Umsjón: Pálmi Jónasson

Forsætisráðherra segir aðgerðir á landamærum miða að því að raska samfélaginu sem minnst. Flestir sýni aðstæðum skilning og taka þurfi mið af stöðunni alþjóðlega.

Þeir sem hafa verið atvinnulausir í sex mánuði eða lengur geta sótt um skólapláss án þess aððbætur skerðist í framhalsskólum eða háskólum frá vorönn 2021. Félagsmálaráðherra bindur vonir við að frumvarp verði lagt fram á stutta þinginu sem hefst á fimmtudaginn.

Skjalið sem birt var í Kastljósi og Samherji hefur sagt að væri ýmist falsað eða ekki til, er komið í leitirnar hjá Verðlagsstofu skiptaverðs.

Stjórnvöld í Liechtenstein vilja endurheimta stór landsvæði í Tékklandi og hafa leitat til Mannréttindadómstóls Evrópu

Þúsundasti starfsdagur ríkisstjórnarinnar er í dag. Sagnfræðiprófessor segir að þessi ríkisstjórn sé ekki breytingastjórn, heldur ríkisstjórn stöðugleika og sáttta.

Ásmundur Einar Daðason, félagsmálaráðherra, bindur vonir við að heimildir til að þeir sem hafa verið lengi atvinnulausir geti sest á skólabekk í eina önn án þess að atvunnuleysisbætur skerðist verði lögfest á þinginu sem hefst á fimmtudaginn. Gert er ráð fyir allt að 300 skólaplássum. 2000 í famhaldskólum, og 1000 í háskólum. Gert er ráð fyrir að hægt verði að sækja um nám vorönn 2021, haustönn 2021 og vorönn 2022. Arnar Páll segir frá.

Disney World í Flórída er nú COVID-19-held sápukúla utan um einna launahæstu íþróttamenn heims í NBA körfuboltadeildinni bandarísku. Vegna kórónuveirufaraldursins leit út fyrir að NBA-deildin tapaði einum milljarði bandaríkjadala í sjónvarpstekjum. Til að koma í veg fyrir það var sköpuð risastór sápukúla utan um NBA í ævintýraveröldinni í Disney Word. Pálmi Jónasson segir frá.

Tilraunir Normanna til að finna nýjan forstjóra fyrir olíusjóðinn digra hafa loks endað með farsælli lausn. En hinn nýi forstjóri verður að gefa frá sér jafnvirði 150 milljarða íslenskra króna og hætta að svindla á skattinum og hætta að leita í skattaskjól með peningana sína. Gísli Kristjánsson segir frá.

Umsjón: Pálmi Jónasson

Hlutfall þeirra sem er í sóttkví við greiningu hefur hækkað eftir því sem á líður aðra bylgju faraldursins hér á landi. Landlæknir segir brögð að því að fólk sé á faraldsfæti og á mannamótum, jafnvel með einkenni.

Þorsteinn Halldórsson fékk í dag þriggja og hálfs árs fangelsisdóm fyrir kynferðisbrot gegn unglingspilti, til viðbótar við fimm og hálfs árs dóm sem hann hafði áður fengið.

Svissnesk yfirvöld rannsaka nú hvernig fyrrverandi ástkona Jóhanns Karls, fyrrverandi Spánarkonungs, stóð að kaupum á sveitasetri í Bretlandi.

Donald Trump hefur engin prinsipp og honum er ekkert heilagt, segir systir hans í upptökum sem birtar voru um helgina.

Líkt og fleiri lönd glíma bresk yfirvöld við staðbundin COVID-19 hópsmit. Helsta viðfangsefni stjórnarinnar nú er að opna aftur grunn- og framhaldsskóla, en það mistókst í vor.

Donald Trump hefur engin prinsipp og honum er ekkert heilagt, segir systir hans í upptökum sem birtar voru um helgina. Maryanne Trump Barry er eldri systir forsetans og fyrrverandi alríkisdómari. Hún gagnrýnir bróður sinn harkalega og segir hann hugsjónalausan með öllu. Hann hafi engin grunngildi og hugsi eingöngu um sig sjálfan. Pálmi Jónasson segir frá í Speglinum.

Loftslagsbreytingar, hlýnun jarðar og kórónuveiran eiga það sameiginlegt að við þau þarf á fást á heimsvísu en tilhneiging er til þess að bregðast við á staðbundinn hátt og innan landamæra. Clemens Fuest (Fúst) hagfræðingur og forseti Alþjóðastofnunar um opinber fjármál hefur ráðlagt þýsku ríkisstjórninni um viðbrögð við kórónuveirufaraldrinunum. Stofnunin stóð nýlega fyrir ráðstefnu um loftslagsbreytingar og náttúruauðlindir í samstarfi við Háskóla Íslands. Þau mál hafa jú verið í hámæli undanfarin ár en deilt um hvernig miðar og lykill að árangri er samvinna á alþjóðavísu, segir Fuest. Anna Kristín Jónsdóttir segir frá í Speglinum.

Fjöldi nýrra COVID-19 smita í Bretlandi hefur hangið í kringum þúsund á dag í tæpa tvo mánuði. Smitin hafa verið staðbundin og tekið á þeim með staðbundnum samskiptatakmörkunum. Nú þegar skólaárið er að byrja er eitt helsta viðfangsefni ríkisstjórnarinnar að sjá til þess skólar taki aftur til starfa. Nokkuð sem mistókst í vor. Sigrún Davíðsdóttir segir frá í Speglinum.

Spegillinn 21.08.2020

Umsjónarmaður: Bergljót Baldursdóttir

Tæknimaður: Mark Eldred

Allir ráðherrar ríkisstjórnarinnar nema tveir þurfa að viðhafa smitgát í fjóra daga og fara í tvær sýnatökur vegna smits sem kom upp á hóteli, þar sem þeir snæddu í vikunni. Einn starfsmaður hótelsins og sjö gestir hafa greinst með veiruna. Rætt við Þórólf Guðnason, sóttvarnarlækni og Sigurð Inga Jóhannsson, sveitarstjórnar- og samgönguráðherra

Rússneski stjórnarandstæðingurinn Alexey Navalný, sem grunur leikur á að eitrað hafi verið fyrir, verður fluttur undir læknishendur í Þýskalandi. Rússneskir læknar töldu fyrr í dag að ástand hans væri ekki nógu stöðugt fyrir flutning.

Gerðar hafa verið árásir á báða bóga milli Ísraels og Hamas liða undanfarnar vikur þótt vopnahlé sé í gildi. Hamas-liðar krefjast uppbyggingar á Gaza-svæðinu og fjölgun atvinnuleyfa í Ísrael.

Gæsaveiðitíminn hófst í gær en á fjórða þúsund manns stunda gæsaveiðar að jafnaði. Á meðan skotveiðimenn eru hvattir til hóflegra veiða á grágæs er talið óhætt að auka til muna veiði á heiðagæs. Águst Ólafsson ræðir við Áka Ármann Jónsson

Framkvæmdastjóri lækninga á heilsugæslu höfuðborgarsvæðisins óttast að veikt fólk með langvinna sjúkdóma leiti ekki á heilsugæsluna af ótta við Covid-19. Rætt verður við framkvæmdastjóra lækninga síðar í Speglinum. Bergljót Baldursdóttir ræðir við Sigríði Dóru Magnúsdóttur, framkvæmdastjóra lækninga hjá Heilsugæslu höfuðborgarsvæðisins.

Berjatínsla í skógum Norður-Svíþjóðar er í uppnámi í ár vegna heimsfaraldursins. Á ári hverju ferðast þúsundir Taílendinga yfir hálfan hnöttinn til að tína ber í skógum Norður-Svíþjóðar. Vinnan er erfið og slítandi, launin lág og aðstæðurnar minna oft á mansal. Líkt og margar aðrar greinar hagkerfisins, hefur berjaframleiðsla verið í uppnámi vegna heimsfaraldurs COVID. Kári Gylfason í Svíþjóð segir frá

Xi Jinping forseti Kína og leiðtogi Kínverska kommúnistaflokksins glímir nú við vaxandi andstöðu innan flokksins vegna kórónuveirufaraldursins. Ákvarðanir hans hafi verið vondar og hann hafi gert mörg slæm mistök, til að mynda þegar kórónuveirufaraldurinn braust út í Wuhan í lok síðasta árs. Kristján Sigurjónsson sagði frá.

Umsjón: Arnar Páll Hauksson

Tæknimaður: Ragnar Gunnarsson

þórólfur Guðnason, sóttvarnalæknir segir að það sé í pípunum að slaka á samkomutakmörkunum innanlands. Víðir Reynisson, yfirlögregluþjónn segist ekki búast við að fólk verði sektað fyrir brot á grímuskyldu. Hólmfríður Dagný Friðjónsdóttir tók saman.

Alda Hrönn Jóhannsdóttir, yfirlögfræðingur hjá embætti lögreglustjórans á Suðurnesjum hefur sent athugasemdir til ríkissaksóknara vegna ummæla sem vararíkissaksóknari viðhafði um hana í gær, bæði á Facebook og á mbl.is. Magnús Geir Eyjólfsson sagði frá.

Sálfræðistofan Líf og sál hefur verið fengin til að gera úttekt á starfsumhverfi í borgarráði. Anna Sigríður Einarsdóttir segir frá.

Flóðið í Hvítá aðfaranótt þriðjudags er afleiðing hörfunar jökla og gætu slíkir atburðir gerst oftar og víðar, segir Tómas Jóhannesson, jöklasérfræðingur á Veðurstofu Íslands. Magnús Geir Eyjólfsson ræðir við hann.

Sænskum heilbrigðisyfirvöldum virðist ekki hafa tekist að ná hjarðónæmi gegn Covid-19 með því að grípa ekki til harðra aðgerða í vor. Öllu fleiri hafa nú látist þar í landi en á sama tíma í fyrra. Markús Þórhallsson sagði frá.

----

Speglinum ræðir Bergljót Baldursdóttir við Daða Má Kristófersson, umhverfishagfræðing um hugmyndir hóps vísindamanna sem segja að hægt sé að koma í veg fyrir heimsfaraldur ef þjóðir heims verji um tuttugu milljörðum dollara á ári til að draga úr eyðingu skóga og viðskiptum með villt dýr.

Miðstjórn ASÍ vill að hlutabótaleiðin verði framlengd um 9 mánuði og að atvinnuleysisbætur verði hækkaðar um tæp 10%. Arnar Páll Hauksson ræddi við Guðrúnu Johnsen hagfræðing hjá VR. Heyrist líka í Bjarna Benediktssyni úr Kastljósi.

Þessa vikuna hittast samninganefndir Breta og ESB til að ræða næstu skref Brexit-mála. Sem fyrr fer lítið fyrir fréttum af stórstígum árangri þó flestir búist við einhvers konar samningi. Sigrún Davíðsdóttir segir frá.

Spegillinn 19.08.2020

Umsjónarmaður: Bergljót Baldursdóttir

Tæknimaður: Davíð Berndsen

Tilkynningum um kynferðisbrotum hefur fækkað um helming það sem af er ári í samanburði við síðustu þrjú ár. Yfirmaður kynferðisbrotadeildar lögreglunnar útilokar ekki að það tengist kórónuveirufaraldrinum. Rætt við Ævar Pálma Pálmason, nýjan yfirmann kynferðisbrotadeildar lögreglunnar

Nýjar reglur tóku gildi á landamærunum í dag. Farþegar voru mishrifnir af þeim en létu þær engu að síður ekki stöðva sig í að heimsækja landið. Rætt við ferðamenn í Leifsstöð.

Eftirlit með smitum á landamærum hér á landi er nú með því strangasta sem tíðkast í Evrópu. Rætt við Magnús Gottfreðsson, sérfræðingur í smitsjúkdómum sem segir skynsamlegt fyrir eyríki að gæta vel að landamæraeftirliti í heimsfaröldrum.

Miklar breytingar verða á flugvélaflota Icelandair á næstu árum. Sex nýjar Boeing 737 MAX vélar bætast í flotann næstu tvö árin og 16 nýjum vélum við í flotann eftir fjögur ár .

Sádí Arabísk yfirvöld segja friðarsamning við Palestínu eina möguleika þeirra á að koma á diplómatískum tengslum við Ísrael. Best væri fyrir Sáda að lausn Palestínudeilunnar væri byggð á friðaráætlun Arababandalagsins.

Koma má í veg fyrir heimsfaraldra eins og Covid-19 ef þjóðir heims kæmu sér saman um að setja um tuttugu milljarða dollara á ári í að draga úr eyðingu regnskóga og viðskiptum með villt dýr. Þetta segir hópur alþjóðlegra vísindamanna sem birt hafa grein í vísindatímaritinu Science. Bergljót Baldursdóttir ræddi við dr. Aaron Bernstein, barnalækni sem stýrir miðstöð loftslags-, heilbrigðis- og umhverfismála við Harvard-háskóla í Bandaríkjunum. Hann er einn af höfundum greinarinnar.

Starfshópur leggur til að 7,7 milljörðum verði varið á næstu þremur árum til mennta og vinnumarkaðsaðgerða. Mögulegt verði að hefja nám á atvinnuleysisbótum. Arnar Páll Hauksson tólk saman

Norðmenn vilja meira hvalkjöt. Það er óvænt aukaverkun af kórónaveirunni. Hvalkjöt er þó ekki talið búa yfir lækningamætti heldur hitt að Norðmenn hafa í sumar beint ferðum sínum norður í land á slóðir þeirra fáu hrefnuveiðimanna sem enn eru eftir. Gísli Kristjánsson í Noregi segir frá

Spegillinn 18.ágúst 2020

Umsjón: Kristján Sigurjónsson

Tæknimaður: Jón Þór Helgason

Sóttvarnalæknir hvetur alla til þess að viðhafa tveggja metra regluna eins oft og mögulegt er. Það sé þó hverjum í sjálfsvald sett hvort hann viðhafi fjarlægðarmörk í kringum fólk sem hann er í tengslum við.

Kostaðar auglýsingar Samtaka atvinnulífsins á Facebook og Instagram eru ómannúðlegar og niðurlægjandi segir forseti ASÍ

Breski auðmaðurinn Jim Ratcliff hyggst reisa tæplega þúsund fermetra veiðihús í landi Ytri Hlíðar í Vopnafjarðarhreppi. Breyta þarf aðalskipulagi hreppsins til að húsið geti risið.

Ríkisstjórnarfundur var haldinn á Hellu á Rangárvöllum í dag.

Fararsnið er nú komið á lundann sem virðist ætla að fljúga af landi brott frá Eyjum á hefðbundnum tíma þetta árið, eftir að hafa verið seinna á ferðinni undanfarin ár að sögn Erps Snæs Hansen, forstöðumanns Náttúrustofu Suðurlands.

Lengri umfjallanir:

Formaður Kvasis, samtaka símenntunar- og fræðslustöðva, segir að símenntunarstöðvarnar á landinu eigi von á mikilli fjölgun umsókna í haust vegna aukins atvinnuleysis og til að mæta henni þurfi aukið fjármagn. Framkvæmdastjóri Mímis segir að atvinnuleysi og reynslan frá því í hruninu gefa þeim vísbendingu um við hverju sé að búast. Ellefu símenntunarstöðvar eru á landinu og eru þær með starfsstöðvar um allt land. Stöðvarnar eru í eigu sveitarfélaga, verkalýðsfélaga, fyrirtækja og stofnana og eru reknar án hagnaðarsjónarmiða. Í venjulegu árferði skipta nemendur þúsundum. Símenntunarstöðvarnar sinna framhaldsfræðslu fyrir þá sem misst hafa vinnuna og eru virkar í endurmenntun á vinnumarkaði. Þær eru úrræðaaðilar fyrir Vinnumálastofnun og Virk ásamt að sinna fræðslu fyrir fatlað fólk. Flestar þeirra bjóða líka upp á framhaldsfræðslu fyrir fólk sem er með litla eða enga grunnmenntun auk þess sem þær sinna íslenskukennslu fyrir útlendinga o.fl.

Bergljót Baldursdóttir talar við Eyjólf Sturlaugsson formann Kvasis og Sólveigu Hildi Björnsdóttur framkvæmdastjóra Mímis.

BHM vill að stjórnvöld bregðist strax við auknu atvinnuleysi með því að hækka atvinnuleysisbætur og lengja tímabil tekjutengdra atvinnuleysisbóta. Um 4.500 háskólamenntaðir launamenn séu nú á atvinnuleysisskrá. Tekjufall hjá þeim sé mikið. Það geti numið allt að 55%.

Arnar Páll Hauksson talar við Þórunni Sveinbjarnardóttur.

Þegar breskir nemendur gátu ekki, vegna veirufaraldursins, tekið prófið, sem samsvarar íslenska stúdentsprófinu áttu kennaraeinkunnir að ráða. Á síðustu stundu var svo ákveðið að nota reikniformúla. Þegar heildardæmið var reiknað kom

Spegillinn 17. ágúst 2020

Umsjón: Kristján Sigurjónsson

Tæknimaður: Jón Þór Helgason

Flugfélög gætu þurft að breyta lendingartímum ef mikið álag myndast í sýnatöku eftir að nýjar reglur um komu til landsins taka gildi.

Mótmælin gegn Lukashenko forseta Hvíta Rússlands verða sífellt öflugri. Hann segist tilbúinn í nýjar kosningar ef mótmælum linni.

Yfirlögregluþjónn segir að breyta þurfi upplýsingum á covid.is til að tryggja samræmi milli upplýsingavefsins og nýjustu auglýsingar heilbrigðisráðherra um takmörkun á samkomum.

Tollstjórinn í Líbanon var handtekinn í dag í tengslum við sprenginguna miklu í Beirút á dögunum. Dómsmál eru í uppsiglingu gegn mörgum líbönskum embættismönnum.

Vinna við nýja sjóvarnargarða á Sauðárkróki hófst í morgun.

Lengri umfjöllun:

Bjarni Benediktsson, fjármálaráðherra útlokar ekki að hlutabótaleiðin verði framlengd. Hann segir að skuldir ríkissjóðs aukist nú um rúmlega milljarð króna á dag. Hann segir ljóst að aðgerðir vegna COVID-19, sem taka gildi á miðvikudaginn, dragi mjög úr ferðavilja hingað til lands. Hann segir að ákvaraðnir séu ekki teknar út frá ferðamönnum, heldur sé verið að horfa til landamæranna. Hólmfríður Dagný Friðjónsdóttir talaði við Bjarna í dag.

Ástandið í Hvíta Rússlandi. Fjölmenn mótmæli hafa nú staðið yfir í Hvíta-Rússlandi, eða Belarús, frá því að kjörstjórn í landinu tilkynnti að Alexander Lúkasjenko hefði verið endurkjörinn forseti með yfir 80 prósentum atkvæða fyrir einni viku. Mótmælin hafa farið stigvaxandi og þeim hefur verið mætt með mikilli hörku af lögreglu og öryggissveitum. Hvíta Rússland hefur nokkra sérstöðu meðal nágrannalýðvelda sinna sem áður voru innan Sovétríkjanna og pólitísk þróun varð þar með allt öðrum hætti en t.a.m. í Eystrasaltsríkjunum eftir fall Sovétríkjanna árið 1990. Jón Ólafsson heimspekiprófessor við Háskóla Íslands hefur lengi fylgst með málum þar eystra. Kristján Sigurjónsson talar við hann.

Kvótaúthlutun Evrópusambandið og Brexit. Hugtakið ,,afstæður stöðugleiki“ hljómar eins og hugtak úr heimspólitík kalda stríðsins. Reyndar er hugtakið frá þeim tíma: var, og er enn, lykilhugtak í kvótaúthlutun Evrópusambandsins. Bretar vilja breyttar úthlutunarreglur en saga þessa hugtaks skýrir af hverju Bretum gæti gengið erfiðlega að fá sitt fram. Og ekki auðveldar það Brexit. Sigrún Davíðsdóttir segir frá.

Ákvörðunin um að herða á landamæraskimun mun hafa áhrif á ferðavilja fólks segja forsætisráðherra og ráðherra ferðamála. Hún sé þó nauðsynleg.

Ferðamálastjóri segir að hér verði engin ferðaþjónusta ef nýjar reglur um skimanir gilda áfram. Það megi búast við að hvorki verði ferðalög til landsins né frá því.

Ákvörðun ríkisstjórnarinnar hefur neikvæð áhrif á ferðaþjónustu, segir forstjóri Icelandair en breytir þó engu um langtímaáætlanir eða hlutafjárútboð félagsins.

Áfram mun draga úr COVID-19 smitum hér á landi út mánuðinn samkvæmt nýju spálíkani sem vísindamenn við Háskóla Íslands, Embætti Landlæknis og Landspítala birtu í dag. Óvissan er þó enn mikil.

Konungur Tælands skal tilbeðinn sem Guð og öll gagnrýni á hann kallar á harðar refsingar. Ungt fólk í landinu gagnrýnir nú stjórnarfar í landinu harðlega; ríkisstjórnina, stjórnarskrána og konunginn sjálfan.

Drífa Snædal segir það risavaxið verkefni að vinna bug á atvinnuleysinu sem nú mælist á Íslandi. Almennt atvinnuleysi í síðasta máni var nærri 8% Vinnumálastofnun spáir tæplega 9 prósenta atvinnuleysi í þessum og næsta mánuði. Um 17 þúsund er algjörlega á vinnu og um 4 þúsund nýta hlutabóta leiðina eða alls rúmlega 21 þúsund. Hún bindur vonir við vinnumarkaðsúrræði sem verða kynnt á næstunni. Drífa segir þessar atvinnuleysistölur komi ekki á óvart, þær séu í samræmi við spár. Jafnvel aðeins betri en svartsýnustu spár gerðu ráð fyrir. Arnar Páll Hauksson talaði við Drífu Snædal.

Ef Kamala Harris og Joe Biden næðu kjöri í forsetakosningunum í haust gegn Donald Trump, yrði hún fyrsti kvenkyns varaforseti landsins, fyrsti svarti varaforsetinn og sá fyrsti af asískum uppruna. Hún bauð sig fram í forvali demókrata, náði talsverðu flugi í upphafi, réðst nokkuð harkalega á Joe Biden í kappræðum en fylgið dalaði og hún dró framboð sitt til baka. Pálmi Jónasson segir frá.

Í Osló, höfuðborg Noregs, er stefnt að því að hefja skólastarf með hefðbundnum hætti eftir helgina þrátt fyrir að borgin sé orðin rautt smitsvæði. Kórónuveiran hefur breiðst ört út síðustu daga og er smitbylgjan rakin til utanlandsferða fólks í sumar og drykkjuskapar skólanema í almenningsgörðum borgarinnar. Gísli Kristjánsson segir frá.

Spegillinn 13.8.2020

Umsjónarmaður: Bergljót Baldursdóttir

Íslenskar ferðaskrifstofur hafa aflýst öllum ferðum til meginlands Spánar frá 20. ágúst fram í október. Alls hafa stóru ferðaskrifstofurnar þrjár aflýst ferðum að verðmæti tveimur milljörðum vegna faraldursins.

Sóttvarnalæknir segir að ekkert bendi til að sóttvarnareglur hafi verið brotnar þegar starfsmaður hjúkrunarheimilis fór til vinnu á meðan maki hans var í einangrun vegna gruns um kórónuveirusmit. Um þrjátíu hópsýkingar hafa komið út frá einu smiti innanlands en ekki er vitað hvernig þær tengjast. Rætt við Þórólf Guðnason sóttvarnalækni.

Stjórnvöld skoða nú tillögur sem félög tónlistarmanna hafa sett fram um hvernig halda megi tónlistarlífi landsins gangandi. Menntamálaráðherra á von á því að stutt verði betur við menningarlífið í landinu. Bergljót Baldursdóttir ræðir við Lilju Alfreðsdóttur, menntamálaráðherra.

Ráðgátan um „Akureyrarsóninn" svokallaða heldur áfram. Spegillinn ræddi við Akureyringa en skiptar skoðanir eru um þetta dularfulla hljóð. Óðinn Svan Óðinsson, ræddi við íbúa á Akureyri, meðal annars við Björn Þorláksson um hljóðið torkennilega

Kennsla í flestum framhaldskólum verður með óvenjulegum hætti vegna kórónuveirunnar. Bekkjum í Menntaskólanum í Reykjavík verður skipt í tvennt. Annar helmingurinn mætir í skólann en hinn fylgist með kennslunni heima. Arnar Páll Hauksson, ræddi við Elísabetu Ziemsen, rektor Menntaskólans í Reykjavík

Sýkla- og veirufræðideild Landspítalans flyst tímabundið til Íslenskrar erfðagreiningar. Þar með mun afkastagetan hennar aukast til muna. Rætt við Karl G Kristinsson, yfirlækni sýkla- og veirufræðideildar Landspítalans

Henný Hinz, deildarstjóri hagdeildar Alþýðusambands Íslands, segir vænlegustu leiðina til að koma í veg fyrir að fólk festist í langtímaatvinnuleysi vera að gefa því kost á að bæta þekkingu sína og hæfni. Þannig megi styrkja launafólk og efnahags- og atvinnulífið til langs tíma.

Forstjóri Íslenskrar erfðagreiningar segir hverfandi líkur á að fólk geti veikst oftar en einu sinni af COVID-19. Fyrirtækið ætlar að rannsaka hvort þeir sem ekki mynda mótefni gegn veirunni séu samt ónæmir fyrir henni.

Frá miðnætti aðfaranótt laugardags verða allir sem fara frá Íslandi til Noregs að fara í 10 daga sóttkví. Ísland er komið á rauða listann hjá Norðmönnum.

Mótmæli halda enn áfram í Beirút þrátt fyrir afsögn ríkisstjórnar landsins. Nokkrir hafa verið nefndir sem arftakar Hassans Diab en kallað er eftir viðamiklum umbótum í stjórnmálum og efnahagslífi Líbanons.

Leyfi sem skoska fyrirtækið Skyrora fékk til þess að skjóta eldflaug á loft frá Langanesi tók gildi í dag. Nú er beðið eftir hagstæðum veðurskilyrðum.

Þúsundum tónlistarviðburða hefur verið aflýst hér á landi og gríðarlegt tekjufall er hjá tónlistarfólki. Samstarfshópur tónlistarmanna á nú í viðræðum við stjórnvöld um hvernig halda megi tónlistarlífi gangandi. Bergljót Baldursdóttir talar við Guðrúnu Björk Bjarnadóttur og Maríu Rut Reynisdóttir.

Sjávarútvegsmálin eru erfiður hjalli í samningum Breta við Evrópusambandið. Þau mál mótast meðal annars af tilurð fiskveiðistefnu ESB og þar koma þorskastríðin beint og óbeint við sögu. Sigrún Davíðsdóttir segir frá.