Ljóst er að mál af þessu tagi geta haft áhrif á orðspor íslensks sjávarútvegs og stöðu á alþjóðlegum markaði. Þetta kemur fram í yfirlýsingu sem Samtök fyrirtækja í sjávarútvegi sendu frá sér um ásakanir á hendur Samherja. Sjávarútvegs- og dómsmálaráðherra Namibíu sögðu af sér í morgun vegna ásakana um að hafa þegið greiðslur frá Samherja í skiptum fyrir kvóta.

Bandaríkjaforseti lét sér meira annt um mögulega rannsókn á Biden-feðgum í Úkraínu en um velferð Úkraínu sem lands. Þetta kom fram í yfirheyslum rannsóknarnefndar Bandaríkjaþings sem fóru fram fyrir opnum tjöldum í dag.

Stefnt er að því að flug milli Bretlands og Akureyrar hefjist á ný næsta vetur. Afar mikilvægt er talið að fylla í það skarð sem breska félagið Super Break skildi eftir sig.

Engar reglur gilda um fegrunaraðgerðir, og ófaglært fólk gerir þær í bílskúrum og bakherbergjum. Þetta er eins og villta vestrið, segir Ómar Valdimarsson, lögmaður kvenna sem eru illa leiknar eftir misheppnaðar aðgerðir. Jenna Lind Eysteinsdóttir húðsjúkdómalæknir segir að herða þurfi reglur um fyllingaraðgerðir, eins og gert hefur verið um bótox. Sigríður Hagalín Björnsdóttir ræddi við þau.

María Heimisdóttir, forstjóri Sjúkratrygginga Íslands sakar sjúkraþjálfara um að beita sjúklingum fyrir sig í deilu við yfirvöld. Sjúklingar þurfa nú að greiða allt að átta þúsund krónur fyrir sjúkraþjálfun og sækja sjálfir endurgreiðslu til Sjúkratrygginga. Kristín Sigurðardóttir talaði við hana.

Embætti landlæknis hefur safnað upplýsingum frá starfsfólki og sjúklingum á Reykjalundi í gær og í dag. Starfsfólk greinir aukna bjartsýni innanhúss. Andri Yrkill Valsson ræddi við Guðrúnu Karlsdóttir yfirlækni á taugasviði Reykjalundar og Kjartan Hrein Njálsson, aðstoðarmann Landlæknis.

Stjórnarmyndunarviðræður eru að hefjast á Spáni. Leiðtogar flokka sem reyndu vikum saman að komast að samkomulagi fyrr á árinu ætla að gera aðra tilraun. Ásgeir Tómasson sagði frá.

Samkvæmt breytingatillögu við frumvarp til fjárlaga sem kynnt var á Alþingi í dag verður ríkinu heimilt að kaupa eða leigja húsnæði til að stækka flugstöðina á Akureyri. Ágúst Ólafsson talaði við Guðjón Helgason upplýsingafulltrúa ISAVIA.

Helmingur 16 tonna af olíu sem rann úr oliutanki á Borgarfirði eystra fannst í rotþró sveitarfélagsins. Rúnar Snær Reynisson sagði frá.

--------------

Samkvæmt nýrri samevrópskri rannsókn telur mikill meirihluti Íslendinga að lífskjör aldraðra hér á landi séu slæm. Arnar Páll Hauksson ræddi við Sigrúnu Ólafsdóttir prófessorí félagsfræði við Háskóla Íslands.

Viðhorf fólks til vinnu eru að breytast, segir Guðbjörg Linda Rafnsdóttir prófessor í félagsfræði við Háskóla Íslands, yngra fólk vilji ekki verða þrælar vinnunnar. Íslendingar hafi löngum skorið sig frá nágrannaþjóðum í því að setja samasemmerki milli þess að vinna mikið og vera duglegur. Guðbjörg varar við því að stytting vinnutíma geti aukið álag ef verkefnum er ekki fækkað. Anna Kristín Jónsdóttir ræddi við Guðbjörgu

Alþjóðlegur rannsóknarhópur fræðimanna með viðamikla þekkingu á fleygrúnum, efnafræði matvæla og matvælasögu, hefur unnið að endurgerð elstu mataruppskrifta veraldar. Matargerðarlistin hefur ekki breyst svo mikið í fjögur þúsund ár. Pálmi Jónasson sagði frá.

Umsjón: Anna Kristín Jónsdóttir

Tæknimaður: Ragnar Gunnarsson

Stjórn útsendingar í fréttahluta: Bj

Fjölmörg fyrirtæki og stofnanir á Akureyri mótmæla því að ekki sé gert ráð fyrir fjármagni í uppbyggingu Akureyrarflugvallar næstu fimm árin. Núverandi aðstaða geti hamlað frekari vexti og uppbyggingu í ferðaþjónustunni. Ágúst Ólafsson segir frá.

Svandís Svavarsdóttir, heilbrigðisráðherra ætlar að tryggja fé til að flytja skimun fyrir legháls- og brjóstakrabbameini frá Krabbameinsfélaginu til Landspítala. Þetta kom fram í svari hennar við óundirbúinni fyrirspurn Hönnu Katrínar Friðrikson, Viðreisn á Alþingi í dag . Ásrún Brynja Ingvarsdóttir tók saman

Brauð úr krybbumjöli og dýrafóður úr svörtum hermannaflugum er í þróun í samevrópsku verkefni sem íslensk fyrirtæki og stofnanir taka þátt í. Birgir Örn Smárason sérfræðingur hjá Matís segir bragðið af pöddunum ekki skipta öllu máli heldur nýtist þær sem próteingjafi. Kristín Sigurðardóttir ræddi við hann.

Prófessor við Ríkisháskólann í Sankti-Pétursborg í Rússlandi játaði fyrir rétti í dag að hafa myrt fyrrverandi nemanda sinn í síðustu viku. Upp komst um málið þegar honum var bjargað úr ánni Moiku í miðborg Sankti Pétursborgar á laugardag. Dagný Hulda Erlendsdóttir sagði frá.

Ástandið í kælibransanum minnir á villta vestrið, eftirliti er ábótavant og hvati er til að láta sterkar gróðurhúsalofttegundir gossa út í andrúmsloftið í stað þess að skila þeim í förgun. Þetta segja starfsmenn stórs fyrirtækis á sviði kælitækni. Arnhildur Hálfdánardóttir tók saman og ræddi við Elís Sigurjónsson og Ingvar Kristinsson hjá Kælitækni.

Ódæðisverk glæpagengja í Svíþjóð, leigumorð og sprengjutilræði hafa orðið til þess að lögregluyfirvöld hafa lýst yfir sérstökum viðbúnaði á landsvísu. Rammast hefur kveðið að þessu í Suður-Svíþjóð. Kári Gylfason fréttaritari í Svíþjóð fylgdist með blaðamannafundi lögreglunnar í dag.

Umsjón: Anna Kristín Jónsdóttir

Tæknimaður Ragnar Gunnarsson

Stjórn útsendingar: Björg Guðlaugsdóttir

Starfandi forstjóri á Reykjalundi hefur ákveðið að hætta. Til stendur að heilbigðisráðherra skipi sérstaka starfstjórn.

Útlit er fyrir að ríkissjóður verði rekinn með halla á næsta ári, segir formaður fjárlaganefndar Alþingis.

Hópur blaðamanna á mbl.is, sem var í verkfalli í dag, lýsa vonbrigðum með að aðrir blaðamenn hafi verið fengnir til að skrifa á vefmiðilinn.

Fjögur af fimm félögum háskólamanna, sem höfðu samið við ríkið, samþykktu samninginn í atkvæðagreiðslu sem lauk í dag.

Landbúnaðarráðherra segist fagna aukinni framleiðslu á grænmeti, en segist ekki vita hvort raunhæft sé að tala um risagróðurhús eins og í undirbúningi er í Ölfusi.

Verslunin Brynja á Laugavegi í Reykjavík hét upp á 100 ára afmæli í dag. Núverandi eigandi tók við af föður sínum.

30 ár eru liðin frá því að Berlínarmúrinn féll. Kristján Sigurjónsson talaði við hjónin Helga Hilmarsson og Hrafnhildi Ragnarsdóttur sem voru við nám í Vestur Berlín og hann talaði líka við Kristínu Jóhannsdóttur sem var ný flutt frá Austur Þýskalandi til Berlínar.

Arnhildur Hálfdánardóttir fjallaði áfram um F- göstsem notuð er i kælikerfi. Hún talaði við Auðunn Pálsson og Braga Ragnarsson.

Dómsmálaráðherra hyggst setja af stað vinnu á næsta ári til þess að undirbúa aðskilnað ríkis og kirkju.

Sjálfstæðisflokkurinn er í algjörum sérflokki þegar kemur að fjármálum ríkisstjórnarflokkanna. Flokkurinn fékk 22 milljónir frá fyrirtækjum og 49 milljónir í félagsgjöld og framlög frá einstaklingum á síðasta ári. Hinir stjórnarflokkarnir tveir, Framsóknarflokkur og Vinstri græn, fengu samanlagt tæpar þrettán milljónir frá fyrirtækjum í landinu.

Þyngsti dómur sem kveðinn hefur verið upp við Alþjóðastríðsglæpadómstólinn í Haag féll í dag.

Fólk á eftir að missa vinnuna, en í fjölgun vélmenna felast þó tækifæri. Þetta segir Sigurður Ólason, framkvæmdastjóri fiskiðnaðar hjá Marel, um fjórðu iðnbyltinguna.

Mangó, papaya og fleiri framandi ávextir gætu orðið útflutningsvara frá Íslandi, gangi hugmyndir fjárfesta um risavaxið gróðurhús í Ölfusi eftir.

Atkvæðagreiðslu um samning sem fimm félög BHM gerðu við ríkið lýkur á morgun. Formaður eins félagsins segir að samningur þýði ekki kjararýrnun. 10 félög innan BHM hafa fengið sama tilboð sem þau telja að hafi í för með sér kaupmáttarrýrnun.

Þjóðum heims tókst að bjarga ósonlaginu með því að taka ósoneyðandi efni úr umferð en efnin sem komu í staðinn reyndust líka vandræðagemsar. Nú á að skipta þeim út fyrir eitthvað annað. Efnafræðingur segir mikilvægt að þróunarríki millilendi ekki í sama umhverfisvanda og Vesturlönd, F-gasavandanum.

Forsætisráðherra segir að fara þurfi yfir allt regluverk til að koma í veg fyrir misskilning sem varð í máli albanskrar konu sem var send þunguð úr landi í fyrrinótt.

Forstjóri Heilsugæslu höfuðborgarsvæðisins segir að heilsugæslulæknir hafi gefið út vottorð nokkrum dögum eftir að hann hitti albönsku konuna. Hann geti ekki fullyrt hvort ástand hennar hafi breyst í millitíðinni.

Seðlabankastjóri segir eðlilegt að forsætisráðherra hafi tilkynnt lögreglu um meintan upplýsingaleka vegna húsleitar hjá Samherja.

John Bercow, fyrrverandi forseti neðri málstofu breska þingsins, segir útgöngu Breta úr Evrópusambandinu mestu mistök þeirra frá lokum seinni heimstyrjaldarinnar. Kosningabaráttan er brostin á í Bretlandi.

Hjúkrunarfræðingur Frú Ragnheiðar segir að með opnun neyslurýmis fyrir sprautufíkla yrði stigið risastórt skref í skaðaminnkun. Fyrir Alþingi liggur nú frumvarp um að sveitarfélögum verði heimilt að koma upp rýmum fyrir þá sem sprauta sig með fíkniefnum. Arnar Páll Hauksson talar við Elísabetu Brynjarsdóttur.

Kosningabaráttan í Bretlandi er rétt að byrja og það liggur þegar í loftinu að hún verði einkar hörð og Brexit-áhrifin óútreiknanleg. Íhaldsflokkurinn þarf að verja um tíu prósenta forskot, Verkamannaflokkurinn að sýna samtakamátt og trú á flokksleiðtogann og minni flokkarnir að sanna fyrir kjósendum að atkvæði á þá sé ekki kastað á glæ í einmenningskjördæmakerfinu. Sigrún Davíðsdóttir segir frá.

Umsjón: Pálmi Jónasson

Kasóléttur hælisleitandi var fluttur úr landi í dag. Landlæknir lítur málið alvarlegum augum og biskup segir þetta mannréttindabrot.

Aflandsvæðing eignarhalds á jörðum í íslenskri eigu hefur rutt brautina fyrir kaup Jims Ratcliffes á jörðum með laxveiðiréttindi.

Ríkisstjórnin samþykkti í morgun frumvarp Katrínar Jakobsdóttur um vernd uppljóstrara.

Umhverfisstofnun fyrirhugar að friðlýsa 82 hektara votlendissvæði í Skorradal.

Það er ljóst að breski auðkýfingurinn Jim Ratcliffe er stærsti jarðeigandi á Íslandi. Það er hins vegar óljósara hversu margar jarðir hann á í raun. Ein ástæðan er sú að eignarhalda jarðanna var þegar aflandsvætt og viðskiptin fara því að hluta fram utan landsteinanna. Sigrún Davíðsdótitr sagði frá.

Réttarhöld hófust í dag yfir einum nánasta bandamanni Donalds Trumps. Roger Stone er ákærður í sjö liðum eftir rannsókn Roberts Muellers á afskiptum Rússa af síðustu forsetakosningum. Hann er sakaður um að hindra réttvísina, hafa áhrif á vitni og bera ljúgvitni. Pálmi Jónasson fjallar um málið í Speglinum.

Í síðustu samningum VR fjölmennasta stéttarfélags landsins var samið um styttingu vínnutíma um 9 mínútur á dag, þrjá tíma og fimmtán mínútur á mánuði eða fjórir og hálfur dagur yfir árið. Útfærslan á hverjum vinnustað er háð samkomulagi félagsmanna og atvinnurekenda. Styttingin tekur gildi um næstu ármót en útfærslan á að liggja fyrir eftir mánuð. Bryndís Guðnadóttir, forstöðumaður kjaramálaráðs hjá VR segir að margir séu komnir vel á veg. Anna Kristín Jónsdóttir segir frá.

Umsjónarmaður Spegilsins er Pálmi Jónasson.

Félagsmálaráðherra stendur með nýjum forstjóra Vinnumálastofnunar og segir ólguna þar innanhúss stafa af breytingum sem hún var skipuð til að ná í gegn.

Rektor Háskóla Íslands vill ekki aðgangsstýringu að skólanum ef það þýðir að stúdentum fækki. Samtök atvinnulífsins hafa lagt fram slíkar hugmyndir til að sporna gegn brottfalli.

Skiptar skoðanir virðast vera um tillögur samtakanna um að stytta grunnskólann. Aðstoðarskólastjóri segir að með því væri verið að stytta barnæskuna.

Skráningar hafa týnst í sjúkraskrárkerfinu Sögu og gleymst hefur að fylgja þeim eftir. Þetta segir sérfræðingur á bráðamóttöku.

Donald Trump þarf að skila skattframtölum, átta ár aftur í tímann. Þetta var niðurstaða áfrýjunarréttar í dag.

Mikil mengun hefur verið á Akureyri í allan dag og börnum og fólki með viðkvæm öndunarfæri ráðlagt að forðast útivist við umferðargötur.

Aðstoðarskólastjóri segir að það væri skerðing á lífsgæðum ef grunnskólinn yrði styttur um eitt ár. Börn verði ári styttir börn ef þau fari fyrr á vinnumarkaðinn. Formaður Félags grunnskólakennara segir að tillögur um styttingu grunnskólans séu í andstöðu við þá bylgju í samfélaginu að minnka álag. Arnar Páll Hauksson fjallar um málið í Speglinum.

Í dag eru fjörutíu ár síðan íranskir stúdentar brutu sér leið inn í bandaríska sendiráðið og tóku starfsmenn og fjölskyldur þeirra í gíslingu. Fimmtíu og tveimur gíslum var ekki sleppt fyrr en 444 dögum síðar. Pálmi Jónasson fjallar um málið í Speglinum.

Orkuskipti - hrein orka - rafvæðing bílaflotans - minni kolefnislosun. Þetta virðast bæði góð og þörf verkefni - bráðnauðsynleg jafnvel til að stemma stigu við þeim ógnvænlegu loftslagsbreytingum sem þegar eru farnar að eiga sér stað. En þótt orkan sé endurnýjanleg - eða eigi að vera það - þá er ekki sömu sögu að segja um alla þá sjaldgæfu málma sem eru notaðir til að framleiða rafbíla, sólarrafhlöður og vindmyllur. Vinnsla málmanna er orkufrek og getur valdið mengun og alvarlegum umhverfisspjöllum. Kári Gylfason í Gautaborg segir frá.

Lögreglan á Suðurnesjum greip til umfangsmikilla rýmingaraðgerða nú síðdegis vegna gamals sprengiefnis sem fannst í gámi á iðnaðarsvæði við íbúðarhverfi í Njarðvík. Lögregla hefur þurft að rýma íbúðahverfi. Sprengjusérfræðingar hyggjast flytja efnið af svæðinu.

Alvarlegt umferðarslys varð á Reykjanesbraut á fimmta tímanum.

Heilbrigðisráðherra hittir landlækni og forstjóra Sjúkratrygginga í næstu viku til að fara yfir málefni Reykjalundar.

Samtök atvinnulífsins vilja að öllum börnum verði tryggt leikskólapláss strax og fæðingarorlofi lýkur, það sé brýnt jafnréttismál. Þá vilja þau stytta grunnskólanám um eitt ár og taka upp fjöldatakmarkanir í háskólum.

Mennirnir þrír sem ákærðir eru fyrir stórfellda amfetamínsframleiðslu í sumarbústað í Borgarfirði neituðu allir sök við aðalmeðferð málsins í héraðsdómi Reykjavíkur.

Menntamálaráðherra hefur skipað Magnús Geir Þórðarson, útvarpsstjóra, í embætti þjóðleikhússtjóra

Cop 25 loftslagsráðstefnan, sem halda á í næsta mánuði, hefur verið flutt frá Santíagó í Chile til Madrídar á Spáni.

Það er ómetanlegt að vera við góða heilsu eða hvað? Er kannski hægt að setja á það verðmiða? Hagfræðiprófessor segir mikilvægt að verðmeta óáþreifanleg gæði.

Tveggja milljarða samningur Reykjalundar við Sjúkratryggingar Íslands gæti verið í uppnámi. Allir læknar á Reykjalundi, að þremur undanskildum, hafa sagt upp störfum.

Félagsmálaráðherra segir að ávallt verði að hafa hagsmuni barns í fyrirrúmi þegar því er valið fósturforeldri. Meta þurfi hverju sinni hvort mikið hreyfihamlað fólk sé fært um að taka að sér barn.

Bretar gengu ekki út úr Evrópusambandinu í dag líkt og til stóð. Þess í stað ganga þeir til þingkosninga þann tólfta desember.

Farið verður í mikla vinnu til að koma Íslandi af lista yfir ríki með ónógar varnir gegn peningaþvætti og fjármögnun hryðjuverka. Þetta segir ráðuneytisstjóri.

Um áttatíu starfsmenn ráðgjafafyrirtækisins KPMG hafa veikst af magapest undanfarna daga og hafa veikindin verið tilkynnt til embættis sóttvarnalæknis.

Hæstaréttarlögmaður segir ákveðins misskilnings gæta í umræðunni um miskabætur. Bætur vegna kynferðisbrota séu yfirleitt hærri en bætur vegna ólögmætra uppsagna.

Þegar Norðurlandabúar hittast gera menn að einhverju marki ráð fyrir því að Svíar, Danir og Norðmenn skilji tungumál hverjir annarra. Sá skilningur er þó oft takmarkaður, hvað þá Íslendinganna. Danskur málfræðingur telur að tryggja megi skilning með orðalista.

Það er skemmtilegt að hræða fólk. Þetta segir Torfi Sveinn Ásgeirsson, sem hræddi líftóruna úr félögum sínum í félagsmiðstöðinni Þrótheimum í Laugardal.