ព្រឹត្តិការណ៍កម្ពុជាប្រចាំថ្ងៃ

By RFI ខេមរភាសា / Khmer

ព្រឹត្តិការណ៍កម្ពុជាប្រចាំថ្ងៃ episodes

August 16, 2024 តើស្ថានការណ៍នៅថ្ងៃទី១៨ សីហា នឹងក្លាយជាកង្វល់ដ៏ធំសម្រាប់នយោបាយកម្ពុជា?
តាមរយៈបណ្តាញទំនាក់ទំនងសង្គមនានា ពលរដ្ឋខ្មែរដែលរស់នៅខាងក្នុង និងក្រៅប្រទេសមួយចំនួនបានណាត់គ្នា កំណត់យកថ្ងៃទី១៨ ខែសីហា ឆ្នាំ២០២៤នេះ ជាថ្ងៃដែលពួកគេរួមគ្នាធ្វើបាតុកម្មទាមទារឲ្យរដ្ឋាភិបាលដកខ្លួនចេញពីកិច្ចសហប្រតិបត្តិការតំបន់ត្រីកោណអភិវឌ្ឍន៍ កម្ពុជា ឡាវ វៀតណាម(CLV-DTA)។ សម្រាប់ភាគីរដ្ឋាភិបាលកម្ពុជាវិញ ក្រៅពីបង្ហាញការពន្យល់ជុំវិញគម្រោងដ៏ចម្រូងចម្រាស CLVនេះ រដ្ឋាភិបាលបានប្តេជ្ញាចិត្តហើយថា នឹងប្រើកម្លាំងប្រដាប់អាវុធ ដើម្បីទប់ទល់រាល់ចលនាបាតុកម្មណាមួយ ដែលអាចនឹងកើតឡើងនៅថ្ងៃកំណត់នោះ។ តើស្ថានការណ៍នយោបាយនៅក្នុងប្រទេសកម្ពុជានឹងអាចវិវត្តទៅជាយ៉ាងណា ប្រសិនបើមានបាតុកម្មកើតឡើងមែន ហើយមានការប្រឈមមុខដាក់គ្នានោះ?
15 min
August 15, 2024 ស្ថានការណ៍នយោបាយប្រែប្រួលនៅថៃ នឹងជះឥទ្ធិពលបែបណាដល់ទំនាក់ទំនង កម្ពុជា ថៃ?
តុលាការធម្មនុញ្ញថៃ នៅថ្ងៃពុធទី ១៤សីហា បានចេញសាលក្រមទម្លាក់លោកសេដ្ឋា ថៈវីស៊ីន ចេញពីមុខតំណែងនាយករដ្ឋមន្រ្តី។ ការណ៍នេះបានញ៉ាំងឲ្យមានការជជែកវែកញែកពីទំនាក់ទំនងកម្ពុជា-ថៃ ដែលជាប្រទេសជិតខាង។ នៅគ្រា ដែលលោកកាន់តំណែងជានាយករដ្ឋមន្ត្រីថៃ កាលពីឆ្នាំទៅ លោក សេដ្ឋា ថៈវីស៊ីន ធ្លាប់បានមកបំពេញទស្សនកិច្ចជាផ្លូវការនៅកម្ពុជា លោក សេដ្ឋា ធ្លាប់សន្យាជាមួយនាយករដ្ឋមន្ត្រីកម្ពុជា ជុំវិញការមិនអនុញ្ញាតឲ្យមានកម្លាំងប្រឆាំង ឈរជើងលើទឹកដីថៃ។ នៅក្នុងអំឡុងទស្សនកិច្ចរបស់លោកសេដ្ឋា នៅកម្ពុជា នាយករដ្ឋមន្ត្រីរបស់ប្រទេសទាំងពីរនៅបានសន្យាពង្រីកទំហំសេដ្ឋកិច្ច និងទំនាក់ទំនងទ្វេភាគីបន្ថែមទៀត។ ដូច្នេះ តើការដកលោកសេដ្ឋា ថៈវីស៊ីនចេញពីតំណែងនាយករដ្ឋមន្រ្តី ការប្រែប្រួលស្ថានការណ៍នយោបាយផ្ទៃក្នុងរបស់ថៃ នឹងជះឥទ្ធិពលបែបណាទៅលើអនាគតទំនាក់ទំនងកម្ពុជា ថៃ?
14 min
August 14, 2024 ករណីCLV-DTA ៖ តើពលរដ្ឋគួរតែបញ្ចេញមតិកម្រិតណា ដើម្បីកុំឱ្យហួសព្រំដែន?
ពលរដ្ឋខ្មែរមួយចំនួននៅតែមានកង្វល់ពីគំរោងអភិវឌ្ឍន៍តំបន់ត្រីកោណកម្ពុជា ឡាវ និងវៀតណាម (CLV-DTA) និងមានការបញ្ចេញមតិលើសំណុំរឿងដ៏ចម្រូងចម្រាស និងក្ដៅគគុកមួយនេះ មិនចេះដាច់។ ជាទូទៅ នៅក្នុងការបញ្ចេញមតិលើករណី CLV-DTA ពលរដ្ឋតែងទទួលរងការព្រមាន ឬការបង្ក្រាប ដោយការប្រកាសដាក់ទោសទណ្ឌពីសំណាក់អាជ្ញាធរមានសមត្ថកិច្ច។
ប៉ុន្ដែនៅថ្ងៃទី១៣ ខែសីហា ឆ្នាំ២០២៤ លោកនាយករដ្ឋមន្ដ្រី ហ៊ុន ម៉ាណែត បានសរសេរលើបណ្ដាញសង្គមថា ការបញ្ចេញមតិ ការបង្ហាញអំពីទស្សនៈ ឬកង្វល់របស់ពលរដ្ឋចំពោះបញ្ហាជាតិ ជាសិទ្ធិរបស់ពលរដ្ឋ គឺមិនមានអ្វីខុសនោះទេ។ លោកបានអំពាវឱ្យពលរដ្ឋបន្ដបញ្ចេញមតិថែមទៀត តែត្រូវឈរលើអភិក្រម ដែលមិនបង្កឲ្យមានបញ្ហាអស្ថិរភាពដល់ប្រទេសជាតិ និងរំខានដល់សេចក្តីសុខរបស់ប្រជាពលរដ្ឋទូទៅ ដែលមិនខុសអីពីការដើរហួសព្រំដែននៃសិទ្ធិសេរីភាពក្នុងការបញ្ចេញមតិ។ ការលើកឡើងរបស់ប្រមុខរដ្ឋាភិបាលកម្ពុជាបានធ្វើឱ្យមានការចោទជាសំណួរថា តើពលរដ្ឋគួរតែបញ្ចេញមតិកម្រិតណា ដើម្បីកុំឱ្យហួសគំនូសក្រហមដែលរដ្ឋាភិបាលចាត់ទុកថា លើសពីព្រំដែននៃការបញ្ចេញមតិ?
16 min
August 13, 2024 អ្នកតាមដានសង្គម៖ សីលធម៌របស់ក្មេងៗធ្លាក់ចុះ ដោយសារតែគំរូមិនល្អរបស់មនុស្សចាស់
នៅថ្ងៃទី១២ ខែសីហា ឆ្នាំ ២០២៤ មានការបង្ហោះផ្សាយវីដេអូនៅលើបណ្តាញសង្គម បង្ហាញសកម្មភាពព្រហើនឈ្លើយរបស់ក្មេងប្រុសម្នាក់ ជាសិស្សថ្នាក់ទី៦នៃសាលាបឋមសិក្សាមួយក្នុងស្រុកជលគិរី ខេត្តកំពង់ឆ្នាំង។ នៅក្នុងវីដេអូ គេឃើញក្មេងប្រុសអាយុ១៣ឆ្នាំ ហក់ទៅធាក់តុរបស់គ្រូបង្រៀន ខណៈគ្រូកំពុងតែបង្រៀន។ សកម្មភាពរបស់សិស្សរូបនេះបានទាញការចាប់អារម្មណ៍ពីអ្នកប្រើប្រាស់បណ្តាញសង្គម ដែលបានបញ្ចេញយោបល់ផ្សេងៗគ្នា ទាក់ទងនឹងការអប់រំ និងបញ្ហាសីលធម៌សង្គមធ្លាក់ចុះ។ សម្រាប់ អ្នកតាមដានសង្គម ការធ្លាក់ចុះសីលធម៌របស់ក្មេងៗមួយចំនួនគឺដោយសារតែឃើញគំរូមិនល្អរបស់មនុស្សចាស់ខ្លះ។
13 min
August 12, 2024 វត្តមានរបស់តារារ៉េប វណ្ណដា នៅពិធីបិទកីឡាអូឡាំពិកមានគុណតម្លៃយ៉ាងណាសម្រាប់កម្ពុជា?
តារាចម្រៀងរ៉េបដ៏ល្បីរបស់កម្ពុជាគឺលោក វណ្ណដា ត្រូវបានគណៈកម្មការកីឡាអូឡាំពិកប៉ារីស ២០២៤ នៅប្រទេសបារាំងផ្តល់ឱកាសឲ្យឡើងច្រៀងនៅលើឆាក ក្នុងពិធីបិទព្រឹត្តិការណ៍កីឡាអូឡាំពិកទី៣៣នៅទីក្រុងប៉ារីស កាលពីថ្ងៃទី១១ ខែសីហា ម្សិលមិញ។ វត្តមានរបស់តារាចម្រៀងរ៉េបខ្មែរនៅក្នុងកម្មវិធីដែលមានអ្នកតាមដានមើលនៅប្រទេសបារាំងជាង១៧លាននាក់ និងរាប់លាននាក់ផ្សេងទៀតតាមរយៈបណ្តាញសង្គមលើពិភពលោកគឺជាការរំលេចឲ្យឃើញពីសមត្ថភាព និងសិល្បៈ វប្បធម៌ខ្មែរលើឆាកអន្តរជាតិ។
11 min
August 11, 2024 តើការធ្វើបាតុកម្មក្នុងពេលដំណាលគ្នារបស់ពលរដ្ឋខ្មែរនៅក្រៅស្រុកឆ្លុះបញ្ចាំងយ៉ាងដូចម្តេច?
ដូចការគ្រោងទុក ពលរដ្ឋខ្មែរនៅក្រៅប្រទេស ដែលភាគច្រើនជាយុវជនចំណាកស្រុក បានធ្វើបាតុកម្មព្រមៗគ្នានៅថ្ងៃទី១១ខែសីហាឆ្នាំ២០២៤ នៅក្រោមហេតុផល ស្នើឲ្យរដ្ឋាភិបាលកម្ពុជាដកខ្លួនចេញពីគម្រោងអភិវឌ្ឍន៍តំបន់ត្រីកោណ កម្ពុជា ឡាវ និងវៀតណាម(CLV)។ អ្នករៀបចំបាតុកម្ម អះអាងថា នៅកូរ៉េខាងត្បូងមានអ្នកចូលរួម២ម៉ឺននាក់ ខណៈនៅអូស្រ្តាលីមានអ្នកចូលរួមរាប់រយនាក់ ស្របពេលពលរដ្ឋខ្មែរ នៅ ជប៉ុន និងអាមេរិក ក៏គ្រោងធ្វើបាតុកម្មក្នុងពេលដំណាលគ្នានេះដែរ។ តើការធ្វើបាតុកម្ម នៅពេលដំណាលគ្នា ក្នុងកម្មវត្ថុដូចគ្នាបែបនេះ ឆ្លុះបញ្ចាំងយ៉ាងដូចម្តេចពីចរន្តជាតិនិយមរបស់យុវជនខ្មែរសម័យថ្មី?
10 min
August 10, 2024 តើកម្ពុជាពិតជាទទួលបានចំណេញពីការភ្ជាប់សេដ្ឋកិច្ចជាមួយឡាវ និងវៀតណាម?
រដ្ឋមន្រ្តីពាណិជ្ជកម្មរបស់កម្ពុជាអះអាងនៅថ្ងៃទី៨ខែសីហាថា កិច្ចសហប្រតិបត្តិការអភិវឌ្ឍតំបន់ត្រីកោណជាមួយឡាវ និងវៀតណាម(CLV) ដែលមានរយៈពេល ២៥ឆ្នាំមកនេះ គឺបានធ្វើឱ្យកម្ពុជាស្គាល់កំណើនពាណិជ្ជកម្ម និងកសិពាណិជ្ជកម្មជាលំដាប់។ បើតាម លោកស្រី ចម និម្មល ក្នុងរយៈពេល៧ខែដើមឆ្នាំ២០២៤ ទំហំពាណិជ្ជកម្មកម្ពុជា និងឡាវកើនឡើង ១០ភាគរយ តែការនាំចេញទំនិញកម្ពុជាទៅឡាវកើនឡើងដល់ទៅ ២៧២ភាគរយ។ ចំណែកទំហំពាណិជ្ជកម្មកម្ពុជា និងវៀតណាមកើនឡើង ២៤ភាគរយ ក្នុងនោះ ការនាំចេញទំនិញកម្ពុជាទៅវៀតណាមមានកំណើន ៣៨ភាគរយ។ តើកម្ពុជាពិតជាទទួលបានចំណេញពីការភ្ជាប់សេដ្ឋកិច្ចជាមួយឡាវ និងវៀតណាម?
11 min
August 09, 2024 តើកម្ពុជាគួរធ្វើអ្វីបន្ថែមដើម្បីកាត់បន្ថយការជួញដូរមនុស្ស និងអាជីវកម្មផ្លូវភេទខុសច្បាប់?
នៅថ្ងៃទី៨ ខែសីហា ឆ្នាំ២០២៤ លោកស្រីជូ ប៊ុនអេង រដ្ឋលេខាធិការក្រសួងមហាផ្ទៃ និងជាអនុប្រធានអចិន្ដ្រៃយ៍គណៈកម្មាធិការជាតិប្រយុទ្ធប្រឆាំងអំពើជួញដូរមនុស្សបានឱ្យដឹងថា ក្នុងរយៈពេល៦ខែ ឆ្នាំ២០២៤ ការស្រាវជ្រាវ និងការបង្ក្រាបករណីជួញដូរមនុស្ស និងអាជីវកម្មផ្លូវភេទខុសច្បាប់បានកើនឡើងចំនួន ១៦.៣៤% បើធៀបនឹងរយៈពេលដូចគ្នាក្នុងឆ្នាំ២០២៣។ លោកស សុខា រដ្ឋមន្ដ្រីក្រសួងមហាផ្ទៃ និងជាប្រធានគណៈកម្មាធិការជាតិប្រយុទ្ធប្រឆាំងអំពើជួញដូរមនុស្សបានដាក់បញ្ជាឱ្យមន្ដ្រីក្រោមឱវាទបន្ដស្រាវជ្រាវ បង្ក្រាបឱ្យសកម្ម និងឱ្យមានប្រសិទ្ធិភាពលើអំពើជួញដូរមនុស្សនេះ។ តើកម្ពុជាគួរធ្វើអ្វីបន្ថែមដើម្បីកាត់បន្ថយករណីជួញដូរមនុស្ស និងអាជីវកម្មផ្លូវភេទខុសច្បាប់?
12 min
August 08, 2024 តើត្រូវធ្វើយ៉ាងណាទើបកម្ពុជាអាចចូលប្រកួតកីឡាអូឡាំពិកដោយលែងមានពាក្យ «អនុគ្រោះ»?
កម្ពុជាបានបញ្ជូនអត្តពលិករបស់ខ្លួនចំនួន៣នាក់ ក្នុងនោះមានកីឡាការិនី ១នាក់ និងកីឡាករ២នាក់ទៅចូលរួមព្រឹត្តិការណ៍កីឡាអូឡាំពិកឆ្នាំ២០២៤ នៅទីក្រុងប៉ារីស ប្រទេសបារាំង។ អ្វីជាការកត់សម្គាល់ កម្ពុជាមិនមានកីឡាករ ឬកីឡាការិនីណាម្នាក់ដែលមានកំរិតសមត្ថភាពចូលរួមប្រកួតនៅក្នុងវគ្គជម្រុះឡើយ។ ផ្ទុយទៅវិញ ការចូលរួមរបស់អត្តពលិកកម្ពុជាទាំង ៣នាក់លើវិញ្ញាសារហែលទឹក និងអត្តពលកម្មធ្វើឡើងក្រោមលក្ខខណ្ឌអនុគ្រោះដោយសារកម្ពុជាជាសមាជិកគណៈកម្មការធិការកីឡាអូឡាំពិកអន្តរជាតិ។ ក្នុងន័យនេះត្រូវបានអ្នកតាមដានផ្នែកកីឡាខ្មែរនានាបង្ហាញទស្សនៈមួយចំនួនថា តើគួរធ្វើយ៉ាងណាទើបអត្តពលិកកម្ពុជាមានសមត្ថភាពអាចចូលរួមប្រកួតកីឡាអូឡាំពិកបានដោយគ្មានភាពអនុគ្រោះ?
14 min
August 07, 2024 ហេតុអ្វីបានអាជីវកម្មនៅកម្ពុជាខ្លះដំណើរការល្អតែនៅពេលបើកដំបូង?
នៅកម្ពុជា ពិសេសនៅទីក្រុងភ្នំពេញ អាជីវកម្មសឹងគ្រប់ប្រភេទត្រូវបានបង្កើតឡើងកាន់តែច្រើន មិនថាផ្សារទំនើប ភោជនីយដ្ឋាន ឬទីកន្លែងកម្សាន្ដ។ តែគេបានសង្កេតឃើញជារួមថា អាជីវកម្មខ្លះហាក់ឆក់បានចំណាប់អារម្មណ៍ពីមហាជនតែមួយរយៈពេលក៏ស្រាប់ថមថយទៅវិញ។ ភាពថមថយនេះត្រូវបានអ្នកធ្វើការលើវិស័យអាជីវកម្ម និងទេសចរណ៍មើលឃើញថា គឺបណ្តាលមកពីកត្តាវិបត្តិសេដ្ឋកិច្ចជាចម្បង។
12 min