrstu umræðu um Þjóðarsjóð.

Recep Tayyip Erdogan forseti Tyrklands og Vladimir Pútín forseti Rússlands tilkynntu um sögulegt samkomulag um Sýrland að loknum fundi þeirra í Sochi í Rússlandi í dag. ÞJóðirnar verði með sameiginlegar öryggissveitir í Norður-Sýrlandi. Vopnahlé sem samið var um til að gefa Kúrdum svigrúm til að fara frá landamærahéruðum lýkur í kvöld.

Ásmundur Helgason, kaffihúsaeigandi við Hverfisgötu í Reykjavík furðar sig á því að framkvæmdum við götuna sé ekki lokið. Framkvæmdir hófust í maí og segir Ásmundur að þær hafi fælt frá kúnna. Viðskiptin gangi ekki sem skyldi. Kristín Sigurðardóttir ræddi við hann.

-------------

Eftir margra mánaða ládeyðu í samningaviðræðum háskólamanna við ríkið náðust samningar við fimm félög um helgina. Þar var samið á svipuðum nótum og í lífskjarasamningi almenna markaðarins. Enn eiga 17 aðildarfélög BHM ósamið við ríkið. Arnar Páll Hauksson segir frá.

Líklega eru rólurnar orðnar fjörutíu ára, segir formaður húsfélags fjölbýlishúss í Reykjavík um tvær sundurryðgaðar rólur í bakgarðinum. Ekkert opinbert eftirlit er með leikvöllum við blokkir. en á leikvöllum borgarinnar þarf að fylgja ítrustu kröfum. Arnhildur Hálfdánardóttir tók saman og ræddi við Árnýju Sigurðardóttur, framkvæmdastjóra Heilbrigðiseftirlits Reykjavíkur, Samin Voshar borgarstarfsmann, Höllu Mjöll Stefánsdóttur hjá Eignaumsjón.

Naruhito Japanskeisari var krýndur í Tokýó í dag. Krýningarathöfnin fylgir miklum og fornum venjum. Keisarinn talaði til

Það er ekki hlaupið að því að velja stund til að selja banka.Á Alþingi ræddu menn um sölu ríkisbanka í dag og veltu fyrir sér lærdómi sögunnar, umgjörð og regluverki. Brynjólfur Þór Guðmundsson tók saman sérstaka umræðu á þingi þar sem meðal annars tóku til máls þau Oddný Harðardóttir (S), Ólafur Ísleifsson (M), Willum Þór Þórsson (B), Þorsteinn Víglundsson (C), Bjarni Benediktsson (D).

Ungmennum sem drekka daglega meira en einn orkudrykk fjölgaði um 150 prósent á tveimur árum. Drykkjan getur leitt til vítahrings kvíða og svefnleysis, segir Vilborg Hjörný Ívarsdóttir, forvarnaráðgjafi. Úlla Árdal ræddi við hana.

Forseti Chile segir landið eiga í stríði við öflugan og óvæginn óvin. Ellefu hafa látið lífið frá því að óeirðir brutust út fyrir helgi. Ásgeir Tómasson sagði frá.

Áfram er óvissa um hvenær breska þingið greiðir atkvæði um nýjan útgöngusamning ríkisstjórnarinnar við Evrópusambandið.

Það stefnir í skæruverkföll blaðamanna í næsta mánuði, nánast ekkert miðar í samningaviðræðum þeirra segir Hjálmar Jónsson formaður Blaðamannafélags Íslands.

Aðstoðaryfirlögregluþjónn hjá embætti lögreglunnar á Suðurnesjum fékk sambærilegt launasamkomulag og yfir- og aðstoðaryfirlögregluþjónum hjá Ríkislögreglustjóra stendur til boða. Lögreglumaðurinn fer á eftirlaun innan skamms. Magnús Geir Eyjólfsson segir frá.

----------------

Undanfarin ár hefur ekkert verið sérstaklega góður tími til þess að selja banka segir Gylfi Magnússon, dósent við Háskóla Íslands, en ekkert segi að betra sé að bíða þó að eftirspurn eftir hlutafé í bönkum sé ekki endilega mikil þessa stundina.

Laugardagurinn var enn einn dagurinn þegar stefndi í að Brexit-línurnar skýrðust þar sem breska þingið átti að greiða atkvæði um útgöngusamning bresku stjórnarinnar við Evrópusambandið. Það fór þó á annan veg og ekki voru greidd atkvæði um samning forsætsiráðherrans í dag. Sigrún Davíðsdóttir hefur fylgst með þróun mála.

Framkvæmdastjóri Neytendasamtakanna hvetur almenning til þess að gefa alls ekki upp kreditkortanúmer í símasölu eða símasöfnunum, biðja sölufólk um að senda sér tölvupóst ef það vill kaupa eða styrkja, eða styrkja beint í gegnum heimasíðu viðkomandi.

Framkvæmdastjóri Neytendasamtakanna hvetur almenning til þess að gefa alls ekki upp kreditkortanúmer í símasölu eða símasöfnunum, biðja sölufólk um að senda sér tölvupóst ef það vill kaupa eða styrkja, eða styrkja beint í gegnum heimasíðu viðkomandi. Kristján Sigurjónsson ræddi við Brynhildi Pétursdóttur.