Sumir í áhöfn Júlíusar Geirmundssonar sem veiktust af COVID-19 voru alvarlega veikir með háan hita og öndunarörðugleika. Áhöfninni var bannað að minnast á veikindin á samfélagsmiðlum eða við fréttamenn.

Sterkur grunur er um að riðusmit hafi greinst á þremur bæjum til viðbótar í Skagafirði. Verði það staðfest er útlit fyrir að um 3.000 fjár verði skorið niður.

Framkvæmdastjóri Samtaka fjármálafyrirtækja segir að vera Íslands á gráum lista FATF siðasta árið hafi verið til vandræða fyrir minni lítil íslensk fyrirtæki og einstaklinga. Hún óttast þó ekki langtímaáhrif þar sem fljótt hafi verið gripið í taumana.

Bannað verður að selja áfengi í Danmörku eftir klukkan tíu á kvöldin, kröfur um hlífðargrímur verða hertar og fleiri en tíu mega ekki koma saman, samkvæmt nýjum sóttvarnareglum sem kynntar voru undir kvöld.

Samtök iðnaðarins segja mikilvægt að sköpuð verði ný störf á næstu misserum og að samkeppnishæfni atvinnulífsins verðið efld. Íslenskur iðnaður geti veitt kröftuga viðspyrnu til að leggja grunn að nýju hagvaxtarskeiði. Arnar Páll Hauksson talar við Ingólf Bender.

Sænska þjóðkirkjan ætlar biðja Sama afsökunar á þátttöku kirkjunnar í nýlendustefnu gagnvart þessum frumbyggjum í Norður-Svíþjóð. Sænsk stjórnvöld hafa verið gagnrýnd á alþjóðavettvangi fyrir að gera ekki nóg til að tryggja réttindi Sama. Kári Gylfason segir frá.

Skemmdarverk voru unnin á í það minnsta 70 listmunum - forngripum og seinni tíma listaverkum - í nokkrum söfnum á Safnaeyjunni svokölluðu í Berlín í byrjun október. Talið er að þetta sé mesta tjón sem orðið hefur á listaverkum í Þýskalandi frá stríðslokum. Lögregla greindi ekki frá skemmdaverkunum fyrr en í þessari viku. Kristján Sigurjónsson segir frá.

Allir verkferlar voru þverbrotnir þegar smit kom upp hjá áhöfn togarans Júlíusar Geirmundssonar. Þetta segir Finnbogi Sveinbjörnsson, formaður Verkalýðsfélags Vestfirðinga. Málið hljóti að verða skoðað af eftirlitsaðilum eða lögreglu. Þórhildur Þorkelsdóttir talaði við hann. Freyr Gígja Gunnarsson tók saman.

Ekkert er vitað um hvernig myndi leggjast á sjúklinga að vera á sama tíma með inflúensu og Covid-19, segir Þórólfur Guðnason sóttvarnalæknir. Hins vegar sé hægt að ávísa lyfjum við inflúensu sem ekki eru til við Covid. Alma Möller, landlæknir segir mikilvægt að viðkvæmir láti bólusetja sig. Víðir Reynisson yfirlögregluþjónn segir bæta þurfi upplýsingamiðlun. Valgeir Örn Ragnarsson tók saman.

Svandís Svavarsdóttir, heilbrigðisráðherra draga verði lærdóm af ruglingi sem skapaðist í vikunni milli reglugerðar, og tilmæla um íþróttaiðkun og opnun líkamsræktarstöðva.

Íslendingar þurfa að halda áfram að vanda sig gífurlega í sóttvörnum, að minnsta kosti næstu sex vikurnar. Þetta segir Kári Stefánson forstjóri Íslenskrar erfðagreiningar.

Útgöngubanni hefur verið lýst yfir í Aþenu vegna fjölgunar kórónuveirusmita. Útgöngubann í París og fleiri borgum í Frakklandi hefur verið framlengt. Ásgeir Tómasson sagði frá.

Meirilhuti bæjarráðs Hafnarfjarðar hefur samþykkt að taka tilboði félags, sem er að stærstum hluta í eigu lífeyrissjóða, í rúmlega fimmtán prósenta eignarhlut bæjarins í HS Veitum.

----

Ruglingur og óþreyja vegna sóttvarnaaðgerða, tilmæla sóttvarnalækna og reglugerða ráðherra. Hver er ábyrgð stjórnvalda. Anna Kristín Jónsdóttir ræðir við Helgu Völu Helgadóttur þingmann Samfylkingar og Ólaf Þór Gunnarsson þingmann VG.

Daninn Jack Eriksson sem fór í skíðaferð til Ischgl í Austurríki smitaði að minnsta kosti níu manns eftir heimkomuna. Þrátt fyrir viðvörun fá íslenskum heilbrigðisyfirvöldum liðu fimm dagar þar til Danir settu skíðabæinn á bannlista. Arnar Páll Hauksson segir frá uppruna smita í Danmörku og viðbrögðum stjórnvalda.

Umsjón: Anna Kristín Jónsdóttir. Tæknimaður: Ragnar Gunnarsson.

Alls hafa um 1300 jarðskjálftar mælst á Reykjanesskaga síðan stóri skjálftinn varð í gær

Lögreglumenn á höfuðborgarsvæðinu mega ekki bera merki sem ekki tengjast lögreglunni á búningi sínum og var það áréttað í dag. Ásgeir Þór Ásgeirsson segir mynd sem birtist í dag af lögreglukonu með merki á vestinu sem tengd eru öfgaskoðunum og kynþáttahatri.

Samherji Holding, sem er félag tengt Samherja hf., hefur eignast ríflega 30% hlut í Eimskipafélagi Íslands og hyggst gera öðrum hluthöfum tilboð í þeirra hluti, eins og lög kveða á um. Haukur Holm segir frá.

Áhöfn togarans Júlíusar Geirmundssonar fékk að fara frá borði í dag. 22 úr henni hafa smitast af COVID-19. Þar af eru þrettán þeirra með virkt smit og þurfa því að sæta einangrun. Þetta segja niðurstöður sýnatöku sem fór fram um borð í gær. Elsa María Guðlaugs Drífudóttir sagði frá og talaði við Gylfa Ólafsson, forstjóra Heilbrigðisstofnunar Vestfjarða.

Sóttvarnaaðgerðir verða hertar enn frekar í Tékklandi vegna kórónuveirufaraldursins. Ásgeir Tómasson sagði frá.

Kórónuveirusmit eru komin yfir eina milljón á Spáni.

Keppni í efstu deildum í fótbolta hefst aftur 8. nóvember og á vera lokið þann þrítugsta.

----

Þing ASÍ krefst þess að atvinnuleysisbætur verðu hækkaðar þegar í stað og að bótatímabilið verði lengt um 6 mánuði. Formaður VR var kjörinn þriðji varaforseti ASÍ á þinginu í dag. Arnar Páll Hauksson sagði frá og talaði við Drífu Snædal.

Veikburða eldra fólki var kerfisbundið neitað um sjúkrahússvist í Stokkhólmi og nágrenni, á fyrstu mánuðum Covid-faraldursins. Oft var líknandi meðferð fyrirskipuð án þess að læknir hitti sjúklinginn. Hávær gagnrýni er nú uppi á framgöngu yfirvalda og margir spyrja hvort lög hafi verið brotin.

Greina má breytingar á viðhorfum dansks almennings og ekki síst ungra kvenna sem hafa drifið áfram umræður um kynferðislega áreitni og stjórnmál undanfarnar vikur og hefur orðið til þess að tveir leiðtogar Jafnaðarmannaflokksins og Radikale venstre hafa sagt af sér. Anna Kristín Jónsdóttir talaði við Rósu Guðrúnu Erlingsdóttur stjórnmálafræðing og Thomas Brorsen Smidt verkefnisstjóra hjá Alþjóðlega jafnréttisskólanum. Heyrist líka í Ritt Bjerregaard.

Umsjón: Anna Kristín Jónsdóttir

Tæknimaður: Gísli Kjaran Kristjánsson

Jarðskjálftinn sem reið yfir suðvesturhorn landsins rétt fyrir klukkan tvö í dag var 5,6 að stærð. Á þriðja hundrað minni skjálftar hafa fylgt í kjölfarið. Stóri skjálftinn fannst víða um land en mest á Suðurnesjum og á höfuðborgarsvæðinu. Skjálftinn í dag er sá stærsti sem mælst hefur á Reykjanesskaganum frá því árið 2003. Upptök hans voru 6 km fyrir vestan Kleifarvatn og 14 kílómetra norðaustan við Grindavík.

Ekki hafa borist tilkynningar um slys á fólki eða tjón á mannvirkjum. Skriða féll á veginn um Djúpavatnsleið skammt frá upptökum skjálftans.

Héraðsdómur Reykjavíkur sýknaði í dag ríkið af kröfu Kristjáns Viðars Júlíussonar og dánarbús Tryggva Rúnars Leifssonar. Þeir kröfðust bóta fyrir tjón vegna Guðmundar- og Geirfinnsmálsins og tekjutap vegna frelsissviptingar.

Rætt var við Halldór Geirsson, jarðeðlisfræðing hjá Jarðvísindastofnun Háskóla Íslands, stóra skjálftann sem var í dag og um gosvirknina á Reykjanesskaga. Arnar Páll Hauksson talaði við Halldór.

Útlitið í ferðaþjónustunni næstu vikur er kolsvart segir formaður Samtaka ferðaþjónustunnar. Ferðaþjónustufyrirtæki vonast eftir beinum rekstrarstyrkjum frá ríkinu til að lifa af veturinn. Kristján Sigurjónsson talaði við Bjarnheiði Hallsdóttur.

Sjálfsstjórn einstakra landshluta í Bretlandi hefur verið pólitískt deilumál í Bretlandi í áratugi. Covid-19 faraldurinn hefur með óvæntum hætti styrkt bæði sjálfsstjórn og sjálfsímynd svæðanna fjögurra sem hafa tekið á faraldrinum með ólíkum hætti. Kjörnir borgarstjóra í ýmsum stærstu borgum Bretlands hafa svo undanfarið staðið upp í hárinu á bresku stjórnina í togstreitu um veiruaðgerðir sem að hluta snúast um að ,,þeir þarna fyrir sunnan“ skilji ekki lífsskilyrðin fyrir norðan. Sigrún Davíðsdóttir sagði frá.

Spegillinn 19.október 2020

Umsjón: Kristján Sigurjónsson

Tæknimaður: Magnús Þorsteinn Magnússon

Heimsóknir til smitaðra íbúa á hjúkrunarheimilinu Eir í Reykjavík skiptu sköpum við bata þeirra. Þetta segja eiginkona eins íbúa og verkefnisstjóri á heimilinu.

Líkamsræktarstöðvar fá að opna dyr sínar á morgun að uppfylltum ströngum skilyrðum. Sömu skilyrði gilda fyrir líkamsræktarstöðvar og fyrir íþróttaiðkun.

Húsleit hefur verið gerð í dag hjá tugum róttækra íslamista í Frakklandi eftir að kennari var myrtur á hrottalegan hátt fyrir helgi. Fimmtán eru í haldi.

Formaður velferðarnefndar Alþingis skilur ekki hvað tefur stjórnvöld í að ganga til samninga við fyrirtækið Heilsuvernd um að taka við sjúklingum frá Landspítalanum.

Það stefnir í að gerðir verði 330 samningar í kjarasamningalotunni sem hófst fyrir tæpum tveimur árum. Um helmingur samninganna nær til innan við 100 launamanna.

Lengri umfjallanir:

Áætlað er að gerðir verði 330 kjarasamningar í samningalotunni sem hófst í árslok 2018. Í byrjun september voru enn 45 kjarasamningar lausir. Fjöldi launamanna á bak við hvern samning er mjög mismunandi. 24 dæmi eru um að sérstakir samningar hafi verið gerðir við færri en 10 einstaklinga. Eitt dæmi er um að kjarasamningur hafi verið gerður við einn launamann. Það er kannski ekki nýtt að samningalotur standi yfir í langan tíma. Þessi sem er reyndar ekki lokið hefur staðið nokkuð lengi og líklegt að hún standi yfir í tvö ár. Í fyrra tóku samningamenn sér sumarfrí enda erfitt að kalla samninganefndir saman yfir hásumarið. Svo hefur COVID- 19 að sjálfsögðu sett strik í reikninginn. Katrín Ólafsdóttir, dósent við viðskiptadeild Háskólans í Reykjavík, skrifar grein í Vísbendingu þar sem hún rýnir í nýja skýrslu Kjaratölfræðinefndar og dregur fram nokkrar tölulegar upplýsingar um íslenskan vinnumarkað. Niðurstaða hennar er að meiri samvinna stéttarfélaga eða sameining gæti styrkt stöðu þeirra við samningaborðið og aukið skilvirkni kjarasamninga. Arnar Páll Hauksson talar við Katrínu.

Í síðustu viku kynnti Hafrannsóknastofnun niðurstöður úr loðnumælingum haustsins og lagði til að loðnuveiðar verði ekki leyfðar í vetur, en ráðgjöfin verði endurskoðuð eftir áramót í ljósi mælinga sem gera á í upphafi árs. Þetta gæti orðið þriðji veturinn í röð þar sem verður loðnubrestur því ekki hefur mælst nægilega mikið til þess að Hafrannsóknastofnun geti mælt með veiðum. Birkir Bárðarson fiskifræðingur hjá Hafrannsóknastofnun bendir þó á að bæði í haust og í fyrrahaust hafi verið töluvert um ungloðnu í mælingunum. Anna Kristín Jó

Grímuskylda verður um allt land frá næsta þriðjudegi. Takmarkanir á sóttvarnaráðstöfunum verða hertar á landsbyggðinni en verða ekki eins strangar og á höfuðborgarsvæðinu samkvæmt breytingum sem heilbrigðisráðherra hefur samþykkt. Þórdís Arnljótsdóttir sagði frá.

Stjórnvöld kynntu í dag tíu aðgerðir til stuðnings listum og menningu. Lilja Alfreðsdóttir, menntamálaráðherra segir þær með því besta sem gert hefur verið á Norðurlöndum. Katrín Jakobsdóttir, forsætisráðherra segir þetta mikilvægar aðgerðir til að koma til móts við listamenn sem hafi ekki getað skemmt þjóðinni með hefðubundnum hætti og auðgað líf og anda hennar. Ingvar Þór Björnsson tók saman.

Loðnubrestur gæti orðið þriðja árið í röð. Stofnmæling Hafró gefur ekki tilefni til upphafskvóta. Rúnar Snær Reynisson segir frá.

Ef Bolungarvíkurkaupstaður, Ísafjarðarbær og Súðavík sameinast greiðir ríkið sameinuðu sveitarfélagi einn komma tvo milljarða króna. Daníel Jakobsson, formaður bæjarráðs Ísafjarðarbæjar segir að það sé skylda sveitarstjórna á Vestfjörðum að vinna betur saman. Umtalsverðir fjármunir séu í húfi. Óðinn Svan Óðinsson talaði við hann .

Rúmlega tíu þúsund kórónuveirusmit greindust á Ítalíu síðastliðinn sólarhring og hafa aldrei verið fleiri. Ásgeir Tómasson segir frá.

-----------

Afleiðingar sóttvarna vegna kórónuveirufarsóttarinnar hafa lagst þung á listamenn og í dag voru kynntar aðgerðir til að styðja listir og menningu á tímum COVID-19. . Erling Jóhannesson forseti Bandalags íslenskra listamanna segir þetta glæða vonir listamanna sem hafi ekki geta nýtt hefðbundin úrræði vinnumarkaðarins vegna þess hve tekjusamsetning þeirra sé flókin. Anna Kristín Jónsdóttir ræddi við Erling.

Vegna Covid 19 stefnir í að milljónum minka verði lógað í Danmörku. Smit dreifast nú hratt milli loðdýrabúa. Arnar Páll Hauksson, segir frá og ræðir við Einar E. Einarsson formann Sambands íslenskra loðdýrabænda.

Bæði Boris Johnson forsætisráðherra Breta og Evrópusambandið telja að viðræður um viðskiptasamninga strandi á mótaðilanum, en hvorugur vill þó hætta viðræðum. Sigrún Davíðsdóttir segir frá og heyrist í Charles Michel forseta ráðherraáðs ESB og Boris Johnson, forsætisráðherra Breta,

Umsjón: Anna Kristín Jónsdóttir

Tæknimaður: Magnús Þorsteinn Magnússon

Spegillinn 15. Október 2020

Umsjón: Kristján Sigurjónsson

Tæknimaður: Mark Eldred

Sóttvarnalæknir hefur áhyggjur af markaðssetningu fyrirtækja á vörum sem þau segja að vinni á kórónuveirunni. Minnisblað hans um aðgerðir verður væntanlega rætt í ríkisstjórn á morgun. Þá er von á nýju spálíkani um faraldurinn á morgun.

Úttekt Ríkisendurskoðunar staðfestir málflutning Öryrkjabandalagsins um að stór hluti lífeyrisþega njóti ekki þeirra réttinda sem þeim ber. Þetta segir formaður Öryrkjabandalagsins.

Íbúar Póllands eru beðnir um að halda sig heima ef þeir mögulega geta eftir að metfjöldi smita, yfir átta þúsund, greindist síðasta sólarhring.

Samkeppniseftirlitið hefur óskað eftir umsögnum og upplýsingum um fyrirhugaðan samruna Norðlenska og Kjarnafæðis.

Það er mannréttindabrot að að fólk sé þvingað til að hætta að vinna 70 ára segir formaður Landssambands eldri borgara.

Bæjaryfirvöld í Reykjanesbæ taka vel í hugmyndir Samherja um laxeldi í Helguvík.

Lengri umfjallanir:

Þessa dagana er verið að senda kynningarefni til nærri 10 þúsund manns sem hafa verið atvinnulausir lengur en í sex mánuði um möguleika á að stunda nám í framhalds- eða háskólum í eina önn á fullum atvinnuleysisbótum. Úrræðið Nám er tækifæri nær þó aðeins til 3000 skólaplássa. Í haust var ákveðið að virkja á ný úrræðið Nám er vinnandi vegur sem komið var á í bankahruninu. Það er þó með öðru sniði og gengur nú undir nafninu Nám er tækifæri. Þeir sem hafa verið atvinnulausir eða í atvinnuleit lengur en í sex mánuði geta sótt um að hefja nám á vorönn og síðan á haustönn 2021 og vorönn 2022. Átakið nær til þessara þriggja anna. Vinnumálastofnun hefur það verkefni að kynna þetta fyrir atvinnuleitendum. Umsóknir vegna háskólanáms á næstu önn eru að renna út. Hrafnhildur Tómasdóttir, sviðsstjóri ráðgjafarsviðs Vinnumálastofnunar, segir að verkefnið hafi forgang og unnið hafi verið hörðum höndum við að kynna það. Arnar Páll Hauksson ræðir við Hrafnhildi.

Ráð vísindamanna eru orðin fastur liður í pólitískri umræðu í Bretlandi um veiruaðgerðir. Nú þegar ríkisstjórn Borisar Johnson sætir ámæli fyrir að fylgja ekki ráðum eigin sérfræðinga heyrist líka að sérfræðingar séu ekki sammála um hvað gera skuli. Sumir telja að þau rök bergmáli umræðu fyrri áratuga um óhollustu tóbaks og loftslagsáhrif af mannavöldum. Sigrún Davíðsdóttir segir frá.

Sæstrengur verður ekki lagður frá Íslandi nema það þjóni heildarhagsmunum þjóðarinnar og þá að undangengnu samþykki Alþingis. Þetta kemur fram í nýrri orkustefnu stjórnvalda til ársins 2050. Stefnt er að því að Í

Spegillinn 14. október 2020

Umsjón: Kristján Sigurjónsson

Tæknimaður: Jón Þór Helgason

Erfitt verður að ná sátt í stjórnarskrármálinu ef þingmenn eru ekki tilbúnir í málamiðlanir, segir formaður þingflokks sjálfstæðisflokksins. Litlar líkur eru taldar á samkomulagi um veigamiklar breytingar á stjórnarskrá fyrir lok kjörtímabils.

Atvinnuleysi eykst eftir því sem lengra líður á Covid-faraldurinn. Ung kona sem hefur verið atvinnulaus í 10 mánuði segist vonlítil um að fá vinnu.

Stjórnvöld í Ísrael hafa heimilað að á þriðja þúsund íbúðir verði byggðar í landtökubyggðum í Palestínu. Búist er við að þeim verði fjölgað um tvö þúsund til viðbótar á morgun.

Tillögur starfshóps þriggja ráðuneyta um að stytta sölutímabil flugelda fyrir áramót og færri skotdaga eru íþyngjandi segir formaður Landsbjargar.

Stjórnvöld í Frakklandi ætla á ný að lýsa yfir neyðarástandi af heilbrigðisástæðum við að reyna að koma böndum á útbreiðslu kórónuveirunnar. Emmanuel Macron forseti flytur sjónvarpsávarp á næstu mínútum þar sem hann fer yfir ráðstafanir sem grípa á til í baráttunni við veiruna.

Maðurinn sem lést í bruna í húsbíl í landi Torfastaða í Grafningi hét Einar Jónsson. Einar var með skráð lögheimili í Reykjavík. Hann var ókvæntur og barnlaus, fæddur árið 1982.

Ákveðið hefur verið að aflétta rýmingu sem gilti fyrir bæina Gilsá 1 og 2 í Eyjafirði og sumarbústað við síðarnefnda bæinn. Bæirnir og bústaðurinn voru rýmd eftir að aurskriða féll úr Hleiðargarðsfjalli þann 6. október síðastliðinn.

Lengri umfjallanir:

Menntamálaráðuneytið hefur lagt til að viðmiðunarstundaskrá grunnskóla verði breytt svo meiri tíma verði varið í íslensku á yngri stigum grunnskóla og á unglingastigi verði bætt í náttúrugreinar og dregið úr vali á móti. Stefnt er að því að breytingar taki gidli frá og með næsta skólaári. Vísað er til þess að árangur íslenskra grunnskólanemenda hafi verið viðvarandi slakur í íslensku og náttúrufræði í PISA-könnunum sem gerðar eru á þriggja ára fresti hjá 15 ára nemendum. Á morgun (15. október) rennur út frestur til að skila inn umsögn um tillögurnar og hafa þegar borist á sjöunda tug umsagna. Sýnist þar sitt hverjum en margir eru hugsi yfir skerðingu á vali. Lilja Alfreðsdóttir, menntamálaráðherra, segist fagna hverri umsögn sem berst. Skúli Helgason, borgarfulltrúi Samfylkingarinnar og formaður skóla- og frístundaráðs Reykjavíkur, segist taka undir það að rýna þurfi í hvað gert er í skólum og gera það sem þarf til að styrkja stöðu nemenda í þessum greinum, það er móðurmáli og náttúrugreinum. Anna Kristín Jónsdó

Breytingar á stjórnarskrá nást ekki nema með stuðningi meirihluta þingmanna. Katrín Jakobsdóttir, forsætisráðherra segir að þingið skuldi samfélaginu efnislega umræðu um inntak stjórnarskrárákvæða. Höskuldur Kári Schram talaði við hana. Ákall um nýja stjórnarskrá var þvegið af vegg við Sjávarútvegshúsið í gær, það sagði Jón Þór Ólafsson þingmaður Pírata á Alþingi vera táknrænt um afstöðu stjórnvalda sem hefðu háþrýstiþvegið í burtu sannleikann um vanvirðingu þeirra gagnvart þjóðarvilja.

Verulega þarfa að bæta úr svo jarðgöng í Fjallabyggð uppfylli öryggiskröfur að fullu. Þetta er mat Samgöngustofu sem hefur kallað eftir úrbótum frá Vegagerðinni. Ágúst Ólafsson ræddi um þetta við Elías Pétursson, bæjarstjóra í Fjallabyggð.

Svokallaður launaþjófnaður er vaxandi vandamál á íslenskum vinnumarkaði. Verkalýðsfélagið Efling vill að vanefndir launagreiðslu sæti sekt eða refsingu. Markús Þórhallson sagði frá.

Norðmenn saka Rússa um að hafa staðið að árás á tölvukerfi Stórþingsins síðastliðið sumar. Rússar bera af sér sakir. Ine Eriksen Söreide, utanríkisráðherra segir að formlegum mótmælum hafi verið komið til rússneskra stjórnvalda. Ásgeir Tómasson tók saman.

Vegna skorts á húsnæði hefur Heilbrigðisstofnun Norðurlands neyðst til að fella niður leghálsskimun á Akureyri um óákveðinn tíma. Jón Helgi Björnsson forstjóri stofnunarinnar vonast til þess að ný aðstaða finnist hratt og örugglega. Óðinn Svan Óðinsson talaði við hann.

Það er mikilvægt að fólk gaufi ekki í sífellu í grímunum sínum, enda geta þær verið sóttmengaðar, segir Ása Steinunn Atladóttir verkefnisstjóri sýkingarvarna hjá Landlæknisembættinu.

----

Heildaratvinnuleysi í september mældist tæplega 10%. Atvinnuleysi meðal kvenna á Suðurnesjum er nú vel yfir 22%. Arnar Páll Hauksson sagði frá.

Drífa Snædal, forseti Alþýðusambands Íslands segir uggvænlegt hve atvinnuleysi er mikið hjá erlendum starfsmönnum og sérstaklega hefur hún áhyggjur af ungu fólki sem er hvorki í skóla né vinnu. Anna Kristín Jónsdóttir talaði við hana.

Á þriðja tug sænskra hægriöfgamanna hefur fengið þjálfun í vopnaburði erlendis eða tekið þátt í vopnuðum átökum. Sænska öryggislögreglan hefur virkt eftirlit með um fimm hundruð hægriöfgamönnum og nasistum. Kári Gylfason segir frá.

Markmið verkefnisins Máltíðar sem er er að rannsaka hvað börn eru að borða og hvaðan maturinn þeirra kemur og hversu mikil matarsóun er í skólamötuneytum landsins. Málttíð var valin ein af tíu bestu hugmyndunum sem keppa um frumkvöðlaverðlaunin Gulleggið.

Umsjón: Anna Kristín Jónsdóttir

Tæknimaður: R

Andlát manns í húsbíl sem brann í Grafningi á föstudagskvöld var líklega slys, að sögn Odds Árnasonar yfirlögregluþjóns. Engu hefði breytt þótt símtal í Neyðarlínuna um kvöldið hefði skilað sér rétta leið. Neyðarlínan og Ríkislögreglustjóri harma að það hafi misfarist. Stígur Helgason tók saman.

Lögregla í Hvíta-Rússlandi hótar að skjóta stjórnarandstæðinga ef þeir hætta ekki mótmælum gegn Lúkasjenkó, forseta landsins. Ásgeir Tómasson sagði frá

Sigríður Á. Andersen, þingmaður Sjálfstæðisflokksins segir löngu tímabært að endurskoða sóttvarnarlög og ræða heimildir og forsendur beitt hefur verið. Katrín Jakobsdóttir, forsætisráðherra segir að réttur fólks til lífs og heilsu trompi ýmis réttindi.

Aðalsteinn Hákonarson. formaður mannanafnanefndar segir að sér lítist vel á frumvarp dómsmálaráðherra um að fella nefndina niður en það væri miður ef breytingar á mannanafnalögum yrðu til þess að íslenski kenninafnasiðurinn léti undan. Systurnar Eydís Rán og Ingibjörg Sædís vilja hins ekki kenna sig við foreldra sína heldur búa sér til sitt eigið ættarnafn. Það hafa þær ekki mátt hingað til.

Njáll Trausti Friðbertsson, þingmaður Sjálfstæðisflokksins segir að það hafi verið mikil vonbrigði að lesa fréttir um að formaður Viðreisnar hafi farið svig við tilmæli sóttvarnaryfirvalda og spilað golf í Hveragerði. Þingmenn á landsbyggðinni leggi mikið á sig til að sinna störfum sínum í breyttu landslagi.

---

Geymsluvandi íslenskra safna er víða býsna alvarlegur - helst að ástandið sé þokkalegt á Þjóðminjasafninu. Höfuðsöfn hrjáir plássleysi, brunavörnum er ábótavant og hætta á skemmdum vegna raka og vatnsleka eins og fram kom í fréttaskýringarþættinun Kveik í síðustu viku. Í greinargerð vegna Fjármálaáætlunar ríkisins 2021-2025 segir beinlínis að menningararfur þjóðarinnar sé í hættu og geti glatast að einhverju leyti ef ekki sé tekið á þessum geymslumálum með heildstæðum hætti. Lilja Alfreðsdóttir, menningar- og menntamálaráðherra segir þetta auðvitað umhugsunarefni fyrir menningarþjóð en verið sé gera margt gott. Anna Kristín Jónsdóttir ræddi við Lilju.

Í síðustu viku var Bretland í fjórða sæti á listanum, sem enginn vill vera á, heimslistanum yfir mesta útbreiðslu Covid-19 veirunnar. Nú verða aðgerðir hertar þar í landi.

Vafasamir viðskiptahættir Norður-Kóreumanna eru afhjúpaðir í nýjum dönskum heimildaþætti sem vakið hefur mikla athygli. Þar kemur fram að í boði eru viðskipti með vopn og eiturlyf til að afla tekna fyrir landið.