Ríkisstjórnin kynnti í dag ný og framlengd úrræði vegna kórónuveirufaraldursins. Forsætisráðherra segir að styðja þurfi bæði fólk og fyrirtæki á lokametrum faraldursins.

Ekki liggur fyrir hvort innanlandstakmörkunum verði aflétt í næstu viku. Búið er að bólusetja tæplega 38 prósent þeirra sem stendur til að bólusetja hér á landi, og uppfyllir það markmið afléttingaráætlunar stjórnvalda.

Hundrað milljónir Bandaríkjamanna teljast fullbólusettar gegn kórónuveirunni. Liðlega helmingur þeirra hefur fengið fyrri skammtinn.

Veðurfræðingur segir að mistrið yfir Suður- og Vesturlandi sé sambland áhrifa frá eldstöðvunum og mengunar frá meginlandi Evrópu.

Slagorð eða kjörorð 1. maí, baráttudags verkalýðsins, er: Það er nóg til. Drífa Snædal, forseti ASÍ, segir að það sé ekki úr lausu lofti gripið. Oft sé sagt þegar gesti ber að garði að það sé nóg til. Við eigum nóg til skiptanna. Ef gæðin eru af skornum skammti þá deilum við gæðunum með sanngjarnari hætti. ArnarPáll Hauksson talaði við Drífu Snædal og Sonnju ýr Þorbergsdóttur.

Vangaveltur um áhrif heimsfaraldursins eru víða í gerjun, þá einnig áhrifin á lífið í stórborgunum og þróun þeirra. Sigrún Davíðsdóttir horfði í kringum sig í fjármálahverfinu í London og rakti hvers vænta mætti af framvindu borgarlífsins þar.

Spegillinn 29.4. 2021

Umsjónarmaður: Bergljót Baldursdóttir

Hægt væri að ná hjarðónæmi hraðar hér á landi ef farið yrði að bólusetja yngstu aldurshópana eða ef boðað yrði handahófskennt í bólusetningu. Þetta eru niðurstöður nýrrar rannsóknar sem Íslensk erfðagreining kynnti í dag. Rætt við Pál Melsted, tölfræðing hjá Íslenskri erfðagreiningu

Oddviti Sjálfstæðisflokksins í Reykjavík segir að ekki sé hægt að kenna kórónuveirufaraldrinum alfarið um hallarekstur borgarinnar. Afkoman var um 14,8 milljörðum króna undir áætlun í fyrra. Rætt við Dag B Eggertsson, borgarstjóra

Íslenska ríkið hefur undanfarinn áratug greitt að minnsta kosti 39 milljónir í skaðabætur til þeirra sem gengið hefur verið fram hjá með ólögmætum hætti við ráðningar, skipanir og setningar í opinber störf.

NATO er byrjað að kalla herlið frá Afganistan. Embættismaður þar segir að ef Talibanar geri árásir meðan á flutningunum stendur verði þeim svarað af fullri hörku.

Hæstiréttur í Þýskalandi hefur dæmt loftslagsáætlun þýskra stjórnvalda ófullnægjandi. Hún samræmist ekki grundvallarréttindum þar sem hún nái ekki yfir nógu langan tíma.

Lengra efni:

Vaxandi verðbólga er verulegt áhyggjuefni segir aðstoðarframkvæmdastjóri Samtaka atvinnulífsins. Ljóst sé að Seðlabankinn bregðist við ef þessi þróun heldur áfram. Arnar Páll Hauksson ræddi við Ásdísi Kristjánsdóttur, aðstoðarframkvæmdastjóra Samtaka atvinnulífsins

Ungir umhverfissinnar kynna sér nú stefnu stjórnmálaflokkanna í umhverfis- og loftslagsmálum og ætla að leggja mat á hana með sérstökum kvarða sem verður kynntur þegar hann er tilbúinn. Stefnt er að því að það verði 17. maí en einkunn stjórnmálaflokkanna verður birt 3. september. Bergljót Baldursdóttir ræddi við Tinnu Hallgrímsdóttur, formann Ungra umhverfissinna og Þorgerði Maríu Þorbjarnardóttur, fv. formann Ungra umhverfissinna.

Spegillinn 28.4.2021

Umsjónarmaður: Bergljót Baldursdóttir

Allt að sextán þúsund manns fengu boð um að koma í bólusetningu í þessari viku með bóluefni Astra Zeneca. Síðar í vikunni kemur í ljós hve margir þáðu bólusetninguna. Rætt við Þórólf Guðnason, sóttvarnalækni

Enginn í Barnaskólanum á Eyrarbakka og Stokkseyri greindist með COVID-19 í gær og skólastarf hefst á ný á morgun.

Hætt er við að starfsmenn sem hefja störf hjá Öldrunarheimilum Akureyrar, eftir að bærinn hefur skilað af sér rekstrinum, fái lægri laun en þeir sem fyrir eru. Ágúst Ólafsson fréttamaður ræddi við Björn Snæbjörnsson, formann í Einingu-Iðju

Geðlæknir sem lagði mat á andlegt ástand Mareks Moszczynski, mosinski sem er ákærður fyrir brunann á Bræðraborgarstíg, segir engan vafa um að hann sé ósakhæfur.

Skipuleggjendur fjölmennra viðburða í sumar eru margir vongóðir um að afléttingaráætlun stjórnvalda standist. Formaður Þjóðhátíðarnefndar í Vestmannaeyjum segir tíðindin hafa gefið þeim byr í seglin og ætlar að hefja miðasölu á næstu dögum. Óðinn Svan Óðinsson, fréttamaður ræddi við Hörð Orra Grettisson, formann Þjóðhátíðarnefndar í Vestmannaeyjum

Bretar hafa tryggt sér sextíu milljónir aukaskammta af bóluefni frá Pfizer-BioNTech ef bólusetja þarf landsmenn í þriðja sinn fyrir veturinn.

Raðgreiningar eiga eftir að gjörbreyta læknisfræðinni og koma nú í auknum mæli inn í krabbameinslækningar segir prófessor í erfðafræði. Við heyrum meira um það síðar í Speglinum . Bergljót Baldursdóttir ræðir við Hans Tómas Björnsson, prófessor og yfirlækni erfða- og sameindalæknisfræðideildar Landspítalans

Og Spegillinn var í Laugardalshöll í dag og fylgdist með þegar um 9 þúsund einstaklingar voru bólusettir. Arnar Páll Hauksson fór í Laugardalshöllina og ræddi meðal annars við Sverri Andrésson, Aldísi Guðmundsdóttur, Branddísi Jónu Garðarsdóttur. Þórð Guðmundsson, Jórlaugu Heimisdóttur, hjúkrunarfræðing, Árna Friðleifsson, varðstjóra í lögregunni.

Ekkert má út af bregða til þess að stjórnvöld geti staðið við áætlun sína um afnám takmarkana innanlands vegna kórónuveirufaraldursins í lok júní. Þetta er mat Magnúsar Gottfreðssonar smitsjúkdómalæknis og yfirlæknis á Landspítala.

Óvenju mörg börn eru í umsjá COVID göngudeildar Landspítalans. Veikindi þeirra eru ekki mjög alvarleg og ástandið því viðráðanlegt.

Eldfjallafræðingur segir að aukin sprengivirkni í eldgosinu við Fagradalsfjall gefi engar frekari vísbendingar um hvort búast megi við því að áfram gjósi fram á sumar.

Þingnefnd í Brasilíu hefur hafið rannsókn á aðgerðaleysi forseta landsins vegna COVID-19 faraldursins. Sjúkdómurinn hefur orðið hátt í 400 þúsund landsmönnum að bana.

Í sumar á að liggja fyrir hvort hafnar verða formlegar viðræður um sameinginu Svalbarðshrepps og Langanesbyggðar. Formaður undirbúningsnefndar segir margt skýrast á allra næstu vikum.

Fjármálaráðherra segir að áætlaður kostnaður ríkisins vegna styttingu vinnuvikunnar hjá vaktavinnufólki sé um fjórir komma tveir milljarðar króna.

Ef mikill afgangur verður af bóluefni AstraZeneca kemur til greina að bjóða fólki að taka upplýst ákvörðun á netinu um hvort það vilji fá þetta bóluefni. Verið er að skoða hvort körlum yngri en 60 ára verður boðið upp á AstraZeneca bóluefnið. Nú miðast bólusetningin við 60 ára og eldri. Arnar Páll Hauksson talar við Þórólf Guðnason.

Teymisstjóri Bjarkarhlíðar, sem er miðstöð fyrir þolendur ofbeldis, vill að skimað verði reglulega fyrir ofbeldi meðal aldraðs fólks á vegum heimaþjónustu eða heilsugæslu. Rannsóknir benda til þess að ofbeldi gagnvart eldri borgurum sé dulinn vandi og aðstæður fólks geta verið flóknar. Ragnhildur Thorlacius ræðir við Rögnu Björgu Guðbrandsdóttur.

Tengsl David Camerons fyrrum forsætisráðherra við nú gjaldþrota fjármálafyrirtæki drógu athyglina að meintum spillingarmálum tengdum Boris Johnson forsætisráðherra. Eftir að forsætisráðherra ræddi við ritstjóra bak við tjöldin til að benda á Dominic Cummings, fyrrum ráðgjafa Johnsons, sem uppsprettu leka, kom Cummings fram á föstudaginn með sína sögu um nokkur mál. Í kjölfarið brast flóðbylgja sögusagna um forsætisráðherra, sem snúast um dómgreind hans eða, eins og gagnrýnendur hans segja, dómgreindarskort. Sigrún Davíðsdóttir segir frá.

Stefnt er að því að búið verði að gefa öllum eldri en 60 ára fyrri Covid-sprautuna í næstu viku. Yfir 26 þúsund verða bólusett í vikunni.

Tilkynningum til barnaverndarnefnda hefur fjölgað um 20% síðan kórónuveirufaraldurinn hófst.

Enginn skipverja á fiskiskipinu Þórsnesi SH reyndist með Covid-19. Sýni voru tekin í morgun.

Lilja Rafney Magnúsdóttir, þingmaður VG sem tapaði oddvitasæti sínu í Norðvesturkjördæmi, segir leikreglurnar sem viðhafðar voru í prófkjörinu hvorki hafa verið heiðarlegar né lýðræðislegar.

Alþjóðaheilbrigðisstofnunin sendir þúsundir heilbrigðissérfræðinga til Indlands til að hjálpa heimamönnum að takast á við COVID-19 faraldurinn.

Heildarlosun gróðurhúsalofttegunda dróst saman um 2% árið 2019 miðað við árið áður. Miðað við árið 2005 nemur samdrátturinn 8%. Þetta kemur fram í landsskýrslu sem Umhverfisstofnun hefur skilað til Evrópusambandsins og loftslagssamnings Sameinuðu þjóðanna. Rafn Helgason, sérfræðingur hjá Umhverfisstofnun segir að samdrátturinn 2019 sá mesti frá árinu 2012. Birgir Harðarson talaði við hann.

Það hefur tekist að vinna súrefni á Mars, sem er forsenda þess að senda fólk til starfa á plánetunni í framtíðinni. Og nú hefur lítilli þyrlu verið flogið þar í þrígang. Fíngert ryk veldur aftur á móti vandræðum við jarðskjálftamælingar. Spegillinn forvitnast um vísindastarf á plánetunni rauðu. Ragnhildur Thorlacius talaði við Sigríði Kristjánsdóttur jarðeðlisfræðing og formann Stjörnuskoðunarfélags Seltjarnarness.

Í ár bar dag jarðar upp á sumardaginn fyrsta. Joe Biden Bandaríkjaforseti efndi þá til leiðtogafundar um umhverfismál, á netinu auðvitað. Í Bretlandi var líka töluvert gert úr deginum enda eru loftslagsmál orðin ofarlega í hugum Breta. Sigrún Davíðsdóttir sagði frá.

Samkvæmt reglugerð heilbrigðisráðherra, sem tekur gildi á þriðjudaginn, verða farþegar sem koma frá löndum þar sem nýgengi smita er 700 eða meira á hverja 100.000 þúsund íbúa að fara í sóttkví í sóttvarnahúsi. Þetta á nú við um 16 ríki.

Rösklega 25 þúsund manns verða bólusett við covid-19 í næstu viku. Fram að þessu hafa ekki svo margir fengið sprautu á einni viku.

Tap á rekstri hjúkrunarheimila nam þremur og hálfum milljarði króna árin 2017 til 2019.

Önnur bylgja kórónuveirufaraldursins leikur Indverja grátt. Lýst var yfir neyðarástandi á sjúkrahúsum í Delhi í dag þar sem súrefnisbirgðir eru senn á þrotum.

Ferðamálastjóri segir að ef allt gengur eftir megi búast við að um þrjú þúsund erlendir ferðamenn leggi leið sína í haust daglega að gosinu í Geldingadölum. Undirbúningur við að bæta aðgengi að gosstað er í fullum gangi. Arnar Páll Hauksson talar við Skarphéðin Berg Steinarsson.

Stærsta dagblað Spánar hefur kortlagt og staðfest 306 tilfelli þar sem kennarar og prestar innan kaþólsku kirkjunnar hafa beitt börn kynferðislegu ofbeldi. Blaðið segir að í þessum málum séu 816 fórnarlömb, aðallega drengir, en að ljóst sé að fórnarlömb kirkjunnar manna hlaupi á þúsundum. Flest börn beri harm sinn í hljóði. Jóhann Hlíðar Harðarson segir frá.

Undanfarið hefur hvert spillingarmálið, tengt breska Íhaldsflokknum , rekið annað, nú síðast mál tengt forsætisráðherra. Stjórnarandstaðan gerir sér mikinn mat úr þessum málum og í þeim bergmála spillingarmál fyrri áratuga. Í raun oft þannig að það eru líkur á spillingu ef einn flokkur er lengi við stjórn. Sigrún Davíðsdóttir segir frá.

Fyrstu umræðu um frumvarp heilbrigðisráðherra um hertar sóttvarnaaðgerðir á landamærunum lauk nú rétt fyrir sex. Umræða um frumvarp Samfylkingarinnar um sama efni stendur nú yfir.

Tvö tilfelli salmonellu, sem greinst hafa hérlendis á árinu, eru sömu gerðar og þau tilfelli í Danmörku sem tengdust neyslu á fæðubótarefninu Husk og þrír létust af. Raðgreina á íslensku sýnin til að rekja upprunann.

Norska heilbrigðisráðuneytið hefur ekki tekið ákvörðun um að lána Íslendingum 16.000 skammta af bóluefni Astra Zeneca líkt og heilbrigðisráðuneytið hér greindi frá í dag.

Fjöldi kaupsamninga vegna íbúðarkaupa er nú svipaður því sem hann var árið 2007. Fjórðungur eigna selst yfir ásettu verði.

Bæjarráð Grindavíkur hefur valið nöfnin Fagradalshraun og Fagrahraun úr örnefnasamkeppni um nafn á nýja hraunið við Fagradalsfjall. Um 340 nafnatillögur bárust.

Það er stefnt að því að frumvarp heilbrigðisráðherra um breytingar á stóttvarnareglum á landamærunum verði að lögum í kvöld. Frumvarpið hefur verið rætt frá því klukkan tvö í dag. Jóhannesi Þór Skúlasyni, framkvæmdastjóra Samtaka ferðaþjónustunnar líst nokkuð vel á breytingarnar. Arnar Páll Hauksson talaði við hann.

Stjórnartími Castro bræðra er á enda á Kúbu og nýr maður í brúnni. Spegillinn spáir í hvort það séu nýir tímar fram undan á eyjunni. Ragnhildur Thorlacius talaði við Tómas R Einarsson um stöðuna á Kúbu.

Þorkell Lindberg Þórarinsson tók við sem forstjóri Náttúrufræðistofnunar Íslands um síðustu áramót. Jón Gunnar Ottósson lét þá af störfum, en hann var forstjóri stofnunarinnar í 27 ár. Spegillinn settist niður með Þorkatli í höfuðstöðvum Náttúrufræðistofnunar í Urriðaholti í Garðabæ. Hann segir að hlutverk stofnunarinnar sé mjög viðamikið. Kristján Sigurjónsson talaði við Þorkel.

Spegillinn 20.4.2021

Umsjónarmaður: Bergljót Baldursdóttir

Ríkisstjórnin kynnti á blaðamannafundi í dag frumvörp til laga um hertar sóttvarnir á landamærunum. Samkvæmt þeim verður hægt skylda alla í sóttvarnahús sem koma frá löndum þar sem smit eru eitt þúsund á hverja hundrað þúsund íbúa. Rætt við Katrínu Jakobsdóttur, forsætisráðherra og Bjarna Benediktsson, fjármálaráðherra.

Blóðtappa skal skrá sem afar sjaldgæfa aukaverkun af bóluefni Janssen. Þetta er niðurstaða Lyfjastofnunar Evrópu sem rannsakaði tengsl bóluefnisins við blóðtappamyndun. Rætt við Þórólf Guðnason, sóttvarnalækni

Þingmaður Miðflokksins spurði á Alþingi í dag hvort stefnan um skóla án aðgreiningar væri of dýru verði keypt. Árangur grunnskólanemenda í PISA-könnunum væri skelfilegur og lesskilningur í frjálsu falli. Heyrist í Lilju Alfreðsdóttur, menntamálaráðherra og Karl Gauta Hjaltasyni þingmanni Miðflokksins

Lengra efni:

Miklir fjármunir spöruðust í heilbrigðiskerfinu eftir að farið var að bólusetja börn við pneumokokkum hér á landi. Þetta kemur fram í grein sem nýlega var birt í vísindaritinu PlosOne. Bergljót Baldursdóttir ræðir við Elías Snæbjörn Eyþórsson, lækni um sparnaðinn sem myndast í heilbrigðiskerfinu vegna bólusetninga gegn pneumokokkum

Allt er á suðupunkti í Bretlandi vegna evrópsku ofurdeildarinnar í fótbolta sem tólf evrópsk knattspyrnulið ætla að stofna. Krísufundur var haldinn á skrifstofu forsætisráðherra í Downing-stræti. Sigrún Davíðsdóttir segir frá

Og við segjum líka frá málaranum sem var ekki til síðar í Speglinum. Eigandi gallerís í Noregi seldi, í mörg ár, málverk sem hann sagði að væri eftir heimsþekkta málara en í ljós kom að hann málaði þau sjálfur. Arnar Páll Hauksson, tók saman

Spegillinn 19. 4. 2021

Umsjónarmaður: Bergljót Baldursdóttir

Sóttvarnalæknir segist ekki vera með minnisblað um hertar aðgerðir á teikniborðinu, en hann sé ekki lengi að útbúa það ef smitum fjölgar enn frekar. Rætt við Þórólf Guðnason

Logi Einarsson formaður Samfylkingarinnar segir að flokkurinn sé tilbúinn að leggja fram frumvarp sem heimilar ráðherra að skylda fólk til að dvelja í sóttvarnahúsi þegar það kemur til landsins. Katrín Jakobsdóttir forsætisráðherra segir gremjulegt að ekki sé hægt að treysta fólki til að fara eftir reglum um sóttkví.

Búist er við að það taki ferðaþjónustuna hér á landi töluverðan tíma að ná aftur fyrri styrk að mati Alþjóðagjaldeyrissjóðsins. Sjóðurinn birti í dag nýja úttekt um stöðu og horfur í íslensku efnahagslífi.

Alþjóðasamfélagið og bóluefnaframleiðendur þurfa að spýta í lófana, segir sænska baráttukonan Greta Thunberg sem ætlar að gefa 15 milljónir króna til COVAX bóluefnasamstarfsins.

Í fyrsta sinn hefur vísindafólki tekist að koma tæki á flug á annarri plánetu. Þyrlan Ingenuity náði að taka á loft, fljúga og lenda aftur á Mars fyrr í dag.

Til greina kemur að reistir verði varnargarðar fyrir ofan Grindavík og við Svartsengi til að verja þessa staði fyrir hraunrennsli ef gýs á fleiri stöðum á Reykjanesskaga. Einnig er í athugun að gera tilraunir með að stýra hraunrennslinu í Meradölum. Allar vinnuvélar á suðvesturhorni landsins hafa verið skráðar til að hægt verði að nota þær í neyðartilfellum. Arnar Páll Hauksson, ræddir við Rögnvald Ólafsson, aðsotðaryfirlögregluþjón hjá Almannavörnum

Ónæmissvar við Sars-Cov tveir veirunnar hjá þeim sem hafa sýkst af henni hafði lítið dvínað ári eftir að fólkið veiktist. Þeir sem voru veikari voru með meira ónæmissvar og eldra fólk líka. Þetta kom fram á fræðslufundi Íslenskrar erfðagreiningar sem haldinn var í dag. Þar voru kynntar niðurstöður úr umfangsmiklum rannsóknum fyrirtækisins á kórónuveirunni meðal annars á raðgreiningu, vörnum líkamans gegn henni og afleiðingar fyrir heilsu þeirra sem smituðust. Bergljót Baldursdóttir ræddi við Kára Stefánsson, forstjóra Íslenskrar erfðagreiningar

Kínverska sendiráðið á Íslandi krefst þess í harðorðri yfirlýsingu að Ísland virði fullveldi Kína og hætti afskiptum af innanríkismálum þar.

Hraun byrjaði í dag að renna úr Geldingadölum í austur í átt að Meradölum. Ef það rennur alla leið hefur það áhrif á aðgengi fólks að gígunum.

Ísland fær tvöfalt fleiri skammta af bóluefni Pfizer í júlí en áður var talið. Í maí, júní og júlí er búist við alls 244 þúsund skömmtum.

Þriðjungur starfsmanna Jarðborana á Asoreyjum hefur greinst með COVID-19 síðustu daga.

Ríkisendurskoðun telur ekki tilefni til að gera athugasemdir við skuldasöfnun WOW air hjá Isavia - meðal annars vegna þess að stjórnendur Isavia töldu sig hafa fullnægjandi tryggingu.

Utanríkisráðherra segir ekkert benda til þess að Bandaríkjaforseti og Rússlandsforseti hittist á leiðtogafundi hér á landi í sumar.

Rúm 45 ár eru frá því að fyrst gaus við Kröflu 20. desember 1975. Páll Einarsson jarðeðlisfræðiprófessor segir að Kröflueldar hafi verið allsherjar lexía í mismunandi atburðarrás sem tengist kviku og spennu á flekaskilum. En það eru margir sem eru ekki alveg með á hreinu hvað Kröflueldar voru. Ragnhildur Thorlacius talaði við Pál Einarsson.

Það eru rúm 45 ár frá því að fyrst gaus við Kröflu 20. desember 1975. Páll Einarsson jarðeðlisfræðiprófessor segir að Kröflueldar hafi verið allsherjar lexía í mismunandi atburðarrás sem tengist kviku og spennu á flekaskilum. En það eru margir sem eru ekki alveg með á hreinu hvað Kröflueldar voru. Jóhann Hlíðar Harðason í Madrid sagði frá.