Landspítalinn mun tilkynna hópsýkinguna á Landakoti til Landlæknis sem alvarlegt atvik. Forstjóri Landspítalans segist ekki búast við að málið verði tilkynnt til lögreglu en vill þó ekki fullyrða um það. Stígur Helgason tók saman, Þórhildur Þorkelsdóttir ræddi við Ölmu Möller og Pál Matthíasson.

Þróun bóluefnis gegn COVID-19 hjá tveimur bandarískum lyfjafyrirtækjum er jákvætt og mikilvægt skref segir Magnús Gottfreðsson, smitsjúkdómalæknir sem telur að bóluefnis megi vænta með vorinu.

Mikið álag er á sjúkrahúsinu á Akureyri en þar liggja nú sex sjúklingar vegna COVID-19. Bjarni Jónasson, forstjóri sjúkrahússins segir helgina hafa verið erfiða en auk þriggja nýrra innlagna vegna COVID-19 eru tveir á gjörgæslu vegna bílslyss sem varð í Öxnadal á föstudaginn. Óðinn Svan Óðinsson ræddi við hann.

Neyðarástandi hefur verið lýst yfir í Portúgal vegna fjölgunar kórónuveirusmita. Sóttvarnareglur hafa einnig verið hertar í Ungverjalandi. Ásgeir Tómasson segir frá.

Ótti við að smitast af COVID 19 er meiri hjá landsmönnum en áður. Þetta sýnir Þjóðarpúls Gallups. Hildur Margrét Jóhannsdóttir tók saman.

Ekki verður flogið með farþega milli Íslands og Grænlands um ófyrirséða framtíð. Grænlendingar lokuðu á allt farþegaflug nema frá Danmörku. Brynjólfur Þór Guðmundsson sagði frá.

Söngvari Shu-bi-dua, einnar vinsælustu hljómsveitar Danmerkur, er látinn. Bogi Ágústsson sagði frá.

-------

Ekki er ljóst hvernig á að afgreiða umsóknir um vindorkuver. Meira en þrjátíu umsóknir hafia verið lagðar fram.

Orkustofnun telur að vindorkuver heyri ekki undir rammaáætlun en Landsvernd telur að svo sé. Arnar Páll Hauksson ræddi við Guðna A. Jóhannesson forstjóra Orkustofnunar.

Í dag sýndi fólk í Pólland enn á ný hvaða hug það ber til úrskurðar stjórnlagadómstóls landsins um að þungunarrof vegna fósturgalla sé ekki í samræmi við stjórnarskrá landsins. Undanfarnar vikur hafa tugir jafnvel hundruð þúsunda safnast saman, þrátt fyrir Covid-19 og sóttvarnartakmarkanir á götum og torgum Varsjár og fleiri borga til að mótmæla þessari ákvörðun en líka til að andæfa ríkisstjórninni og stjórnarflokknum Lögum og rétti. Wiktoria Joanna Ginter, er frá Póllandi hún hefur búið hér lengi en fylgist vel með gangi mála i heimalandinu og segir að mótmælin séu mjög kröftug. Anna Kristín Jónsdóttir ræddi við Wiktoríu.

Norska ríkisstjórnin er hætt frekari stuðningi við flugfélagið Norwegian. Við þessi tíðindi urðu hlutabréf í félaginu nær verðlaus og það færðist nær gjaldþroti. Hrun hefur orðið í starfssemi Norwegian eftir að heimfaraldurinn vegn

Spegillinn 6.nóvember 2020

Umsjón: Kristján Sigurjónsson

Tæknimaður: Magnús Þorsteinn Magnússon

Joe Biden er kominn með nokkur þúsund atkvæða forskot á Donald Trump í Pennsylvaníu. Með sigri þar tryggir hann sér embætti Bandaríkjaforseta.

Taka verður sóttvarnir mjög alvarlega næstu þrjár vikur segir forsvarsmaður spálíkans háskólans, ekki sé hægt að fagna sigri þótt mörg jákvæð teikn séu á lofti.

Logi Einarsson hlaut yfir 96 prósent atkvæða í formannskjöri Samfylkingarinnar. Kosningu lauk nú síðdegis.

Aldrei hafa fleiri Covid-smit mælst á einum sólarhring í Svíþjóð eins og þeim síðasta - eða hátt í 4700. Búist er við hertum aðgerðum - jafnvel útgöngubanni.

Iðnaðarráðherra segir að mygla í húsum sé stórt og alvarlegt vandamál. Öflugar rannsóknir, prófanir og eftirlit með byggingingarefnum skili árangri í baráttunni við myglu.

Lengri umfjöllun:

Forsetakosningrnar í Bandaríkjunum. Joe Biden, forsetaefni Demókrata, hefur aukið forskot sitt á Donald Trump forseta í Pennsylvaníu eftir því sem liðið hefur á daginn. Hann hefur einnig forystuna í Arizona, Nevada og Georgíu. Í nokkrum þeirra er þó svo mjótt á munum að fjölmiðlar vestanhafs telja ótímabært að lýsa hann sigurvegara kosninganna. Silja Bára Ómarsdóttir stjórnmálafræðiprófessor metur söðuna, fyrsta verk Bidens ef forsetaskipti verða, framtið Trumps o.fl. Kristján Sigurjónsson talar við hana.

Nær fjögur þúsund og sjö hundruð (4.697) Covid-smit hafa greinst í Svíþjóð síðasta sólarhringinn. Það mesta frá upphafi faraldursins. Heilbrigðisstarfsfólk varar við að holskefla sé við það að skella á sjúkrahúsum landsins, sem enn hafi ekki náð sér eftir álag og hálfgert stríðsástand í vor. Kallað er eftir hertum aðgerðum - jafnvel útgöngubanni - og það strax. Kári Gylfason í Gautaborg segir frá.

Norska ríkið vill fá jafnvirði 220 milljarða íslenskra króna í bætur fyrir freigátuna Helge Ingstad, sem fórst með slysalegum hætti inni á firði í Noregi fyrir tveimur árum. Það er kostnaðurinn við að missa skip nokkru stærra en varðskipið Þór. Gísli Kristjánsson segir frá.

Bandaríkjaforseti vill leita til dómstóla og láta ógilda úrslit í lykilríkjum þar sem talning sýnir að Joe Biden hafi fengið fleiri atkvæði en hann. Sú niðurstaða hafi verið fengin með svikum. Enn er beðið eftir úrslitum í sex ríkjum.

Björgunarsveitir hafa farið í útköll á fjórum stöðum á landinu í dag vegna foktjóns, að sögn Jónasar Guðmundssonar, verkefnastjóra Slysavarna hjá Landsbjörg. Sigurður Jónsson veðurfræðingur segir veðrið hvað verst á Snæfellsnesi en ganga niður í kvöld.

Nærri tólf hundruð börn bíða eftir meðferð við sálrænum og geðrænum vanda þetta kom fram í sérstakri umræðu á Alþingi sem Guðmundur Ingi Kristinsson, Flokki fólkssins hóf. Svandís Svavarsdóttir, heilbrigðisráðherra segir að það beri að forgangsraða í þágu geðheilsu og í þágu barna. Jóhanna Vigdís Hjaltadóttir tók saman.

Það er ótækt að tekjur af störfum bakvarða skerði ellilífeyri - en skerði ekki námslán, að mati Þórunnar Sveinbjörnsdóttur, formanns Landssambands eldri borgara.

Guðlaugur Þór Þórðarson utanríkisráðherra fundaði í dag með Mike Pompeo, utanríkisráðherra Bandaríkjanna, um viðskipta- og efnahagsmál ríkjanna. Andri Yrkill Valsson talaði við hann.

Samstarf Heilbrigðisstofnunar Austurlands við tvo lækna sem komu austur og sinntu sjúklingum, sparaði Sjúkratryggingum 25 milljónir í ferðakostnað á einu ári. Rúnar Snær Reynisson sagði frá.

------------

Halldór Benjamín Þorbergsson, framkvæmdastjóri Samtaka atvinnulífsins segir mál málanna í komandi kosningum að leita leiða til að fyrirtæki nái fyrri styrk svo þau geti skilað auknum skatttekjum inn í samfélagið. Arnar Páll Hauksson ræddi við hann.

Enn sitja talningarmenn að störfum vestur í Bandaríkjunum og ekki ljóst hver verður forseti þar næstu fjögur árin. Mjótt er á munum víða en skoðanakannanir undanfarnar vikur sýndu forskot Joes Bidens demókrata meira en raunin varð. Þegar Trump var kosinn nokkuð óvænt fyrir fjórum árum í embætti forseta var mikið talað um að skoðanakannanir hefðu ekki gefið rétta mynd af stuðningi við hann og telja sumir það sama geta endurtekið sig í ár. Guðbjörg Andrea Jónsdóttir er forstöðumaður Félagsvísindastofnunar Háskóla Íslands, segir kannanagerðar fólk ævinlega fylgjast spennt með því hvort úrslitum og könnunum ber saman. Anna Kristín Jónsdóttir ræddi við hanna.

Boris Johnson forsætisráðherra Breta tafði útgáfu breskrar þingnefndarskýrsla um rússneska íhlutun í bresk stjórnmál um meira en hálft ár. Þverpólitískur hópur þingmanna þrýstir nú á stjórnina um aðgerðir. Sigrún Davíðsdóttir sagði frá.

Umsjón: Anna Kristín Jónsdóttir. Tækn

Enn er útilokað að segja til um hvort Donald Trump eða Joe Biden fór með sigur af hólmi í forsetakosningunum í Bandaríkjunum. Munur á fylgi frambjóðendanna er hverfandi í nokkrum ríkjum þar sem enn er verið að telja atkvæði. Ásgeir Tómasson segir frá.

Tuttugu og níu greindust með COVID-19 innanlands í gær, þar af voru átta utan sóttkvíar. Nú eru 798 manns í einangrun með COVID-19 og átján hundruð fimmtíu og einn í sóttkví. Þórólfur Guðnason sóttvarnalæknir segir að faraldurinn sé ekki að versna og með góðum vilja megi segja að kúrfan sé að fara niður hjá þeim sem eru utan sóttkvíar.

Lilja Alfreðsdóttir, menntamálaráðherra segir málefni framhaldsskólanemenda verða í algjörum forgangi þegar hægt verður að létta á sóttvörnum. Komið sé að þolmörkum, þjóðhagslegt tap af brottfalli nemenda sé of mikið. Jóhanna Vigdís Hjaltadóttir sagði frá.

Íbúi og starfsmaður í Foldabæ, heimili fyrir konur með heilabilun í Reykjavík, greindust með COVID-19 í síðustu viku. Allir hinir íbúarnir sjö, og sjö starfsmenn til viðbótar, eru í sóttkví segir Jórunn Frímannsdóttir, forstöðumaður Droplaugarstaða. Hildur Margrét Jóhannsdóttir tók saman.

Sjóprófi vegna hópsýkingar á togaranum Júlíusi Geirmundssyni hefur verið frestað til 22. nóvember. Elsa María Guðlaugs Drífudóttir sagði frá.

Guðni Jóhannesson, forseti Íslands verður í sóttkví í kjallaranum á Bessastöðum til mánudags. Starfsmaður á Bessastöðum greindist með kórónuveiruna.

----

Kjördagur var í bandarísku forsetakosningunum í gær, nóttin leið og dagurinn langt kominn, menn telja og telja og enn ekki fullljóst hver verður forseti Bandaríkjanna næstu fjögur árin, þó ýmislegt bendi til þess að Joe Biden sé að mjakast fram úr Donald Trump í ríkjum þar sem enn er ekki ljóst hver hreppir kjörmennina. Anna Kristín Jónsdóttir ræðir við Höllu Hrund Logadóttur, stjórnmálafræðing sem stýrir miðstöð Norðurslóða við Harvardháskóla og við Þórð Pálsson, íbúa og kjósenda í Kansas.

Utanríkisstefna Bandaríkjanna ræðst af hagsmunum þeirra og ýmsum þáttum innanlands vestra jafnvel frekar en því hvort Donald Trump eða Joe Biden verður forseti segir Albert Jónsson, sérfræðingur í alþjóðamálum og fyrrverandi sendiherra Íslands í Bandaríkjunum. Sunna Valgerðardóttir ræðir við hann.

Rösklega 200 lítil fyrirtæki og einyrkjar í ferðaþjónustu hafa sent stjórnvöldum ákall um að grípa verði til aðgerða strax til að forða að þeim frá því að lenda í djúpum skuldavanda. Arnar Páll Hauksson ræðir við Jónu Fanneyju Svavarsdóttur, sem rekur Eldhúsferðir.

Umsjón: Anna Kristín Jónsdóttir

Tæknimaður: Markús

Spegillinn 3. Nóvember

Umsjón: Kristján Sigurjónsson

Tæknimaður: Ragnar Gunnarsson

Bandaríkjamenn ganga til kosninga í dag og kjósa forseta landsins. Valið stendur á milli Donalds Trumps sitjandi forseta og frambjóðanda repúblikana og Joes Bidens frambjóðanda demókrata. Ingólfur Bjarni Sigfússon talar frá Washington

Engar vísbendingar hafi fundist um að ungur maður sem skaut fjóra til bana og særði fjórtán í hryðjuverkaárás í Vínarborg í gærkvöld hafi átt sér vitorðsmenn.

Vonskuveðri er spáð á sunnan- og vestanverðu landinu í kvöld og nótt - og á Norðurlandi á morgun. Hlýindi, mikil rigning og leysing fylgir sunnan- og vestanstormi sem gengur yfir landið.

Margir sóttu um hlutdeildarlán hjá Húsnæðis- og mannvirkjastofnun í gær þegar opnað var fyrir umsóknir. Enn er beðið eftir reglugerð.

Og Ari Eldjárn uppistandari verður með grín og gaman á streymisveitunni Netflix á næstunni.

Lengri umfjallanir:

Forsetakosningarnar í Bandaríkjunum. Kristján Sigurjónsson ræðir við Ragnheiði Elínu Árnadóttur fyrrverandi þingmann og ráðherra og núverandi stjórnarmann í amerísk íslenska viðskiptaráðinu um kosningarnar, kosningabaráttuna og hvað taki við eftir kosningarnar.

SÁÁ, samtök áhugafólks um áfengis- og vímuefnavandann, ætla að draga sig út úr Íslandsspilum og hætta þar með rekstri spilakassa. Framkvæmdastjórn SÁÁ bókaði í síðustu viku að hún væri sammála því að samtökin hætti þátttöku í Íslandsspilum og valin yrði útgönguleið sem verði þjónustu við fólk með spilafíkn. Einar Hermannsson formaður SÁ segir þarna ekki vera hlut til að selja, Íslandsspil sé ekki venjulegt fyrirtæki heldur sameignarfélag sem sé úthlutað leyfi til að reka spilakassana. Því þurfi sennilega aðkomu ráðherra og reglugerðarbreytingu þegar samtökin hverfa úr félaginu og afþakka þessa peninga. Framkvæmdastjóri Rauða krossins hefur sagt að hann ætli ekki að hætta rekstri spilakassa. Þór Þorsteinsson formaður Landsbjargar segir að það hafi lengi verið rætt innan félagsins hvort spilakassarnir séu fjáröflun sem standa eigi að. Eigendur Íslandsspila hafi í gegnum árin margoft reifað við dómsmálaráðherra hvernig bregðast megi við spilafíkn og spilavanda heildstætt, til dæmis með því að taka upp spilakort en það hafi ekki borið árangur. Vandinn sé miklu stærri en spilakassar Íslandsspila, Happdrætti háskólans reki líka slíka kassa en vandinn sé ekki síst á netinu, hvorki ríkið né íslensk félagasamtök fái nokkuð fé þaðan. Landsbjörg ætli ekki að hætta rekstri kassanna. Þeir hafa skilað þeim um fjórðungi tekna eða um 180 milljónum króna í fyrra. Anna

Forsetakosningar fara fram í Bandaríkjunum á morgun. Þegar hafa yfir 95 milljónir kosið utan kjörfundar. Rætt við Ingólf Bjarna Sigfússon sem fylgist með kosningunum.

Samtals eru nú 72 á sjúkrahúsi með covid veikindi, þar af fjórir á Akureyri. Einn lést í gær. Niðurstöðu úttektar á hópsmitinu á Landakoti er að vænta eftir helgi.

Angela Merkel kanslari vonast til þess að jólahald geti verið með eðlilegum hætti í Þýskalandi, en útilokar að landsmenn sleppi fram af sér beislinu um áramótin.

Hertar sóttvarnarreglur í skólum gera nemendum í iðngreinum erfitt um vik að stunda nám þar sem fjarnám er ekki mögulegt. Aðeins tíu mega vera saman í stofu þar sem áður máttu vera þrjátíu.

Grunnskólakennarar út um allt land hafa í dag setið sveittir við að skipuleggja skólahaldið næstu vikurnar í samræmi við nýjar sóttvarnareglur. Ákveðnar reglur gilda um 1. til 4 bekkinga. Tveggja metra reglan nær ekki til þeirra og þeir þurfa ekki að nota andlitsgrímur. Alls mega 50 nemendur vera í hverju rými. Tveggja metrar reglan gildir um 5-10, bekkinga og þeir þurfa að nota grímur ef ekki er hægt að koma við 2ja metra reglunni.

Arnar Páll Hauksson talaði við Sigríði Heiðu Bragadóttur skólastjóra Laugarnesskóla í Reykjavík og Eyrúnu Skúladóttur skólastjóriGlerárskóla á Akureyri um skólahaldið sem eru fram undan.

Margir aðdáendur Trump forseta telja sigurinn í höfn í forsetakosningunum á morgun og allt annað séu kosningasvik. Þeir taka þar meira mið af þeim mikla fjölda úr þeirra röðum sem haft hefur sig mjög í frammi á kjörfundum og við kjörstaði undanfarna daga fremur en því sem kann að koma upp úr kjörkössunum, þar sem Biden er spáð sigri þótt kjósendur hans láti minna á sér bera. Gjáin á milli tveggja forsetaframbjóðenda og fylgjenda þeirra hefur sjaldan verið dýpri og klofningur bandarísku þjóðarinnar jafn áberandi og nú fyrir vestan þar sem Jón Björgvinsson fréttaritari RÚV er að fylgjast með fylgjast með sínum fjórðu forsetakosningum.

Ferðatakmörkunum og útgöngubanni á Spáni var mótmælt í að minnsta kosti 15 borgum víðs vegar um landið í gærkvöldi og nótt. Meira en 60 mótmælendur voru handteknir og á annan tug lögreglumanna slasaðist í mótmælunum. Jóhann Hlíðar Harðarson á Spáni segir frá.

Mörg fyrirtæki berjast í bökkum segir Bjarni Benediktsson fjármálaráðherra og það sýnir hve alvarleg kórónukreppan er. Leyfa á fleiri fyrirtækjum að sækja um tekjufallsstyrki sem getur orðið að hámarki 17 og hálf milljón. Hólmfríður Dagný Friðjónsdóttir tók saman og rætt var við Bjarna.

Kröftugur jarðskjálfti á Eyjahafi varð átta að bana og olli töluverðri eyðileggingu í borginni Izmir í Tyrklandi. Skemmdir urðu einnig á grísku eyjunni Samos. Ásgeir Tómasson sagði frá. Theodór Elmar Bjarnason býr í Izmir og fann vel fyrir skjálftanum .

Harðari sóttvarnaaðgerðir taka gildi á miðnætti og mega þá ekki fleiri en tíu koma saman. Ekki er búið að útfæra sóttvarnir í skólum en búast má við raski á skólastarfi, sérstaklega í efstu bekkjum grunnskóla. Lilja Alfreðsdóttir, menntamálaráðherra segir von á reglugerð innan skamms.

Franskir ríkisborgarar eru í hættu, hvar sem þeir eru í heiminum, að mati þarlendra stjórnvalda. Þúsundir íbúa í múslimaríkjum í Suður-Asíu tóku þátt í mótmælum gegn þeim í dag. Ásgeir Tómasson sagði frá.

Seðlabanki Íslands var í Héraðsdómi Reykjavíkur í dag sýknaður af kröfum Samherja, sem krafðist rúmlega 300 milljóna króna í bætur. Bankinn þarf hins vegar að greiða Þorsteini Má Baldvinssyni, forstjóra Samherja, skaðabætur upp á tæpar tvær og hálfa milljón með vöxtum. Andri Yrkill Valsson sagði frá.

-----------

Á miðnætti taka gildi enn strangari takmarkanir vegna sóttvarna en hafa gilt og gilda nú sömu viðmið um allt land. Þessar aðgerðir þýða að enn hægir á samfélaginu og staðan er grafalvarleg, segir Ásdís Kristjánsdóttir, aðstoðarframkvæmdastjóri Samtaka atvinnulífsins. Anna Kristín Jónsdóttir ræðir við hana.

Af hverju velja unglingar í 10. bekk að loknu grunnskólanámi frekar bóknám en verknám. Soffia Valdimarsdóttir aðjúnkt í náms- og starfsráðgjöf stýrði málstofu um náms- og starfsval unglinga í Þjóðarspegli Háskóla Íslands í dag. Hún segir að rannsóknir hafi sýnt að 10. bekkingar velji sér framhaldsnám út frá ríkjandi samfélagslegu viðhorfi. Kristján Sigurjónsson talaði við Soffíu.

Opinber skýrsla um andúð á gyðingum í breska Verkamannaflokknum hefur nú leitt til þess að Jeremy Corbyn fyrrverandi flokksleiðtogi hefur verið rekinn úr þingflokki verkamanna. Sigrún Davíðsdóttir sagði frá.

Umsjón: Anna Kristín Jónsdóttir. Tæknimaður: Ragnar Gunnarsson.

Sóttvarnalæknir mælir með hertum aðgerðum í minnisblaði sem hann skilaði til heilbrigðisráðherra í dag. Hann segir að aðgerðirnar þurfi að vera skýrar og megi ekki valda óvissu.

Vegna hópsýkingarinnar á Landakoti hefur verið ákveðið að skima starfsmenn Landspítalans með skipulögðum hætti.

Smitrakningarteymi almannavarna vinnur við að rekja þrjár hópsýkingar sem hafa komið upp síðustu daga í þriðju bylgju faraldursins - á Landakoti, í Ölduselsskóla og á Akureyri.

Icelandair ber að greiða flugfarþegum bætur sem komu fimm klukkustundum of seint á leiðarenda þar sem flugi var aflýst. Þetta er niðurstaða Samgöngustofu.

Frambjóðendur í forsetakosningunum í Bandaríkjunum reyna hvað þeir geta að höfða til kjósenda í Flórída. Báðir boða til funda þar í dag.

Hársnyrtar, snyrtifræðingar og fleiri, sem gert var að loka, bíða enn eftir mótvægisaðgerðum frá stjórnvöldum. Óþreyju er farið að gæta hjá þeim nú þegar líður að mánaðamótum.

Í nýrri rannsókn á íslenska fíkniefnamarkaðinum kemur fram að auðvelt er að selja og nálgast vímuefni með því að nota snjallforrit. Þar kemur einnig fram að seljendur óttast ekki mikið afskipti lögreglu. Ágóðinn af sölunni vegi þyngra en afleiðingarnar. Félagsfræðingur sem gerði rannsóknina segir að um háar peningaupphæðir sé að ræða á íslenska fíkniefnamarkaðinum. Arnar Páll Hauksson talaði við Söru Mjöll Vatnar Skjaldardóttur.

Mesta atvinnuleysi í fjörutíu ár mælist nú í Bretlandi og það bitnar einkum á ungu fólki. Þessar og aðrar ógóðar fréttir dynja á Bretum eins og fleirum en þær hafa fallið í skuggann af deilum um mat í skólafríum handa börnum efnalítilla foreldra. Marcus Rashford er frægur á fótboltavellinum en hann hefur einnig tekið forystu í þessu máli sem ýmsir segja að hafi orðið sjálfsmark ríkisstjórnarinnar. Sigrún Davíðsdóttir sagði frá.

Nýbirt tölvugögn í Noregi sýna að olíuráðherra landsins afskrifaði alla leit að olíu á Drekasvæðinu við Jan Mayen á sama tíma hann heimilaði olíuleit austur í Barentshafi - á svæði sem var talið vonlaust. Gögnin þykja sýna að ákvarðanir ráðherra hafi ráðist af geðþótta og að hann hafi leynt óhagstæðum upplýsingum. Gísli Kristjánsson sagði frá.

Spegillinn 28.október 2020

Umsjón: Kristján Sigurjónsson

Tæknimaður: Marteinn Marteinsson

Ástandið vegna kórónuveirufaraldursins fer versnandi segir sóttvarnalæknir. Hann skilar nýjum sóttvarnartillögum til heilbrigðisráðherra fyrir helgi. Ekki verður slakað á.

Frönsk stjórnvöld biðja Evrópusambandið að beita sér gegn forseta Tyrklands vegna ögrana hans í garð Frakka að undanförnu.

Einelti og kynbundin og kynferðisleg áreitni eru rótgróinn vandi innan sviðslista á Íslandi. Þetta kemur fram í nýrri rannsókn Háskóla íslands.

Jólin verða mörgum erfið og þungbær, segja þeir sem þiggja aðstoð hjá Fjölskylduhjálp Íslands. Mun fleiri hafa leitað til Hjálparstarfs kirkjunnar í ár en í fyrra.

Hótel Sögu í Reykjavík verður lokað um mánaðamótin. Bændahöllin og Hótel Saga hafa verið í greiðsluskjóli gagnvart kröfuhöfum sínum síðan í júlí.

Heilbrigðisráðuneytið hefur ákveðið að nemendur í Verkmenntaskóla Austurlands og Menntaskólanum á Egilsstöðum fái að mæta í skólann að nýju.

Markmiðið er að umbylta svefnheiminum, segir lektor sem leiðir tveggja og hálfs milljarðs króna rannsókn á svefni og svefntengdum öndunartruflunum.

Lengri umfjöllun:

Aðeins tæp vika er nú í að kjördagur renni upp í forsetakosningunum í Bandaríkjunum - þriðjudagurinn 3. nóvember. Um 250 milljón manns hafa rétt á að kjósa í Bandaríkjunum. Yfir 70 milljón manns hafa þegar kosið utan kjörfundar eða í póstkosningum og er það mun hærri tala en í kosningunum 2016. Um 137 milljón manns kusu í forsetakosningunum 2016 sem er um 56 prósent kjörsókn. Flest bendir til þess að kjörsókn verði meiri nú. Eins og kunnugt er þá er kosningakerfið í Bandaríkjunum all frábrugðið kerfinu hér heima. Íbúar í hverju ríki kjósa kjörmenn, sem síðan kjósa forsetann. Kosnir eru 538 kjörmenn, mismargir í hverju ríki eftir íbúafjölda. Fjölmenn ríki eins og Kalifornía og Texas fá miklu fleiri kjörmenn en fámenn ríki eins og Wyoming og Vermont. Sá frambjóðandi sem sigrar í tilteknu ríki fær alla kjörmenn þess. Frambjóðendur keppa því að því að fá samtals 270 kjörmenn eða fleiri kosna. Þá er kominn meirihluti kjörmanna og björninn þar með unninn. Kosningabaráttan fer einkum fram í þeim ríkjum þar sem mjótt er á munum á milli frambjóðenda, svokölluðum sveifluríkjum. Þau eru fjórtán, þar á meðal fjölmenn ríki eins og Texas, Pennsylvanía og Flórída þar sem margir kjörmenn eru undir. Frambjóðendur láta ríki eins og Connecticut og Oklahóma nánast eiga sig í kosningabaráttunni. Biden er öruggur með sigur í Connecticut og Trump í Oklahóma og því til lítils að eyða miklu púðri þa

Svandís Svavarsdóttir, heilbrigðisráðherra telur ekki að pottur hafi verið brotinn í sóttvörnum á Landakoti þrátt fyrir að hópsýking hafi blossað þar upp. Allir hafi verið að gera sitt besta.

Ólafur Guðlaugsson, yfirlæknir sýkingavarna á Landspítalanum segir að reynt sé að takmarka samgang á spítalanum en einhverjir fari á milli deilda og ekki sé hægt að hólfaskipta spítalanum að fullu. Sólveig Klara Ragnarsdóttir talaði við hann.

Riðusmit hefur verið staðfest á þremur bæjum Stóru-Ökrum þar sem riða var staðfest í síðustu viku

Eybjörg Hauksdóttir, framkvæmdastjóri Samtaka fyrirtækja í velferðarþjónustu segir viðbótarkostnað hjúkrunarheimila vegna COVID-19 hlaupa á hundruðum milljóna, en stjórnvöld hafi ekki bætt þeim krónu vegna þessa. Úlla Árdal talaði við hana.

Forstjóri Alþjóðaheilbrigðisstofnunarinnar segir hættulegt ef stjórnvöld einstakra ríkja gefast upp í baráttunni gegn útbreiðslu kórónuveirunnar. Ásgeir Tómasson sagði frá.

----------

Samkvæmt kjarasamningum geta atvinnurekendur ekki skikkað starfsmenn til að vinna heima. Starfsmenn geta ekki heldur ákveðið einhliða að fara í fjarvinnu. Arnar Páll Hauksson sagði frá og talaði við Bryndísi Guðnadóttur, forstöðumann kjarasviðs VR.

Riðusmit hefur nú verið staðfest á fjórum bæjum í Skagafirði, það er Tröllaskagahólfi. Anna Kristín Jónsdóttir ræddi við Guðfinnu Hörpu Árnadóttur, formann Landssamtaka sauðfjárbænda.

Eins og aðrar ríkisstjórnir bíður sú breska eftir úrslitum í bandarísku forsetakosningunum. Líka af því úrslitin gætu haft áhrif á Brexit, útgöngu Breta úr ESB. Sigrún Davíðsdóttir sagði frá.

Umsjón: Anna Kristín Jónsdóttir

Tæknimaður: Mark Eldred