Spegillinn 25.janúar 2021

Umsjón: Kristján Sigurjónsson

Tæknimaður: Ragnar Gunnarsson

Ísland fær 13.800 skammta af bóluefni AstraZeneca í febrúar, gangi það eftir að Lyfjastofnun Evrópu afgreiði umsókn fyrirtækisins um skilyrt markaðsleyfi á föstudag.

Nokkur snjóflóð hafa fallið ofan við Eskifjörð og Reyðarfjörð í dag og óvissustigi hefur verið lýst yfir á Austfjörðum vegna snjóflóðahættu. Litlar líkur eru þó taldar á að flóð falli í byggð.

Rudy Giuliani, lögmaður fyrrverandi Bandaríkjaforseta er krafinn um einn komma þrjá milljarða dollara í skaðabætur fyrir að hafa haldið því fram að kosningavélar hefðu verið notaðar til að tryggja Joe Biden forsetaembættið.

Tveir laugarverðir voru að störfum í Sundhöll Reykjavíkur þegar karlmaður lést þar á fimmtudaginn. Lögreglan rannsakar málið og er með upptökur úr öryggismyndavélum Sundhallarinnar.

Gordon Brown, fyrrverandi forsætisráðherra Bretlands, varar við hættunni á því að sameinaða konungsríkið Bretland leysist upp haldi stjórnin í Lundúnum áfram að hundsa vilja Skota, Norður-Íra og íbúa Wales

Allt er á kafi í snjó á Akureyri og sorphirða þar féll niður í dag.

Lengri umfjöllun:

Þórólfur Guðnason sóttvarnalæknir hvetur Íslendinga til að ferðast ekki erlendis að nauðsynjalausu. Hann segir að talsverður fjöldi farþega greinist með smit á landamærunum. Farþegum hafi fækkað að undanförnu en hlutfall smita á meðal þeirra sé í kringum eitt prósent, en var langt undir núll komma núll einu prósenti síðastliðið haust. Hólmfríður Dagný Friðjónsdóttir ræðir við Þórólf um hvað er framundan í bólusetningu, dreifingu bóluefnis og útlitið í ferðaþjónustunni.

Bjarnheiði Hallsdóttur formaður Samtaka ferðaþjónustunnar bregst við orðum Þórólfs og segir frá hvernig ferðaþjónustuferðatækin standa að undirbúningi sumarsins, hvort erlendir ferðamenn séu væntanlegir og áherslu á íslenska ferðamenn. Kristján Sigurjónsson talar við Bjarnheiði.

Fyrirkomulag og úthlutun þingsæta miðað við gildandi kosningalög dugir ekki til að tryggja jöfnuð milli þingflokka. Jöfnunarsætin eru of fá, að mati Ólafs Þ. Harðarsonar prófessors í stjórnmálafræði. Hann telur að breytingar á kosningalögum sem lagðar voru til í vetur séu til bóta í mörgu en þar sé ekki tekið á þessum vanda. Anna Kristín Jónsdóttir talar við Ólaf.

Guðmundur Felix Grétarsson er farinn að geta hreyft upphandleggina. Á hann voru græddir handleggir og axlir fyrir rúmri viku og var það í fyrsta sinn sem slíkt er gert. Guðmundur segir draugaverkir sem hann var með fyrir ágræðslu hafi aukist til muna. Kristín Sigurðardóttir tók saman.

Katrín Jakobsdóttir forsætisráðherra segir stöðu afvopnunarmála í heiminum áhyggjuefni en Ísland hefur ekki fullgilt samning Sameinuðu þjóðanna um bann við kjarnorkuvopnum. Höskuldur Kári Schram ræddi við hana.

Hafrannsóknastofnun hefur lagt til rúmlega 54 þúsund tonna loðnukvóta á yfirstandandi vertíð.

Réttarhöld yfir Donald Trump fyrrverandi bandaríkjaforseta hefjast í öldungadeild Bandaríkjaþings eftir helgi. Hann er sakaður um að hafa hvatt stuðningsmenn sína til að ráðast á þinghúsið í Washington. Ásgeir Tómasson sagði frá.

Enn er hættustig vegna snjóflóðahættu á Siglufirði og rýmingu þar verður ekki aflétt að svo stöddu. Fjallvegir eru víða ófærir á norðanverðu landinu,

Landspítali tók í dag í notkun 3.400 fermetra húsnæði að Eiríksgötu 5. Þar verður klínísk starfsemi, fjarheilbrigðisþjónusta og göngudeildarþjónusta fyrir konur með brjóstakrabbamein. Bjarni Rúnarsson sagði frá.

Tónlistarmaðurinn Mugison veit ekki hvað manni sem auglýsti streymistónleika í nafni The Mugison gekk til og finnst það óþægilegt þó að ekki hafi verið krafist greiðslu. Arnhildur Hálfdánardóttir talaði við Örn Elías Guðmundsson.

----

Í kosningum frá hruni hefur orðið mikil endurnýjun á þingi en Ólafur Þ. Harðarson prófessor í stjórnmálafræði á ekki endilega von á því að svo verði í haust. Það yrði þá helst ef stórfelldar breytingar verða á fylgi flokka. Hann telur líkur á að 7-9 flokkar eigi menn á þingi eftir kosningar, nú eru þeir átta en afarbrýnt sé að breyta kosningalögum til auka á jöfnuð. Anna Kristín Jónsdóttir talaði við hann.

Miðstjórn Alþýðusambands Íslands fordæmir ákvörðun flugfélagsins Bláfugls að segja upp 11 flugmönnum félagsins í miðri kjaradeilu. Það sé brot á lögum og jafnframt að ráða aðra flugmenn í staðinn á lægri kjörum. Arnar Páll Hauksson sagði frá.

Náttúruauðlindir eru ekki alltaf nýttar til góðs. Mýmörg dæmi um lönd sem eru þjökuð af svokallaðir ,,auðlindabölvun.“ Nýting Norðmanna á sinni olíu gefur þó tilefni til að tala um ,,auðlindablessun“ og Norski olíusjóðurinn er ein skýring þess. Sigrún Davíðsdóttir heldur áfram að fjalla um þjóðarsjóð.

Íbúar í húsum sem rýmd voru á Siglufirði í gær fá ekki að snúa heim að svo stöddu. Hættustig vegna snjóflóðahættu á Siglufirði gildir áfram.

Neysla landsmanna um jólin var meiri en verið hefur frá upphafi mælinga. Minni veikindi voru bæði í haust og í lok síðasta árs, líklega vegna sóttvarna. Þetta kemur fram í Samfélagsmælikvarða Gallups.

Nýútskrifaðir talmeinafræðingar fá ekki að vinna samkvæmt rammasamningi við Sjúkratryggingar fyrr en að tveimur árum liðnum. Formaður félags þeirra segir 600 börn bíða eftir þjónustu.

Það kom öllum á óvart hversu stór og mikill Covid-19 faraldurinn varð segir Geir Gunnlaugsson prófessor í hnattrænni heilsu við Háskóla Íslands og fyrrverandi landlæknir. Nú standi heimsbyggðin öll, og sérstaklega ríkari lönd, frammi fyrir siðfræðilegum spurningum um forgangsröðun í bólusetningu. Senn verður eitt ár liðið frá því að Alþjóðaheilbrigðismálastofnunin lýsti yfir neyðarástandi á heimsvísu vegna kórónuveirunnar. Kristján Sigurjónsson talaði við Geir Gunnlaugsson.

Íslenskur sálfræðingur, sem starfar í London, segir að takmarkanir sem gripið hefur verið til í Bretlandi hafi haft gríðarlega mikil áhrif á bæði andlega og líkamlega heilsu fólks. Þórdís Arnljótsdóttir talar við Björgu Sigríði Hermannsdóttur sálfræðing í London.

Spegillinn 20.janúar 2021

Umsjón: Kristján Sigurjónsson

Tæknimaður: Marteinn Marteinsson

Joe Biden sór í dag embættiseið sem 46. forseti Bandaríkjanna við hátíðlega athöfn á tröppum þinghússins í Washington. COVID-19 faraldurinn og hryðjuverkaógn öfgamanna settu svip sinn á athöfnina.

Hættustigi Almannavarna var lýst yfir á Siglufirði í dag vegna snjóflóðahættu og íbúðarhús rýmd í kjölfarið. Enn hefur ekki tekist að meta skemmdir á skíðasvæðinu á Siglufirði sem varð fyrir snjóflóði í morgun. Varðskipið Týr er á leið norður.

Ágúst Ólafur Ágústsson þingmaður Samfylkingarinnar í Reykjavík og annar oddvita þar ætlar ekki að taka þriðja sæti á lista flokksins í höfuðborginni fyrir næstu kosningar. Formaður flokksins segir að lýðræðislegt ferli hafi ráðið því að Ágúst komst ekki ofar á lista.

Andri Snær Magnason hlaut viðurkenningu Rithöfundasjóðs Ríkisútvarpsins í dag.

Útlendingastofnun bárust fjórðungi færri umsóknir um alþjóðlega vernd í fyrra en árið áður, en þó hafa aldrei fleiri fengið vernd. Forstjóri Útlendingastofnunar segir líklegt að umsóknum fjölgi um leið og samgöngur milli landa verði greiðari.

Ísland tapaði fyrir Sviss með tveggja marka mun í milliriðli Heimsmeistaramótsins í handbolta í dag.

Lengri umfjöllun:

Joe Biden er nýr forseti Bandaríkjanna, settur í embætti í dag. Spegillinn settist niður með Höllu Hrund Logadóttur stjórnmálafræðingi og sviðsstjóra Miðstöðvar norðurslóða við Harvard háskóla í Boston í Bandaríkjunum og ræddi við hana um verkefnin sem bíða nýs forseta. Kristján Sigurjónsson talar við Höllu Hrund.

Prófíll af Jo Biden. Joseph Robinette Biden yngri tók við sem 46. forseti Bandaríkjanna. Hann er 78 ára og elstur þeirra sem hafa tekið við því embætti. Ferð hans í Hvíta húsið hefur enda tekið nærri hálfa öld að segja má, allt frá því að hann var kjörinn öldungadeildarþingmaður fyrir Delaware árið 1972. Á kjördegi var hann aðeins 29 ára og hafði því ekki aldur til að setjast í öldungadeildina, en var orðinn þrítugur þegar hann tók sæti sitt. Biden er kaþólikki, elstur fjögurra systkina og fæddur í Scranton í Pennsylvaniu en flutti til Delaware með fjölskyldu sinni á barnsaldri. Hann lauk laganámi og hafði setið í sveitarstjórn um skamma hríð þegar hann var kosinn öldungadeildarþingmaður Demókrata. Þar sat hann svo í þrjátíu og sex ár þar til Barack Obama valdi hann sem varaforsetaefni sitt. Hann gegndi síðan embætti varaforseta bæði kjörtímabil Obama. Anna Kristín Jónsdóttir tekur saman.

Kristján Sigurjónsson ræðir beint við Eirík Bergmann stjórnmálafræðiprófessor um ands

Spegillinn 19.janúar 2021

Umsjón: Arnhildur Hálfdánardóttir

Tveimur þjóðvarðliðum, sem grunaðir eru um að tengjast öfgasamtökum, hefur verið vikið úr liðinu sem gæta á öryggis á innsetningarathöfn Joe Biden í embætti forseta Bandaríkjanna á morgun.

Janet Yellen, sem Joe Biden, verðandi Bandaríkjaforseti hefur valið til að gegna embætti fjármálaráðherra í stjórn sinni, segir að gripið verði til allra tiltækra vopna til að takast á við svívirðilegar, ósanngjarnar og ólöglegar aðferðir sem Kínverjar beita til að grafa undan efnahag Bandaríkjanna.

Bændasamtök Íslands og landbúnaðarráðuneytið ræða nú hvernig mögulega sé hægt að bregðast við aukinni birgðasöfnun á nauta- og svínakjöti og lengri biðlista í sláturhús. Þetta segir formaður Bændasamtakanna.

Hanna Katrín Friðriksson þingflokksformaður Viðreisnar gagnrýndi harðlega við upphaf þingfundar það sem hún kallaði biðlistablæti ríkisstjórnarinnar. Þar átti hún við þau 2000 leghálssýni sem hefðu legið ógreind ofan í kjallara. Forstjóri Heilsugæslu höfuðborgarsvæðisins, segir að stefnt sé að því að greining leghálssýna verði komin á fullt á næstu dögum.

Blær Ástríkur Stefán Ástuson Ástráðsson táknmálsfræðingur og laganemi er látinn, 51 árs að aldri. Blær Ástríkur bar áður nafnið Ásdís Jenna Ástráðsdóttir, en skilgreindi sig karlkyns síðasta ár ævi sinnar. Blær var ein atkvæðamesta baráttumanneskja þjóðarinnar fyrir réttindum fatlaðs fólks, og birti fjölmargar greinar um það efni. Hann lauk prófi í táknmálsfræði, lagði stund á fötlunarfræði og stundaði nám við lagadeild Háskólans á Bifröst. Blær skilur eftir sig eiginmann og son.

Lengri umfjöllun:

Formaður BSRB segir að forsendur styttingar vinnuvikunnar sé að fólk lækki ekki í launum og að launakostnaður hækki ekki. Styttingin megi ekki heldur bitna á þeirri þjónustu sem veitt er. Samkvæmt kjarasamningum átti styttingu vinnuviku dagvinnufólks að vera lokið um áramótin. Málið er eða getur verið flókið og því skiljanlegt að ekki sé búið að ljúka þessu verki á öllum vinnustöðum. Samkvæmt upplýsingum frá BSRB hefur meirihluti stofnanna ríkisins og vinnustaða í Reykjavík nú þegar ákveðið að stytta vinnuvikuna úr 40 í 36 stundir. Af þeim átta ráðuneytum sem hafa lokið við að semja við sitt fólk hafa allt að 80% farið þá leið að stytta vinnutímana í 36 stundir á viku, aðrir hafa farið einhverja millileið en aðeins örfáir hafa ákveðið að stytta vikkuvikuna um 65 mínútur á viku eða um 13 mínútur á dag. Arnar Páll Hauksson talar við Sonju Ýr Þorbergsdóttur, formannBSRB.

Alveg frá því á sjöunda áratugnum að hyllti í

Andrúmsloftið í höfuðborg Bandaríkjanna virðist vera nokkuð rafmagnað, nú þegar tveir dagar eru í embættistöku Joe Biden, verðandi forseta. Gríðarleg öryggisgæsla er í Washington og fólk beðið um að halda sig fjarri. Þinghúsinu var lokað í dag þegar lítill eldur kviknaði. Við heyrum í fréttamanni okkar þar í fréttatímanum.

Fjölmargir hafa gert tilkall til þess að vera framar í röðinni eftir bólusetningu. Sóttvarnalæknir segir að ef orðið yrði við þeim öllum færðust viðkvæmari hópar aftar.

Fjármálaráðherra segir að ef ekki fáist ásættanlegt verð fyrir eignarhlutinn í Íslandsbanka verði fallið frá söluáformum. Þingflokksformaður Samfylkingarinnar segir engin rök með sölunni halda og spyr hvort asinn sé vegna kosninga í haust.

Forseti ASÍ segir skynsamlegt að bótatímabil atvinnuleysisbóta verði lengt. Sveitarfélögin hafi ekki burði til að taka við þeim sem falla út af bótum.

Sambýliskona fyrrum dómsmálaráðherra Noregs hefur verið dæmd í 20 mánaða fangelsi fyrir aðför að lýðræðinu.

Sauðfjárbændur í Vestur-Húnavatnssýslu vilja að landbúnaðarráðherra hafni kaupum einkahlutafélags á jörðinni Núpsdalstungu í Miðfirði.

Forsætisráðherra Ítalíu rær lífróður til að bjarga ríkisstjórn landsins frá falli.

Talsmenn þriggja stjórnarandstöðuflokka eru ánægðir með að gripið hafi verið til hertra aðgerða á landamærunum, en efasemdir eru um lögmæti þeirra.

Lögreglustjórinn á Austurlandi, í samráði við Veðurstofu Íslands og ríkislögreglustjóra, hefur ákveðið að rýma öll hús við Botnahlíð, Múlaveg 37, Baugsveg 5 og fjölmörg hús við Austurveg á Seyðisfirði. Rýming er lögð til í varúðarskyni þar sem óvissa er um stöðugleika hlíðanna í Botnabrún eftir skriðuföllin í desember og viðbrögð jarðlaga við ákafri úrkomu.

Til skoðunar er að auka öryggisgæslu í íslenskum framhaldsskólum, eftir árásina í Borgarholtsskóla í vikunni. Þetta segir menntamálaráðherra.

Evrópulönd fá færri skammta frá Pfizer næsta mánuðinn en til stóð. Sóttvarnalæknir segir að Ísland fái þá 3000 skammta sem áætlaðir höfðu verið í næstu viku en ekki sé ljóst með vikurnar þar á eftir.

Atvinnuleysi er nú 26% í Reykjanesbæ. Bæjarstjórinn segir að það stefni í að um 200 manns í bænum falli af bótum á þessu ári. Hann vill að bótatímabilið verði lengt.

Forsætisráðherra Bretlands skorar á landsmenn að halda sig heima um helgina og virða sóttvarnarreglur í hvívetna. Búið er að bólusetja yfir þrjár komma tvær milljónir Breta.

Vinnumálastofnun spáir því að almennt atvinnuleysi aukist í janúar og verði tæplega tólf af hundraði. Í lok desember mældist atvinnuleysið 10,7%. Mest er það sem fyrr á Suðurnesjum þatr sem atvinnuleysi meðal kvenna var 26%.

Bæjarstjórinn í Reykjanesbæ vill að bótatímabilið verði lengt. Það stefni í að um 200 manns í bænum falli af bótum á þessu

ári.

Vinnumálastofnun spáir því að almennt atvinnuleysi aukist í janúar og verði tæplega tólf af hundraði. Í lok desember mældist atvinnuleysið 10,7%. Mest er það sem fyrr á Suðurnesjum þatr sem atvinnuleysi meðal kvenna var 26%. Bæjarstjórinn í Reykjanesbæ vill að bótatímabilið verði lengt. Það stefni í að um 200 manns í bænum falli af bótum á þessu ári. Arnar Páll Hauksson talar við Kjartan Má Kjartansson bæjarstjóra í Reykjanesbæ.

Hvort sem Brexit reynist sú happaleið líkt og helstu talsmenn þess, til dæmis Boris Johnson forsætisráðherra, hafa lofað þá er ljóst að hér og nú skapar Brexit ýmis vandamál. Forsvarsmenn sjávarútvegs krefjast nú styrkja og stuðnings fyrir tap, sem þeir eru að verða fyrir. Breska stjórnin lofar 100 milljónum punda í sjávarútvegsstyrki. Evrópusambandið hyggst verja 5 milljörðum evra í slíka styrki í Evrópu, þar af fá Írar einn milljarð. Sigrún Davíðdóttir segir frá.

Um áramótin 1981 varð gjaldmiðilsbreyting, ný mynt og nýir seðlar og hver ný króna virði hundrað þe

Katrín Jakobsdóttir, forsætisráðherra ætlar að leggja fram frumvarp um breytingar á stjórnarskrá. Í því verður vikið að auðlindum í þjóðareign, umhverfis- og náttúruvernd, íslenskri tungu, forseta og framkvæmdavaldi. Jóhanna Vigdís Hjaltadóttir talaði við hana.

Skipstjórinn á Júlíusi Geirmundssyni var í dag dæmdur til sektar og sviptur skipstjórnarréttindum í fjóra mánuði. Karl Ingi Vilbergsson lögreglustjóri á Vestfjörðum segir að þar með sé málinu lokið. Elsa María Guðlaugs Drífudóttir talaði við hann.

Dauðsföll af völdum COVID-19 eru orðin rúmlega tíu þúsund í Svíþjóð. Engin teikn eru á lofti um að úr þeim dragi á næstunni. Ásgeir Tómasson sagði frá.

Tollverðir á Keflavíkurflugvelli eru ósáttir við að vera ekki skilgreindir í forgangshóp fyrir bólusetningu gegn COVID-19. Guðbjörn Guðbjörnsson, yfirtollvörður segir vettvangsmenn tollsins vera áhyggjufulla vegna nándar við veiruna á landamærunum. Birgir Þór Harðarson talaði við hann.

Heilsugæslan á höfuðborgarsvæðinu skoðar hvort rétt sé að kanna sjúkrasögu þeirra sem taka þátt í fjöldabólusetningu, og hvort þeir hafi áður fengið ofnæmisviðbrögð við bólusetningu. Arnhildur Hálfdánardóttir tók saman.

Eitt ár er liðið frá því snjóflóð féllu í Önundarfirði og Súgandafirði á Vestfjörðum. Flóðin ollu talsverðu tjóni. Á Flateyri fóru þau yfir varnargarða, kaffærðu hús og sökktu sex bátum í höfninni. Elsa María Guðlaugs Drífudóttir ræddi við Hrefnu Valdemarsdóttur og Steinunni Einarsdóttur.

------------

Utanlandsferðum Íslendinga fækkaði um nærri 80% í fyrra. Í apríl fóru aðeins rétt rúmlega 300 Íslendingar til útlanda miðað við yfir 60 þúsund á sama tíma árið 2019. Arnar Páll Hauksson tók saman og talaði við Þórunni Reynisdóttur.

Illa hefur gengið að koma böndum á kórónuveirufaraldurinn í víða um heim, ekki síst þar sem hið svokallað breska afbrigði hefur náð fótfestu. Staðan í útlöndum endurspeglast í fjölgun smita á landamærunum og því verða Íslendingar að halda vöku sinni. Þórólfur Guðnason, sóttvarnalæknir og Sigurgeir Sigmundsson, yfirlögregluþjónn flugstöðvardeildar Lögreglunnar á Suðurnesjum ræddu um aðerðir á landamærum og lagastoð þeirra á almannavarnafundi. Katrín Jakobsdóttir forsætisráðherra og Svandís Svavarsdóttir heilbrigðisráðherra segja að nýjar reglur verði kynntar á morgun og endurskoðun sóttvarnalaga verði unnin eins hratt á Alþingi og unnt er . Anna Kristín Jónsdóttir tók saman.

Vaxandi óánægju gætir í Noregi með framgöngu stjórnvalda við bólusetningar gegn Covid-19 veirunni. Norðmenn hafa ákveðið að keppa ekki við aðrar þjóðir um að ka

Lögreglan á höfuðborgarsvæðinu rannsakar nú alvarlega líkamsárás í Borgarholtsskóla. Sex voru fluttir á slysadeild. Árásarmennirnir voru vopnaðir hnífum og hafnaboltakylfum. Höskuldur Kári Schram sagði frá og talaði við Ársæl Guðmundsson, skólameistara

Þingmenn í fulltrúadeild Bandaríkjaþings greiða atkvæði í kvöld um hvort ákæra skuli Donald Trump forseta til embættismissis. Allt bendir til þess að ákæran verði samþykkt. Ásgeir Tómasson sagði frá.

Svandís Svavarsdóttir, heilbrigðisráðherra hefur ákveðið að fresta því að skimun fyrir brjóstakrabbameini miðist við 50 ára aldur en ekki 40. Anna Lára Magnúsdóttir greindist fertug með brjóstakrabbamein fyrir níu árum í skimun. Hún telur að myndatakan hafi bjargað lífi sínu.

Þórólfur Guðnason sóttvarnalæknir segir að það hafi ekki áhrif á mögulega rannsókn lyfjaframleiðandans Pfizer hér á landi á áhrifum kórónuveirubóluefnis þó að hluti þjóðarinnar hafi fengið bóluefni frá öðrum framleiðanda, svo framarlega að rannsóknin hefjist innan tíðar. Anna Lilja Þórisdóttir ræddi við hann.

Vinnsla í frystihúsi Síldarvinnslunnar á Seyðisfirði hófst í morgun í fyrsta sinn eftir að aurskriða féll á bæinn skömmu fyrir jól. Ómar Bogason, rekstrarstjóri segir afar ánægjulegt að sjá að lífið sé aftur að færast í fyrra horf í bænum. Óðinn Svan Óðinsson talaði við hann.

Fólk sem Bjarni Rúnarsson hitti í ræktinni og bumbubolta var afar glatt að komast í spriklið ; rætt við Maríu Kristjánsdóttur, Grétu Bentsdóttur, Guðjón Hólm Gunnarsson, Magnús Dan Bárðarson og Flosa Helgason.

-------------

Matarpakkar handa efnalitlum barnafjölskyldum voru breskt deilumál í haust og eru það aftur nú þegar Covid heldur landinu í heljargreipum. Sigrún Davíðsdóttir sagði frá. Heyrist í Marcus Rashford,fótboltamanni, Boris Johnson forsætisráðherra og Chris Whitty landlækni.

Í desemberi lagði Bankasýsla ríkisins til við fjármálaráðherra að ríkið seldi eignarhluti í Íslandsbanka og stefndi á skráningu hluta í bankanum á verðbréfamarkaði innanlands eftir almennt útboð. Fjármálaráðherra stefnir að sölu í sumar. Sýnist sitt hverjum um sölu á hlut ríkisins, Willum Þór Þórsson, (B) formaður Fjárlaganefndar er henni hlynntur en Logi Einarsson, formaður Samfylkingarinnar hefur efasemdir um tímasetningu og væntanlega kaupendur. Anna Kristín Jónsdóttir ræðir við þá.

Umsjón: Anna Kristín Jónsdóttir. Tæknimaður: Gísli Kjaran Kristjánsson. Stjórn útsendingar fréttahluta: Björg Guðlaugsdóttir.

Donald Trump, forseti Bandaríkjanna, þvertekur fyrir að orð sem hann lét falla á fjöldafundi stuðningsmanna sinna í Washington í síðustu viku hafi orðið til að kynda undir árásina á þinghúsið.

Heimastjórn Seyðisfjarðar vill að rannsakað verði hvers vegna hús voru ekki rýmd í bænum fyrr en aurskriður voru farnar að falla á byggðina.

Samkvæmt nýrri reglugerð þurfa börn sem fædd eru eftir 2005 að fara í sóttkví við komuna til landsins.

Fyrirhugaðar breytingar á kvöldfréttum stöðvar tvö eru skref aftur á bak í íslenskri fjölmiðlun að mati formanns Blaðamannafélags Íslands. Það sé Ríkisútvarpinu mikilvægt að geta speglað sig í öðrum miðlum. Hann kallar eftir því að fjármögnun fjölmiðla verði endurskoðuð.

Öllum samfélagsmiðlum hefur verið lokað í Úganda í aðdraganda forsetakosninga á fimmtudag. Lífverðir helsta mótframbjóðanda sitjandi forseta hafa verið handteknir.

Samkvæmt stjórnarskrá Íslands gæti forseti sem leystur hefur verið frá embætti áður en kjörtímabilinu lýkur boðið sig fram aftur seinna. Þetta segir aðjúnkt við lagadeild Háskólans í Reykjavík. Ef Bandaríkjaforseti verður ákærður þýðir það hins vegar að hann getur ekki aftur boðið sig fram sem forseti. Arnar Páll Hauksson ræðir við Elínu Ósk Helgadóttur um hvaða lög og reglur gilda hér um að leysa ráðamenn frá störfum.

Donald Trump Bandaríkjaforseti sagði við fréttamenn í dag, þegar hann hélt áleiðis að mexíkósku landamærunum til að virða fyrir sér vegginn sem hann lét reisa, að hann vildi ekki sjá neitt ofbeldi í fyrirhuguðum mótmælum stuðningsmanna sinna næstu daga. Hann fordæmdi jafnframt þingmenn demókrata sem hyggjast leggja fram ákæru á hendur honum á bandaríska þinginu á morgun. Ákæran væri framhald á mestu nornaveiðum í stjórnmálasögu Bandaríkjanna. Kristján Sigurjónsson. sagði frá.