Víðsjá

Víðsjá 31. ágúst 2021

Þorgrímur Jónsson bassaleikari er einn þeirra tónlistarmanna sem sendir frá sér nýja plötu þessa dagana, í tengslum við djasshátíð í Reykjavík sem nú stendur yfir. Þetta er önnur platan sem Þorgrímur sendir frá sér í eigin nafni með hjálp góðra manna, hún heitir Hagi og er innblásin af Vestfjörðum.

Við hugum líka að ritþingi Gerðubergs sem fram fer á laugardaginn en það er stefnumót við Braga Ólafsson rithöfund og ber titilinn ?Á horni Bayswater Road og Lækjargötu?. Stjórnandi þingsins er Guðrún Lára Pétursdóttir og spyrlar eru Kristín Svava Tómasdóttir og Einar Falur Ingólfsson. Við heyrum í Kristínu Svövu og heyrum jafnframt brot úr óbirtu viðtali við Braga sem verður á dagskrá Rásar 1 í september í þáttaröðinni Börn tímans.

Við kíkjum líka niður í miðbæ í galleríið Mutt, laugavegi 48, og ræðum við myndlistarmennina Kristínu Karólínu Helgadóttur og Kristínu Helgu Ríkarðsdóttur um sýningu þeirra í rýminu sem kallast Vinsamlegast bíðið. Á sýningunni er sýningarrýminu breytt í biðstofu og á veggjunum hanga ljósmyndir og eitt vídjóderk sem laga sig að fagurfræði biðstofunar og fjalla jafnframt um biðina.

Og við sláum á þráðinn vestur í Stofnun Árna Magnússonar í íslenskum fræðum, sértaklega til að spyrja út í liti miðalda.

Víðsjá í umsjón: Guðna Tómassonar og Tómasar Ævars Ólafssonar kl. 16:05 á Rás 1.

Víðsjá 30. ágúst 2021

Umsjón: Guðni Tómasson og Tómas Ævar Ólafsson.

Rætt við Hróðmar Sigurðsson gítarleikara um nýja djassplötu hans.

Arnljótur Sigurðsson með tónlistarhornið Heyrandi nær. Fjallar í dag um tamborínuna.

Farið á haustsýninguna Samfélag skynjandi vera í Hafnarborg. Viðmælendur: Wiola Ujazdowska, Melanie Ubaldo og Kathy Clark

Ert þú góð manneskja? Það er spurningin sem leikkonan Sara Rut Arnardóttir spyr sjálfa sig og áhorfendur í einleiknum Ást á elliheimili sem fluttur verður á Reykjavík Fringe Festival í næstu viku. Einleikurinn er tragískur gamanleikur sem byggir á 9 ára reynslu höfundar í ummönnunarstarfi. Sara Rut segir frá einleiknum í Víðsjá dagsins.

Við förum líka til Grikklands þar sem stolin myndlist fannst á dögunum. Árið 2012 var nokkrum myndlistarverkum stolið af ríkislistasafninu í Aþenu en þau hafa nú verið endurheimt. Þar á meðal er verk eftir Pablo Picasso sem hann gaf grísku þjóðinni eftir síðari heimsstyrjöld. Við hringjum í Jón Proppé listfræðing og ræðum við hann um Picasso og listaverkaþjófnað.

Í Víðsjá í dag verður hugað að nýju safni utan um verk Nínu Tryggvadóttur sem Reykjavíkurborg áætlar að stofnsetja, en tilkynnt var um þær áætlanir á dögunum. Rætt verður við Hjálmar Sveinsson, formann menningar- íþrótta og tómstundaráðs borgarinnar.

Og loks flytur Halldór Armand Ásgeirsson hlustendum pistil um endalok rómverska lýðveldisins, íslenskar auðlindir og söluna á Íslandsbanka.

Umsjón: Tómas Ævar Ólafsson og Jóhannes Ólafsson.

Í dag kemur út ný þýðing hjá Tunglinu forlagi sem heitir 30sti júní, 30sti júní eftir Richard Brautigan. Þetta er eins konar ferðasaga um Japan, þar sem tungumálaerfiðleikar og framandi menning framkalla einsemd og undrun. Bókin kom út árið 1978 og var síðasta ljóðabók Brautigans. Þórður Sævar Jónsson þýddi bókina og hann kemur og segir frá bókinni.

Flökkusagan segir að hvar sem stungið er niður skóflu í Hljómskálagarðinum megi finna rusl vegna þess að lengi vel var í garðinum einn helsti ruslahaugur borgarinnar. Í dag er sorpið sem þar er grafið orðið afar sérstakt rusl sem mætti jafnvel skilgreina sem fornminjar. Árið 2020 gróf Ágústa Edwald Maxwell, fornleifafræðingur, lítin skurð í garðinum og skoðaði þessar minjar. Víðsjá tekur hana tali í dag um ruslið í Hljómskálagarðinum.

Sumartónleikahátíðin í Skálholti hefst í kvöld og stendur til 11. júlí. Í Víðsjá í dag verður rætt við Ásbjörgu Jónsdóttur, annan tveggja listrænna stjórnenda hátíðarinnar, og Eygló Höskuldsdóttur tónskáld sem ásamt Hauki Tómassyni er annað tveggja staðartónskálda í Skálholti í ár.

Og Gauti Kristmannsson verður á sínum stað með bókmenntagagnrýni í Víðsjá í dag. Hann las Ævisögu Alice B. Toklas eftir Gertrude Stein sem nýlega kom út í þýðingu Tinna Bjarkar Ómarsdóttur undir merkjum sígildra samtímaverka hjá Unu útgáfuhúsi.

Umsjón með Víðsjá í dag: Tómas Ævar Ólafsson og Jóhannes Ólafsson

Lygatréð eða The Lie Tree er ungmennafantasía eftir breska rithöfundinn Frances Hardinge sem hefur átt mikilli velgengni að fagna frá því að bókin kom fyrst út árið 2015. Lygatréð kom nýverið út hjá Partus forlagi í þýðingu Dýrleifar Bjarnadóttur. Við hringjum vestur um haf til Bandaríkjanna þar sem Dýrleif er búsett og kynnum okkur bókina betur.

Óskar Guðjónsson saxófónleikari verður tekin tali um djass-hljómsveitina Move sem hann skipar ásamt Matthíasi Hemstock, Eyþóri Gunnarssyni og Valdimar Kolbeini Sigurjónssyni, en sveitin heldur tónleika í Kaldalóni Hörpu á miðvikudagskvöld.

Í þætti dagsins verður einnig hugað að rykugum kössum. Nánar tiltekið gömlum tekistum fullum af segulböndum sem fundust í dánarbúi breska upptökustjórans Joe Meek og eru nú á leiðinni í útgáfu hjá plötufyrirtækinu Cherry Red Records.

Og Ólöf Gerður Sigfúsdóttir kíkir í Hveragerði á þrjár sýningar, Rósku, Iðustreymi og Yfirtaka í Listasafni Árnesinga.

Umsjón: Jóhannes Ólafsson og Tómas Ævar Ólafsson

Í Víðsjá í dag verður hugað að nýrri en samt sígildri bók. Sjálfsævisaga Alice B. Toklas kom út í íslenskri þýðingu í síðustu viku í ritröð Unu útgáfuhúss Sígild samtímaverk. Bókin er sjálfsævisaga en samt eiginlega ekki sjálfsævisaga. Víðsjá fær til sín þýðanda verksins Tinnu Björk Ómarsdóttur til að útskýra hvað er á seyði.

Umskiptingar hafa verið á flestra vörum undanfarið, allt frá því að sjónvarpsþættirnir Katla voru frumsýndir á streymisveitunni Netflix. Þættirnir glíma við þetta dularfulla þjóðsagnaminni, þegar huldufólk og álfar skipta út mannabörnum fyrir sín eigin afkvæmi. Víðsjá fær til sín Kristinn Schram, þjóðfræðing, til þess að segja betur frá umskiptingum.

Og Arnljótur Sigurðsson verður einnig með tónlistarhornið Heyrandi nær á sínum stað á mánudegi. Arnljótur tekur fyrir döbbskáldið Linton Kwesi Johnson, hvers rödd verkaði jafnt á stéttir, hátt og lágt.

Umsjón: Jóhannes Ólafsson og Tómas Ævar Ólafsson

Björn Erlingsson verður gestur þáttarins en hann gaf á dögunum út plötuna Draumur um ferðalag. Við heyrum um íslenskan heimilisiðnað þar sem Björn spilar á öll hljóðfæri og mælir kveðskap sinn af munni fram.

Við heimsækjum líka Ásmundarsal til þess að athuga með sýninguna Hang around / Pool around / Fly around þar sem þverfaglega hönnunarteymið Objective, sem skipað er þeim Jónu Berglindi Stefánsdóttur textílhönnuði og Helgu Láru Halldórsdóttur fatahönnuði, sýnir verk sín.

Á línunni verður listamaðurinn Iða Brá Ingadóttir en í lok maí opnaði hún sýninguna VERA í Listasal Mosfellsbæjar. Viðfangsefni sýningarinnar er ástandið milli svefns og vöku.

Aðalsteinn Ásberg Sigurðsson kíkir í heimsókn og ræðir nýútkomna ljóðaþýðingu bandaríska ljóðskáldsins Hal Sirowitz. Bókin Sagði sálfræðingurinn minn kom nýlega út í þýðingu Aðalsteins, sem segir frá höfundi og les nokkur ljóð.

Umsjón: Jóhannes Ólafsson og Tómas Ævar Ólafsson

Í Víðsjá í dag verður hugað að komandi starfsári hjá Sinfóníuhljómsveit Íslands þegar Árni Heimir Ingólfsson listrænn ráðgjafi sveitarinnar verður tekinn tali. Einnig verður hugað að Borgarfjarðarblóma þegar myndlistarmaðurinn Viktor Pétur Hannesson verður tekinn tali en hann vinnur myndlist sína úr borgfirskum jurtum og ferðast um á ferðavinnustofu sinni, Afleggjaranum.

Dúettinn Huldumaður og víbrasjón verður líka meðal gesta Víðsjár í dag en hann er skipaður þeim Heklu Magnúsdóttur þeramínleikara og Sinda Frey Steinssonar gítarleikara. Þau fara á flakk um landið í sumar og flytja sönglög Magnúsar Blöndal Jóhannssonar tónskáld í nýstárlegum útsetningum fyrir þeramín, gítar, flautu og hljóðgervil. Hekla og Sindri eru gestir Víðsjár í dag og ræða verkefnið og tónskáldið á bak við verkin.

Umsjón: Guðni Tómasson og Jóhannes Ólafsson

Á Gljúfrasteini, húsi nóbelsskáldsins Halldórs Laxness í Mosfellssveit, stendur nú yfir sýning um næstsíðustu skáldsögu Halldórs, Innansveitarkroniku. Sýningin opnaði í fyrra en sökum heimsfaraldurs og samkomubanns reyndist það ekki beint ár safnaheimsókna og kemur hún því til með að standa áfram um nokkra hríð. Víðsjá hugar í dag að þessari sýningu og ræðir við Guðnýju Dóru Gestsdóttur og Hlíf Unu Bárudóttur. Í dag eru einnig liðin fimmtíu ár frá því að platan Blue, úr smiðju kanadísku tónlistarkonunnar Joni Mitchell kom út og af því tilefni verður þessi ágæta plata rifjuð upp í Víðsjá dagsins. Ný bókaverslun bókaútgáfunnar Sölku verður einnig heimsótt og þar rætt við húsráðendur, Dögg Hjaltalín og Önnu Leu Friðriksdóttur. Gauti Kristmannsson bókmenntagagnrýnandi Víðsjár fjallar einnig um nýbakaða verðlaunaljóðabók Höllu Þórlaugar Óskarsdóttur, Þagnarbindindi.

Umsjón með Víðsjá í dag hafa Guðni Tómasson og Jóhannes Ólafsson.

Í Víðsjá í dag verður rætt við Hallgerði Hallgrímsdóttur um myndlistarsýningu hennar sem heitir Muse og er í Gallerí Port við Laugaveg. Í tónlistarhorninu Heyrandi nær verður Arnljótur Sigurðsson í sumarfílíng og skellir sér að þessu sinni til Jamaíku og fer ofan í kjölinn á biblíutilvísunum í reggí meistarastykkinu Heart of the Congos með The Congos frá 1977.

Og loks verður tónlistarmaðurinn Hjörtur Yngvi Jóhannsson gestur Víðsjár en hann heldur sína fjórðu einleikstónleika á sunnudaginn. Þeir eru undir yfirskrftinni ?24 myndir? og eru hluti af Sumartónleikarröð Hallgrímskirkju í Saurbæ í Hvalfirði þar sem Hjörtur leikur á píanó og spinnur á staðnum 24 píanóverk í öllum tóntegundunum.

Umsjón með Víðsjá hafa Guðni Tómasson og Jóhannes Ólafsson