Umsjón: Pálmi Jónasson

Tvö félög sem norski bankinn DNB taldi tengjast Samherja voru metin í hættu á að vera nýtt í peningaþvætti. Þetta kemur fram í nýjum gögnum WikiLeaks.

Þorsteinn Már Baldvinsson, sem hætti tímabundið sem forstjóri Samherja eftir umfjöllun Kveiks og Stundarinnar um Samherjaskjölin, er hættur í stjórn tveggja breskra sjávarútvegsfélaga.

Namibíski herinn er í viðbragðsstöðu vegna kosninganna þar. Slæmt efnahagsástand og uppljóstranir í Samherjaskjölunum um spillingu hafa valdið óánægju í Namibíu.

Tveir ráðherrar í ríkisstjórn Möltu og náinn samstarfsmaður forsætisráðherrans sögðu af sér í dag. Lögregla hefur hert á rannsókn á morði blaðakonunnar Daphne Galizia fyrir tveimur árum.

Ólafur Þór Hauksson, héraðssaksóknari, segir að fjölga verði starfsmönnum á rannsóknarsviði embættisins um sex að lágmarki.

Af hverju máttum við ekki skrá okkur í sambúð? Spyrja systurnar Oddrún Vala og Ragnheiður Gyða Jónsdætur. Þær hafa rekið saman heimili í hartnær þrjátíu ár og ólu dóttur Ragnheiðar upp í sameiningu. Eru gild rök fyrir því að skylt fólk megi ekki búa saman og njóta sömu réttinda og óskyld hjón eða pör? Þarf að endurskoða hvernig við hugsum um fjölskyldur? Spegillinn kíkti í heimsókn til systranna, ræddi við þær um sambúðina sem ekki má skrá hjá Þjóðskrá og fékk álit lögfræðiprófessors. Arnhildur Hálfdánardóttir ræddi við Oddrúnu Völu og Ragnheiði Gyðu Jónsdætur og Hrefnu Friðriksdóttur.

Ólafur Þór Hauksson, héraðssaksóknari segir að fjölga verði starfsmönnum á rannsóknarsviði embættisins að lágmarki um sex um áramótin, helst átta. Þetta kemur fram í minnisblaði Ólafs Þórs til dómsmálaráðuneytisins sem fréttastofa fékk afhent. Rætt við Ólaf Þór í Speglinum.

Hvalir binda meira af koldíoxíði en regnskógarnir og hjálpa til við framleiða um helming af súrefni jarðarinnar. Hópur vísindamanna heldur því fram að ef hvalir eru verndaðir og þeim fjölgað gætu þeir gegnt mikilvægu hlutverki í að eyða gróðushúsalofttegundum. Þetta kemur fram í grein í veftímaritinu Fjármál og þróun sem er vefmiðill á vegum Alþjóðagjaldeyrissjóðsins. Arnar Páll Hauksson sagði frá í Speglinum.

Umsjón: Pálmi Jónasson

OneCoin Tugir Íslendinga hafa keypt OneCoin sem þeir telja vera rafmynt. Lögreglan á höfuðborgarsvæðinu segir hins vegar þetta hvergi vera skráð sem rafmynt. Fólk sé aðeins að kaupa loforð um framtíðargróða.

Styrkur köfnunarefnisdíoxíðs var nærri tvöfallt yfir sólarhringsheilsuverndarmörkum í dag. Mengunin kemur aðallega frá útblæstri. Um áramót verður hægt að takmarka eða banna umferð vegna mengunar á Íslandi.

Þingmenn stjórnarandstöðunnar sökuðu fjármálaráðherra um að lögbrot á Alþingi. Fjármálaráðherra krafðist þess að þingmenn yrðu víttir og rauk á dyr.

Kristján Þór Júlíusson sjávarútvegsráðherra segist bæði finna fyrir trausti og vantrausti í sínum störfum. Það sé eðli stjórnmála.

Rafdrottningin Ruja Ignatova stofnaði rafmyntina OneCoin, eina allra stærstu svikamyllu sögunnar. Ísdrottningin Ásdís Rán Gunnarsdóttir var besta vinkona hennar og skipulagði viðburði fyrir OneCoin. Rafdrottningin hvarf fyrir tveimur árum og píramídinn hefur hrunið þótt enn sé verið að selja fólki drauminn um skjótfenginn gróða. Þúsundir milljarða hafa tapast. Pálmi Jónasson fjallar um málið í Speglinum.

Brexit, útganga Breta úr Evrópusambandinu, er í fyrirrúmi í kosningabaráttunni í Bretlandi og það hefur áhrif á með- og mótbyr flokkanna. Íhaldsflokkurinn hefur marktækt forskot og er nú mjög gætinn í kosningabaráttunni til að forðast neikvæðar uppákomur. Sigrún Davíðsdóttir sagði frá.

Rannsóknir fréttamanna á norsku sjónvarpsstöðinni TV2 sýna að næst stærsti vindmyllugarður Noregs er í eigu félags sem skráð er á Cayman-eyjum í Karíbahafi. Eigendur garðsins hafa ekki greitt krónu í fyrirtækjaskatt. Hins vegar hafa umtalsverðar upphæðir runnið til félags í Karíbahafinu í formi vaxtagreiðslna. Arnar Páll Hauksson sagði frá.

Fimmtán prósent skatttekna íslenska ríkisins af hagnaði fyrirtækja rennur til skattaskjóla. Þetta sýnir alþjóðleg rannsókn.

Lögmannsstofan sem Samherji réð til að kanna Namibíu-umsvif sín, hefur áður unnið fyrir Samherja.

Formaður Blaðamannafélags Íslands mælir ekki með samningi sem hann skrifaði undir við Samtök atvinnulífsins seinnipartinn í dag.

Starfsmenn Hafrannsóknastofnunnar segja uppsagnir gærdagsins hafa verið harkalegar og án fullnægjandi skýringa.

Peningaþvætti Danske Bank hefði tæplega komist upp án uppljóstrara. Jafnvel þegar fyrirtæki fá óháða aðila til rannsókna á starfsemi sinni er útkoman ekki alltaf afdráttarlaus.

Það fylgja því ýmsir kostir að búa einn en það getur líka verið einmanalegt og fólki sem býr eitt finnst fjölskyldusamfélagið Ísland stundum ekki gera ráð fyrir sér.

Skipstjóri Samherjatogarans Heinaste, sem handtekinn var í Namibíu í fyrrakvöld og færður í gæsluvarðhald, segist furða sig á handtökunni.

Fyrrverandi þjónustustjóri hjá Isavia hefur verið ákærður fyrir að þiggja þrjár og hálfa milljón í mútur og umboðssvik. Framkvæmdastjóri tæknifyrirtækis er einnig ákærður í málinu.

Tíu manns var sagt upp störfum hjá Hafrannsóknastofnun í dag. Að auki sögðu fjórir upp störfum. Forstjóri Hafrannsóknastofnunar segir að skipulagsbreytingar standi yfir, sviðum og deildum verði fækkað.

Benjamin Netanyahu forsætisráðherra Ísraels hefur verið ákærður fyrir fjármálaspillingu. Ríkissaksóknari ætlar að fara fram á það við þing landsins að hann verði sviptur þinghelgi.

Það gæti tekið allt að 20 ár að leggja flugvöll í Hvassahrauni fyrir bæði millilanda- og innanlandsflug eftir að ákvörðun væri tekin. Kostnaður við nýjan millilanda- og innanlandsflugvöll gæti orðið að lágmarki 300 milljarðar króna. Þetta kemur fram í skýrslu sem unnin var fyrir samgönguráðuneytið og kynnt í umhverfis- og samgöngunefnd Alþingis í morgun. Arnar Páll Hauksson segir frá.

Það er dýrt að reka heimili fyrir einn, pakkaferðir eru hannaðar fyrir dæmigerðar kjarnafjölskyldur og stórar pakkningar í verslunum ýta undir matarsóun. Spegillinn fjallar þessa dagana um stöðu einbúa á Íslandi - Í þeim löndum sem við berum okkur saman við fjölgar stöðugt í þessum hópi Arnhildur Hálfdánardóttir segir frá. Hún talar við Jón Arnar Magnússon, Sighvat Ívarsson, Bjargeyju Önnu Guðbrandsdóttur og Elínu Björgu Ragnarsdóttur.

Forstjóri DNB bankans í Noregi segist líta Samherjamálið alvarlegum augum. Ekki sé hægt að útiloka að bankinn hafi verið misnotaður.

Mennta- og menningarmálaráðherra segir að skýrsla ríkisendurskoðunar muni nýtast í vinnu til að tryggja rekstur RÚV, ekki sé hægt að stóla á einskiptisaðgerðir til að rétta fjárhaginn af

Rannsóknarlögreglumaður biður foreldra um að fylgjast með hegðunarbreytingum hjá börnum eftir að efni sem kallast spice fannst í rafrettum 13 og 14 ára unglinga.

Lögreglan á Húsavík rannsakar hvað varð til þess að mannlaust veiðihús við Deildará, sunnan Raufarhafnar, brann til grunna í nótt.

Atkvæðagreiðslu um nýjan búvörusamning í mjólkurframleiðslu hefur verið frestað um viku vegna mótmæla kúabænda.

Útlit er fyrir að boða verði til þingkosninga í Ísrael í þriðja sinn á einu ári vegna þráteflis í stjórnarmyndunarviðræðum. Starfandi forsætisráðherra telur þó að enn sé tækifæri til að mynda starfhæfa stjórn.

Minna brennisteinsinnihald í olíu skemmtiferðaskipa mun ekki hafa áhrif á komu þeirra hingað. Þetta segir framkvæmdastjóri fyrirtækis sem þjónustar skipin. Arnar Páll Hauksson segir frá og ræðir við Jóhann Bogason.

Frelsi til að gera hlutina eftir eigin höfði án málamiðlana, reynslan af því að redda málunum upp á eigin spítur, hamingjan sem býr í því að vera sjálfum sér nægur. Það fylgja því ýmsir kostir að búa einn en það er dýrt og það getur verið einmanalegt. Spegillinn fjallar næstu daga um stöðu einbúa á Íslandi - í þessum fyrsta pistli skoðum við tölfræðina. Fjölgar í hópi þeirra sem búa einir? Arnhildur Hálfdánardóttir segir fá og talar við Ómar Halldórsson.

Allt er í heiminum hverfult, það sem þykir gott og gilt í dag þykir afleitt á morgun. Þetta er gömul saga og ný. Hversu langt mega söguritarar ganga í að dæma viðhorf og tíðaranda liðinna áratuga eða alda? Er sanngjarnt að fordæma viðhorf genginna kynslóða til kvenna, kynhneigðar, kynþátta og húðlitar? Eða skoðanir á trúmálum, stjórnmálastefnum, heimspeki? Hvar á draga línuna, hvað er sanngjarnt og ósanngjarnt, hversu afdráttarlaus á endurskoðun á hugmyndum og viðhorfum að vera? Kristján Sigurjónssonsegir frá nýrri sýn á franska listmálarann Paul Gauguin sem oft og iðulega málaði myndir af fáklæddum táningsstúlkum.

Spegillinn 19. nóvember 2019

Umsjón: Kristján Sigurjónsson

Tæknimaður: Magnús Þorsteinn Magnússon

Ríkisstjórnin samþykkti dag að fá Alþjóðamatvælastofnunina til að gera úttekt á viðskiptaháttum útgerðarfyrirtækja sem stunda veiðar og eiga í viðskiptum með aflaheimildir. Á ríkisstjórnarfundi voru kynntar nokkra leiðir til að bæta orðspor Íslands í kjölfar Samherjamálsins.

Samherjamálið getur haft áhrif á niðurstöður þingkosninganna í Namibíu í næstu viku. Namibískur fréttamaður segir að þetta sé að öllum líkindum stærsta hneykslismál í sögu Namibíu sem sjálfstæðs ríkis.

Hofsjökull hefur rýrnað meira á undanförnu ári en hann hafði gert síðan 2010. Þetta sýna nýjar mælingar vísindamanna.

Þýska efnahagsbrotalögreglan rannsakar nú umfangsmikla peningaflutninga frá Þýskalandi til annarra landa, einkum Tyrklands.

Björgólfur Jóhannsson, sem tekið hefur við starfi forstjóra Samherja tilkynnti stjórn Sjóvár-Almennra trygginga hf. á fundi í dag að hann hefði ákveðið að víkja tímabundið sem stjórnarformaður félagsins vegna anna.

Rannsókn í Svíþjóð á ásökunum um nauðgun fyrir níu árum á hendur Julian Assange leiðtoga uppljóstrarasíðunnar WikiLeaks hefur verið hætt án ákæru.

Héraðsdómur Reykjavíkur hafnaði í dag kröfu Zúista um að ríkið yrði að greiða félaginu dráttarvexti eða skaðabætur vegna dráttar á greiðslu sóknargjalda.

Samningafundi Blaðamannafélags Íslands og Samtaka atvinnulífsins lauk nú laust fyrir klukkan sex í kvöld. Annar fundur boðaður klukkan hálf tvö á morgun.

Lengri umfjallanir:

Sjávarútvegsráðgerra ætlar að hlutast til um það að Alþjóðamatvælastofnunin, FAO, geri úttekt á viðskiptaháttum útgerðarfyrrtækja sem stunda veiðar og viðskipti með aflaheimildir í þróunarlöndum. Þá á að auka gegnsæi í rekstri stórra sjávarútvegsfyrirtækja. Þetta er meðal tillagna sem ráðherrar lögðu fram á ríkisstjórnarfundi vegna Samherjamálsins. Aðgerðir stjórnvalda og viðbrögð vegna Samherjamálsins var aðalviðfangsefnið á ríkisstjórnarfundi í morgun. Samþykkt var að ráðast í 7 verkefni sem miða að því að verja orðspor Íslands og koma á meiri gagnsæi í rekstri sjávarútvegsfyrirtækja og reyndar allra fyrirtækja. Eftir að Kveikur sagði frá meintum mútum og framgangi Samherja í Namibíu var ráðherrum falið að koma með tillögur um viðbrögð og úrbætur. Sigríður Dögg Auðunsdóttir talar við Katrínu Jakobsdóttur og Kristján Þór Júlíuson. Arnar Páll Hauksson tók saman

Ef kostnaður fyrirtækja við að framfylgja reglum er hvati til lögbrota þá eru slíkir hvatar ansi víða í kerfinu. Þetta er mat Umhverfisstofnunar. Stofnunin ví

Spegillinn 18. nóvember 2019

Umsjón: Kristján Sigurjónsson

Tæknimaður: Magnús Þorsteinn Magnússon

Formaður vinnuhóps OECD gegn mútum segir ekki koma á óvart að ásakanir um mútugreiðslur skuli koma upp á Íslandi. Ekkert land sé ónæmt fyrir spillingu.

Ríkisstjórnin ræðir á fundi sínum á morgun aðgerðir til að reyna að koma í veg fyrir að Samherjamálið endurtaki sig.

Roar Østby, yfirmaður peningaþvættisdeildar norska stórbankans DNB, sagði upp störfum í haust eftir að hafa starfað yfir deildinni í fimm ár.

Þorsteinn Már Baldvinsson fyrrverandi forstjóri Samherja hefur óskað eftir ótímabundnu leyfi frá stjórnarstörfum hjá Síldarvinnslunni og hefur vikið sem stjórnarformaður færeyska útgerðarfélagsins Framherja

140 milljarða tap Íbúðalánasjóðs vegna ákvarðana sem teknar voru á árunum 2003-4 gæti fallið á ríkissjóð á næstu áratugum.

Fyrrverandi ráðherra í Bretlandi sakar alþjóðafyrirtæki, banka og ríkisstjórnir um að stuðla að því að opinberir sjóðir í Suður-Afríku séu rændir.

Sjúklingar sem greiddu fyrir svokölluð S-merkt lyf frá júníbyrjun og fram í nóvember eiga rétt á endurgreiðslu, segir Félag atvinnurekenda. Í einhverjum tilvikum sé um að ræða kostnað upp á tugi þúsunda króna.

Gul veðurviðvörun er í gildi fyrir Suðurland. Þar er suðaustan og austan hvassviðri eða stormur við ströndina, 18-23 m/s. Búast má við mjög snörpum vindhviðum við fjöll, staðbundið yfir 30 m/s, einkum undir Eyjafjöllum.

Lengri umfjallanir:

Harka hefur færst í mótmælin í Hong Kong. Þau hófust í júní þegar stjórnvöld hugðust leggja fram lagafrumvarp um að heimilt væri að framselja borgara í Hong Kong til Kína ef þeir hefðu gerst brotlegir við lög í Kína. Eftir kröftug mótmæli drogu stjórnvöld frumvarpið til baka, en mótmælin hættu ekki - á bak við þau var víðtækari lýðræðsileg krafa. Þau voru lengi vel bundin við helgar, en í þessum mánuði hafa þau færst yfir á virka daga. Mótmæelendur, sem sunmir hverjir eru mjög herskáir, hafa lokað götum. Komið hefur til harðra átaka og liggja marigir sárir. og nú eru mestu átökin við háskóla í borginni, einkum tækniháskólann. Þar hafa nemedur og aðrir lagt undir sig skólabygginguna. Lögreglan hefur brugðið á það ráð að loka útkomuleiðum af skólalóðinni og þeir sem reyna að komsst í burtu eru umsvifalaust handteknir. Helga Björk Jónsdóttir býr í Hong Kong og hefur fylgst með átökunum síðan þau byrjuðu í sumar. Helga segir að að mótmælendur séu ekki einsleitur hópur. Ungt fólk er í meirihluta, en það er misjafnlega herskátt. Helga segir erfitt að segja til um hvort og þa?hvenær stjórnvöld

Samherji hefur fengið norska lögmannsstofu til að fara yfir starfsemi fyrirtækisins í Namibíu. Björgólfur Jóhannsson, sem tók tímabundið við stöðu forstjóra Samherja í gær, segir að með þessu hafi málinu verið komið í farveg, það sé fullur vilji til þess innan stjórnar Samherja að upplýsa það.

Svandís Svavarsdóttir heilbrigðisráðherra segir aukakostnað sem sjúklingar beri nú einir í heilbrigðiskerfinu vegna þjónustu sérfræðilækna og sjúkraþjálfara vera óviðunandi þróun.

Björn Jón Bragason, sem kvartaði undan framgöngu Haraldar Johannessen ríkislögreglustjóra í sinn garð, segir að dómsmálaráðuneytið hafi brugðist honum í málinu.

Efnt verður til þjóðaratkvæðagreiðslu í Chile í vor um hvort gera eigi nýja stjórnarskrá, en það hefur verið ein af megin-kröfum þeirra sem staðið hafa fyrir mótmælendum í landinu undanfarnar vikur.

Borgarstjóri segir að minna kapp ríki nú á húsnæðismarkaði í Reykjavík. Hann hafi náð jafnvægi og sölutími íbúða hefur lengst.

Lífslíkur í Namibíu eru með þeim minnstu í heiminum. Namibía fékk sjálfstæði árið 1990 og er enn að slíta barnsskónum sem þjóð meðal þjóða. Pálmi Jónasson.

Kosningabaráttan í Bretlandi stendur yfir af fullum krafti. Athyglin beinist að leiðtogunum, slagorðunum og fylginu. Sigrún Davíðsdóttir

Norskur lagaprófessor segir að peningaþvættismál sem hugsanlega tengist Samherja og DNB bankanum í Noregi gæti verið það stærsta í sögu Noregs.

Þorsteinn Már Baldvinsson forstjóri Samherja, segist hafa vikið tímabundið úr starfi, í von um að umræðan róist.

Formaður Neytendasamtakanna segir að Orkuveita Reykjavíkur hafi án heimildar greitt eigendum sínum arð. Veitur segja málið byggt á misskilningi.

Alþjóðasakamáladómstóllinn ætlar að láta rannsaka meinta glæpi ráðamanna í Mjanmar gegn minnihlutahópi Róhingja í landinu.

Starfsfólk Ísfisks á Akranesi hefur ekki fengið laun í tvo mánuði. Fyrirtækið hefur ekki náð að endurfjármagna sig. Formaður Verkalýðsfélags Akraness segir þolinmæðina á þrotum.

Ísland tekur við formennsku Norðurlandaráðs á næsta ári. Silja Dögg Gunnarsdóttir, þingmaður Framsóknarflokksins, var kjörin forseti ráðsins fyrir árið 2020 á Norðurlandaráðsþingi sem haldið var í Stokkhólmi í síðustu viku. Arnar Páll Hauksson talaði við Oddnýju Harðardóttur og Silju Dögg Gunnarsdóttur um samfélagsöryggi. Umræðunar byrjuðu þó með því að fjalla um Samherjamálið.

Mútugreiðslur vestrænna fyrirtækja í fjarlægum heimsálfum hafa lengi verið viðloðandi. GRECO er óformlegur ríkjahópur á vegum Evrópuráðsins og hefur verið leiðandi í baráttunni gegn spillingu. Lagaramminn gegn spillingu embættismanna, hvort sem er heima eða heiman, er því víðast svipaður eða sá sami í Evrópu og þá einnig á Íslandi. Umfjöllun Kveiks um umsvif Samherja í Namibíu vekja spurningar um íslensk lög og einnig um áhrif mútgreiðslna almennt. Sigrún Davíðsdóttir segir frá.