Víðsjá

Leðurblakan fjallar um eitt óhugnanlegasta morðmál í sögu Finnlands, sem aldrei hefur verið leyst þrátt fyrir áralanga rannsókn. Ókunnur maður réðst þá á fjóra unglinga sem sváfu í tjaldi við Bodom-vatn, friðsælt stöðuvatn í nágrenni Helsinkis, snemma á sjöunda áratuginum. Þrír unglingar voru myrtir en sá fjórði komst með naumindum lífs af.

Í Víðsjá í dag verður meðal annars litið við í Listasafni Íslands og hugað að sýningu Gjörningaklúbbsins, Vatn og blóð, sem opnuð verður í safninu á laugardag. Á sýningunni má sjá nýtt myndbandsverk þar sem innblástur er sóttur í líf og list Ásgríms Jónssonar listmálara. Einnig verður rætt við Ástu Kristínu Benediktsdóttur íslenskufræðing sem ver á morgun doktorsritgerð sína í íslenskum bókmenntum um hinsegin hliðar höfundarverks Elíasar Mar, en hér er á ferðinni fyrsta doktorsritgerð á sviði íslenskra hinsegin bókmennta. Maríanna Clara Lúthersdóttir bókmenntagagnrýnandi Víðsjár fjallar í dag um skáldsöguna Svínshöfuð eftir Bergþóru Snæbjörnsdóttur. Og að undanförnu hefur danslistinni verið hampað í sjónvarpinu, í íslenskri þáttaröð, breskum dýralífsþáttum og erlendum danskvikmyndum. Ragnheiður Gyða Jónsdóttir fjallar um dans í Víðsjá í dag og næstu fimmtudaga, og hefur för sína rétt fyrir aldamótin 1900.

Umsjón: Guðni Tómasson og Eiríkur Guðmundsson

Í Víðsjá dagsins verður rætt við Bergsvein Birgisson rithöfund og fræðimann um Jón Helgason prófessor og forstöðumann Stofnunar Árna Magnússonar í Kaupmannahöfn, skáldskap hans og fræði, en nú nýlega kom út ný útgáfa á ljóðum Jóns, Úr landsuðri og fleiri kvæði. Bergsveinn skrifar fróðlegan eftirmála, um skáldið og fræðimanninn Jón Helgason, í þessari nýju útgáfu, en ljóðabókin Úr landsuðri, sem kom fyrst út árið 1939, varð ein vinsælasta kvæðabók sem út hafði komið á Íslandi.

Listasalur Mosfellsbæjar verður heimsóttur og rætt við Pétur Magnússon myndlistarmann sem sýnir verk sín þar þessa dagana. Sýninguna kallar Pétur Sögur úr sveitinni, en þar koma listelskar kindur, hestur og kálfur við sögu.

Friðgeir Einarsson rithöfundur segir stuttlega frá bók sinni Formaður húsfélagsins, en bókin er bók vikunnar á Rás 1 þesssa daga og jafnframt verður sagt frá nýbökuðum verðlaunahafa Norðurlanda í tónlist Gyðu Valtýsdóttur.

Í Víðsjá í dag verður meðal annars hugað að Ljóðadögum Óperudaga en þeir hefjast á morgun og standa fram á sunnudag. Þema hátíðarinnar er Ljóð fyrir loftslagið en í þættinum verður rætt við Guju Sandholt, listrænan stjórnanda Óperudaga, og einn gesta hátíðarinnar, bandaríska tónskáldið David Lang. Tvö verk eftir Lang, Passía fyrir litlu stúlkuna með eldspýturnar og Death speaks, verða flutt á tónleikum á föstudagskvöld. Einnig verður rætt við rithöfundinn Huldar Breiðfjörð sem sendi á dögunum frá sér bókina Sólarhringl - og suðið í okkur, bók sem fjallar meðal annars um skammdegi í Reykjavík og víðar, puttaferðalag um landið og Íslendingasögur. Og Gauti Kristmannsson, bókmenntagagnrýnandi þáttarins, fjallar í dag um ljóðabókina Leðurjakkaveður eftir Fríðu Ísberg.

Umsjón: Guðni Tómasson og Eiríkur Guðmundsson.

Árið 2003 komst upp um ótrúlegan bókaþjófnað frá Konunglega-bókasafninu í Stokkhólmi. En atburðarásinni var ekki lokið þar, því fyrst átti eftir að verða dauðsfall.

Í Víðsjá í dag verður meðal annars rætt við Hörpu Rún Kristjánsdóttur sem tók fyrr í vikunni við Bókmenntaverðlaunum Tómasar Guðmundssonar fyrir ljóðabókina Eddu. Björn Þór Vilhjálmsson, einn af bókmenntagagnrýnendum Víðsjár, fjallar um skáldsöguna Við erum ekki morðingjar eftir Dag Hjartarson. María Kristjánsdóttir leikhúsrýnir fjallar um leikritið Stórskáldið eftir Björn Leó Brynjarsson sem frumsýnt var í Borgarleikhúsinu á föstudag. Og tónlistarkonan Berglind María Tómasdóttir heldur áfram að kanna geisladiskasafnið sitt og grisja, og sér nú fyrir endann á verkinu.

Umsjón: Guðni Tómasson og Eiríkur Guðmundsson.

Í Víðsjá í dag verður meðal annars rætt við Stefán Baldursson leikstjóra um höfundarverk Guðmundar Steinssonar leikskálds, en Leiklestrarfélagið stendur í samvinnu við Þjóðleikhúsið og Kristbjörgu Kjeld fyrir viðamikilli dagskrá um Guðmund og verk hans í Þjóðleikhúskjallaranum á næstu vikum. Þrjú verk Guðmundar verða leiklesin en verkefnið hefst með sérstakri dagskrá þar sem lífi og starfi hans verða gerð skil, á meðal þeirra sem fram koma þar er Sigurður Sigurjónsson leikari og hann verður gestur Víðsjár í dag. Sýningin Úngl, yfirlitssýning á verkum Ólafar Nordal, verður skoðuð í fylgd listamannsins, en sýningin var opnuð um síðustu helgi á Kjarvalsstöðum. Maríanna Clara Lúthersdóttir bókmenntagagnrýnandi fjallar um skáldsöguna Aðferðir til að lifa af eftir Guðrúnu Evu Mínervudóttur.

Umsjón: Guðni Tómasson og Eiríkur Guðmundsson

Bergþóra Snæbjörnsdóttir rithöfundur var að senda frá sér sína fyrstu skáldsögu sem nefnist Svínshöfuð. Bergþóra er fædd árið 1985 en hefur nú þegar vakið töluverða athygli fyrir skrif sín, bók hennar, Flórída, frá árið 2017, var til dæmis tilnefnd til íslensku bókmenntaverðlaunanna á sínum tíma. Bergþóra verður gestur Víðsjár í dag. 

 

Hverfisgallerí við Hverfisgötu verður heimsótt og rætt við Hörpu Árnadóttur myndlistarkonu sem þar sýnir verk sín á sýningu sem hún kallar Djúpalogn.

Bók vikunnar að þessu sinni er skáldsagan Ljónið eftir Hildi Knútsdóttur, sem kom út í fyrra. Hlustendur heyra í höfundinum í þætti dagsins.  

 

Og Snæbjörn Brynjarsson leikhúsrýnir fjallar í dag um leikverkið Rocky! eftir danska höfundinn Tue Biering, sem frumsýnt var í Tjarnarbíói  á föstudag, nýlegt ádeiluverk sem vakti töluverða athygli á síðasta ári fyrir að taka með frumlegum hætti á erfiðu málefni.

 

Umsjón: Guðni Tómasson og Eiríkur Guðmundsson.

Í þessum þætti Leðurblökunnar siglum við með mannlausa draugaskipinu Mary Celeste frá New York að Ítalíu

Bein útsending frá Listaháskóla Íslands. Lestin og Víðsjá leiða saman hesta sína í dag og mæta í heimsókn í Listaháskóla Íslands í Laugarnesi. Tuttugu ár eru nú liðin síðan kennsla hófst í skólanum og því tímabært að spyrja hvernig til hafi tekist. Gestir ræða meðal annars um lífið í skólanum, listnám og eðli þess, háskólavæðingu listanna, líf eftir námið og áhrif skólans á menningarlífið í heild. Fylgst verður með kennslu í ýmsum listgreinum og sköpun nemenda sem einnig stíga á stokk. Meðal gesta verða stjórnendur, nemendur og kennarar við skólann.