Stöðugur straumur hefur verið í sýnatöku hjá heilsugæslunni í dag og verður mannskapur við störf fram til klukkan átta í kvöld. Fólk með einkenni kórónuveirusmits er í algjörum forgangi, segir Agnar Darri Sverrisson, verkefnastjóri sýnatöku hjá heilsugæslunni. Hann býst við að tekin verði tæplega þrjú þúsund sýni í dag. Ásrún Brynja Ingvarsdóttir talaði við hann.

Dauðsföll af völdum COVID-19 farsóttarinnar eru komin yfir tvö hundruð þúsund í Bandaríkjunum. Sérfræðingar á heilbrigðissviði spá erfiðum vetri. Ásgeir Tómasson segir frá.

170 Akurnesingar sem þurftu að fara í sóttkví eftir að smitaður einstaklingur kom í líkamsræktarstöð á Akranesi þurftu að fara til Reykjavíkur í skimun í dag. Ekki var hægt að skima fólkið á Akranesi. Elsa María Guðlaugs Drífudóttir talaði við Jóhönnu Fjólu Jóhannesdóttur forstjóra Heilbrigðisstofnunar Vesturlands.

Mál egypsku fjölskyldunnar sem flytja á úr landi er að einhverju leyti fordæmalaust, segir Þorsteinn Gunnarsson, sviðsstjóri hjá Útlendingastofnun. Hann man ekki til þess að heil fjölskylda sem vísa á úr landi hafi farið í felur. Sólveig Klara Ragnarsdóttir talaði við hann.

Vont veður og hafís hefur truflað þau tvö rannsóknarskip sem nú eru við loðnurannsóknir norður og vestur af Íslandi. Þessi leiðangur sker úr um hvort og þá hve mikið verður heimilt að veiða á komandi loðnuvertíð segir Birkir Bárðarson, leiðangursstjóri. Ágúst Ólafsson talaði við hann

------

Ekki er vilji innan verkalýðshreyfingarinnar, við þær aðstæður sem nú ríkja, að segja upp lífskjarasamningnum. Formannafundur Alþýðusambands Íslands var haldinn í dag. Arnar Páll Hauksson segir frá. Heyrist í Arnari Sigurjónssyni, formanni samtaka iðnaðarins.

Covid-19 tilfellum snarfjölgar í Bretlandi en nú bætist við ágreiningur vísindamanna um bestu viðbrögðin. Sigrún Davíðsdóttir sagði frá. Brot úr

Það er mörgu ábótavant í skjalavörslu þess opinbera og það er alvarlegt að rafræn skjalavarsla sé ekki tekin nógu alvarlega, þar. Dómstólar, lögregluembætti og heilbrigðisstofnanir standa illa í því að mæta lögum og reglum um vörslu og stjórn skjala og Þjóðskjalasafnið hefur ekki fengið til varðveislu nema brot af þeim gögnum sem eru í rafrænum gagnakerfum ríkisins. Þetta er meðal þess sem kom fram í úttekt sem gerð var á vegum safnsins fyrr í ár og kynnt fyrir nokkru af Hrefnu Róbertsdóttur, þjóðskjalaverði. Anna Kristín Jónsdóttir talaði við hana.

Umsjón: Anna Kristín Jónsdóttir. Tæknimaður: Ragnar Gunnarsson. Stjórn útsendingar fréttahluta: Gunnlaug Birta Þorgrímsdóttir

Þórólfur Guðnason, sóttvarnalæknir segir koma í ljós á næstu dögum hvort það takist að ná tökum á þeirri bylgju smita sem nú stendur yfir. Hann segist hóflega bjartsýnn. Alma Möller landlæknir biður fólk að fara ekki í sýnatöku nema það finni fyrir einkennum eða viti að það hafi verið útsett fyrir smiti. Jóhann Bjarni Kolbeinsson tók saman.

Utanríkisráðherrum Evrópusambandsríkja mistókst í dag að komast að samkomulagi um refsiaðgerðir gegn Hvíta-Rússlandi. Ásgeir Tómasson sagði frá.

Réttarhöld yfir Gunnari Jóhanni Gunnarssyni halda áfram í Héraðsdómi Austur Finnmerkur í Vadsø á morgun. Bjørn André Gulstad, verjandi Gunnars segir að Gunnar hafi ekki ætlað að skjóta hálfbróður sinn, skot hafi hlaupið úr byssunni þegar bræðurnir tókust á um vopnið.

Fjölgun heimilisofbeldismála í kórónuveirufaraldrinum er Sigríði Björk Guðjónsdóttur, ríkislögreglustjóra áhyggjuefni. Skerpt hefur verið á viðbragði lögreglu. Hólmfríður Dagný Friðjónsdóttir talaði við Sigríði Björk.

Matur hefur hækkað meira en almennt verðlag það sem af er ári.

-------------

Grímur í framhaldsskólum eru sýnilegt merki um áhrif kórónuveirufaraldursins sem hafa verið mjög mikil, ekki síst á félagslífið. Steinn Jóhannsson, rektor Menntaskólans við Hamrahlíð segir þær undirstrika hve skrítið ástandið er en ótrúlega vel hafi gengið að bregðast við síbreytilegu ástandi. Bóas Valdórsson, sálfræðingur MH segir ungt fólk úrræðagott en vissulega sé erfitt að fara á mis við venjulega og óskipulega umgengni við félaga. Þórunn Guðmundsdóttir nemandi á þriðja ári sat yfir bókunum á safninu því hugurinn tvístrast frekar heima. Anna Kristín Jónsdóttir talaði við þau.

Íslenskir veitingamenn kalla eftir aðgerðum af hálfu stjórnvalda til að létta undir rekstri veitingastaða. Barir og skemmtistaðir verða lokaðir fram til 27. september.

þeirra á meðal er Fannar Arason einn eigenda barsins Miami við Hverfisgötu. Arnar Páll Hauksson talaði við hann.

Bandaríkjamenn af írskum ættum hafa lengi verið áberandi í bandarískum stjórnmálum og umræður um Brexit og friðarsamkomulagið vestra endurspegla þau áhrif. Sigrún Davíðsdóttir sagði frá.

Umsjón: Anna Kristín Jónsdóttir. Tæknimaður: Ragnar Gunnarsson. Stjórn útsendingar: Gunnlaug Birta Þorgrímsdóttir

Fimmtíu krár og skemmtistaðir verða lokaðir fram á þriðjudag. Stærstan hluta smita síðustu daga má rekja beint og óbeint þangað. Nýjar tillögur verða unnar um helgina. Okkur er kannski að takast að ná utan um þetta, segir sóttvarnalæknir.

Maður hefur verið ákærður fyrir manndráp fyrir að verða þremur að bana með íkveikju. Aldrei í nútímaréttarfarssögu Íslands hefur verið ákært fyrir að bana svo mörgum.

60 þúsund ný störf þurfa að verða til hér á landi á næstu 30 árum til að tryggja góð efnahagsleg lífsgæði landsmanna. Þetta kemur fram í ályktun Iðnþings sem haldið var í dag. Nýsköpun og ný störf voru meginviðfangsefni þingsins.

Landlæknir hefur óskað eftir gögnum frá Leitarstöð Krabbameinsfélagsins í máli konu sem fór þar í skimun fyrir leghálskrabbameini. Á fjórða þúsund sýni sem tekin voru frá 2017 og fram á þetta ár hafa verið endurskoðuð. Yfirlæknir segir ekki tilefni til að skoða eldri sýni.

Læknastofur Akureyrar hefja í næstu viku mótefnamælingar fyrir fólk sem telur sig hafa fengið COVID-19.

Kráareigandi á höfðuborgarsvæðinu gagnrýnir ekki ákvöðrun um að loka krám og skemmtistöðum um helgina. Hann segir að margir staðir séu í raun gjaldþrota vegna þess að tekjur nægi ekki fyrir kostnaði. Hann kallar eftir aðgerðum af hálfu sjórnvalda og leggur til að fasteignagjöld verði felld niður og að áfengisgjöld verði felld niður eða lækkuð. Arnar Páll talar við Jón Bjarna Steinsson, Ásgeir Þór Ásgeirsson og Þórólf Guðnason.

Nýsköpun er lykillinn að því að ný störf verði til. Þetta var megin inntakið á Iðnþingi sem haldið var í dag í Hörpu i Reykjavík við sérstakar aðstæður vegna Covid faraldursins. Þinginu var streymt á netinu. Kristján Sigurjónsson settist niður með tveimur þátttakendum á Iðnþingi, þeim Katrínu Pétursdóttur forstjóra Lýsis í Reykjavík og Sigríði Mogensen sviðsstjóra hugverkasviðs Samtaka iðnaðarins og ræddi við þær um framtíð íslensks iðnaðar.

Bráðum áratug eftir ódæðsiverkin á Útey og í miðborg Óslóar er enn rifist um hvort og hvar minnismerki um hin látnu eigi að rísa. Samingaviðræður, dómsmál og endurhönnun merkisins hafa aðeins orðið til að fresta framkvæmdum. Og nú í vikunni var deilan enn tekin til dóms. Gísli Kristjánsson sagði frá.

Umsjón: Anna Kristín Jónsdóttir. Tæknimaður: Magnús Þorsteinn Magnússon

Málum fimm kvenna, sem allar eru látnar, hefur verið vísað eða verður vísað á næstu dögum til Embættis landlæknis til rannsóknar vegna grunsemda um mistök í skimun fyrir leghálskrabbameini hjá Krabbameinsfélagi Íslands. Um 40 mál af þessu tagi eru á borði lögmanns í málinu. Anna Lilja Þórisdóttir segir frá og talar við Sævar Þór Jónsso lögmann.

15 af þeim 19 smitum sem greindust í gær eru með nýtt afbrigði af kórónuveirunni sem rekja má til franskra ferðamanna. Smitrakning gengur vel, að sögn Jóhanns Björns Skúlasona,r yfirmanns smitrakningarteymis Almannavarna. Sólveig Klara Ragnarsdóttir talaði við hann, Þórhildur Þorkelsdóttir tók saman.

Almannavarnadeild Ríkislögreglustjóra og sótttvarnalæknir hafa ákveðið í samráði við eigendur kráarinnar The Irishman Pub að boða þá sem sóttu staðinn föstudaginn 11. september í sýnatöku.

Alvarlegt slys varð í spennustöð Orkubús Vestfjarða við Önundarfjörð

Katrín Jakobsdóttir, formaður VG, segir leitt þegar leiðir skilur, aðspurð um úrsögn Rósu Bjarkar Brynjólfsdóttur þingmanns úr flokknum, en hún komi ekki á óvart. Höskuldur Kári Schram ræddi við Katrínu.

Rúmlega 450 greindust með kórónuveirusmit í Danmörku í gær; fleiri en nokkru sinni hafa greinst þar á sólarhring. Róbert Jóhannsson sagði frá.

Flugfélög í Asíu og Ástralíu bregðast við ákalli ferðaþyrstra og bjóða upp á ferðalög án áfangastaðar. Þá er lagt upp frá flugvelli, flogið um í nokkra klukkutíma og lent aftur á sama flugvelli. Markús Þórhallsson sagði frá.

----

Í dag byrjuðu handahófskenndar skimanir hjá heilsugæslunni fyrir kórónuveiru og þangað boðaðir um þúsund manns í dag og annað eins á morgun. Sú skimun beinist að fólki sem er einkennalaust en koma fólks með einkenni til heilsugæslunnar hefur aukist mikið. Sigríður Dóra Magnúsdóttir, framkvæmdastjóri lækninga hjá Heilsugæslunni á Höfuðborgarsvæðinu segir álagið mjög mikið og fari vaxandi. Anna Kristín Jónsdóttir ræddi við hana.

Græningjar í Svíþjóð hótuðu því í sumar að hætta ríkisstjórnasamstarfi með Jafnaðarmönnum. Þetta var vegna ágreinings um innflytjendamál, en flokkarnir hafa einnig átt í hörðum deilum um umhverfismál, vegna fyrirhugaðrar risa-olíuvinnslustöðvar á Vesturströnd Svíþjóðar. Kári Gylfason segir frá.

Meirihluti allra kvenna á Spáni hefur verið beittur ofbeldi af karlmanni einhvern tímann á lífsleiðinni. 40 prósent kvenna hafa verið áreittar kynferðislega og í meirihluta tilfella þekkja konurnar ofbeldismanninn. Jóhann Hlíðar Harðarson sagði frá.

Guðbrandur Guðbrandsson, aðstoðaryfirlögregluþjónn stoðdeildar ríkislögreglustjóra segir að leit sé ekki hafin af egypsku fjölskyldunni sem átti að vísa frá landi í morgun. Fjölskyldan var ekki á fyrirfram ákveðnum stað þegar stoðdeild lögreglunnar ætlaði að fylgja þeim í flug. Ekki er vitað hvar fólkið dvelur og lögreglan hefur ekki lýst eftir fólkinu.

Tveir starfsmenn íbúðakjarna fyrir fatlað fólk í Breiðholti og Grafarvogi í Reykjavík hafa greinst með kórónuveiruna. Tveir íbúar eru í sóttkví. Regína Ásvaldsdóttir, sviðsstjóri velferðarsviðs segir að óskað hafi verið eftir forgangi í allsherjarskimun hjá starfsfólki og íbúum. Um 13 starfsmenn eru í sóttkví. Leita þarf til fyrrum starfsmanna til að starfsemin haldist órofin.

Víðir Reynisson yfirlögregluþjónn segist ekki búast við að aðgerðir innanlands verði hertar einungis vegna þess að þrettán smituðust innanlands í gær, en af þeim var aðeins einn í sóttkví.

----

Spegillinn í kvöld er að mestu helgaður umræðuþætti vegna kosninga í sameinuðu sveitarfélagi á Austurlandi um helgina. Rætt verður við oddvita framboðslistanna fimm, þeireru Stefán Bogi Sveinsson (B), Gauti Jóhannesson (D), Hildur Þórisdóttir (L), Þröstur Jónsson og Jódís Skúladóttir (V).

Umsjón fréttahluta: Pálmi Jónasson,

Umsjón kosningahlutans: Anna Kristín Jónsdóttir og Rúnar Snær Reynisson

Umsjón: Pálmi Jónasson

Ung kona lést úr krabbameini eftir að mistök voru gerð í krabbameinsskimun. Ættingjar hafa vísað málinu til landlæknis. Lögfræðingur segir vísbendingar um að mistök hafi verið gerð við greiningu sýna hjá Krabbameinsfélaginu í mörg ár.

Víetnömsk kona, búsett hér á landi, hefur haft réttarstöðu sakbornings í níu ár þar sem tvö íslensk tryggingafélög gruna hana um tug milljóna tryggingasvik. Konan segist hafa misst eiginmann sinn og tvær stjúpdætur í vonskuveðri í Víetnam fyrir tíu árum.

Skjálfti að stærðinni 4,6 varð skammt frá Húsavík um þrjúleytið og annar um klukkan fimm. Náttúruvásérfræðingur hjá Veðurstofunni útilokar ekki stærri skjálfta á næstunni.

Hertar sóttvarnareglur tóku gildi í Danmörku í dag. Smitum hefur fjölgað verulega þar í landi og hafa dagleg tilfelli ekki verið fleiri síðan í apríl.

Lengri umfjöllun

Í fyrrasumar var egypskri fjölskyldu synjað um alþjóðlega vernd, fólki hefur verið hér í rúmlega tvö ár og á morgun skal því vísað úr landi. Mál þeirra hefur verið í hámæli og í morgun var rætt um það á fundi Allsherjar og menntamálanefndar Alþingis. Hingað eru komnir tveir þingmenn þeir Guðmundur Andri Thorsson, Samfylkingu og Vilhjálmur Árnason Sjálfstæðisflokki til að ræða um þessi mál við Önnu Kristínu Jónsdóttur.

Tugþúsundir hafa þurft að flýja heimili sín í skógareldunum miklu í Kaliforníu, Oregon og Washington á vesturströnd Bandaríkjanna. Þrjátíu og fimm hafa látið lífið og milljónir orðið fyrir barðinu á gríðarlegri mengun. Skógareldar og loftslagsbreytingar eru bitbein Joe Biden og Donald Trump fyrir forsetakosningarnar í nóvember. Pálmi Jónasson tók saman.

Umsjón: Pálmi Jónasson

Litakóðun, sem svipar til veðurviðvörunarkerfis Veðurstofunnnar, tekur gildi á næstu dögum til að sýna stöðu kórónuveirufaraldursins.

Í Norðurþingi er mesta atvinnuleysi á öllu Norðausturlandi og því spáð að ástandið versni þegar líður á veturinn. Formaður stéttarfélagsins Framsýnar segir að starfsfólk félagsins sé að kikna undan álagi.

Rússneski stjórnarandstæðingurinn Alexei Navalny getur orðið hreyft sig og er risinn úr rekkju á sjúkrahúsinu í Berlín.

Og vísbendingar um líf á Venusi voru kynntar í dag.

Lengri umfjallanir:

Anna Kristín Jónsdóttir fjallar um hlutfjárúboð Icelandair. Talar við Ásgeir Brynjar Torfason.

Donald Trump er eina von Bandaríkjanna til að sigra þau satanísku öfl sem stjórna djúpríki Bandaríkjanna. Þetta er mat hins dularfulla Q og fylgismanna hans í QAnon. Áhangendum hefur fjölgað stjarnfræðilega í kórónuveirufaraldrinum og fjölmörg ofbeldisverk eru rakin til þeirra. Pálmi Jónasson segir frá.

Eftir að Brexit varð pólitískur banabiti Theresa May í fyrr höfðaði boðskapur Borisar Johnsons um að hespa Brexit af greinilega til kjósenda. Nú er hins vegar ljóst að það er hægara sagt en gert að hespa Brexit af og nú vill forsætisráðherra vill hafna útgöngusamningnum við ESB frá í fyrra. Kjarni vandans er sá sami og frá upphafi: að komast úr Evrópusambandinu án þess að leiða efnahagslegar hörmungar yfir Bretland. Sigrún Davíðsdóttir segir frá.

Reglur um heimkomusmitgát reyndust óljósar og brögð að því að þær séu brotnar, segir sóttvarnalæknir í minnisblaði til heilbrigðisráðherra. Ráðherra hefur fallist á tillögur um óbreytt fyrirkomulag sóttvarna á landamærum næstu vikur. Freyr Gígja Gunnarsson sagði frá.

Mótmæli svokallaðra gulvestunga hefjast að nýju í París og fleiri borgum í Frakklandi á morgun. Ásgeir Tómasson sagði frá.

Eigendur Hrísey Seafood hafa fest kaup á húsnæði í eyjunni og undirbúa að hefja þar fiskverkun á ný. Ágúst Ólafsson ræddi við SIgurð Jóelsson eigenda Hrísey Seafood.

Á næstunni verður ráðist í mat á hvort raunhæft sé að koma pálmatrjám fyrir í Vogabyggð, en tillaga þess efnis vann í samkeppni um útilistaverk fyrir hátt í tveimur árum. Ámundi Brynjólfsson, stjórnandi framkvæmda og viðhalds hjá Reykjavíkurborg segir að málið hafi ekki verið í forgangi hjá borginni. Anna Lilja Þórisdóttir talaði við hann.

----

Ekki er fylgst með því í hverja fangar hringja úr fangelsum landsins vegna persónuverndarsjónarmiða. Anna Kristín Newston, sviðsstjóri hjá Fangelsismálastofnun segir að hægt sé að grípa inn í ef upplýsingar liggi fyrir um að ekki megi vera samskipti við brotaþola. Þær upplýsingar liggi ekki alltaf fyrir.

Nýtt lagafrumvarp í breska þinginu brýtur útgöngusamning Breta við ESB og er pólitískt deiluefni, ekki síst í stjórnarflokknum.

Þúsundir flóttamanna misstu það skjól sem þeir þó höfðu þegar Moria-búðirnar á grísku eyjunni Lesbos brunnu í vikunni. Moria-búðirnar voru stærstu flóttamannabúðirnar í Grikklandi og löngu yfirfullar. í Hver sem eldsupptökin voru eru allir þeir sem í búðunum voru í enn verri stöðu en áður. Anna Kristín Jónsdóttir ræðir við Þórunni Ólafsdóttur.

Umsjón: Anna Kristín Jónsdóttir. Tæknimaður: Mark Eldred. Stjórn útsendingar fréttahluta: Gunnlaug Birta Þorgrímsdóttir

Thor Aspelund, lýðtölfræðiprófessor segir að önnur bylgja kórónuveirufaraldursins sé jafnlöng þeirri fyrstu og að það komi honum á óvart hvað hún gangi hægt niður. Þórólfur Guðnason sóttvarnalæknir segir mjög líklegt að hann leggi til óbreytt fyrirkomulag við landamæraskimun frá 15. september. Hólmfríður Dagný Friðjónsdóttir ræddi við Þórólf. Þórdís Arnljótsdóttir tók saman og ræddi við Thor.

Sex manna fjölskylda frá Egyptalandi, sem dvalið hefur á Íslandi í meira en tvö ár, verður send úr landi í næstu viku. Áslaug Arna Sigurbjörnsdóttir, dómsmálaráðherra segir ekki hægt að breyta reglugerðum vegna einstakra fjölskyldna. - Hún segir að ekki hafi verið tekin ákvörðun um hvort íslensk stjórnvöld bjóði flóttafólki hingað eftir brunann í Moria-flóttamannabúðum á Lesbos.

Utanríkisráðherra Bandaríkjanna segir vísbendingar um að hátt settir rússneskir embættismenn hafi staðið á bak við að eitrað var fyrir stjórnarandstæðingnum Alexei Navalny. Ásgeir Tómasson sagði frá.

Hvítrússneski stjórnarandstöðuleiðtoginn Maria Kolesnikova kveðst hafa óttast um líf sitt þegar átti að flytja hana nauðuga úr landi fyrir í vikunni. Þetta kemur fram í yfirlýsingu sem lögmaður hennar greindi fjölmiðlum frá í dag. Kristján Róbert Kristjánsson sagði frá.

Tvær tillögur að ályktunum um bætta þjónustu og stuðning við flóttamenn og umsækjendur um alþjóðlega vernd liggja fyrir kirkjuþingi. Í annarri er lýst efasemdum um getu grískra, ítalskra og ungverskra stjórnvalda um að skapa fólki á flótta mannsæmandi aðstæður. Brynjólfur Þór Guðmundsson tók saman.

----

Lífeyrissjóðirnir eiga að taka sjálfstæða ákvörðun um hvort það þjóni hagsmunum sjóðsfélaga að fjárfesta í Icelandair. Þórey S. Þórðardóttir, framkvæmdastjóri Landssambands lífeyrissjóða, segir að ekki sé ástæða til að óttast að stjórnir sjóðanna láti undan þrýstingi. Sigríður Hagalín Björnsdóttir talaði við hana.

Boris Johnson forsætisráðherra Breta kynnti í gær hert samskiptabann á Englandi en lofaði um leið stórkostlegu skimunarkerfi, sem jafna mætti við tunglferð - líka hvað kostnaðinn varðar. Sigrún Davíðsdóttir sagði frá.

Rúmlega átta milljónir spænskra barna og unglinga snúa aftur á skólabekk í þessari viku eftir að hafa verið heima í hálft ár. Gríðarlegar varúðarráðstafanir eru í öllum skólum landsins vegna Covid-19 farsóttarinnar og mikið álag á kennurum í menntakerfi sem hefur verið fjársvelt árum saman. Jóhann Hlíðar Harðarson fréttaritari á Spáni tók saman.

Umsjón: Anna Kristín Jónsdóttir.

Tæknimaður: Ragnar Gunnarsson.

Velkomin að Speglinum. Umsjónarmaður er Arnar Páll Hauksson.

Tugmilljarða hlutafjárútboð Icelandair Group fer fram í næstu viku eftir að hluthafar samþykktu hlutafjáraukningu einróma í dag. Forstjóri félagsins segir alla átta sig á tækifærum Icelandair og mikilvægi þess fyrir íslenskt hagkerfi.

Mikill samdráttur í losun gróðurhúsalofttegunda þegar kórónuveirufaraldurinn reis hvað hæst breytir engu um horfur í loftslagsmálum samkvæmt nýrri skýrslu Alþjóðaveðurfræðistofnunarinnar. Skipulagðra aðgerða sé þörf.

Norskur þingmaður hefur tilnefnt Donald Trump til friðarverðlauna Nóbels fyrir þátt hans í að koma á sáttum milli stjórnvalda í Ísrael og Sameinuðu arabísku furstadæmunum.

Þróun bóluefnis við Covid-19 hefur gengið fádæma vel til þessa, segir Magnús Gottfreðsson prófessor í smitsjúkdómalækningum. Hann er enn bjartsýnn á að bóluefni verði tekið í notkun á fyrri hluta næsta árs.

Það varð uppi fótur og fit þegar bresk-sænska lyfjafyrirtækið AstraZeneca, sem vinnur að framleiðslu bóluefnis við COVID nítján, sagðist hafa gert hlé á tilraunum vegna veikinda eins sjálfboðaliðans. Miklar vonir hafa verið bundnar við þróun þessa bóluefnis. Magnús Gottfreðsson, prófessor í smitsjúkdómalækningum við Háskóla Íslands, segir að enn sé of lítið vitað um þessi veikindi sjálfboðaliðans, og hvort þau tengist bóluefninu, til að meta hvort þau setji raunverulegt strik í reikninginn. Sigríður Hagalín Björnsdóttir talaði við Magnús Gottferðsson.

Sænska ríkisstjórnin hefur tilkynnt að framlög til heilbrigðismála verði aukin um tugi milljarða, enda mikið álag á heilbrigðiskerfi landsins vegna heimsfaraldurs Covid. Faraldurinn virðist í rénun í Svíþjóð en heilbrigðisstarfsfólk er margt úrvinda og biðlistar eftir læknisþjónustu lengjast og lengjast. Kári Gylfason segir frá.

Til að ná loftslagsmarkmiðum Parísarsamkomulagsins er áætlað að 2 af hverjum þremur fólksbílum verði rafknúnir 2030 . Til þess þarf um 300 megawött. Sérfræðingur segir ljóst að bæta verði við einhverju afli og styrkja flutningskerfið. Meðal eyðsla rafbíla er um 20 kílówött fyrir hverja ekna 100 kílómetra. Arnar Páll Hauksson talar við Kjartan Rolf Árnason.