Spegillinn 29.mars 2021

Umsjón: Kristján Sigurjónsson

Tæknimaður: Ragnar Gunnarsson

Herða þarf aðgerðir á landamærunum enn frekar, eigi að takast að stemma stigu við útbreiðslu kórónuveirunnar segir sóttvarnalæknir.

Byrjað verður að dreifa bóluefni Janssen gegn COVID-19 nítjánda apríl.

Réttarhöld yfir morðingja blökkumannsins George Floyds hófust í Bandaríkjunum í dag.

Risaflutningaskipið Ever Given sem strandaði í Súesskurðinum á þriðjudag er komið á flot

Hraunflæði úr eldgígunum í Geldingadölum hefur haldist stöðugt síðustu daga, þó ásýnd gíganna hafi tekið stakkaskiptum

Bæjarstjórinn á Akureyri segir allt benda til að samningar um yfirtöku á rekstri hjúkrunarheimila í bænum náist í tæka tíð. Forstjóri Sjúkratrygginga Íslands segir að niðurstaða eigi að liggja fyrir innan skamms.

Settur umboðsmaður Alþingis gerir engar athugasemdir við úrskurð dómsmálaráðuneytisins sem sneri við ákvörðun Þjóðskrár Íslands í máli stúlku sem vildi kenna sig við móður sína en ekki föður. Umboðsmaður segir hagsmuni barns geta vegið þyngra en hagsmuni foreldris sem er andvígt nafnabreytingu.

Lengri umfjöllun:

Skarphéðinn Berg Steinarsson ferðamálastjóri segir að bregðast þurfi hratt við að byggja upp innviði í nágrenni jarðeldanna í Geldingadölum. Útlit er fyrir að staðurinn verði fjölsóttasti ferðamannastaður landsins næstu misserin, óháð því hvort gos haldi þar áfram eða ekki. Aðsóknin og áhuginn meðal Íslendinga sé mjög mikill og hálfgert lán í óláni að erlendir ferðamenn eigi tæplega kost á að sjá gosið um þessar mundir vegna sóttvarnaraðgerða á landamærum. Ferðamálastofa hefur talið hversu margir hafa lagt leið sína fótgangandi að gosstöðvunum undanfarna daga með sérstökum teljurum við gönguleiðina. 5600 manns fóru að jarðeldunum í gær, en um 16000 síðustu sjö daga. Kristján Sigurjónsson talaði við Skarphéðinn.

Nýtt stjórnsýslustig - heimastjórnir í hinu nýja Múlaþingi hafa virkað ágætlega að mati tveggja heimastjórnarmanna. Annar hefur þó áhyggjur af auknu flækjustigi í stjórnsýslu og hinn hefði viljað að heimastjórnir hefðu aðeins meiri völd, og svolítið fé til ráðstöfunar.

Ragnhildur Thorlacius fjallar um sameiningu sveitarfélaga 3. hluti og talar við Jódísi Skúladóttur, Rúnar Gunnarsson sveitarstjórna- og heimastjórnarfólk í Múlaþingi og Anton Kára Halldórsson formann samstarfsnefndar um sameininguna á Suðurlandi .

Albanskur karlmaður hefur játað á sig morðið við Rauðagerði í Reykjavík um miðjan febrúar. Morðvopnið,skammbyssa með hljóðdeyfi, fannst í sjó nærri höfuðborgarsvæðinu fyrir hálfum mánuði.

Mögulegt er að hraun flæði út úr Geldingadölum eftir tvær vikur. Ekki eru merki um að það sé að draga úr gosinu.

Kári Stefánsson hafnar því að hann hafi með ummælum sínum í Kastljósi fyrr í vikunni, gert innflytjendur hér að blórabögglum. Hann var bólusettur í dag.

Sóttvarnalæknir vill að fólk bíði með að fara að gosstöðunum til að koma í veg fyrir að smit breiðist út. Hann segir fullkomlega skýrt að fólk í sóttkví megi alls ekki fara að gosstöðvunum.

Lyfjaeftirlitið í Ungverjalandi hefur gefið út leyfi fyrir sjö tegundum bóluefna við COVID-19. Þriðja bylgja farsóttarinnar er í örum vexti.

Svandís Svarsdóttir,heilbrigðisráðherra, flutti þingheimi enn einu sinni munnlega skýrslu í dag um stöðuna í baráttunni við kórúnuveiruna. Yfirskrift hennar var - hertar aðgerðir. Heyist í Svandísi Svavarsdóttur, Sigmundi Davíð Gunnlaugssyni, Sigríði Andersen, Helgu Völu Helgadóttur, Ólafi Þír Gunnarssyni, Olgu Margréti Cilia, Höllu Signýu Kristjánsdóttur og Þorbjörgu Sigríði Gunnlaugsdóttur.

Skólar og bættar samgöngur eru íbúum ofarlega í huga á þeim svæðum þar sem kjósa á um sameiningar á árinu. Einfaldari stjórnsýsla og sterkari sveitarfélög eru markmið þeirra sem stýra sameiningarviðræðunum. Ragnhildur Thorlacius talaði við Anton Kára Halldórsson. Helga Héðinsson og Jón Gíslason.

Spegillinn 25.mars 2021

Umsjón: Kristján Sigurjónsson

Tæknimaður: Magnús Þorsteinn Magnússon

Fjöldi sjúklinga á Covid göngudeild landspítalans hefur fjórfaldast síðustu daga, en þar eru nú hátt í níutíu manns. Yfirlæknir á spítalanum segir að fjórða bylgjan sé hafin.

Fjármálaráðherra segir baráttuna við heimsfaraldur vera eins og að klífa mjög hátt fjall. Allt annar veruleiki blasi við á síðari hluta ársins.

Talið er að hraun flæði yfir í Meradali eftir um tvær vikur miðað við núverandi rennsli. Flúor hefur mælst í regnvatnssýnum við gosstöðvarnar.

Yfirkokkur veisluþjónustu, sem gerði ráð fyrir að elda mat fyrir rúmlega 700 fermingarveislugesti nú um helgina, segir mikil vonbrigði að fresta hafi þurft veislunum. Hann segist binda vonir við að alvöru partý verði haldin í haust.

Færð er nú tekin að spillast víða um land.

Bæjarstjórn Sveitarfélagsins Voga hafnaði í gær að veita framkvæmdaleyfi fyrir Suðurnesjalínu 2 en áður höfðu Reykjanesbær, Hafnarfjörður og Grindavík samþykkt umsókn Landsnets um framkvæmdaleyfi með atkvæðum allra bæjarfulltrúa sveitarfélagana þriggja.

Hæstiréttur mildaði í dag dóm yfir Júlíusi Vífli Ingvarssyni, fyrrverandi borgarfulltrúa Sjálfstæðisflokksins, fyrir peningaþvætti

Lengri umfjöllun:

Þúsundir manna hafa lagt leið sína að gosstöðvunum í Geldingadölum undanfarna daga og bílaröðin þar sem fólk leggur ökutækjum á Suðurstrandavegi í nágrenni stikuðu leiðarinnar upp að gosstöðvunum er margra kílómetra löng. Aka verður í gegnum Grindavík til að komast að gönguleiðinni. Kristján Sigurjónsson ræðir við Fannar Jónasson bæjarstjóra í Grindavík um stóraukna umferð í gegnum bæinn, skipulag á móttöku ferðamanna o.fl.

Vísindaráð almannavarna kom saman í dag til að ræða jarðeldana í Geldingadölum á Reykjanesskaga. Nú eru sex dagar frá því gosið hófst. Halldór Geirsson jarðeðlisfræðingur og dósent við Háskóla íslands sat fundinn og segir frá stöðu gossins, kvikuflæði, gaseitrun og skjálftavirkni. Kristján Sigurjónsson talar við hann.

Íbúar ellefu sveitarfélaga greiða í ár atkvæði um að sameinast nágranna sveitarfélögum sínum. Þreifingar eða viðræður í sameiningarátt standa yfir á fimmtíu og einu prósenti landsins - landfræðilega séð. Þar búa um 6% íbúa. Talsverð hreyfing hefur verið í sameiningu sveitarfélaga undanfarin misseri. Tvö ný sveitarfélög hafa orðið til á síðustu árum; Múlaþing á Austurlandi og Suðurnesjabær á Suðurnesjum. Nú eru sveitarfélög landsins 69 og talsverðar líkur á að þeim fækki á næstunni. Í sumar og í haust á að greiða atkvæði í 11 sveitarfélögum um sameiningu v

Spegillinn 24.mars 2021

Umsjón: Kristján Sigurjónsson

Tæknimaður: Markús Hjaltason

Stórhertar sóttvarnaaðgerðir ganga í gildi á miðnætti, þær hörðustu frá því faraldurinn hófst. Ekki mega fleiri en tíu koma saman, öllum skólum nema leikskólum verður gert að loka. Hið sama á við leikhús, kvikmyndahús, sundstaði og líkamsræktarstöðvar.

Starfsemi Landspítalans verður færð á hættustig á miðnætti í ljósi fjölgunar COVID-smita

Fjármálaráðherra gerir sér vonir um að ræst geti úr ferðaárinu, samkomutakmarkanir sem taki gildi á miðnætti séu liður í því. Forsætisráðherra hefur skilning á að aðgerðirnar veki reiði hjá fólki.

Virkni hefur aukist utan megingígsins í Geldingadölum. Ófremdarástand skapaðist á Suðurstrandarvegi í dag að sögn björgunarsveitarmanna vegna fjölda fólks og bíla á svæðinu.

Stjórnarandstaðan er ósátt við að komið hafi til herta sóttvarna, því stjórnvöld hefðu þurft að grípa fyrr inn í.

Tveir voru í dag í Héraðsdómi Reykjavíkur úrskurðaðir í tíu vikna farbann, eða til miðvikudagsins 2. júní. Það er að kröfu Lögreglunnar á höfuðborgarsvæðinu í þágu rannsóknar hennar á manndrápi í Rauðagerði í síðasta mánuði.

Hertar sóttvarnaaðgerðir taka sérstaklega mið af því að breska afbrigðið smitast meira meðal barna en önnur afbrigði. Smitsjúkdómalæknir barna segir mjög mikilvægt að farið sé með börn í sýnatöku komi fram einkenni COVID-19.

Lengri umfjöllun:

Sóttvarnalæknir segir að það sé ekki verið að skella í lás þó að sóttvarnareglur hafi verið hertar. Hann vonar að hægt verði að slaka á eftir tvær til þrjár vikur. Forsætisráðherra segir að þetta sé ekki skellur, við séum einfaldlega í orustu við veiruna. Fjármálaráðherra segir að á þessari stundu sé ekki ástæða til að hafa áhyggjur að því að aðgerðirnar seinki efnahagsbatanum. Arnar Páll Hauksson ræðir við Þórólf Guðnason sóttvarnalækni, Katrínu Jakobsdóttur forsætisráðherra, Lilju Alfreðsdóttur menntamálaráðherra, Bjarna Benediktsson fjármálaráðherra og Svandísi Svavarsdóttur heilbrigðisráðherra.

Þúsundir manna lögðu leið sína að gösstöðvunum Í Geldingadölum í dag á fimmta degi goss og fylgdist með átökunum og sjónarspilinu þar. Suðurnesjamenn, sveitarstjórnarfólk þar, ferðaþjónustufyrirtæki, björgunarsveitir, lögregla og aðrar opinberar stofnanir eru þegar byrjaðar að undirbúa og gera áætlanir um hvernig taka skuli á móti fyrirhuguðum miklum fjölda ferðamanna vegna eldgossins í Geldingadölum. Ferðaþjónusfólk í Grindavík ætlar ásamt bæjaryfirvöldum í Grindavík og Markaðsstofu Reykjaness að bera saman bækur sínar á sérstökum fjarfundi á morgun

Spegillinn 23. mars 2021

Umsjónarmaður: Bergljót Baldursdóttir

Lögreglan á Suðurnesjum reynir nú að fá fólk til að yfirgefa gossvæðið á Reykjanesi vegna gasmengunar. Veðurstofan spáir því að hún verði lífshættuleg í kvöld. Múgur og margmenni hefur verið við eldstöðvarnar í dag. Rætt við Sigurð Bergman aðalvarðstjóra í lögreglunni á Suðurnesjum.

Gosið í Geldingadölum gæti varað í mánuði eða ár segir prófessor í jarðefnafræði. Margt sé að varast því sprungur geti opnast hratt og gastegundir streymt af krafti úr þeim. Hólfmríður Dagný Friðjónsdóttir, fréttamaður ræddi við Andra Stefánsson prófessor í jarðefnafræði við gosstöðvarnar í dag.

Leitað verður allra leiða til að flýta bólusetningu segir forsætisráðherra. Heilbrigðisráðuneytið skoðar nú bóluefnið spútnik fimm sem framleitt er í Rússlandi. Heyrist í Katrínu Jakobsdóttur, forsætisráðherra og Sigmund Davíð Gunnlaugsson í umræðum á Alþingi í dag

Nicola Sturgeon, fyrsti ráðherra Skotlands, stóð af sér vantrauststillögu á þinginu í Edinborg í dag. Íhaldsmenn lögðu hana fram, þar sem hún hefði verið staðin að því að brjóta siðareglur þingsins

Breyta þarf lögum eigi að skylda þá sem koma til landsins í sóttvarnahús. Þetta segir formaður Velferðarnefndar. Hertar sóttvarnaráðstafanir á landamærunum eiga að taka gildi 1. apríl. Rætt við Helgu Völu Helgadóttur, þingmann Samfylkingarinnar og formann Velferðarnefndar Alþingis.

Lengri umfjöllun:

Tilkynnt hefur verið um mjög gróft líkamlegt ofbeldi á öldruðum til þjónustumiðstöðvar borgarinnar og einnig um fjárhagslega misnotkun. Deildarstjóri á þjónustumiðstöð segir að ofbeldi á öldruðum sé mjög falið. Bergljót Baldursdóttir ræðir við Sigrúnu Ingvarsdóttur, félagsráðgjafa og deildarstjóra á þjónustumiðstöð Laugardals- og Háaleitis.

Svo virðist sem talsverður áhugi sé meðal fyrirtækja á að nýta ráðningarstyrki til að ráða atvinnulaust fólk. Forstjóri Vinnumálastofnunar segir að fyirtæki sýni ákveðna samfélagslega ábyrgð ef þau nýta ráðningarstyrki til að ráða fólk á atvinnuleysisskrá. Arnar Páll Hauksson ræðir við Unni Sverrisdóttur, forstjóra Vinnumálastofnunar og Halldór Benjamín Þorbergsson, framkvæmdastjóra Samtaka Atvinnulífsins

Ár er síðan Covid-19 faraldurinn lokaði Bretlandi og Bretar horfa nú yfir farinn veg. Bólusetning gengur vel en ennþá er óljóst hvenær lífið kemst í eðlilegt horf. Minnst var á það sorglega met Breta í dauðsföllum með klukknahljómi á hádegi í dag. Sigrún Davíðsdóttir í Lundúnum segir frá

Næstu dagar munu skera úr um hvort herða þurfi sóttvarnaaðgerðir eftir að 26 kórónuveirusmit greindust síðustu þrjá daga. Þetta segir sóttvarnalæknir.

Fjármála- og efnahagsráðherra kynnti í dag nýja fjármálaáætlun ríkisstjórnarinnar. Gert er ráð fyrir 2,1 prósenta hagvexti á þessu ári.

Vegna hættu á gasmengun mælir Veðurstofan ekki með því að fólk leggi leið sína að gosinu í Geldingadölum seinni partinn á morgun. Byrjað er að stika gönguleið að gosstaðnum og stefnt er að því að opna Suðurstrandarveg í kvöld.

Réttarhöld hófust í dag yfir dótturfyrirtæki IKEA í Frakklandi, fyrrverandi forstjóra þess og fleiri yfirmönnum. Þeir eru sakaðir um að hafa látið njósna um starfsfólkið, umsækjendur um störf og jafnvel viðskiptavini.

Arnar Páll Hauksson ræðir við Þorvalr Þórðarson, prófessor og eldfjallafræðing um gosið í Geldingadölum.

Már Kristjánsson, yfirlæknir smitsjúkdóma á Landspítalanum, segir að farið sé að bera á kvefi, iðrasýkingum og njálg hjá börnum eftir að slakað var á aðgerðum. Það bendir til þess að minna sé um hreinlæti en áður. Smit af breska afbrigðinu úti í samfélaginu sé áhyggjuefni.

Bergljót Baldursdóttir talar við Má Kristjánsson.

Viðskiptadeilur vegna bóluefna, einkum AstraZeneca efnisins, eru mögulega í uppsiglingu. Evrópusambandið ásakar AstraZeneca um að hygla Bretum sem eiga líka í Brexit-erjum við ESB. Sigrún Davíðsdóttir segir frá.

Spegillinn 19.3.2021

Umsjónarmaður: Bergljót Baldursdóttir

Allt bendir til þess að jarðhræringum sem verið hafa á Reykjanesskaga sé að ljúka. Þetta segir jarðeðlisfræðingur á Veðurstofunni. Þá hafi líkur á eldgosi minnkað mikið. Rætt við Benedikt Ófeigsson, jarðeðlisfræðing á Veðurstofunni.

Sóttvarnalæknir hyggst fara eftir niðurstöðu úr rannsóknum Danmerkur, Noregs og Svíþjóðar um framhald bólusetningu með efni AstraZeneca. Líklegt er að ákvörðun um bóluefni Astra Zeneca liggi fyrir í lok næstu viku. Til greina kemur að takmarka enn frekar þann hóp sem fær efnið. Sóttvarnalæknir segir mögulegt að hópsmitið sem kom upp fyrir tveimur vikum sé enn á ferðinni. Rætt við Þórólf Guðnason, sóttvarnalækni

Litakóðunarkerfið sem tekið verður upp á landamærunum 1. maí snýst fyrst og fremst um að taka tillit til stöðu faraldursins í hverju landi, Katrín Jakobsdóttir, forsætisráðherra segir að það sé misskilningur að litakóðunarkerfið sem tekið verður upp á landamærunum 1. maí snúist um að opna landið. Núverandi kerfi verði áfram við lýði fyrir alla nema þá sem koma frá grænum löndum. Þeir þurfi eigi að síður að framvísa neikvæðu PCR-prófi og gangast undir skimun.

Lögreglan telur sig vera með skotvopnið sem beitt var í morðinu í Rauðagerði í febrúarmánuði. Armando Bequiri, sem var skotinn til bana fyrir utan heimili sitt í Rauðagerði, Margeir Sveinsson yfirlögregluþjónn segir að talin hafi verið hætta á hefndaraðgerðum en lögregla metur það sem svo að sú hætta sé ekki lengur fyrir hendi

Almannavarnir vara við því að hrunið geti úr hlíðinni ofan Seyðisfjarðar, en hreyfinga hefur orðið vart í skriðusárinu sem myndaðist í desember.

Börnum í Fossvogsskóla verður frá og með þriðjudeginum kennt í húsnæði Korpuskóla í Grafarvogi. Helgi Grímsson, sviðsstjóri skóla- og frístundasviðs Reykjavíkurborgar segir að það hafi verið besti kosturinn í erfiðri stöðu.

Árás á tölvukerfi finnska þingsins er rakin til hakkara sem sagðir eru starfa á vegum stjórnvalda í Kína.

Lengri umfjöllun

Samkeyra á upplýsingar um börn úr ýmsum kerfum hér á landi með samþykki foreldra. Markmiðið er að bæta þjónustu við börnin. Félags- og barnamálaráðherra hefur lagt fram nokkur frumvörp á Alþingi þar sem gert er ráð fyrir viðamiklum breytingum á þjónustu við börn. Ragnhildur Thorlacius ræðir við Steinunni Birnu Magnúsdóttur, lögfræðing hjá Persónuvernd

Kristján Sigurjónsson fjallaði um 50 ára afmæli tímamótaplötunnar Aqualung með Jethro Tull

Spegillinn 18.3.2021

Umsjónarmaður: Bergljót Baldursdóttir.

Hundrað manns, þar af fimmtíu starfsmenn Landspítala eru í sóttkví í tengslum við kórónuveirusmitið sem greindist í gær utan sóttkvíar. Rætt við Má Kristjánsson, yfirlækni smitsjúkdóma á Landspítalanum

Lyfjastofnun Evrópu segir að færri hafi fengið blóðtappa eftir að hafa fengið bóluefni AstraZeneca en búast hefði mátt við. Það er sagt bæði vel virkt og öruggt.

Hugsanlegt er að minni skjálftavirkni nú á Reykjanesskaga sé undanfari eldgoss. Kristín Jónsdóttir, náttúruvársérfræðingur á Veðurstofu Íslands, segir að áður en Kröflueldar hófust hafi dregið úr skjálftavirkni og aflögun. Dregið hefur úr líkum á stórum skjálftum næstu daga. Rætt við Kristínu Jónsdóttur, náttúruvársérfræðing á Veðurstofu Íslands.

Breiðafjarðarfejan Baldur lagði að bryggju í Brjánslæk núna klukkan sex að lokinni fyrstu ferð yfir fjörðinn eftir viðgerð. Ferjan bilaði í síðustu viku í annað sinn á innan við ári og tók ferðin rúman sólarhring í stað þess að taka þrjá tíma. Rætt við Unnar Valby Gunnarsson, skipstjóra á Baldri, sem segir það vera létti að ferjan er aftur komin á siglingu. Ekkert stress hafi verið í áhöfninni áður en lagt var af stað.

Óvenju hlýtt hefur verið á Austfjörðum í dag. Hiti mældist yfir tuttugu stigum bæði á Dalatanga og í Neskaupstað, og sjálfvirkir mælar Veðurstofunnar bæði í Reyðarfirði og Eskifirði sýndu 19,6 stig í dag og á Bakkagerði náði hitinn 19,3 stigum. Róbert Jóhannsson, ræddi við Díönu Ívarsdóttur aðstoðarskólastjóra gunnskólans á Reyðarfirði og Birtu Líf Kristinsdóttur, veðurfræðing á Veðurstofu Íslands.

Lengri umfjöllun:

Réttlát umskipti: Verkalýðshreyfingin leggur til að stofnaður verði sérstakur vinnuhópur innan Þjóðhagsráðs til að tryggja að umskipti yfir í kolefnislaust Ísland verði réttlát. Aðgerðir stjórnvalda núna séu hlutfallslega mest íþyngjandi fyrir lágtekjuhópa. Þetta kemur fram í nýrri skýrslu sem verkalýðshreyfingar á Íslandi hafa staðið að. Bergljót Baldursdóttir ræðir við Sigríði Ingibjörgu Ingadóttur, hagfræðing BSRB og einn af skýrsluhöfundum. Skýrslan heitir Réttlát umskipti: Leiðin að kolefnislausu samfélagi. Hún er unnin í samstarfi við 14 samtök launafólks í sex ríkjum á Norðurlöndunum og Þýskalandi

Barnavernd: Annar pistill af þremur. Það er spennandi að sjá hvernig hægt að að efla þjónustu við börn og fækka þannig barnaverndarmálum, segir Heiða Björg Pálmadóttir forstjóri Barnaverndarstofu . Henni líst vel á kerfisbreytingar sem nú eru í deiglunni og segir þær risastórar. Ragnhildur Thorlacius talaði við han

Yfirlæknir smitsjúkdómadeildar Landspítalans segir Íslendinga alls ekki sloppna við kórónuveiruna. Nægt fóður sé fyrir nýja bylgju.

Íbúar á Völlunum í Hafnarfirði fengu fyrir mistök SMS-skilaboð frá Almannavörnum í dag um að þeir væru á hættusvæði vegna jarðhræringa á Reykjanesskaga.

Unnt er að greina leghálssýni hér innanlands. Þetta kemur í svari Landspítalans við fyrirspurn heilbrigðisráðuneytisins. Þó þyrfti að kaupa tæki frá Krabbameinsfélaginu og ráða sérhæft starfsfólk.

Sóttvarnir verða hertar í Póllandi næstu þrjár vikur þar sem COVID-19 tilfellum hefur fjölgað mjög að undanförnu. Að óbreyttu stefnir í að heilbrigðiskerfið ráði ekki við ástandið.

Tíu þingmenn, átta karlar og tvær konur, hafa nú lýst yfir að þeir hyggist ekki gefa kost á sér til áframhaldandi þingsetu.

Heilbrigðisráðherra segir að það muni hafi heilmikil áhrif ef bóluefni frá Astra Zeneca verður dæmt úr leik. Lyfjastofnun Evrópu mun á morgun kveða upp úrskurð um hvort hættulaust sé að nota bóluefnið. Gert hefur verið ráð fyrir að Ísland fái 76 þúsund skammta af bóluefninu á öðrum ársfjórðungi. Heilbrigðisráðherra flutti munlega skýrslu á Alþingi í dag um sóttvarnir og bólusetningar. Arnar Páll Hauksson tók saman. Heyrist í Svandísi Svavarsdóttur,Önnur Kolbrúnu Árnadóttur, Rósu Björk Brynjólfsdóttur og Helgu Völu Helgadóttur.

Umfangsmiklar breytingar eru í farvatninu á þjónustu ríkis og sveitarfélaga við börn. Stigskipta á þjónustunni og samhæfa hana með það að markmiði að grípa börn og fjölskyldur áður en í óefni er komið. Ragnhildur Thorlacius sagði frá og ræddi við Ernu Kristínu Blöndal formann stýrihóps stjórnarráðsins í málefnum barna.

Boris Johnson forsætisráðherra Breta var vart búinn að kynna nýja öryggis-, varnar- og utanríkisstefnu í gær þegar ummælum Dominic Raab utanríkisráðherra um að Raab hirti lítt um mannréttindamál í viðskiptasamningum var lekið. Ummælin styrkja bæði stjórnarþingmenn og aðra í þeirri trú að ríkisstjórnin sé of höll undir einræðislönd eins og Kína, fylgi fremur hentistefnu en stefnufestu. Sigrún Davíðsdóttir sagði frá.

Allt svæðið í kringum Fagradalsfjall er nú undir sem líklegt gossvæði. Skjálftavirkni hefur færst norðar frá því sem verið hefur síðustu daga. Þetta segir Freysteinn Sigmundsson jarðeðlisfræðingur.

Stjórn Arion banka dró til baka tillögu sína um að laun erlendra stjórnarmanna yrðu hækkuð. Lífeyrissjóðir sem eiga stóran hlut í bankanum mótmæltu hækkuninni og lögðu fram tillögu um óbreytt stjórnarlaun

Ákvörðun stjórnvalda um að taka upp litakóðunarkerfi á landamærunum 1. maí er ekki tekin í samráði við sóttvarnalækni.

Ferðamenn frá löndum utan Schengensvæðisins geta nú komið til Íslands ef þeir eru með gild bólusetningarvottorð.

Forstjóri Icelandair segir mun minni líkur á að félagið þurfi að draga á lánalínur með ríkisábyrgð ef ferðaþjónustan tekur við sér í sumar. Hann segir ákvörðun um að taka gild bólusetningarvottorð komufarþega utan Schengen svæðsins hafa mjög jákvæð áhrif.

Mikil óvissa er um niðurstöðu söluferlis kísilverksmiðjunnar í Helguvík. Arion banki hefur fært niður bókfært virði verksmiðjunnar en til greina kemur að rífa hana.

Vísindamenn rýndu í nýjar gervitunglamyndir og GPS mælingar á vísindaráðsfundi Almannavarna sem lauk nú síðdegis. Gögnin sýna að kvikugangurinn milli Nátthaga og Keilis á Reykjanesskaga sé að víkka en skjálftavirkni að færast norðar. Freysteinn Sigmundsson jarðeðlisfræðingur segir að þetta bendi til þess að eldgos geti brotist út á öllu svæðinu í kringum Fagradalsfjall, en ekki aðeins sunnan við það eins og talið hefur verið til þessa. Kristján Sigurjónsson talaði við Freystein.

Nú geta ferðamenn frá löndum utan Schengensvæðisins komið til Íslands ef þeir eru með bólusetningarvottorð. Ákveðið hefur verið að koma á innra eftirliti á landamærunum og til stendur að opna sóttvarnahús á Keflavíkurflugvelli. Arnar Páll Hauksson talaði við Sigurgeir Sigmundsson.

Boris Johnson forsætisráðherra Breta kynnti í dag heildarstefnu í öryggis-, varnar- og utanríkismálum, sem hafði dregist að kynna. Johnson hefur talað um ,,hnattrænt Bretland? sem utan Evrópusambandsins horfði meir til annarra heimshluta. Eins átti ræðan nú að vera ein sú mikilvægasta frá lokum kalda stríðsins. Sigrún Davíðsdóttir sagði frá.