Í Víðsjá í dag segir Séra Henning Emil Magnússon frá sínu uppáhaldslistaverki, ljóði eftir bandarískan tónlistarmann og nóbelskáld, frá árinu 1974.

Rætt verður við Ólöfu K. Sigurðardóttur safnstjóra Listasafns Reykjavíkur um fyrirhugaðan flutning á listaverkasafni Nínu Tryggvadóttur til landsins og hugmyndir um breytingar á Hafnarhúsinu.

Hugað verður að jólatónleikum Rásar 1 sem teknir verða upp í Salnum að viðstöddum gestum á föstudagskvöld og sendir víða út víða um Evrópu á sunnudag, en þar kemur tónlistarhópurinn Nordic Affect fram. Halla Steinunn Stefánsdóttir listrænn stjórnandi hópsins verður tekin tali í þættinum.

Andri M. Kristjánsson fjallar um skáldsöguna Ungfrú Ísland eftir Auði Övu Ólafsdóttur og að lokum fá hlustendur sinn dagslega skammt af örsögum frá Blekfjelaginu á Jólaföstu.

Í dag kemur út nýtt fræðirit á vegum Bókmenntafélagsins; Bókin Krullað og klippt - Aldarsaga háriðna á Íslandi eftir Báru Baldursdóttur og Þorgerði H. Þorvaldsdóttur. Bókin var nýlega tilnefnd til Fjöruverðlaunanna í flokki fræðibóka og rita almenns eðlis. Við ræðum við höfundana í þætti dagins.

Hlustendur fá að heyra hvað tveimur bókmenntarýnum Víðsjár finnst um tvær nýútkomnar bækur. Gauti Kristmannsson fjallar um skáldsöguna Hans Blær eftir Eirík Örn Norðdahl og Guðrún Baldvinsdóttir fjallar um skáldsöguna Ritgerð mín um sársaukann eftir Eirík Guðmundsson.

EIns og í öllum þáttum Víðsjár fram að jólum munu meðlimir í Blekfjelaginu, félagi ritlistarnema við Háskóla Íslands, flytja jóla-örsögur.

Og Starkaður Sigurðarson, myndlistarrýnir Víðsjár, segir frá heimsókn sinni á sýninguna Hátt og lágt - samtímalist frá Íslandi sem opnuð var á dögunum í Kaupmannahöfn.

Umsjón: Guðni Tómasson og Halla Harðardóttir.

Í þætti dagsins verður farið á rúntinn með rithöfundinum Friðgeiri Einarssyni, en hann gaf nýverið út smásagnasafnið Ég hef séð svona áður.

Einnig verður rætt við Steinunni Sigurðardóttur um hennar nýjustu ljóðabók, Að ljóði munt þú verða, en hún er bók vikunnar á Rás1.

Steinunn Inga Óttarsdóttir rýnir í nýjustu skáldsögu Bergsveins BIrgissonar, Lifandi lífslækur.

María Kristjánsdóttir segir frá sinni upplifun af Íslendingasögum sem fluttar voru í Hörpu á 100 ára afmæli fullveldisins, og nýju leikverki 16 elskenda, Leitin að tilgangi lífsins.

Og Blekfjélagið verður á sínum stað með jólaörsögur.

Umsjón: Guðni Tómasson og Halla Harðardóttir.

Pétur Ármannson arkitekt er gestur Víðsjár í dag en hann er nýkominn heim frá París þar sem merkilegar teikningar eftir Högnu Sigurðardóttur arkitekt fundust nýverið. Pétur segir frá ferðalaginu og verkum Högnu í þættinum.

Hjörleifur Hjartarson og Rán Flygering eru einnig gestir þáttarins en þau voru nýverið tilnefnd til íslensku bókmenntaverðlaunanna fyrir söguna af Skarphéðni Dungal, flugunni sem setti fram nýjar kenningar um eðli alheimsins.

Blekfjélagið, félag ritlistarnema við Háskóla Íslands verður einnig á sínum stað með aðventuörsögu, eins og í hverjum þætti fram að jólum.

Og í þættinum berast einnig fréttir frá Svíþjóð en í vikunni lengdi áfrýjunardómstóll Svíþjóðar dóm kúltúrprófílsins svokallaða.

Umsjón: Guðni Tómasson og Halla Harðardóttir.

Við hugum að einni stærstu ritröð íslenskrar menningarsögu á síðustu árum, Kirkjur Íslands. Við ræðum við Þorstein Gunnarsson arkitekt og formann ritnefndar þegar við heimsækjum þjóðminjasafnið, þar sem opnaðar voru nýverið þrjár nýjar sýningar um kirkjur landisns.

Gauti Kristmannsson fjallar Listamannalaun eftir Ólaf Gunnarsson og Ragnar Ísleifur Bragason flytur pistil sem hann kallar Hann og hún.

Aldís Rut Gísladóttir, guðfræðingur, tekur við áskorun vikunnar og segir frá sínu uppáhaldslistaverki og við heyrum þrjár örsögur frá Blekfjélaginu, Félagi ritlistarnema við Háskóla Íslands.

Umsjón: Guðni Tómasson og Halla Harðardóttir.

Í þætti dagsins er rætt við Leif Ými Eyjólfsson sem sýnir um þessar mundir orð og setningabrot á leirtöflum í Listasafni Reykjavíkur. Sýningin kallast Handrit og á henni veltir Leifur fyrir sér merkingu og notkun tungumálsins.

Einnig er rætt við Ófeig Sigurðarson rithöfund um nýja skáldögu hans, Heklugjá, en hún er bók vikunnar á Rás1.

María Kristjánsdóttir rýnir í leikverkið Rejúníón sem frumsýnt var um liðna helgi í Tjarnarbíó og fluttar verða þrjár örsögur frá Blekfjélaginu, Félagi ritlistarnema við Háskóla Íslands.

En þátturinn hefst á bréfi sem var skrifað um miðja 20. öld.

Umsjón: Halla Harðardóttir og Guðni Tómasson.

Við lítum inn á sýningu í Bismút galleríi við Hverfisgötu, en þar sýnir Atli Bollason silkislæður með mynstri sem hann vinnur upp úr snjókornum af sjónvarpsskjá.

Steinunn Inga Óttarsdóttir rýnir í skáldsöguna Ljónið eftir Hildi Knútsdóttur

Við sláum á þráðinn til Hönnunarsafnsins, sem setur upp forvitnilega sýningu á Instagram í tilefni af fullveldisafmæli þjóðarinnar.

Blekfjelagið, félag ritlistarnema við Háskóla Íslands, hefur undanfarin ár lesið inn örsögur í Víðsjá í aðdraganda jólanna. Í dag verður hefðin tekin upp að nýju og að þessu sinni eru það Anna Björg Siggeirsdóttir, Þórunn Júlíusdóttir og Ásta Björk Sveinbjörnsdóttir sem lesa einnar mínutu langa sögu hver.

En við byrjum á fullveldinu.

Umsjón: Guðni Tómasson og Halla Harðardóttir.

Við ræðum við Þórdísi Helgadóttur skáld um hennar fyrstu bók, Keisaramörgæsirnar, sem kom út á dögunum.

Einnig verður rætt við grafíska hönnuðinn Hörður Lárusson og myndlistarkonuna Elínu Hansdóttur um nýja fána fyrir íslenska þjóð.

María Kristjánsdóttir, fjallar um tvær sýningar í þætti dagsins, Kvenfólk í Borgarleikhúsinu og Insomniu í Þjóðleikhúsinu.

Og að lokum mun Margrét Gísladóttir, framkvæmdastjóri kúabænda, segja frá sínu uppáhaldslistaverki.

Umsjón: Guðni Tómasson og Halla Harðardóttir.

Við setjumst niður á grjónapúða með kaffibolla í Nýlistasafninu, en í dag opnar Laumulistasamsteypan þar sýninguna Kaffipásu. Við ræðum við Ásgerði Birnu Björnsdóttur, einn af stofnendum Laumulistasamsteypunnar, og nokkra meðlimi samsteypunnar, yfir rjúkandi bolla og fáum að heyra af Kaffipásu sem stendur yfir í 6 daga. Sigríður Hagalín segir frá skáldsögu sinni Hið heilaga orð, en hún er bók vikunnar á Rás 1 að þessu sinni. Inga Björk Bjarnadóttir myndlistarrýnir Víðsjár segir frá upplifun sinni af sýningunni Sjálfvirk eftir Söru Riel og að endingu verður Erling Jóhannesson, forseti Bandalags íslenskra listamanna, gestur þáttarins. Við ræðum við hann um menningarpólitík og áherslur bandalagsins. Umsjón: Guðni Tómasson og Halla Harðardóttir.

Í Víðsjá í dag verður rætt við Önnu Maríu Bogadóttur, lektor í arkitektúr við Listaháskóla Íslands, en hún gaf nýverið út bókina Mannlíf milli húsa eftir Jan Gehl. Rætt verður við Önnu Maríu um hugmyndir Gehls um almenningsrýmið og hvernig þær hafa haft áhrif á borgir eins og Kaupmannahöfn og Reykjavík.

Halla Þórlaug Óskarsdóttir sendir hlustendum pistil frá Svíþjóð og veltir fyrir sér húsum látinna listamanna.

Við heyrum einnig í Finni Karlssyni og Þuríði Jónsdóttur en þau eru meðal fjögurra tónskálda sem eiga verk á Tónlistarhátíð Rásar 1 - Efnið og andinn sem fer fram í Hörpu annað kvöld og verður jafnframt í beinni útsendingu.

Eins og dyggir hluste ndur Rásar 1 hafa eflaust þegar orðið varir við, þá hófst lestur nýrrar kvöldsögu hér á rásinni á þriðjudag, en þar er um að ræða löngu sígildan upplestur Gísla Halldórssonar á þýðingu Karls Ísfells á sögu Jaroslavs Haseks á góða dátanum Svejk. Í útvarpsþáttum frá 1989 fjallaði bókmenntafræðingurinn Friðrik Rafnsson um austur-evrópskrar bókmenntir og í einum þáttanna fjallaði hann saman um sögupersónurnar Josef K, úr réttarhöldum Frans Kafka, og Góða dátan Svejk, en þeir Kafka og Hasek fæddust báðir 1883 í Prag. Við hér í Víðsjá leyfum okkur að grípa á nokkrum stöðum niður í þennan þátt Friðriks úr safni útvarpsins.

Umsjón: Guðni Tómasson og Halla Harðardóttir.