Mál og menning hefur nú gefið út ritsafn Dags Sigurðarsonar, verk frá árunum 1957 til 1994, og af því tilefni munum við grípa niður í viðtal við Dag frá árinu 1990 í þætti dagsins. Í viðtalinu segir Dagur meðal annars frá sambandi sínu við föður sinn, uppvexti sínum í Reykjavík, ferðalögum til útlanda og viðbrögðum Reykvíkinga við skáldverkum sem þóttu klámfengin og sjokkarandi.

Inga Björk Bjarnadóttir, sem nú hefur bæst í hóp myndlistarrýna Víðsjár, mun segja frá segja frá sinni upplifun af listahátíðinni Cycle, sem haldin var víðsvegar um Kópavog og Reykjavík um liðna helgi.

Við ræðum við Magneu Matthíasdóttir, rithöfund og þýðanda, um hennar fyrstu skáldsögu, Hægara pælt en kýlt frá árinu 1978, en hún er bók vikunnar á Rás1.

En Víðsjá dagsins byrjum við á að huga að Skandinavisma, hugmyndum um sameinuð Norðurlönd og skoðunum Gunnars Gunnarssonar rithföundar í þeim efnum á þriðja áratug 20. Aldar. Málþing um Skandinavisma og fullveldi verður haldið í Norræna húsinu á fimmtudaginn næsta kl. 14. Það er Gunnarstofnun sem stendur fyrir málþinginu þar sem æltuni er að ræða um sameingu norðurlanda og fullveldi Íslands í fortíð og framtíð. Á málþinginu mun bókmenntafræðingurinn Jón Yngvi Jóhannsson taka til máls, sem jafnframt er ævisagna ritari Gunnars Gunnarssonar. Við hittum Jón Yngva og spurðum hann út í þetta hugtak Skandinavisma, sem maður heyrir vissulega ekki af á hverjum degi.

Umsjón: Guðni Tómasson og Halla Harðardóttir.

Cycle listahátíðin er sett í dag og stendur og fram á sunnudag. Guðný Guðmundsdóttir stjórnandi hátíðarinnar og sýningarstjórinn Jonathan Habib Enquist líta við og segja okkur frá hátíðinni.

Selma Guðmundsdóttir píanóleikari verður tekin tali um útgáfuna Quo Vadis? sem innheldur upptökur með leik hennar allt aftur til ársins 1972.

Sagt verður frá tveimur athyglisverðum sýningum í New York og London þar sem myndlist Hilmu af Klint og Anni Albers fær að njóta sín. Verk Hilmu í Guggenheim safninu í stóra eplinu en verk Anni gefur að líta í Tate Modern við Thames á.

Hildur Björnsdóttir borgarfulltrúi flytur pistil í tilefni af mánuði myndlistar og frá Gautaborg berst hlustendum sending frá Höllu Þórlaugu Óskarsdóttur um Fucking Åmål.

Umsjón: Guðni Tómasson og Halla Harðardóttir.

Víðsjá 24.10.2018

Umsjón Guðni Tómasson

Víðsjá fer í heimsókn í Neskirkju þar sem æfingar standa yfir vegna flutnings á gamanóperunni Þrymskviðu eftir Jón Ásgeirsson en verkið er fyrsta íslenska óperan, frumsýnd árið 1974. Þrymskviða verður sýnd í Norðurljósasal Hörpu á föstudag og laugardag en í þættinum verða leikstjórinn, Bjarni Thor Kristinsson, og hljómsveitarstjórinn, Gunnsteinn Ólafsson, teknir tali.

Skaftfell, myndlistarmiðstöð austurlands, fagnar í ár 20 ára starfsafmæli. Skaftfell hefur af því tilefni efnt til sýninga og viðburða undanfarna mánuði. Tinna Guðmundsdóttir, forstöðukona Skaftfells, verður á línunni í þætti dagsins.

Ragnar Ísleifur Bragason flytur pistil um Konu sem fer.

Ingibjörg Magnadóttir myndlistarkona verður einnig gestur þáttarins í dag, en hún ætlar að segja hlustendum Víðsjár frá sínu uppáhalds listaverki. Verki sem tengist fjölskyldu hennar og Eyrarbakka.

Í Víðsjá í dag verður litið í vinnustofuheimsókn til Huldu Vilhjálmsdóttur myndlistarkonu, en Hulda er ein þeirra fjögurra myndlistarmanna sem tilnefndir voru til Íslensku myndlistarverðlaunanna í ár.

Steinunn Inga Óttarsdóttir rýnir í nýjustu skáldsögu Halldóru Thoroddsen, Katrínarsögu.

Við ræðum við Maríu Rán Guðjónsdóttur,þýðanda og bókaútgefanda, um skáldsöguna Sæluvímu eftir Lily King sem er bók vikunnar á Rás1.

En við byrjum á íslenskri leikritun, lifandi flutningi á útvarpsleikriti frammi fyrir áhorfendum. "Með gat á hjartanu í laginu eins og Guð" heitir verk eftir Jón Atla Jónasson sem Útvarpsleikhúsið tekur upp í Borgarleikhúsinu í kvöld fyrir framan áhorfendur, í leikstjórn Egils Heiðars Antons Pálssonar.

Umsjón: Guðni Tómasson og Halla Harðardóttir.

Fyrir um klukkustund voru afhent við hátíðlega athöfn í Höfða Bókmenntaverðlaun Tómasar Guðmundssonar en 60 óbirt handrit að ljóðabók bárust í samkeppnina að þessu sinni. Verðlaunin hlýtur að þessu sinni rithöfundurinn Haukur Ingvarsson.

Sjálfvirk / Automatic heitir sýning sem opnuð verður á laugardag í Kling og Bang úti á granda. Þar er á ferð einkasýning Söru Riel sem við ræðum við í þætti dagsins.

Ingi Þór Jónsson, markaðs- og þjónustustjóri Listasafns Íslands, flytur hlustendum pistil í tilefni af mánuði myndlistarinnar sem nú stendur yfir.

Myndlistarmaðurinn Ólafur Elíasson er í þessum töluðum orðum að byrja að segja frá samstarfi sínu við við Einar Þorstein Ásgeirsson arkitekt og stærðfræðing í fyrirlestri í Hönnunarsafni Íslands. Einar var fæddur árið 1942 en lést árið 2015 en þeir Ólafur og hann unnu náið saman að ýmsum verkum víða um heim, en líklegast er þekktasta verkið hér á landi glerhjúpur tónlistarhússins Hörpu.

Við gríum niður í 10 ára gamlan þátt þar sem Einar Þorsteinn sagði frá samstarf þeirra félaga: Þetta er úr öðrum af tveimur þáttum sem hétu Í átt að regnboga og Guðni hafði umsjón með þegar hann hélt til Berlínar og ræddi við Ólaf um verk hans, en hitti líka Einar Þorstein í vinnustofunni.

Umsjón: Guðni Tómasson og Halla Harðardóttir

Út er komið þriðja bindi af ritsafninu Smásögur heimsins, bindið hefur að geyma sögur frá Asíu og Eyjaálfu. Það eru þau Jón Karl Helgason, Kristín Guðrún Jónsdóttir og Rúnar Helgi Vignisson sem hafa umsjón með útgáfunni en við ræðum við Rúnar Helga í þætti dagsins.

Við heimsækjum Berg Contemporary galleríið við Klapparstíg þar sem bandaríski listmálarinn John Zurier verður tekinn tali en sýning með verkum hans var opnuð í galleríinu um síðustu helgi. Zurier dvelur nokkra mánuði á ári hér á landi og kallar sýningun sína Stundum (yfir mig fjallið).

Ragnheiður Gestsdóttir myndlistarkona tekur áskorun vikunnar og velur sitt uppáhalds listaverk og Guðbjörg Jóhannesdóttir umhverfisheimspekingur flytur hlustendum sinn annan pistil.

Umsjón: Guðni Tómasson og Halla Harðardóttir

Ragna Sigurðardóttir segir frá og les úr skáldsögu sinni Borg frá árinu 1993, en hún er bók vikunnar á Rás 1 að þessu sinni.

María Kristjánsdóttir segir skoðun sína á sýningunni Griðastaður sem nú er sýnd í Tjarnarbíói. Þar leikur Jörundur Ragnarsson í einleik Magnúsar Tryggva Haraldssonar.

Ljósmyndarinn Ari Magg verður tekinn tali um sýninguna Fjölskyldumyndir í Ljósmyndasafni Reykjavíkur þar sem verk eftir margar kynslóðir ljósmyndara innan sömu fjölskyldunnar koma saman.

Birkir Karlsson safneignarfulltrúi Nýlistasafnsins pistil um safnið í tilefni af fjörtíu ára afmæli safnsins.

Erla Dóris Halldórsdóttir hjúkrunarkona og sagnfræðingur hélt í dag fyrirlestur ásamt Magnúsi Gottfreðsson, smitsjúkdómalæknir, „Áhrif spænsku veikinnar á barnshafandi konur á Íslandi árið 1918“ kallaðist hann. Erla Dóris leit við hjá okkur og sagði okkur betur frá þessum hóp kvenna, en dánartíðni þeirra var allt að 37% í spænsku veikinni.

Umsjón: Guðni Tómasson og Halla Harðardóttir.

Í dag hefst alþjóðlega barnabókahátíðin “Út í mýri“ í Norræna húsinu. Af því tilefni heimsækjum við einn af heiðursgestum hátíðarinnar, Sigrúnu Eldjárn, og fáum að heyra af nýútkominn bók hennar, Silfurlyklinum. Einnig hittum við nokkra 10 ára krakka og heyrum þeirra skoðun á góðum bókmenntum.

Við skundum niður í miðbæ og hittum Báru Kristinsdóttur ljósmyndara í gallerí Ramskram við Njálsgötu, en það er eina galleríið í Reykjavík sem helgar sig samtímaljósmyndun.

Hún ætlar að segja okkur frá uppboði á ljósmyndum sem fer fram í galleríinu á morgun, föstudag.

Halla Þórlaug Óskarsdóttir sendir okkur pistil frá Svíþjóð. Í dag ætlar hún að fjalla um undirbúning ef stríð skellur á.

Árni Heimir Ingólfsson kemur í heimsókn og segir okkur frá áhrifum Wagners á Jón Leifs, tónsköpun hans og hugmyndafærði en Árni Heimir mun flytja erindi um efnið í Hannesarholti á laugardag.

En byrjum á pistli frá Brynjari Jóhannesyni í tilefni af Mánuði myndlistar.

Umsjón: Guðni Tómasson og Halla Harðardóttir.

Á Menntakviku, árlegri ráðstefnu Menntavísindasviðs Háskóla Íslands, sem sett verður á morgun, munu um 200 fræðimenn kynna rannsóknir sínar. Rætt er við Rannveigu Björk Þorkelsdóttur, doktor í kennslufræði leiklistar, um gildi leiklistarkennslu og innleiðingu hennar í aðalnámsskrá grunnskóla.

Gauti Kristmannsson fjallar um nýjustu skáldsögu Gyrðis Elíassonar, Sorgarmarsinn, og Curver Thoroddsen segir hlustendum frá sínu uppáhaldslistaverki, verki sem hann heillaðist af þegar hann var í myndlistarnámi í New York.

Við heyrum af bandarískri listakonu sem gerði út á endurtekningu, eftiröpun og endurmótun, jafnvel hugverkastuld myndu sumir segja og að endingu verður endurmótaður Bach á fóninum.

Umsjón: Guðni Tómasson og Halla Harðardóttir.

Að búa til ofurlítinn skemmtigarð er nafn á nýrri bók sem Hið íslenska bókmenntafélag gaf út á dögunum. Bókin fjallar um sögu og þróun garðhönnunar og landslagsarkitektúrs á Íslandi. Höfundurinn, Einar Sæmundssen landslagsarkitekt, verður gestur okkar.

Við fjöllum um Dýrahring Karlheinz Stockhausens, tónverk sem upphaflega var samið fyrir spiladósir og Árni Björnsson þjóðháttafræðingur segir okkur skoðun sína á þeirri spurningu hvers vegna íslenskar fornsögur voru ekki skrifaðar á latínu.

Bók vikunnar að þessu sinni er Hjalti litli eftir Stefán Jónsson, barnabók frá árinu 1948 sem á sérstakan stað í hjarta margra, en sem er kannski ekki síður fullorðinsbók, eins og Silja Aðalsteinsdóttir mun segja frá í spjalli í þættinum.

Umsjón: Guðni Tómasson og Halla Harðardóttir.