Komiði sæl og Velkomin að Speglinum.

Það hefur kólnað í húsum á Siglufirði, kúabændur eru margir í vanda og á Dalvík þurfti að opna fjöldahjálparstöð fyrir verkamenn.

Elstu menn muna ekki annað eins ástand vegna rafmagnsleysis. Framkvæmdastjóri hjá Landsneti segir að ramagnsleysið nú eigi sér engin fordæmi.

Miklar truflanir hafa verið á fjarskiptakerfum á Norðurlandi vestra í dag. Sérfræðingur hjá Póst- og fjarskiptastofnun segir truflanirnar án fordæma. Lögreglumenn á Sauðárkróki ná ekki tetra-sambandi við stjórnstöð almannavarna í Reykjavík.

Spegillinn 10.desember 2019

Umsjón: Kristján Sigurjónsson og Arnar Páll Hauksson

Tæknimaður: Magnús Þorsteinn Magnússon

Spegillinn fjallar í dag um ofsaveðrið sem gengur yfir landið

KRS: Aftakaveður er nú um allt land - norðan stórhríð og bylur á öllu norðurlandi, Ströndum og Vestfjörðum. Við einbeitum okkur að veðrinu að Speglinum í dag.

APH: Veður fer hríðversnandi á vesturlandi og á höfuðborgarsvæðinu. Hættustigi hefur verið lýst yfir á Vestfjörðum, Norðurlandi vestra og Norðurlandi eystra af ríkislögreglustjóra í samráði við lögreglustjórana í landshlutunum. Rauðri viðvörun á Ströndum og Norðurlandi vestra vegna veðurofsans var flýtt og tók gildi klukkan fjögur. Viðvörun vegna Norðurlands eystra var þá endurskoðuð og er hún líka orðin rauð. Norðan ofsaveður og jafnvel fárviðri gengur nú yfir á þessu svæði, vindhæð er 25-33 m/s, og henni fylgir mikil snjókoma og skafrenningur.

KRS: Stórstreymt er og Landhelgisgæslan hefur bent á að talsvert geti bætt við sjávarhæð í höfnum umfram það sem útreiknaðar sjávarfallatöflur gefi til kynna. Á norðurlandi eystra urðu áhrif veðursins heldur meiri en búist var við vegna rafmagnsleysis.

APH: Annars staðar á landinu eru viðvaranir rauðgular. Í höfuðborginni er búist við að veðrið nái hámarki nú milli fimm og níu í kvöld. Rauði krossinn hefur opnað fjöldahjálparstöð í Klébergsskóla á Kjalarnesi en ferðalangar sitja þar fastir. Lokað er á Kjalarnesi, Hellisheiði og um Þrengsli. Á Selfossi hefur rauði krossinn líka opnað fjöldahjálparstöð og nú rétt fyrir fréttir var svo þriðja fjöldahjálparstöðin opnuð á Borg í Grímsnesi.

KRS: Mörgum vinnustöðum var lokað fyrr en venjulega og brýnt var fyrir fólki að sækja börn í skóla. Óveðrið hefur haft mikil áhrif á rafmagnsflutning á Norðurlandi og sunnanverðum Vestfjörðum. Truflanir hafa verið á rafmagni á Akureyri. Björgunarsveitir hafa farið í samtals um 120 útköll það sem af er degi. Flest hafa útköllin verið á Norðurlandi og versta veðrið virðist vera í og við Eyjafjörð. Á Ólafsfirði og Blönduósi keppast björgunarsveitarmenn við. Þar hefur verið mjög hvasst og þakplötur fokið af húsum. Sums staðar þurftu björgunarsveitir frá að hverfa því veðrið var svo vont.

Davíð Már Bjarnason, upplýsingafulltrúi Slysavarnarfélagsins Landsbjargar segir að töluvert sé að gera á Suðurnesjum og í Árnessýslu, auk þess sem fregnir hafi borist af útköllum í Vestmannaeyjum. Langflest útköllin snúast um þakplötur og lausamuni sem fjúka. Davíð segir að enn sé nokkuð rólegt á höfuðborgarsvæðinu, þar hafi verið farið í um 10 útköll, en búist

Spegillinn 9.desember 2019

Umsjón: Kristján Sigurjónsson

Tæknimaður: Magnús Þorsteinn Magnússon

Gefin hefur verið út rauð viðvörun, sem er hæst viðvörun, vegna veðurs á Norðurlandi vestra og Ströndum síðdegis á morgun. Veður byrjar að versna í stífri norðanátt um allt land strax í fyrramálið. Útlit er fyrir að samgöngur, og skólahald raskist verulega víða um land á morgun.

Lögregla á Nýja-Sjálandi telur litlar líkur á að nokkur finnist á lífi á lítilli eyju þar sem eldgos hófst óvænt í gær. Talið er að þar hafi 24 til 30 ferðamenn orðið innlyksa.

Karlmaður um fimmtugt var í dag úrskurðaður í gæsluvarðhald til 19. desember vegna rannsóknar á dauðsfalli í Úlfarsárdal í Reykjavík í gær. Fjórum öðrum mönnum var asleppt úr haldi.

Rússnesk yfirvöld geta áfrýjað til Alþjóðaíþróttadómstólsins ákvörðun stjórnar Alþjóðalyfjaeftirlitsins um að útiloka rússneskt íþróttafólk frá keppni næstu fjögur ár.

Rúmlega þrítugur karlmaður hefur verið úrskurðaður í gæsluvarðhald til 13. desember vegna gruns um líkamsárás, nauðgun, hótanir, milligöngu um vændi, kaup á vændi og mansal. Samkvæmt úrskurðinum beindust öll brotin gegn sömu konunni.

Verjandi Margeirs Péturs Jóhannssonar, sem dæmdur var í sex ára fangelsi í dag fyrir amfetamínframleiðslu, segir dóminn hafa komið sér verulega á óvart. Ásamt Margeiri var Alvar Óskarsson dæmdur í sjö ára fangelsi í málinu og Einar Einarsson í sex ára fangelsi.

Áslaugu Örnu Sigurbjörnsdóttur dómsmálaráðherra þykir miður að orð hennar í gær hafi misskilist. Hún sagði þá að hún teldi Landsréttamálið ekki hafa fordæmisgildi. Í óundirbúnum fyrirspurnum á Alþingi í dag sagðist hún hafa átt við að mál Íslands hafi ekki fordæmisgildi fyrir stöðuna í Póllandi.

Lengri umfjallanir:

Síðustu fylgiskannanir fyrir þingkosningarnar í Bretlandi 12. desember benda eindregið til sigurs Íhaldsflokksins en óvíst hvor hann hreppir sterkan meirihluta eins og hann stefnir á. Óvissuþættirnir eru margir í einmenningskjördæmakerfinu, til dæmis hvort ungir kjósendur skili sér á kjörstað, sem væru góðar fréttir fyrir Verkamannaflokkinn. Sigrún Davíðsdóttir segir frá.

Umræður um kosningarnar í Bretlandi í berinni útsendingu. Kristján Sigurjónsson ræðir við Dagmar Þorsteinsdóttur framkvæmdastjóra HBH byggis hf og formann bresk íslenska viðskiptaráðsins og Einar Kristin Guðfinnsson formann Landssambands fiskeldisstöðva og fyrrverandi alþingismann og ráðherra.

Stjórn Alþjóðalyfjaeftirlitsins samþykkti einróma í dag að útiloka rússneskt íþróttafólk frá keppni næstu fjögur ár. Ákvörðunin kemur ekki á óvart í

Það er mikið áhyggjuefni að stjórnmálaflokkar sem tala gegn mannréttindum og sjálfstæði dómstóla telji sig vera í komna í sambærilegan flokk og Ísland á alþjóðavettvangi. Þetta segir formaður Dómarafélags Íslands um stuðning pólskra stjórnvalda við málstað Íslands í Landsréttarmálinu.

Forsætisráðherra Frakklands segir stjórnvöld þar ákveðin í að hrinda í framkvæmd breytingum á eftirlaunakerfinu. Verkalýðsfélög hafa boðað auknar aðgerðir eftir helgi.

ISAVIA hyggst nýta tekjur frá Keflavíkurflugvelli til uppbyggingar á Egilsstöðum. Samgöngu- og sveitarstjórnaráðherra segir að við þetta losni um nokkur hundruð milljónir sem nýtist til viðhalds á öðrum flugvöllum.

Lögreglan á Indlandi skaut í morgun til bana fjóra menn sem nauðguðu og myrtu 27 ára konu í síðustu viku

Heilbrigðisráðherra hefur skipað nýjan skólameistara Fjölbrautarskóla Vesturlands. Menntamálaráðhetta lýsti sig vanhæfa til skipa í embættið.

Stefnt er að því að framleiða allt að einni og hálfri milljón lítra af 96% spíra á Sauðárkróki.

Lögreglan á Indlandi skaut í morgun til bana fjóra menn sem nauðguðu og myrtu 27 ára konu í síðustu viku. Illvirkið vakti mikla reiði og hneykslan en fjölskylda og vinir fórnarlambsins fagna nú dauða ódæðismannanna. Pálmi Jónasson sagði frá.

Niðurstöður PISA-könnunarinnar sem kynntar voru í vikunni sýna að lesskilningur grunnskólabarna á Íslandi hefur heldur daprast síðustu ár. Þetta veldur nokkrum vonbrigðum segir Anna Kristín Sigurðardóttir, prófessor á menntavísindasviði Háskóla Íslands. Útkoman komi kannski ekki beinlínis á óvart en þó hefðu menn vænst þess að umræða og verkefni síðustu ára um lestur, lesskilning og læsi hefðu skilað einhverjum árangri. Það sé flókið verk að bæta menntakerfið; ekki áhlaup eða átak- heldur langhlaup.Anna Kristín Jónsdóttir talaði við Önnu Kristínu.

Það þurfti samstarf þrjátíu landa til að koma böndum yfir mútugreiðslur bresks dótturfélags frönsku Alstom samsteypunnar í tveimur víðfeðmum mútumálum. Rannsókn málsins hófst í Bretlandi fyrir tíu árum, eftir ábendingar frá svissneskum yfirvöldum sem voru að rannsaka meintar mútugreiðslur Alstom. Auk sekta og dóma í Bretlandi og Sviss hefur Alstom greitt hæstu sekt nokkru sinni í Bandaríkjunum fyrir mútur. Málið er gott dæmi um hvað mútumál eru víða litin alvarlegum augum, sama þó múturnar séu greiddar í öðrum löndum. Sigrún Davíðsdóttir sagði frá.

Embætti tollstjóra verður af 150 milljóna króna tekjum á ári vegna falls WOW air. Þetta segir settur tollstjóri.

Aðeins hefur verið dæmt í fjórum málum sem tengjast mútum á Íslandi. Hámarksrefsing er 5 ár fyrir mútugreiðslur en 6 ár fyrir að þiggja mútur.

Íslenska barnabótakerfið er sérkennilega útfærð fátæktarhjálp og þarfnast gagngerrar endurskoðunar. Þetta er niðurstaða skýrslu sem doktor í félagsfræði vann fyrir BSRB.

Nemendur í Reykjavík og nágrenni standa sig betur en nemendur í öðrum landshlutum á öllum sviðum nýjustu Pisa-rannsóknarinnar.

„Svartur fimmtudagur" er fram undan í samgöngum í Frakklandi. Áætlanir járnbrautarlesta lamast að miklu leyti vegna verkfalls. Þá hefur fjölda flugferða verið aflýst. Óvíst er hvenær verkfallinu lýkur.

Aðeins hefur verið dæmt í fjórum málum sem tengjast mútum á Íslandi. Hámarksrefsing er 5 ár fyrir mútugreiðslur en 6 ár fyrir að þiggja mútur. Arnar Páll Talar við Þórdísi Ingadóttur.

Íslenska barnabótakerfið er sérkennilega útfærð fátæktarhjálp. Það er flókið og erfitt að greina í því heildstæða hugsun. Þetta er niðurstaða skýrslu sem Kolbeinn Stefánsson, doktor í félagsfræði, vann fyrir BSRB og var kynnt í morgun. Fram kemur að barnabótakerfið hér stingi í stúf við kerfi annars staðar á Norðurlöndunum því það gagnist nær eingöngu tekjulægstu fjölskyldunum. Arnhildur Hálfdánardóttir ræddi við Kolbein.

Haraldur Johannessen ríkislögreglustjóri verður á launum í tvö ár eftir að hann lætur af embætti um áramótin. Fyrstu þrjá mánuði næsta árs verður hann dómsmálaráðherra til ráðgjafar um framtíðarskipan lögreglu og skipulagða glæpastarfsemi meðal annars. Magnús Geir Eyjólfsson sagði frá.

Fjármála- og áhættustýringarsvið Reykjavíkur gerði mistök við útreikning á kostnaði við veitingar á borgarstjórnarfundum. Hann er 206 þúsund krónur á hvern fund en ekki 360 þúsund. Vigdís Hauksdóttir borgarfulltrúi Miðflokksins segir að draga verði úr kostnaði en segir að tryggja verði að málfrelsi skeriðist ekki styttist fundir.

Oddur Þorri Viðarsson, sérstakur ráðgjafi almennings í upplýsingamálum í forsætisráðuneytinu segir að Ríkisútvarpinu sé ekki skylt samkvæmt upplýsingalögum að birta nöfn umsækjenda um stöðu útvarpsstjóra. Hins vegar sé starfið þess eðlis að upplýsingaréttur almennings og aðhald að hinu opinbera vegi þyngra en það sjónarmið að færri sæki hugsanlega um stöðuna ef listi yfir umsækjendur er birtur opinberlega.

Sameinuðu þjóðirnar segja ólíðandi ofbeldið sem mótmælendur í Írak hafa verið beittir síðustu vikur. Á fimmta hundrað eru fallnir og hátt í tuttugu þúsund hafa særst. Ásgeir Tómasson tók saman.

Landstjórnin í Færeyjum fékk í gærkvöld sett lögbann á frétt færeyska sjónvarpsins um fund stjórnvalda með fulltrúum kínversku stjórnarinnar. Lögbannið var sett á tuttugu mínútum áður en flytja átti fréttina.

-------

Niðurstöður Pisakönnunar sem lögð var fyrir í fyrra og kynntar í dag sýna að lesskilningi barna sem eru við það að ljúka grunnskóla hefur hrakað frá því sem var árið 2009 en litlu munar miðað við síðustu kannanir. Þessar niðurstöður gáfu menntmálaráðherra tilefni til að brýna menn til dáða og kynna í dag aðgerðir sem grípa á til að efla læsi og bæta orðaforða. Anna Kristín Jónsdóttir ræðir við Sigrúnu Eddu Eðvarðsdóttur formann Heimilis og skóla og

Ragnar Þór Péturson, formann Kennarasambands Íslands.

Íslendingar gætu haldið áfram að losa gróðurhúsalofttegundir í þeim mæli sem þeir hafa gert. Samdráttarmarkmiðum sem eru á ábyrgð stjórnvalda mætti ná með því að byggja upp vindorkuver eða virkja jarðvarma í öðrum ríkjum. Það er búið að veita aðildarríkjum Parísarsamkomulagsins heimild til að versla með losunarheimildir innanlands eða milli ríkja en nákvæm útfærsla á þessu alþjóðlega viðskiptakerfi sem er kallað SDM liggur ekki fyrir. Halldór Þorgeirsson, formaður loftslagsráðs stjórnvalda, starfaði áður hjá Loftslagsskrifstofu Sameinuðu þjóðanna og gegndi lykilhlutverki í viðræðunum í aðdragan

Sexmenningarnir sem grunaðir eru um stórfelld lögbrot í kvótabraski í Namibíu hafa allir verið ákærðir, og úrskurðaðir í varðhald fram í febrúar.

Amnesty International segir að yfir tvö hundruð hafi fallið í óeirðum í Íran í síðasta mánuði. Öryggissveitir skutu flesta til bana.

Bæði Miðflokkurinn og Píratar bæta við sig fylgi í nýjum þjóðarpúlsi Gallups á meðan saxast á fylgi Samfylkingarinnar.

Hlýtt hefur verið miðað við árstíma víða um land, fór í tæp fimmtán stig á Stafá. Spáð er hvassviðri eða stormi á Norðurlandi eystra og gul viðvörun í gildi fram undir hádegi á morgun.

Bátur sem var í eigu útgerðarfyrirtækis Guðmundar Gísla Geirdal, bæjarfulltrúa Sjálfstæðisflokksins í Kópavogi sem dæmdur var til að greiða þrotabúi útgerðarinnar 50 milljónir króna vegna gjafagjörnings, er nú skráður á son hans.

Allir vextir af handbæru fé ofanflóðasjóðs renna í ríkissjóð. Tekjur sjóðins eru mun hærri en útgjöld sem Alþingi ákveður og hefur hlaðist uppbókærð eign upp á hátt í 14 milljarða.

------------

Framkvæmdastjóri Sameinuðu þjóðanna segir að þjóðir heims þurfi að sýna að þeim sé alvara í loftslagsmálum. Mannkynið standi á krossgötum og geti nú annaðhvort valið leið vonar eða uppgjafar. Tuttugasta og fimmta loftslagsráðstefna Sameinuðu þjóðanna hófst í morgun.

Kjarasamningar opinberra starfsmanna hafa nú verið lausir í átta mánuði. Óvíst er hvort samið verði fyrir áramót.

Joseph Muscat, forsætisráðherra Möltu tilkynnti í gær um afsögn sína en um leið að hann hyrfi ekki úr embætti fyrr en í janúar. Það er ekki liklegt að sú tilkynning dugi til að draga úr óánægjubálinu sem logað hefur á eyjunni vegna ásakana um spillingu og yfirhylmingu á æðstu stöðum í tengslum við rannsókn á morði blaðakonunnar Daphnear Caruana Galizia að mati Dóru Blöndal Mizzi sem hefur búið áratugum saman á Möltu.

Umsjón: Anna Kristín Jónsdóttir. Tæknimaður: Ragnar Gunnarsson. Útsendingu stjórnaði Ingibjörg Sara Guðmundsdóttir

Nokkrir særðust alvarlega þegar maður stakk þá með hnífi á Lundúnabrú í dag. Lögregla skaut árásarmanninn til bana. Litið er á atburðinn sem hryðjuverkaárás.

Óánægju gætir meðal Sjálfstæðismanna vegna fjölmiðlafrumvarps mennta- og menningarmálaráðherra. Fjármálaráðherra segir það blasa við að staða RÚV sé hluti af vanda einkarekinna fjölmiðla hér á landi.

Um 55 hafa leitað á slysadeild Landspítalans vegna hálkuslysa. Áfram er varað við hálku á höfuðborgarsvæðinu.

Smálánafyrirtæki, sem gerði kaup á rafbókum á hrognamáli að skilyrði fyrir lánveitingu, tapaði dómsmáli í Landsrétti í dag.

Forseti bæjarstjórnar Akureyrar segir nýja skýrslu um flugvallarkosti mikil vonbrigði. Akureyrarflugvöllur hafi gleymst í umræðunni.

Ríki og borg skirfuðu undir samkomulag í gær um að hafnar verði nauðsynlegar rannsóknir til að ganga úr skugga um hvort mögulegt eða fýsilegt er að leggja nýjan flugvöll í Hvassahrauni. Þar yrði aðsetur innanlandsflugs og kennslu og æfingaflugs. Jafnfram myndi hann gegn hlutverki varaflugvallar. Hvassahraun myndi taka við af flugvellinum í Vatnsmýrinni en það yrði þó ekki fyrr en eftir nærri 20 ár. Arnar Páll Hauksson talaði við Njál Trausta Friðbertsson.

Fyrrverandi yfirlögregluþjónn í Suður-Jórvíkurskíri á Englandi, David Duckenfiled, var í gær sýknaður af ákæru um manndráp og stórfellda vanrækslu í starfi, þegar 96 fórust og 766 slösuðust á Hillsborough knattspyrnuvellinum í Sheffield fyrir 30 árum. Aðstandendur hinna látnu eru miður sín og segja að enn hafi enginn verið dæmdur og látinn sæta ábyrgð. Kristján Sigurjónsson sagði frá.

Kóalabirnir eru ekki í útrýmingarhættu. Þeir hafa enn vægi í vistkerfinu. Þeim er viðbjargandi. Vísindamenn hafa síðustu daga hrakið fréttir þess efnis að tegundin sé á vonarvöl, því sem næst útdauð. Þetta þýðir samt ekki að þetta einkennisdýr Ástralíu standi vel. Klamidía, Dingó-hundar, Loftslagsbreytingar, Búsvæðaeyðing. Að tegundinni steðja ýmsar ógnir og framtíðarhorfurnar eru slæmar verði ekki brugðist við. Arnhildur Hálfdánardóttir

Stýrihópur sem samgönguráðherra fól í fyrra að meta valkosti um flugvelli á suðvesturhorni landsins leggur til að millilandaflug verði áfram í Keflavík.

Sexmenningarnir sem hafa verið handteknir í Namibíu í tengslum við Samherjaskjölin gætu átt 25 ára fangelsi yfir höfði sér.

Norska efnahagsbrotalögreglan hóf í dag formlega rannsókn á DNB-bankanum. Rannsókn er því hafin í þremur löndum.

Mikill skortur er á geðlæknum við sjúkrahúsið á Akureyri. Framkvæmdastjóri hefur áhyggjur af stöðunni.

Orkuveitan hyggst reisa tvær vindmyllur við Lagarfossvirkjun á Úthéraði og var svokölluð deiliskipulagslýsing kynnt í dag.

Hungursneyð af mannavöldum er yfirvofandi í Simbabve. Þessu veldur meðal annars óðaverðbólga sem gerir það að verkum að fólk á ekki fyrir mat.

Helstu fréttir.

Fjárlög næsta árs voru samþykkt á Alþingi nú rétt í þessu.

Sex manns hafa verið handteknir í Namibíu í dag í tengslum við Samherjaskjölin. Sexmenningarnir verða leiddir fyrir dómara á morgun. Nokkuð hefur verið um hnökra í kosningunum í landinu í dag.

Andrés Ingi Jónsson alþingismaður sagði sig í dag úr þingflokki Vinstri grænna. Hann segir að upp hafi safnast mál sem leiddu til þessarar ákvörðunar.

Óveður setur strik í reikninginn fyrir tugmilljónir Bandaríkjamanna sem hyggjast halda upp á þakkargjörðarhátíðina með sínum nánustu á morgun og um helgina.

***

Síðastliðna áratugi hefur dregið jafnt og þétt úr bæði svifryksmengun á höfuðborgarsvæðinu. Þetta segir sérfræðingur hjá Umhverfisstofnun. Nagladekk slíti malbiki minna en áður en um helmingur svifryksins sé samt tilkominn vegna þeirra. Hann fagnar því að sveitarfélögin og Vegagerðin hafi fengið heimild til að takmarka umferð tímabundið til að bregðast við mengunartoppum. Byrjar á mínútu 9:56.

Michael Bloomberg er ýmist Repúblikani, óháður eða Demókrati. Nú vill hann verða forsetaefni Demókrata og ætlar að eyða áður óþekktum fjárhæðum í þeim tilgangi. Byrjar á mínútu 18:16.

Fyrir tæpum mánuði settust þúsundir Þjóðverja niður til að spjalla um ýmis átakamál í þýsku þjóðlífi. Spjall um daginn og veginn er í sjálfu sér ekki í frásögur færandi en þetta var fólk sem hafði líklega aldrei hist og var parað saman í krafti þess að það var á öndverðum meiði þegar kom að nokkrum já eða nei spurningum. Byrjar á mínútu 22:02.