ទស្សនៈព្រឹត្តិការណ៍ខ្មែរ by RFI ខេមរភាសា / Khmer

October 25, 2021 កិច្ចព្រមព្រៀងក្រុងប៉ារីសមានតម្លៃអាស្រ័យការអនុវត្ត

គិតត្រឹមឆ្នាំ២០២១នេះ កិច្ចព្រមព្រៀងសន្តិភាពក្រុងប៉ារីស ចម្រើនវ័យបាន៣០ឆ្នាំហើយ។ ៣០ឆ្នាំមុន ភាគីជម្លោះទាំង៤ក្រុមរបស់កម្ពុជា បានចុះហត្ថលេខាលើកិច្ចព្រមព្រៀងសន្តិភាព ក្រោមវត្តមានសាក្សីដែលមកពី១៨ប្រទេស និងអគ្គលេខាធិការអង្គការសហប្រជាជាតិ។ នៅកម្ពុជា បើទោះបីជាកិច្ចព្រមព្រៀង២៣តុលាត្រូវបានបកស្រាយផ្សេងៗគ្នាក៏ដោយ ប៉ុន្តែគ្រប់គ្នាសុទ្ធតែទទួលស្គាល់ពីតម្លៃរបស់វា។ យ៉ាងណាក៏ដោយអ្នកវិភាគមើលឃើញថា កិច្ចព្រមព្រៀងជាប្រវត្តិសាស្ត្រនេះ មានតម្លៃអាស្រ័យលើការអនុវត្ត។

6 min

October 18, 2021 ការបោះឆ្នោតឃុំសង្កាត់ឆ្នាំ២០២២៖ គ.ជ.ប ប្រឈមមុខនូវវិញ្ញាសាចំនួន៣

រដ្ឋាភិបាលកម្ពុជាបានកំណត់យកថ្ងៃទី០៥ ខែមិថុនា ឆ្នាំ២០២២ ជាកាលបរិច្ឆេទសម្រាប់ការបោះឆ្នោតជ្រើសរើសក្រុមប្រឹក្សាឃុំសង្កាត់ អាណត្តិទី៥។ គណៈកម្មាធិការជាតិរៀបចំការបោះឆ្នោត ហៅកាត់ថា គ.ជ.ប បានអះអាងថា ខ្លួនបានត្រៀមលក្ខណៈរួចជាស្រេចហើយសម្រាប់ការបោះឆ្នោតនេះ។ យ៉ាងណាក៏ដោយ អ្នកជំនាញកត់សម្គាល់ឃើញថា គណៈកម្មាធិការជាតិរៀបចំការបោះឆ្នោត ត្រូវប្រឈមមុខនឹងវិញ្ញាសាមួយចំនួន ដើម្បីធានានូវភាពជោគជ័យនៃការបោះឆ្នោតខាងមុខ ក្នុងបរិបទនៃជំងឺកូវីដ១៩។

5 min

October 11, 2021 សក្ដានុពលនៃតំបន់អេកូទេសចរណ៍នៅកម្ពុជា

រដ្ឋាភិបាលកម្ពុជា កាលពីថ្ងៃទី០៨ខែតុលា បានសម្រេចតែងតាំងសមាសភាពគណៈកម្មាធិការគ្រប់គ្រង់ និងអភិវឌ្ឍសហគមន៍ទេសចរណ៍ និងអេកូទេសចរណ៍នៅកម្ពុជា។ ការសម្រេចនេះ ធ្វើឡើងបន្ទាប់ពីរដ្ឋាភិបាលបានមើលឃើញពីសក្ដានុពលនៃតំបន់អេកូទេសចរណ៍ ដែលអាចផ្ដល់ផលចំណេញដល់សេដ្ឋកិច្ចជាតិ នៅក្នុងបរិបទកូវីដ១៩។ ក្រៅពីផលចំណេញផ្នែកសេដ្ឋកិច្ចជាតិ សហគមន៍ទេសចរណ៍និងតំបន់អេកូទេសចរណ៍ ក៏ជាប្រភពចំណូលដ៏សំខាន់របស់ពលរដ្ឋនៅក្នុងតំបន់ និងពិសេសជាងនេះ វាអាចរួមចំណែកថែរក្សាធនធានធម្មជាតិនៅកម្ពុជាបានប្រកបដោយប្រសិទ្ធភាព។

5 min

October 04, 2021 តើអ្វីទៅជាឧបសគ្គនិងឱកាសនៃការរួបរួមនៃគណបក្សបង្កើតឡើងដោយអតីតមន្ដ្រីអតីតបក្សប្រឆាំង

កាលពីសប្ដាហ៍មុន លោក អ៊ូ ច័ន្ទរ័ត្ន សហស្ថាបនិកគណបក្សកែទម្រង់កម្ពុជា និងជាអតីតមន្ដ្រីជាន់ខ្ពស់ម្នាក់នៃអតីតបក្សប្រឆាំង បានជួបជាមួយគណបក្សចំនួន២ផ្សេងទៀត ដើម្បីពិភាក្សាពីលទ្ធភាពនៃការរួបរួមគ្នា។ ជាការរួបរួមដែលមានគោលដៅឈានទៅប្រកួតប្រជែងជាមួយគណបក្សកាន់អំណាច នៅក្នុងការបោះឆ្នោតនាពេលខាងមុខ។ តើការរួបរួមគ្នានេះ ត្រូវប្រឈមនឹងឧបសគ្គអ្វីខ្លះ? និងថាតើមានឱកាសនៅលាយឡំក្នុងនោះឬទេ?

6 min

September 27, 2021 ល្បែងរវាងអ្នកនយោបាយធ្វើឲ្យពលរដ្ឋធុញទ្រាន់

បរិយាកាសនយោបាយនៅកម្ពុជា មិនដែលមានភាពសុខដុមរមនាទេ បើទោះបីជាអតីតគណបក្សប្រឆាំងត្រូវបានរំលាយចោលជាង៣ឆ្នាំមកហើយក៏ដោយ។ ល្បែងនយោបាយរវាងគណបក្សកាន់អំណាចនិងអតីតគណបក្សប្រឆាំងនៅតែបន្តអូសបន្លាយ ជាហេតុបណ្ដាលឲ្យអ្នកគាំទ្រអតីតបក្សប្រឆាំងជាច្រើនសិបនាក់ត្រូវរងគ្រោះ។ ការណ៍នេះមិនត្រឹមតែធ្វើឲ្យឆាកនយោបាយនៅកម្ពុជាខ្វះភាពសុខដុមរមនាប៉ុណ្ណោះទេ ប៉ុន្តែវាក៏ធ្វើឲ្យពលរដ្ឋធុញទ្រាន់ និងលែងមានកម្លាំងចិត្តចូលរួមនយោបាយផងដែរ។

5 min

September 20, 2021 មតិរិះគន់ស្ថាបនាជាសម្រស់នៃលទ្ធិប្រជាធិបតេយ្យ

ប្រជាធិបតេយ្យមានធាតុផ្សំជាច្រើន។ មួយក្នុងចំណោមនោះ គឺសិទ្ធិសេរីភាពនៃការបញ្ចេញមតិសម្រាប់ពលរដ្ឋគ្រប់គ្នា មិនថាមតិនោះ ជាមតិស្រប ឬមតិផ្ទុយឡើយ។ ការបើកចិត្តទទួលយកភាពចម្រុះនៃទស្សនៈ ជាចលករជំរុញឲ្យវប្បធម៌ប្រជាធិបតេយ្យលូតលាស់ទៅមុខបានលឿន និងមានអត្ថន័យពេញលេញពិតប្រាកដ។

5 min

September 13, 2021 កម្ពុជានិងចិន៖ ទំនាក់ទំនងចាស់វស្សាដែលផ្ដល់ប្រយោជន៍ទាំងសងខាង

កម្ពុជា តាំងពីថ្ងៃអាទិត្យម្សិលមិញ បានក្រាលកម្រាលព្រំក្រហមទទួលប្រមុខការទូតចិន លោក វ៉ាង យី សម្រាប់ដំណើរទស្សនកិច្ចរយៈពេល២ថ្ងៃ។ អ៊ឹម រចនា សូមឆ្លៀតឱកាសនេះ រំឭកជូនលោកអ្នកអំពីប្រវត្តិទំនាក់ទំនងការទូតរវាងចិននិងកម្ពុជា។ ជាទំនាក់ទំនងចាស់វស្សា ដែលគេមើលឃើញថា ផ្ដល់ផលប្រយោជន៍ទៅវិញទៅមក ជាពិសេសនៅក្នុងវិស័យសេដ្ឋកិច្ច និងភូមិសាស្ត្រនយោបាយ។

6 min

September 06, 2021 ការសរសេរពាក្យខ្មែរខុសច្រើន កើតឡើងដោយសារពលរដ្ឋមិនសូវផ្ទៀងផ្ទាត់តាមវចនានុក្រម

តើលោកអ្នកនាងមានវចនានុក្រមខ្មែរនៅផ្ទះដែរឬទេ? បើមាន តើលោកអ្នកនាងបើកផ្ទៀងការសរសេររបស់ខ្លួនញឹកញាប់ប៉ុណ្ណាដែរ នៅពេលសរសេរអត្ថបទជាភាសាខ្មែរ? នៅក្នុងសង្គមខ្មែរ ការប្រើប្រាស់វចនានុក្រមខ្មែរ ដើម្បីផ្ទៀងផ្ទាត់ភាពត្រឹមត្រូវនៅក្នុងការសរសេរប្រចាំថ្ងៃ នៅតែមានកម្រិតនៅឡើយ។ នេះគឺជាបច្ច័យសំខាន់មួយដែរ ដែលធ្វើឲ្យការសរសេរភាសាខ្មែរជួបវិបត្តិ។

6 min

August 30, 2021 ការលួចចម្លងសៀវភៅជាសត្រូវរបស់អ្នកនិពន្ធ

ការបោះពុម្ពសៀវភៅនៅស្រុកខ្មែរកំពុងតែរីកដុះដាល។ សូម្បីតែនៅក្នុងបរិបទកូវីដ១៩ ក៏គេសង្កេតឃើញថា មានសៀវភៅថ្មីៗជាច្រើនបន្តចេញផ្សាយ ដើម្បីកំដរអារម្មណ៍មិត្តអ្នកអាន។ យ៉ាងណាម៉ិញ ទន្ទឹមគ្នានេះ គេក៏សង្កេតឃើញដែរថា ការលួចចម្លងសៀវភៅយកទៅផលិតឡើងវិញក្នុងទម្រង់ផ្សេងៗដោយគ្មានការអនុញ្ញត មានការកើនឡើងគួរឲ្យព្រួយបារម្ភ។ ការលួចចម្លងសៀវភៅនេះ កំពុងតែធ្វើឲ្យអ្នកនិពន្ធជាច្រើនបាត់បង់ប្រាក់ចំណូល ព្រមទាំងកម្លាំងចិត្ត រហូតគិតចង់ឈប់តែងនិពន្ធថែមទៀត។

5 min

August 23, 2021 ការបោះឆ្នោតឃុំសង្កាត់ឆ្នាំ២០២២៖ គ.ជ.ប ប្រឈមមុខនូវវិញ្ញាសាចំនួន៣

ភិបាលកម្ពុជាបានកំណត់យកថ្ងៃទី០៥ ខែមិថុនា ឆ្នាំ២០២២ ជាកាលបរិច្ឆេទសម្រាប់ការបោះឆ្នោតជ្រើសរើសក្រុមប្រឹក្សាឃុំសង្កាត់ អាណត្តិទី៥។ គណៈកម្មាធិការជាតិរៀបចំការបោះឆ្នោត ហៅកាត់ថា គ.ជ.ប បានអះអាងថា ខ្លួនបានត្រៀមលក្ខណៈរួចជាស្រេចហើយសម្រាប់ការបោះឆ្នោតនេះ។ យ៉ាងណាក៏ដោយ អ្នកជំនាញកត់សម្គាល់ឃើញថា គណៈកម្មាធិការជាតិរៀបចំការបោះឆ្នោត ត្រូវប្រឈមមុខនឹងវិញ្ញាសាមួយចំនួន ដើម្បីធានានូវភាពជោគជ័យនៃការបោះឆ្នោតខាងមុខ ក្នុងបរិបទនៃជំងឺកូវីដ១៩។

5 min