Sveiflur í ferðaþjónustunni munu hafa áhrif á þjóðarbúið. Þetta segir fjármálaráðherra um spá Isavia um fækkun ferðamanna. Hann segist þó ekki hafa áhyggjur af stöðu ferðaþjónustunnar.

Bankarnir eiga samanlagt hátt í 4.500 listaverk og gripi. Tæplega 800 verk eru flokkuð sem þjóðargersemar.

Margt bendir til þess að samningurinn um meðaldrægar kjarnaflaugar, sem Bandaríkjastjórn sagði sig frá í dag, hafi í raun verið genginn sér til húðar. Samningurinn er meira en þrjátíu ára gamall og valdajafnvægið í heiminum hefur breyst síðan þá.

Heildarkostnaður ríkissjóðs vegna Húsavíkurhöfðaganga fór nærri því tvöfalt fram úr áætlun. Þetta kemur fram í skriflegu svari iðnaðarráðherra, við fyrirspurn þingmanns Miðflokksins.

Veðurfræðingur segir það áhyggjuefni að heitavatnskerfi höfuðborgarsvæðisins ráði ekki við meiri kulda en nú er. Vetur séu alla jafna mildari nú en fyrir tuttugu árum.

Lengri fréttaumfjöllun:

Hann sá lóðir auglýstar til sölu, fór í kaffi til bóndans og síðan var ekki aftur snúið. Einar Tönsberg vildi sleppa við að steypa sér í skuldir, byggði sér sumarbústað og hefur búið í honum í átta ár. Spegillinn heldur áfram umfjöllun sinni um óhefðbundnar lausnir í húsnæðismálum. Arnhildur Hálfdánardóttir ræðir við Einar Tönsberg, tónlistarmann, og Svein Guðmundsson, formann Landssambands sumarhúsaeigenda, sem berst fyrir því að fólk fái að skrá lögheimili í frístundabyggð.

Neysluvenjur Íslendinga hafa breyst mikið síðustu áratugi en upplýsingar skortir frá síðustu árum, segir Ingibjörg Gunnarsdóttir, prófessor í næringarfræði við Háskóla Íslands. Augljóst er að fjölbreytileikinn hefur aukist, ekki síst í drykkjarvörum og mikið framboð er af alls kyns jurtadrykkjum sem boðnir eru undir merkjum mjólkur hvort sem uppsprettan er hafrar, kókos, soja eða möndlur svo eitthvað sé nefnt. Ef raunin er sú að fólk skipti kúamjólk í auknum mæli út fyrir jurtamjólk telur Ingibjörg að ráðast þurfi í svipaðar aðgerðir og nágrannalöndin, joðbæta salt til að fyrirbyggja joðskort. Anna Kristín Jónsdóttir.

Þróun síðari ára, þar sem fleiri Íslendingar flytja af landi brott en snúa til baka, og fleiri útlendingar en Íslendingar flytja til landsins, heldur áfram. Þessi þróun, að fólk flytji þrátt fyrir góðæri, er mjög óvenjuleg í alþjóðlegu samhengi. Sigrún Davíðsdóttir.

Umsjón: Arnhildur Hálfdánardóttir

Forsvarsmenn fyrirtækja sem stunda undirboð og kennitöluflakk verða settir í tímabundið bann við stjórnun fyrirtækja, samkvæmt tillögum starfshóps sem skipaður var til að taka á vandanum.

Einkareknir fjölmiðlar munu eiga rétt á 25% endurgreiðslu af beinum launatengdum kostnaði samkvæmt nýju frumvarpi um stuðning við einkarekna fjölmiðla. Búist er við að framlag ríkisins nemi allt að 400 milljónum á ári.

Engar vísbendingar eru um að veiðistofn loðnu sé að stækka og að meiri loðna sé að ganga á miðin við landið.

Nýtt sjúkrahótel við Landspítalann var formlega afhent í dag. Búist er að fyrstu sjúklingarnir dvelji þar í byrjun apríl.

Efnahagssamdráttur hefur verið á Ítalíu síðastliðið hálft ár, sem þýðir að kreppa er formlega gengin í garð á ný.

Rætt um kuldakastið sem gengur yfir landið. Arnar Páll talar við Eiríkur Hjálmarsson, talsmann Veitna og Helga Jóhannesson, framkvæmdastjóra Norðurorku.

Fjölskylda á Kjalarnesi gekk með hugmynd í maganum í nokkur ár, og ákvað svo, eftir að byggingareglugerð var rýmkuð, að láta slag standa og reisa 35 fermetra hús í garðinum. Í haust flutti elsti sonurinn, 19 ára, inn. Spegillinn heldur áfram umfjöllun um fólk sem valið hefur óhefðbundnar lausnir í húsnæðismálum. Arnhildur Hálfdánardóttir talar við Magnús H. Ólafsson, Björn Karlsson forstjóra Mannvirkjunarstofnunar og Ólöfu Örvarsdóttur sviðsstjóra umhverfis- og skipulagssviðs

Þingmaður Miðflokksins segir ekki sjálfgefið að menn geti gengið að óbreyttu að trúnaðarstörfum fyrir flokkinn eftir Klausturmálið. Flokksráð þurfi að bregðast við þeirri lægð sem flokkurinn hafi verið í.

Forseti framkvæmdastjórnar Evrópusambandsins segir að líkur hafi aukist á að Bretar gangi úr ESB án samnings. Írar segja breytingar ekki koma til greina.

Ráða þarf starfsfólk og breyta húsnæði áður en Landspítalinn hefur afeitrunarmeðferð fyrir börn í fíknivanda. Þetta segir framkvæmdastjóri kvenna- og barnasviðs spítalans. Heilbrigðisráðherra hefur óskað eftir því að spítalinn taki við verkefninu af sjúkrahúsinu Vogi í sumar.

Skipulags- og samgönguráð Reykjavíkurborgar vill að hámarkshraði á Hringbraut vestan Sæmundargötu lækki í 40 kílómetra á klukkustund. Jafnframt eigi að ráðast í aðrar aðgerðir til að bæta öryggi gangandi vegfarenda og reiðhjólafólks.

Lengra fréttaefni:

Ég sakna einskis, segir kona sem býr í þrettán fermetra smáhýsi á hjólum. Hún vill koma upp sérstökum smáhýsagörðum. Spegillinn heldur í dag áfram umfjöllun sinni um fólk sem valið hefur óhefðbundnar leiðir til að koma þaki yfir höfuðið. Arnhildur Hálfdánardóttir ræðir við Valdísi Evu Hjaltadóttir sem býr í 13 fermetrum og Bergþóru Pálsdóttur sem býr í húsbíl.

Bandaríski blaðamaðurinn og Pulitzer verðlaunahafinn Michael Hiltzik skrifaði merkilega grein í Los Angeles Times nýlega þar sem hann vekur athygli á dulinni einokun. Það sem virðist vera samkeppnisumhverfi, er það í raun ekki. Kristján SIgurjónsson.

Í undirbúningi er að hefja viðræður milli ríkisstjórnarinnar og aðila vinnumarkaðarins um aðkomu stjórnvalda að kjarasamningum. Ljóst þykir að samningar takist varla fyrr en ljóst er hvað stjórnvöld eru tilbúin að gera. Arnar Páll Hauksson segir frá.

Umsjón: Kristján Sigurjónsson

Tæknimaður: Ragnar Gunnarsson

Forstjóri Icelandair býst við um tíu prósenta vexti hjá félaginu í ár, þrátt fyrir að Isavia spái því að farþegum sem fara um Keflavíkurflugvöll fækki.

Theresa May forsætisráðherra Bretlands vill nýjan útgöngusamning við Evrópusambandið. Hún lýsti þessu yfir á breska þinginu í dag. Bretar ganga úr ESB eftir tvo mánuði.

Heilbrigðisráðherra vill svör frá Landspítala og öðrum heilbrigðisstofnunum við tillögum hennar til að fjölga hjúkrunarfræðingum um miðjan næsta mánuð.

Forsætisnefnd Alþingis ákvað í morgun að Róbert H. Haraldsson tæki sæti Salvarar Nordal í siðanefnd Alþingis tímabundið. Róbert er sviðsstjóri kennslusviðs Háskóla Íslands. Fram kom í fréttum í gær að Margrét Vala Kristjánsdóttir tekur sæti Hafsteins Þórs Haukssonar. Nefndin er þriggja manna og er formaðurinn Ásta Ragnheiður Jóhannesdóttir. Nefndin mun fjalla um Klausturmálið.

Samfélagsmiðlar og nútímatækni hafa gjörbreytt lýðræðislegri umræðu, segir forsætisráðjherra. Samfélagsmiðlar verða til umræðu á næsta fundi þjóðaröryggisráðs.

Petro Poroshenko, forseti Úkraínu, sækist eftir því að gegna embættinu annað kjörtímabil.

Það er mikilvægt að hafa starfandi verslun til að viðhalda byggð og mannlífi í sveitarfélaginu, segir verkefnastjóri brothættra byggða í Árneshreppi á Ströndum. Fjöldi fólks hefur skráð sig sem hluthafa í nýju einkahlutafélagi fyrir verslun í Norðurfirði.

Fyrstu pálmatrén utandyra á Íslandi verða hluti af listaverki sem prýða á nýja íbúðabyggð í Reykjavík. Pálmatrén eru tvö og þau verða í upphituðum glerhjúp í svokallaðri Vogabyggð, sem er nýtt íbúðahverfi sunnan Kleppsmýrarvegar og austan Sæbrautar, þar sem nú er gamalt iðnaðarhverfi í kringum Súðarvog.

Lengri umfjallanir:

Það var enn einn hasardagurinn í og við breska þingið í dag þegar þingmenn ræddu tillögur um framvinduna í útgöngu Breta úr Evrópusambandinu. Það voru þingumræður í dag og svo verður kosið um tillögur núna frá kl. 7. Kristján Sigurjónsson talar við Sigrúnu Davíðsdóttur í Lundúnum.

Þó að 30 ár séu liðin síðan Barnasáttmáli Sameinuðu þjóðanna var samþykktur býr eitt af hverjum fjórum börnum á svæðum þar sem neyð ríkir og eitt af hverjum sex á átakasvæðum. Stríðsátök hafa ekki verið meiri en nú í 30 ár UNICEF, Barnahjálp Sameinuðu þjóðanna, sendi í dag út ákall um að ríki heims leggi sitt af mörkum til að veita börnum sem búa við neyð og hörmungar nauðsynlega aðstoð og hjálp. Neyðaráætlun Barnahjálparinnar hljóðar upp á 3,9 milljarða bandaríkjadala, jafnvirði um 470 milljarða íslenskra

Umsjón: Kristján Sigurjónsson

Tæknimaður: Ragnar Gunnarsson

Saksóknari krafðist í héraðsdómi dag meira en fjögurra ára fangelsisvistar yfir manni sem ákærður er fyrir að hafa hrint dyraverði á skemmtistað í Reykjavík með þeim afleiðingum að hann lamaðist fyrir neðan háls. Saksóknari segir að mennirnir hafi sammælst um að ráðast á dyraverðina til að hefna sín fyrir brottrekstur af barnum fyrr um kvöldið. Því hafna sakborningar.

Úrganga Bretlands úr ESB án samnings gæti leitt til þess að framboð á ýmsum matvælum minnki og verð hækki í landinu. Þetta segja stjórnendur stærstu matvöruverslanakeðja í Bretlandi.

Launamunur kynjanna er mestur hjá starfsfólki í fjármála- og vátryggingarstarfsemi, rúm 40 prósent. Óleiðréttur launamunur kynjanna var rúmlega 15 prósent árið 2017, samkvæmt tölum Hagstofunnar og hefur ekki verið minni.

Sólardagurinn á Sigló var haldinn hátíðlegur í dag.

Lengri Umfjallanir:

Ákvörðun dómara í norska Lögmannsréttinum, um að hafna úrskurði kviðdóms í máli lögreglumanns sem dæmdur var í tuttugu og eins árs fangelsi fyrir spillingu og aðild að smygli á tæpum 14 tonnum af hassi, hefur vakið hörð viðbrögð. Verjandi mannsins hefur áfrýjað ákvörðuninni til Hæstaréttar. Úrskurður kviðdómsins var sá síðasti í rúmlega 130 ára sögu kviðdóms í Noregi. Arnar Páll Hauksson segir frá.

Mikil spenna er í Venesúela og þar ríkir upplausn. Svo virðist sem næstu dagar skipti sköpum um það hvort valdaskipti verða í landinu. Hvort Nicolas Maduro forseta tekst að standa af sér gríðarlegan pólitískan þrýsting, jafnt innanlands sem utan og halda völdum, eða hvort forseta þingsins, Juan Guaido (Húan Gvædó), tekst að hrekja hann frá völdum. Guaido, sem fyrir nokkrum dögum lýsti sig réttkjörinn forseta landsins, hvetur almenning til þess að leggja niður vinnu á miðvikudag og safnast saman á mótmælafundum á laugardag til að krefjast þess að Maduro og stjórn hans segi af sér. Kristján Sigurjónsson segir frá.

Víða um heim hefur fólki verið auðveldað að kjósa sjálft hvenær og hvernig það yfirgefur þennan heim og fá til þess aðstoð heilbrigðisstarfsmanna eða annarra. Í Hollandi og Sviss hefur líknardráp verið löglegt um árabil, og líknardráp og dánaraðstoð, þar sem einhver aðstoðar annan við að fyrirfara sér, er leyfð í fleiri löndum, til dæmis Kanada, Belgíu, Viktoríufylki í Ástralíu og þó nokkrum ríkjum Bandaríkjanna, þar á meðal því fjölmennasta, Kaliforníu. Í umfjöllun í Guardian nýlega eru því gerðir skórnir að þess sé kannski ekki lengi að bíða að líknardráp verði bara einn kostur af mörgum, hverjum þei

Umboðsmaður Alþingis telur að svar Seðlabanka Íslands til Þorsteins Más Baldvinssonar, þegar hann óskaði eftir því að stjórnvaldssekt bankans yrði afturkölluð, hafi ekki verið í samræmi við lög. Þorsteinn Már segir álitið gríðarlegan áfellisdóm yfir starfsfólki seðlabankans.

Fjármálaráðherra styður ekki tillögur Alþýðusambandsins um að tekin verði upp hátekjuskattur. Hann óttast að fjögurra þrepa skattkerfi leiði til hærri skatta á meðaltekjur.

Aldraðir sem fá aðeins brot af ellífeyrisgreiðslum fá sérstakan viðbútarstuðning samkvæmt frumvarpi sem félagsmálaráðherra ætlar að leggja fram á Alþingi.

Innan nokkurra ára má vænta mikilla breytinga í meðferð Parkinson-sjúklinga. Hægt verður að taka frumur úr sjúklingunum, endurforrita þær sem stofnfrumur og græða þær í heila þeirra. Þetta er mat heilaskurðlæknis sem náði að draga mjög úr parkinson-einkennum apa sem hann meðhöndlaði með þessari aðferð.

Mildi þykir að ekki hafi farið verr þegar sími 9 ára stúlku sprakk þegar hann var í hleðslu í nótt.

Alþýðusambandið telur nauðsynlegt að óhagnaðardrifin húsnæðisfélög byggi 6000 íbúðir á næstu tíu árum sem kosti 60 til 70 milljarða króna. Jafnframt verði reistar 1800 leiguíbúðir í almenna húsnæðiskerfinu. Arnar Páll talar við Ragnar Þór Ingólfsson.

Eftir fjögur til fimm ár ætti að vera hægt að græða stofnfrumur í heila Parkinson-sjúklinga og minnka einkenni þeirra verulega. Þetta er mat Arnars Ástráðssonar, heila- og taugaskurðlæknis, sem starfar bæði við háskólann í Árósum og Harvard-háskóla í Boston. Fyrir þremur árum græddi hann stofnfrumur í heila macaca-apa með góðum árangri, Parkinson-einkenni apans hurfu nánast. Spegillinn hitti Arnar á Læknadögum og spurði hvort í náinni framtíð verði hægt að lækna Parkinson-sjúkdóminn

Dag Hammarskjöld, framkvæmdastjóri Sameinuðu þjóðanna, var drepinn í Kongó árið 1961. Í nýrri heimildarmynd, sem frumsýnd verður á Sundance á morgun, segir að flugmaður hafi viðurkennt morðið. Dauðasveit frá Suður-Afríku ruddi úr vegi þeim sem börðust fyrir sjálfstæði Afríkuríkja og vildi tryggja áframhaldandi yfirráð hvíta kynstofnsins yfir auðlindum Afríku. Pálmi Jónasson segir frá.

Þingmönnum leið ekki vel með skyndilega endurkomu þingmanna úr Klausturmálinu í morgun og sögðu erfitt að halda áfram eins og ekkert hefði í skorist.

Heilbrigðisráðherra segir fjórtán hjúkrunarheimili í uppbyggingu til að mæta uppsöfnuðum vanda innan heilbrigðiskerfisins. Á höfuðborgarsvæðinu bíða 28 manns undir 67 ára aldri eftir sérhæfðu hjúkrunarrými.

Aðstandendur konu sem fórst í eldsvoðanum á Selfossi í lok október krefja karlmann, sem ákærður er fyrir að hafa orðið henni og karlmanni að bana, um samtals 25 milljónir króna í bætur.

Þeir sem rændu Anne-Elísabet Hagen, eiginkonu eins ríkasta manns Noregs, hafa haft samband við fjölskylduna. Lögmaður fjölskyldunnar greindi frá þessu í dag.

_____________________

Í tugi ára hefur því verið velt upp hvort heróín fari að ryðja sér til rúms á íslenskum fíkniefnamarkaði. Nú telur lögreglan það líklegt.

Fyrrum yfirlæknir á Vogi segir að átak í að fækka ávísunum sterkra verkalyfja geti greitt götu heróíns inn á íslenskan fíkniefnamarkað.

Öryrkjar gætu þurft að bíða í allt átta mánuði eftir endurgreiðslum frá Tryggingastofnun vegna skerðingar á búsetuhlutfalli. Þetta kom fram á Alþingi í dag.

Umsjón: Arnhildur Hálfdánardóttir.

Alþýðusambandið vill að tekinn verði upp hátekjuskattur og að skattþrepum verði fjölgað úr tveimur í fjögur. Einnig að barnabætur nái til þorra barnafjölskyldna. Forseti ASÍ segir að barnabætur séu núna fátæktarstyrkur.

Engin strokulax fannst í reknetum við sjókví Arnarlax í Arnarfirði. Net voru sett út eftir að gat fannst á kvínni.

Minjastofnun Íslands leggur til að Þjórsárdalur verði friðlýstur í heilu lagi.

Brasilía sigraði Ísland með þriggja marka mun í lokaleik íslenska liðsins á HM karla í handbolta í dag. Landsliðsþjálfarinn segir að ákveðið reynsluleysi hafi sagt til sín í dag, en framtíðin sé björt.

Grænlendingar hlusta mun meira á útvarp og horfa meira á sjónvarp en aðrar Norðurlandaþjóðir. Netnotkun þeirra er hins vegar umtalsvert minni.

Skattatillögur miðstjórnar ASÍ. Lagt er til að skattþrepum verði fjölgað úr tvimur í fjögur. Arnar Páll Hauksson talar við Drífu Snædal, forseta ASÍ og einnig heyrist í Katrínu Jakobsdóttur, forsætisráðherra.

Í hverjum janúarmánuði í tæp fimmtíu ár hefur elíta heimsins, um 3.000 stjórnmálamenn, forstjórar stórfyrirtækja, frægir lista- og athafnamenn, forsvarsmenn félagasamtaka og ungar vonarstjörnur flykkst til smábæjarins Davos í svissnesku ölpunum. Hvers vegna? Til að sitja ráðstefnu sem haldin er af félagasamtökum sem kallast Alþjóðaefnahagsráðið, World economic forum. Arnhildur Hálfdánardóttir segir frá og talar við Ólaf Ragnar Grímsson fyrrverandi forseta Íslands.

Þó að áformað sé að byggja 10 þúsund íbúðir á næstu þremur árum dugir það ekki fyrir þá sem hafa minnstar tekjur. Fjölmargar tillögur voru kynntar í dag sem miða að því að byggja ódýrari íbúðir. Katrín Jakobsdóttir forsætisráðherra vonar að tillögurnar greiði fyrir kjarasamningum. Anna Guðmunda Ingvarsdóttir annar formaður átakshópsins sem vann tillögurnar telur að segir útliti fyrir það þær íbúðir sem búið er að byggja eða eru ráðgerðar leysi ekki vanda þeirra tekjulægstu.

Meirihluti sveitarstjórnar Reykhólahrepps telur sig engan annan kost hafa en samþykkja þá leið um Teigsskóg sem Vegagerðin helst kýs. var Árný Huld Haraldsdóttir sveitarstjórnarmaður í Reykhólahreppi lagði fram tillögu um samþykkt sem þrír greiddu atkvæði sitt en tveir voru á móti.

Katrín Jakobsdóttir forsætisráðherra segir það grundvallarsjónarmið sitt að vera talsmaður listræns frelsis. Það sé úrlausnarefni Seðlabankans að tryggja að listaverk séu ekki þar sem þau eru óþægileg fyrir starfsmenn.

Gat fannst á nótarpoka sjókvíar Arnarlax í Arnarfirði í morgun. Ekki er ljóst hvort eða hve margir laxar sluppu þar út.

Loðnuleit er hafin að nýju. Grænlenska uppsjávarskipið Polar Amaroq hélt frá Neskaupstað í dag og hafrannsóknaskipið Árni Friðriksson fer á föstudaginn.

Júlía Týmósjenkó, sem var forsætisráðherra Úkraínu fyrir meira en áratug, lýsti yfir forsetaframboði sínu í dag. Kosningarnar eiga að fara fram í lok mars og Týmósjenkó virðist hafa mun meira fylgi en Petró Porosjenkó, sem nú er forseti. Björn Malmquist sagði frá.

RARIK vinnur nú að því að losa sig við ljósastaura í þéttbýli og koma verkefninu yfir til sveitarfélaga. Þannig eru Fjarðabyggð og RARIK langt komin með samning um að sveitarfélagið taki við staurunum.

-------

Átakshópur um aukið framboð á íbúðum og aðgerðir til að bæta stöðuna á húsnæðismarkaði leggur til að sveitarfélög og ríkið auki fjárveitingar til stofnframlaga vegna uppbyggingar í almenna húsnæðiskerfinu og að tekjumörk verði hækkuð. Einnig er lagt til að óhagnaðardrifin húsnæðisfélög verði efld og skýrari reglur settar á leigumarkaði. Arnar Páll Hauksson ræddi við formenn hópsins, Gísla Gíslason og Önnu Guðmundu Ingvarsdóttir.

TIllögurnar móta stefnu okkar í húsnæðismálum til lengri tíma segir Katrín Jakobsdóttir, forsætisráðherra þær hafi verið unnar af fjölbreyttum hópi og um þær samstaða .Hún vonar að þær geti líka greitt fyrir kjaraviðræðum. Anna Kristín Jónsdóttir ræðir við Katrínu Jakobsdóttur.

Drífa Snædal forseti Alþýðusambandsins segir að tillögurnar séu innspil í kjaraviðræðurnar. Anna Kris

Ríkisstjórnin var mynduð til að viðhalda ríkjandi ástandi sem hún sjálf kallar stöðugleika, hún er ríkisstjórn kyrrstöðu og íhaldssemi segir Guðundur Andri Thorsson varaþingflokksformaður Samfylkingarinnar. Katrín Jakobsdóttir forsætisráðherra segir að stjórnmálin skuldi þjóðinni breytingar á stjórnarskrá.

Flestir farþeganna sem lentu í rútuslysi á Kjalarnesi í gærkvöldi voru í bílbelti, og því fór ekki verr segir Ásgeir Þór Ásgeirsson, yfirlögregluþjónn hjá lögreglunni á höfuðborgarsvæðinu. Jóhann Bjarni Kolbeinsson ræddi við hann.

Forsætisráðherra Bretlands ætlar að reyna enn og aftur að fá fram breytingar á samningnum um Brexit, útgöngu Breta úr Evrópusambandinu. Björn Malmquist segir frá.

Rauði krossinn hefur vart undan við að tæma fatagáma og flokka föt sem fólk gefur frá sér. Tuttugu feta gámar hjá Sorpu fyllast iðulega á innan við viku. Alma Ómarsdóttir talar við Björgu Kjartansdóttur, sviðsstjóra hjá Rauða krossinum og Guðbjörgu Rut Pálmadóttur flokkunarstjóra Rauða krossins.

Ekki er ráðlegt að líta á endurvinnslu sem lausn á þeim mikla vanda sem óhófleg plastnotkun jarðarbúa er. Vandamálið er of mikil notkun á plasti, segir Birgitta Stefánsdóttir sem starfar á sviði loftslagsmála og græns samfélags hjá Umhverfisstofnun. Verð á endurunnu plasti hefur lækkað að undanförnu.

Forstjóri RARIK bindur vonir við að leið finnist til að leggja ljósleiðara til Mjóafjarðar næsta haust. Neyðarlínan og landeigandinn hafa ekki náð samkomulagi um lagnaleiðina en RARIK kannar hvort hægt sé að lækka kostnað og minnka rask með því að saga ofan í berg fyrir strengjunum á erfiðustu köflunum. Rúnar Snær Reynisson segir frá.

Forseti Sri Lanka segir að barátta stjórnvalda á Filippseyjum gegn eiturlyfjum sé til mikillar fyrirmyndar og að hann hafi í hyggju að fylgja því fordæmi. Alþjóðaglæpadómstóllinn rannsakar hins vegar hvort stjórnvöld á Filippseyjum séu sek um glæpi gegn mannkyni. Jóhann Hlíðar Harðarson segir frá.

------------

Efnahags-, skatta- og atvinnumálanefnd miðstjórnar Alþýðusambandsins leggur til að tekið verði upp fjögurra þrepa skattkerfi í stað tveggja eins og nú er. Miðað er við að skatttekjur ríkisins verði eftir sem áður þær sömu. Horfið er frá kröfunni um að lægstu laun verði skattfrjáls. Forsætisráðherra sagði á Alþingi í dag að von væri á tillögum ríkisstjórnarinnar um skattkerfisbreytingar sem myndu gagnast þeim tekjulægstu. Arnar Páll Hauksson segir frá og heyrist í Katrínu Jakobsdóttur, forsætisráðherra.

Í dag kynnti Theresa May forsætisráðherra Breta þinginu næstu skref sín í útgöngu B