Fréttir:

Tvö lík fundust á Sólheimasandi fyrr í dag. Lögregla telur að fólkið hafi orðið úti.

Niðurstöður sérfræðinga á Veðurstofunni benda til þess að flóðin sem féllu á flateyri í gær séu með allra stærstu snjóflóðum sem fallið hafa á leiðigarða í heiminum,

Unglingsstúlkan sem lenti í snjóflóðinu á Flateyri í fyrrinótt, var viss um að henni yrði bjargað. Móðir hennar hafði sömu sannfæringu.

Tugmilljónir íbúa í ríkjum í sunnanverðri Afríku þurfa hið bráðasta á mataraðstoð að halda vegna þurrka og annarra ástæðna. Sameinuðu þjóðirnar vantar á þriðja hundrað milljónir dollara til kaupa á matvælum.

Lengri fréttapistlar:

Það eru ekki allir öruggir heima hjá sér. Varnargarða skortir á átta þéttbýlissvæðum þar sem snjóflóðahætta er mikil. Eftir snjóflóðin mannskæðu í Súðavík og á Flateyri árið 1995 ákváðu stjórnvöld að grípa til aðgerða til að minnka líkur á að slík flóð kostuðu fleiri mannslíf. Ekki sér fyrir endann á uppbyggingunni sem hefur ítrekað tafist. Aldís Hafsteinsdóttir, formaður Sambands íslenskra sveitarfélaga, segir sveitarfélögin lengi hafa talað fyrir daufum eyrum.

Félagsmenn í Starfsgreinasambandinu eiga nú kost á þriggja mánaða launuðu námsleyfi og allir fá 30 daga orlof. Þetta eru nýmæli í kjarasamningi 17 félaga sem undirritaður var í dag.

Forsætisráðherra segir að allt viðbragðslið hafi staðið sig afburða vel. Fjármálaráðherra segir varnarmannvirkinn hafa sannað gildi sitt en nú verði að skoða aðra staði þar sem stjórnvöld hafi ætlað sér að vera búin að byggja frekari varnir.

Eigandi eins af bátunum sem sukku á Flateyri í nótt segist lengi hafa óttast að snjóflóð félli á smábátahöfnina.

Varnargarðarnir í hlíðinni fyrir ofan Flateyri eru ekki jafn sterkir og talið var, þegar þeir voru byggðir árið 1998. Ekki er víst að garðarnir gætu gripið flóð á borð við það sem féll 1995 að fullu.

Þrátt fyrir að enginn eigi að vera á veturna í gömlu byggðinni í Súðavík var þar fólk í nótt. Óvissustig er á norðanverðum Vestfjörðum vegna snjóflóðahættu.

Lögreglan í Alicante á Spáni hefur ákært fertugan Íslending fyrir morð og morðtilraun Hann er grunaður um að hafa myrt sambýlismann móður sinnar um síðustu helgi.

Umsjón Anna Kristín Jónsdóttir og Arnar Páll Hauksson

Tæknimaður Davíð Berndsen

Enn er ófært eða illfært víða um land og appelsínugular og gular veðurviðvaranir í gildi nema á suðvesturhorninu. Snjóflóð féll úr Eyrarhlíð síðdegis og hættustig vegna snjóflóða er á Ísafirði. Andri Yrkill Valsson segir frá.

Bjarna Benediktssyni, fjármálaráðherra finnst ástæða til að spyrja um forgangsröðun í rekstri Landspítalans. Hann hafi ekkert séð sem bendi til þess að viðbótarfé dugi til að leysa hnúta á bráðamóttökunni.

Guðrún Lísbet Níelsdóttir, verkefnastjóri fyrir viðbragðsáætlanir Landspítalans, segir að sjúkrahúsið verði að geta tekið á móti slösuðum úr hópslysi þrátt fyrir krefjandi aðstæður á Landspítalanum. Rætt var við hana í Samfélaginu á rás 1.

Íslendingur, sem er grunaður um að hafa orðið sambýlismanni móður sinnar að bana á Spáni um helgina, hefur verið ákærður fyrir manndráp. Beatriz Garcia talsmaður lögreglu staðfestir það.

Breska stjórnin segir ekki koma til greina að heimila Skotum að efna til atkvæðagreiðslu um sjálfstæði, eins og heimastjórnin hefur farið fram á. Ásgeir Tómasson segir frá.

-----

Már Kristjánsson, yfirlæknir smitsjúkdómalækninga á Landspítalanum, segir vont ef ekki má benda á það sem fer illa án þess að vera hakkaður í spað. Már lýsti áhyggjum sínum af stöðunni á bráðamóttöku Landspítalans í viðtali við Læknablaðið fyrir tveimur vikum. Hann segir að sér hafi verið misboðið fyrir hönd sjúklinga. Í kjölfar viðtalsins sendu stjórn Læknaráðs spítalans og vaktstjórar hjúkrunar á bráðadeild frá sér ályktun og lýstu samskonar áhyggjum. Staða heilbrigðiskerfisins var rædd á fundi velferðarnefndar Alþingis í dag. Þar var Már meðal gesta. Sunna Valgerðardóttir, fréttamaður, ræddi við hann fyrir fundinn.

Þórey S. Þórðardóttir, framkvæmdastjóri Samtaka lífeyrissjóða segir að miklar skerðingar almannatrygginga dragi úr tiltrú fólks á lífeyrissjóðakerfinu. Arnar Páll Hauksson ræðir við Þóreyju.

Á þrettándanum, sá Leonardo Hernandez Balbuena sjómaður, fyrsta hval vetrarins við Cape Samanaeyju í Dóminíska lýðveldinu. Hann er greinilega áhugamaður um hvali; tók mynd af sporðblöðku hvalsins og hún gekk svo áfram á samfélagsmiðlum. Hvalaleiðsögumaðurinn, Eva Reznickova deildi henni á fésbókarsíðu sem er helguð hnúfubökum, til eru fjölmargir slíkir hópar. Þar rak Valerie Chosson, lífrræðingur og starfsmaður Hafrannsóknastofnunar augun í myndina. Anna Kristín Jónsdóttir ræðir við Valerie.

Umsjónarmaður: Anna Kristín Jónsdóttir, tæknimaður: Ragnar Gunnarsson og Ingibjörg Sara Guðmundsdóttir stýrði útsendingu í fréttahluta.

Hús í iðnaðarhverfi ofan Skutulsfjarðarbrautar á Ísafirði voru rýmd síðdegis vegna snjóflóðahættu. Þar er í gildi hættustig Fyrir var í gildi óvissustig á norðanverðum Vestfjörðum vegna hennar vegna snjóflóðahættu.

Appelsínugular og gular veðurviðvaranir eru í gildi á landinu öllu, vegna norðaustanstorms, eða roks, hríðar og skafrennings sem linnir ekki fyrr en annað kvöld, rætt við Sigurð Jónsson, veðurfræðing.

Íslendingar og Rússar eigast nú við á Evrópumótinu í handbolta í Malmö og staðan í hálfleik er 18 - 11, Íslendingum í vil.

Það er ótrúlegur heiður en um leið súrrealískt að vera tilnefnd til Óskarsverðlauna. Þetta segir Hildur Guðnadóttir, tónskáld í samtali við Jóhann Bjarna Kolbeinsson

YouTube og Facebook hafa ritskoðað efni frá fjöllistahópnum Hatara. Liðsmaður Hatara segir að völdin á internetinu séu að færast á hendur færri og það ætti að sporna við þeirri þróun segir Matthías Tryggvi Haraldsson. Bergljót Baldursdóttir ræddi við hann.

Finnur Birgisson, liðsmaður Gráa hersins segir að tekjutenging lífeyris hér á landi sé eins og á annarri plánetu miðað við önnur Norðurlönd. Samtökin ætla á næstunni að stefna ríkinu vegna skerðinga í lífeyriskerfinu.Arnar Páll Hauksson tók saman og ræddi við Daniel Isebarn Ágústsson lögmann og Finn

Það er ekki alltaf auðvelt að leysa fjölskyldudeilur og enn flóknara þegar fjölskyldan er einnig opinber stofnun eins og á við um bresku konungsfjölskylduna. Sigrún Davíðsdóttir segir frá.

Umsjón: Anna Kristín Jónsdóttir. Tæknimaður: Ragnar Gunnarsson. Útsendingu stjórnaði Ingibjörg Sara Guðmundsdóttir.

Samhæfingarstöðin í Skógarhlíð hefur verið virkjuð vegna rútuslyss sem varð nærri bænum Öxl suður af Blönduósi á fimmta tímanum í dag. Tvær rútur voru í samfloti og valt önnur þeirra.

Slæmt veður hefur haldið áfram að setja samgöngur úr skorðum norðan- og vestanlands í dag eins og síðustu daga. Appelsínugul viðvörun er í gildi á Vestfjörðum fram yfir hádegi á morgun.

Úkraínumenn hafa fengið afhenta flugritana úr farþegaþotu sem fórst í Íran aðfaranótt miðvikudags. Framkvæmdastjóri Atlantshafsbandalagsins kveðst ekki draga í efa upplýsingar um að Íranar hafi skotið hana niður.

Slökkviliðsstjóri á höfuðborgarsvæðinu segir að engan veginn sé hægt að útiloka bruna í bílastæðahúsum hér á landi eins og varð við flugvöllinn í Stafangri.

Menningarviðurkenningar Ríkisútvarpsins voru afhentar í dag. Guðrún Eva Mínervudóttir hlaut viðurkenningu úr Rithöfundasjóði útvarpsins. Hamfarahlýnun er orð ársins.

Spegillinn 09.01.2020

Umsjón: Bergljót Baldursdóttir

Bandaríska leyniþjónustan telur að flugskeyti hafi grandað úkraínskri farþegaþotu sem fórst í Íran í fyrrinótt. Forsætisráðherra Bretlands krefst ítarlegrar og opinskárrar rannsóknar á slysinu.

Að minnsta kosti tólf ferðamenn sem lentu í hrakningum á Langjökli í fyrradag hafa þegar leitað réttar síns gegn fyrirtækinu Mountaineers of Iceland.

Grunur er um að tveir lyfsalar hafi gerst sekir um alvarlegt misferli við afgreiðslu lyfja. Lyfjastofnun telur að umtalsvert magn af lyfseðilsskyldum lyfjum hafi verið afgreitt án lyfseðla.

Búast má við aldauða einhverra dýrategunda í Ástralíu vegna gróðureldanna sem þar geisa. Þetta er mat spendýravistfræðings sem starfað hefur í Ástralíu.

Stjórnvöld í Ástralíu hafa afþakkað aðstoð fimmtíu slökkviliðsmanna frá Danmörku við að berjast við gróðurelda sem hafa brunnið mánuðum saman. Trine Bramsen varnarmálaráðherra greinir frá þessu í fréttatilkynningu. Þar kemur fram að Ástralar séu afar þakklátir Dönum fyrir boðið, en aðstoðin sé afþökkuð eins og sakir standa. Best sé að staðkunnugir berjist við eldana. Bramsen segir að tilboðið standi, þótt því hafi ekki verið tekið að sinni.

Talið er að mun fleiri hjúkrunarfræðingar glími við kulnun nú en fyrir fimm árum. Þá fann helmingur hjúkrunarfræðinga fyrir henni. Mannauðsstjóri spítalans segir að ástandið hafi versnað.

Flestir fjallvegir á norður- og vesturlandi hafa verið lokaðir vegna veðurs í dag. Stefnt er að mokstri í nótt, en nýjar veðurviðvaranir taka gildi á morgun

Einn forsvarsmanna Mountaineers of Iceland segir alla innan fyrirtækisins miður sín yfir ferð sem farin var á Langjökul í gær, þrátt fyrir aðvaranir um óveður. Þau ætli að setja sig í samband við fólkið.

Færð á vegum á norðanverðu landinu fer nú batnandi, þótt fjallvegir séu víða enn lokaðir. Snjóflóðahætta er í fjöllum fyrir norðan.

Forstjóri Tryggingastofnunar furðar sig á ummælum formanns Öryrkjabandalagsins um að stofnunin upplýsi fólk ekki um réttindi sín til að spara ríkinu fé.

Tuttugu og fjögurra marka drengur sem kom í heiminn á Landspítalanum á nýársnótt er eitt stærsta barn sem fæðst hefur hér á landi undanfarin ár.

Helsta kosninga-tromp Boris Johnson forsætisráðherra Breta hafa verið einfaldar Brexit-lausnir. Á nýju ári reynir á hvort þær eru í raun jafn einfaldar og loforðin.

Umsjón: Pálmi Jónasson

Vonskuveður er á landinu og allt innanlands- og millilandaflug liggur niðri. Holtavörðuheiði, Bröttubrekku og fleiri leiðum hefur verið lokað vegna veðurs. Gul veðurviðvörun í gildi fyrir allt landið þar til eftir hádegi á morgun.

Slökkviliðið í Stafangri í Noregi berst við eld í bílastæðahúsi við flugvöll borgarinnar. Óttast er að húsið kunni að hrynja.

Sveitarstjóri Bláskógabyggðar segir að mikið verk sé óunnið við stofnun Miðhálendisþjóðgarðs. Hún efast um að lög um garðinn taki gildir um næstu áramót.

Scott Morrison, forsætisráðherra Ástralíu, hefur oft vakið hneykslan en líklega hefur hann aldrei verið umdeildari en nú.

og Ofveiði á rostungum gæti skýrt hvers vegna norrænir menn yfirgáfu Grænland á 15. öld, eftir ríflega 400 ára dvöl.

Umsjón: Pálmi Jónasson

Landspítalinn hefur hafið rannsókn á því hvað gerðist þegar maður lést eftir að hafa verið sendur heim af bráðamóttökunni. Embætti landlæknis vill svör við því hvers vegna spítalinn hefur ekki tilkynnt embættinu um málið.

Atlantshafsbandalagið skorar á Írana að binda enda á ofbeldisverk og ögranir til að koma í veg fyrir að ástandið í Miðausturlöndum versni enn frekar. Þjálfun írakskra hermanna hefur verið slegið á frest.

Íslensk kona sem býr í Sydney segir Ástrali standa saman á erfiðum tímum. Gremja gagnvart stjórnvöldum fari á sama tíma vaxandi.

Landvernd leggst gegn því að heimilt verði að reisa nýjar virkjanir í miðhálendisþjóðgarðinum sem mun þekja þriðjung af flatarmáli landsins. Stent er að því að lög um garðinn taki gildir um næstu áramót.

Réttarhöld hófust í dag yfir kvikmyndaframleiðandanum Harvey Weinstein [Wænstín].

Það verður leiðindaveður og bálhvasst næstu daga. Búast má við erfiðri færð í fyrramálið og afur í síðdegisumferðinni á morgun, einkum á höfuðborgarsvæðinu.

Donald Trump Bandaríkjaforseti hótar heiftarlegum árásum og eyðileggingu menningarverðmæta í Íran, ætli þeir sér að hefna fyrir morðið á hershöfðingjanum Suleimani. Eyðilegging menningarverðmæta er stríðsglæpur samkvæmt Genfarsáttmálanum. Trump hótar nágrannaríkinu Írak einnig grimmilegum refsiaðgerðum. Pálmi Jónasson fjallar um málið í Speglinum.

Íslensk kona sem býr í Sydney segir Ástrali standa saman á erfiðum tímum. Gremja gagnvart stjórnvöldum fari á sama tíma vaxandi. Skógareldarnir í Ástralíu náðu miklum hæðum um helgina en í dag rigndi. Arnhildur Hálfdánardóttir fjallar um málið í Speglinum.

Landvernd leggst eindregið gegn því að heimilt verið að reisa nýjar virkjanir innan fyrirhugaðs miðhálendisþjóðgarðs. Það samræmist ekki skilgreiningu á þjóðgarði og gæti gengisfellt hugtakið þjóðgarður. Arnar Páll Hauksson fjallar um málið í Speglinum.

Þjóðaröryggisráð Írans segir að Bandaríkjamenn megi búast við hefndum fyrir að hafa orðið Qasem Soleimani, einum valdamesta manni landsins, að bana. Hann lét lífið í árás Bandaríkjahers í nótt.

Kristján Gunnar Valdimarsson, lögmaður og lektor, gengur laus á meðan lögregla rannsakar mál hans. Landsréttur hafnaði í dag kröfu lögreglunnar um að hann sæti fjögurra vikna gæsluvarðhaldi.

Leit hefur staðið yfir í allan dag á Snæfellsnesi að Andirs Kalvan. Ekkert hefur heyrst frá honum frá því fyrir helgi. 150 björgunarsveitarmenn taka þátt í leitinni.

Öll börn fædd eftir 2019 verða bólusett við hlaupabólu á árinu. Nokkur fjöldi barna leggst inn á Barnaspítalann eftir að hafa fengið hlaupabólu á hverju ári

Þá má búast við blindhríð víða um land á morgun en að það hláni þegar líður á daginn.

Þó að margt megi um Donald Trump segja þá er hann ekki herskár og ætlar sér ekki í stríð í Miðausturlöndum og það yrði honum ekki til framdráttar í forsetakosningunum í haust, segir Albert Jónsson sérfræðingur í alþjóðamálum. Anna Kristín Jónsdóttir talar við Albert.

Magnús Þorkell Bernhardsson, prófessor í málum Mið-Austurlanda við Williams háskóla í Bandaríkjunum hefur áhyggjur af því sem kann að gerast í framhaldinu. Hann segir að í Íran sé litið á þetta sem árás á Írani.

Fólk byggði ekki hús, það jarðaði ekki ástvini sína, margra alda þekking á bæði gull- og járnsmíði glataðist. Á rúmlega hundrað ára tímabili, frá árinu 536 til 650 virðist sögunni ekkert hafa undið fram í Noregi og Svíþjóð. Það hafa fáar minjar fundist frá þessum tíma en hvers vegna? Þegar vísindamenn fóru, á níunda áratug síðustu aldar, að skoða þetta tímabil í ljósi gamalla goðsagna um fimbulvetur fóru brotin að raðast saman. Arnhildur Hálfdánardóttir segir frá.