Lestin

Gunnar Ragnarsson kvikmyndagagnrýnandi Lestarinnar upplifði þörf á einhvers konar kvikmyndalegu munnskoli eftir að hafa horft á og lofað Top Gun Maverick. Hann fann það sem hann leitaði að á streymisveitunni Netflix, Indversku hasarmyndina RRR, sem hann segir vera einstaka blöndu af hasar, söngleik, drama og gleði. Þetta er síðasti pistill Gunnars í Lestinni í bili, og er honum þakkað fyrir vel unnin störf.

Ríkasta 1% Jarðarbúa flýja jörðina og nema land á plánetunni Hold eftir að hafa rústað fyrrum heimkynnum sínum. Þar búa saman vélmenni og menn. Söngleikurinn Hold fjallar um ást milli gervigreindar og manneskju og verður fluttur á sviðslistahátíðinni Reykjavík Fringe í Iðnó á föstudaginn næstkomandi. Kristín Mjöll segir frá.

Í dag 21. júní er lengsti dagur ársins 2022, sumarsólstöður, og að því tilefni veltum við fyrir okkur melankólíu og formgerð íslenska sumarsins.

Við heyrum um alþjóðlegu heimildamyndahátíðina IceDocs sem fer fram á Akranesi í vikunni. Ingibjörg Halldórsdóttir sest um borð í Lestina.

Og já, svo hlustum við á nýja Beyoncé lagið, næntís-innblásna dansslagarann Break my Soul.

Það krefst skuldbindingar að fylgjast með Love Island, ástareyjunni, það kemur nýr klukkutímalangur þáttur á hverjum degi í þær 6 vikur sem þáttarröðinni er tekin upp. Um þessar mundir er 8 þáttaröð í sýningu. Hvað er það við 20 breta fasta saman í glæsivillu á Mallorca sem gerir þetta að jafn vinsælum þáttum og raun ber vitni?

Halldór Armand Ásgeirsson rithöfundur flytur sinn annan pistil af þremur í Lestinni í sumar. Þó að við séum stödd á bjartasta tíma ársins er Halldór með hugan við nýlega könnun Gallup sem sýnir vaxandi óhamingju í heiminum. Já, það er víða pottur brotinn. MIsskipting, einmanaleiki og tíminn sem það tekur að laga innsláttarvillur.

Við ræðum um muninn á tónlist og hljóðefni við Sigurð Ásgeir Árnason framkvæmdastjóra nýsköpunarfyrirtækisins Overtune sem framleiðir samnefnt app sem gerir taktlausum jafnt sem lagvissum kleift að búa til hljóðefni fyrir myndbönd á samfélagsmiðlum á örfáum sekúndum.

Fyrir 20 árum, í júní 2002 var fyrsti þátturinn í nýrri sjónvarpsþáttaröð um dópsala og löggur í Baltimore sýndur í Bandaríkjunum. Áhorfstölurnar voru ekki háar en þátturinn hefur smám saman verið samþykktur sem einn af hápunktum sjónvarpssögunnar, mögulega besti þáttur allra tíma.

The Wire er miklu meira en einfaldur lögguþáttur, hann er gagnrýnin samfélagsstúdía, heimspekileg kenning um vald, mósaíkmynd af molnandi heimsveldi, en svo eru persónurnar, samtölin og senurnar líka bara svo fáránlega nettar.

Lóa og Kristján halda dauðahaldi í vírinn í Lest dagsins: The Wire special í tilefni 20 ára afmælis þáttanna.

Þó að karlar séu með geirvörtur og mjólkurkirtla líkt og konur þá tíðkast það ekki að þeir gefi börnum sínum brjóst. Mjólkandi maður, Milking man, nefnist útskriftarverkefni Jón Sölva Walderhaug frá lIstaháskóla íslands, en þar gerði hann tilraun til að virkja mjólkurframleiðslu í brjóstum sínum.

Ungur íslenskur fatahönnuður selur hönnun sína í yfir 50 hátískuverslunum, merkið sem áður hét Arnar Már Jónsson, breytti á dögunum um nafn, og kallast nú Ranra. Hönnuðirnir leggja höfuðáherslu á sjálfbærni og lita flíkurnar með íslenskum plöntum, er það er nánast óheyrt í heimi hátískunnar. Fötin eru gerð til að klæðast úti, en eru ekki eiginleg útivistarföt að sögn Arnars, en fatamerkið sló í gegn þegar Covid skall á og útivistarföt urðu að tískuvöru.

Berglind Rós Magnúsdóttir heldur áfram að fjalla um hlutverk framhaldsskólanna í að viðhalda stéttaskiptingu í íslensku samfélagi, að þessu sinni tekur hún tvær dæmisögur.

Á dögunum var forritari Google sendur í leyfi eftir að hann birti samtöl sín við spjallmenni á netinu. Hann telur spjallmennið hafa öðlast sjálfsmeðvitund en talsmenn Google þvertaka fyrir það. Við rekjum sögu forritarans Blake Lemoine og ræðum spjallmenni og sjálfsmeðvitund við lektor við Háskólann í Reykjavík, Stefán Ólafsson.

Streymisveitur hóta nú hver af annarri að hætta framleiðslu leikins sjónvarpsefnis á dönsku. Ástæðan er nýlegur samningur sem tryggir starfsfólki í dönsjum kvikmyndaiðnaði aukin réttindi. Við hringjum til kaupmannahafnar í Þóri Snæ Sigurjónsson kvikmyndaframleiðanda.

Davíð Roach Gunnarsson, tónlistargagnrýnandi Lestarinnar var segir frá tónlistarhátíðinni Primavera sem fór fram í Barcelona á dögunum.

Í Þýskalandi var á dögunum tekinn í gagnið 9 evru miðinn, miði sem gildir í heilan mánuð um allt þýskaland í júní, júlí eða ágúst. Rithöfundurinn Halldór Armand Ásgeirsson veltir verðbólgu og almenningssamgöngum, friðartíma og aperol spritz fyrir sér í nýjum pistli.

Við hringjum til Osló og heyrum um nýtt þjóðarsafn Noregs fyrir list, arkitektúr og hönnun. Bergsveinn Þórsson safnafræðingur kíkti á þetta stærsta safn skandinavíu í morgun, en það opnaði um helgina.

Við setjumst svo í kaffi með Agli Sæbjörnssyni fyrir utan Nýlistasafnið í reykjavík og ræðum saman um intenetlist og sýndarheima.

Og við ræðum Grímuverðlaunin sem verða afhent á morgun.

Við hittum tónlistarkonuna Unu Torfa sem gefur út sína fyrstu plötu á miðnætti, stuttskífuna Flækt og ung og einmana. Við ræðum um Ed Sheeran, söngelskan ráðherra og hvaða áhrif lífshættulegt krabbamein hefur á unga listakonu.

Næstu vikur mun Berglind Rós Magnúsdóttir skoða ýmsar birtingarmyndir stéttaskiptingar í íslensku samfélagi, og að þessu sinni veltur hún fyrir sér hlutverki framhaldsskóla í að viðhalda slíkri aðgreiningu.

Og við heyrum hvernig tónleikahald í Ísrael heldur áfram að vera deilumál, en bandaríska indísveitin Big Thief hefur hætt við umdeilda tónleika sem áætlaðir voru í Tel Aviv í júlí.

RUSL er lista- og hönnunarhátíð í Gufunesi, nýju skapandi hverfi Reykjavíkurborgar. Hátíðin leggur áherslu á hringrásahugsun í samhengi menninga, lista og hönnunar. Tveir af skipuleggjendum hátíðarinnar Elsa Jónsdóttir og Elín Margot koma og segja frá Ruslfest.

The Lady of Heaven heitir nýtt epísk söguleg drama sem segir upprunasögu íslamstrúar, söguna af Fatímu dóttur spámannsins Múhammeðs. Kvikmyndin hefur fengið slæma dóma en það þykir hins vegar fréttnæmt að andlit spámannsins sést greinilega í myndinni - en eins og flestir vita eru slíkar myndbirtingar almennt litnar hornauga meðal múslima. Við ræðum við Kjartan Orra Þórsson um myndabann Múhammeðs og það hvort að mögulegt sé að komast hjá því með því að tölvuteikna andlit spámannsins.

Plötusnúðurinn og umboðsmaðurinn Hu Dat, sem heitir réttu nafni Kim Hu, er rísandi stjarna í rappsenunni vestur í Bandaríkjunum. Þórður Ingi Jónsson spjallar við Kim um það hvernig dóttir íhaldsamra innflytjenda frá Tævan fór frá því að læra hótelstjórnun yfir í að þeyta skífum fyrir risastóra rappara.

Þrátt fyrir að einhverju mest áberandi dómsmáli áratugarins sé nú lokið, meiðyrðamáli leikaranna og fyrrum hjónanna Johnny Depp og Amber Heard, heldur fólk áfram að rífast um þýðingu dómsins og málsins. Hvað segir það okkur um Metoo, um stöðu þolenda heimilisofbeldi, um frjálsa tjáningu á 21. öldinni? Hledís Maren Guðmundsdóttir félagsfræðingur veltir fyrir sér hvort rétt sé að lesa hugmyndafræðilega merkingu í þetta einstaka dómsmál.

Síðasti þátturinn af Vitjunum var sýndur á RÚV á dögunum. Salvör Bergmann hefur verið að horfa á þættina og segir hvað henni fannst.

Nú um helgina fór heimildamyndahátíðin Skjaldborg fram á Patreksfirði. Þriggja daga hátíð með fjölda nýrra heimildarmynda, erlendum gestum og plokkfiskveislu svo eitthvað sé nefnt. Við ræðum við leikstjóra myndarinnar Velkominn Árni sem hlaut áhorfendaverðlaun hátíðarinnar.

Í gær komst niðurstaða í dómsmál fyrrum hjónanna Johnny Depp og Amber Heard. Málið var höfðað af leikaranum Johnny Depp gegn Amber Heard fyrir ærumeiðingar, en Heard skrifaði um að hafa orðið fyrir heimilisofbeldi árið 2018. Í gær féll dómur Depp í hag. Réttarhöldunum var streymt á netinu og hlutu þau mikið áhorf, og netverjar hafa verið duglegir að láta í ljós skoðanir sínar á því sem fer þar fram. Melkorka Gunborg Briansdóttir fjallar um dómsmálið, sem hún kallar skrípaleik.

Hljómsveitir sem tilheyra allar listakollektívinu post dreifing eru á leið til Noregs og munu koma til með að spila bæði í Osló og Bergen. Ástæða ferðalagsins er vinasamband sem hefur myndast á milli tveggja indie-sena, hér í Reykjavík og í Bergen. Snæbjörn Helgi Arnarsson Jack segir okkur frá fyrirhugaðri Noregsreisu.

Reykvíska rokkhljómsveitin Graveslime starfaði í stuttan tíma í upphafi árþúsundarins. Áður en fyrsta plata hennar, Roughness and Toughness, kom út árið 2003 hafði aðalsöngvarinn misst heyrnina og hljómsveitin splundrast á dramatískan hátt. Platan, sem hefur öðlast költstöðu í íslensku þungarokki, hefur verið illfáanleg undanfarin 19 ár, en er nú komin á streymisveitur í allri sinni dýrð. Við ræðum við Kolbein Huga og Aðalstein Möller úr Graveslime.