Alþingi samþykkti í dag samhljóða heildarendurskoðun sóttvarnalaga. Heilbrigðisráðherra segir þingið hafa sýnt mikilvæga samstöðu.

Vörubílstjórar þurfa að taka á sig 170 kílómetra krók með ferskan fisk, nái þeir ekki að aka brúna yfir Jökulsá á Fjöllum fyrir lokun.

Brasilískt námafyrirtæki ætlar að greiða jafnvirði 911 milljarða króna í skaðabætur vegna stíflu sem brast og varð á þriðja hundrað að bana.

Forstjóri Lyfjastofnunar segir að hugsanlega þurfi að bólusetja fólk aftur við kórónuveirunni eftir tvö ár eða breyta bóluefnum svo þau virki á stökkbreytt afbrigði.

Sundabrú kallar á hafnarframkvæmdir á athafnasvæði Samskipa. Fjöldi skipa sem leggst þar við bryggju kæmist ekki undir brúna.

Þetta er sárt og erfitt fyrir vinnustað. En að sjálfsögðu miklu erfiðara og sárara fyrir fjölskylduna og börnin, segir forstöðukona þjónustuíbúða í Odder í Danmörku þar sem Freyja Egilsdóttir Mogensen, íslensk kona starfaði. Hún var myrt af fyrrverandi sambýlismanni sínum.

Brú er betri kostur en jarðgöng vegna lagningar Sundabrautar að mati starfshóps sem samgönguráðherra skipaði til að meta bestu leiðina yfir Kleppsvíkina. Kostnaður er áætlaður 44 milljarðar króna. Ráðherra segir að verkinu gæti lokið eftir 8 til 10 ár.

Lögfræðingur hjá Húseigendafélaginu segir dóm um nágranna sem taldist galli á fasteign vera stórmerkilegan og stefnumarkandi.

Þjóðvegi eitt yfir Jökulsá á Fjöllum var lokað núna klukkan sex. Hann verður opnaður aftur í fyrramálið.

Brú vegna lagningar Sundabrautar er betri kostur en jarðgöng. Þetta er niðurstaða starfshóps samgönguráðherra sem falið var að meta þessa tvo kosti. Samgönguráðherra segir að Sundabraut gæti verið tilbúið eftir 8 til 10 ár. Arnar Páll Hauksson talar við Guðmund Inga Jóhannsson.

Fólk býr í atvinnuhúsnæði um allt land, allt að því 7000 manns. Svona hefur þetta verið árum saman og svona verður það líklega áfram á meðan skortur er á húsnæði. Slökkviliðið þarf að vita hvar þetta fólk býr svo hægt sé að bjarga því ef það kviknar í en eins og staðan er í dag má ekki skrá lögheimili eða aðsetur í atvinnuhúsnæði. Fólk skráir því lögheimili sitt annars staðar eða er skráð óstaðsett í hús hjá sveitarfélaginu. Í nýrri skýrslu vinnuhóps húsnæðis- og mannvirkjastofnunar er lagt til að fólki verði leyft að skrá aðsetur í atvinnuhúsnæði. Fasteignasali sem selur og leigir svona íbúðir telur að það væri skref í rétta átt. Arnhildur Hálfdánardóttir ræðir við Helenu Sigurðardóttur.

Í Bretlandi gengur vel að bólusetja, takmarkið að bólusetja 15 milljónir manna fyrir miðjan febrúar innan seilingar. Sá árangur og hitasóttarkennd umræða um ný veiruafbrigði hefur í bili dregið athyglina frá skimun, sem hefur ekki gengið jafn vel. En í dag minnast Bretar kapteinsins Tom Moore, öldungsins sem snerti hjörtun heima og heiman eins og heyra mátti í miðnæturfréttum breska ríkisútvarpsins í gærkvöldi. Sigrún Davíðsdóttir segir frá.

Spegillinn 2. febrúar

Umsjón Bergljót Baldursdóttir

Talsvert fleiri skammtar af bóluefni berast til landsins á næstu tveimur vikum en áætlað var. Sóttvarnalæknir vonast eftir að viðræður við Pfizer lyfjafyrirtækið um hjarðónæmisrannsókn skýrist síðar í vikunni.

Offita meðal barna er meiri hér á landi en í nágrannalöndunum. Sérfræðilæknir vill skilgreina offitu sem sjúkdóm og kallar eftir aðgerðum stjórnvalda

Verkfall hjá 11 flugmönnum Bláfugls, sem eru félagsmenn í Félagi íslenskra atvinnuflugmanna, hófst á miðnætti í fyrrakvöld. Flugfélagið hefur ráðið verktakaflugmenn í þeirra stað. Verkfallsbrot segir stéttafélagið.

Bjarni Benediktsson fjármálaráðherra segir að það séu vonbrigði að tafir hafi orðið á afgreiðslu tekjufalls- og viðspyrnustyrkja en fullyrðir að allur kraftur sem hægt sé að setja í þau mál hafi verið settur í verkefnið. Björn Leví Gunnarsson þingmaður Pírata spurði ráðherra á Alþingi í dag út í seinaganginn, sem hann sagði farinn að stórskaða rekstur og fyrirtæki.

Byrjað er að bólusetja heilbrigðisstarfsfólk í Palestínu. Heimastjórnin hefur samið við fjóra lyfjaframleiðendur um bóluefni.

Fleiri kvartanir hafa nú borist til Húsnæðis og mannvirkjastofnunar vegna galla í fasteignum en áður. Herdís Hallmarsdóttir, lögfræðingur stofnunarinnar telur að skoða þurfi hvort ekki eigi að setja í lög reglur um að húsnæði sé skoðað og vottað áður en það er selt. Bergljót Baldursdóttir ræddi við hana.

Jón Björn Skúlason, framkvæmdastjóri NýOrku segist ekki sjá fyrir sér jumbóþotu fljúga um á rafhlöðum né heldur að frystitogara verði knúnir áfram með rafhlöðum í framtíðinni. Eftirspurn eftir vetni sé að aukast og fyrirspurnir berist frá útlöndum um möguleika á útflutningi á vetni. Arnar Páll Hauksson ræddi við Jón Björn Skúlason

Sigrún Davíðsdóttir fjallað um áhugaverðar hliðstæður í íslenskri og írskri brottflutningssögu. Írska sagan er mun sárari og bitrari en sú íslenska. Írar eru jafnframt mjög meðvitaðir um þessa sögu sína og þá einnig um írsku díaspóruna um allan heim. Hver áhrifin af Covid verða á brottflutning á eftir að koma í ljós.

Fimm til sjö þúsund manns búa í ólöglegu húsnæði hér á landi samkvæmt áætlun vinnuhóps sem skipaður var í kjölfar lífskjarasamninganna. Forseti ASÍ segir að vanþekking á leigumarkaðinum sé til mikilla trafala í allri áætlanagerð.

Héraðssaksóknari hefur tekið við máli manns sem er grunaður um að hafa skotið með riffli á bíl borgarstjórans og á skrifstofur Samfylkingarinnar.

Boðunarlisti Fangelsismálastofnunar hefur lengst verulega síðustu ár. og bíða nú á sjötta hundrað eftir að hefja afplánum í íslenskum fangelsum. Fangelsismálastjóri vonar að nýtt lagafrumvarp þar sem gert er ráð fyrir aukinni samfélagsþjónustu stytti listann verulega.

Skipverjinn á línubátnum Fjölni GK frá Grindavík sem greindist með COVID-19 í gær var með gamalt smit og þar af leiðandi ekki virkt.

Klámnotkun ungra drengja er orðin slík að þeir þurfa að verða sér út um stinningarlyf til örvunar í kynlífi.

Forseti Íslands segir að við sem búum í þessu landi verðum að hafna öllum öfgum og ofbeldi á vettvangi þjóðmála.

Til bóta er að sameina fern lög um kosningar hér á landi í einn lagabálk segir þingflokksformaður Sjálfstæðismanna. Hann er þó á móti því að leggja niður yfirstjórnir kjördæma eins og gert er ráð fyrir í nýju kosningalagafrumvarpi.

Landsvirkjun telur að miklir möguleikar geti falist í vetnisframleiðslu. Vetni gæti orðið ný útflutningsgrein í nánustu framtíð. Því er spáð að eftirspurn eftir vetni munbu aukast umtalsvert. Arnar Páll Hauksson talar við Harald Hallgrímsson forstöðumann viðskiptaþrónunar Landsvirkjunar.

Boðunarlisti Fangelsismálastofnunar hefur lengst verulega síðustu ár. og bíða nú á sjötta hundrað eftir að hefja afplánum í íslenskum fangelsum. Fangelsismálastjóri vonar að nýtt lagafrumvarp þar sem gert er ráð fyrir aukinni samfélagsþjónustu stytti listann verulega. Bergljót Baldursdóttir talar við Pál Winkel.

Forsætisráðherra fordæmir skotárásina á fjölskyldubíl Dags B. Eggertssonar borgarstjóra. Hún segir árásina því miður ekki vera þrumu úr heiðskíru lofti.

Formaður Viðreisnar vill að formenn flokkanna sammælist um skýrar leikreglur sem útiloki ofbeldisfull og meiðandi ummæli í aðdraganda kosninga.

Fjármálaráðherra hefur ákveðið að hefja sölu á hluta af hlutabréfum í Íslandsbanka. Hann tilkynnti Bankasýslunni þetta í dag.

Lithái á sextugsaldri var í Héraðsdómi Reykjavíkur í dag dæmdur í 16 ára fangelsi fyrir að hafa orðið landa sínum að bana í desember 2019

Umhverfisráðherra segir að nýtt regluverk um vindorku sé bæði skilvirkt og sanngjarnt. Það þjóni bæði verndun og nýtingu. Arnar Páll Hauksson talar við Guðmund Inga Guðbrandsson umhverfisráðherra.

Ef litið er yfir sögu mannfjölda á Íslandi kemur glöggt í ljós að síðan á tímum Vesturferðanna hefur brottflutningur fólks frá Íslandi verið ráð við hremmingum og atvinnuleysi heima fyrir. Sama á Írlandi. Þar er meðvitundin um írsku útflytjendasöguna mjög sterk. En hið nýja er að brottflutningur hefur haldið áfram þrátt fyrir góðæri. Hver áhrif Covid verður á brottflutning á eftir að koma í ljós. Sigrún Davíðsdóttir segir frá.

Það var Degi B. Eggertssyni áfall þegar uppgötvaðist um síðustu helgi að skotið hafði verið úr byssu í gegnum hurð á fjölskyldubílnu, að öllum líkindum fyrir utan heimili' . Lögreglan rannsakar árásina. Höskuldur Kári Schram talar við hann.

Óvissustigi var lýst yfir síðdegis vegna krapastíflu og flóðahættu við Jökulsá á Fjöllum og hefur þjóðvegi nr. eitt aftur verið lokað við brúna.

Ný afbrigði kórónuveirunnar, það breska, suður-afríska og brasilíska hafa vakið upp spurningar og áhyggjur manna. Smitsjúkdómalæknar telja að enn sé mörgum spurningum um þau ósvarað. Bergljót Baldursdóttir tók saman rætt við Magnús Gottfreðsson, smitsjúkdómalækni og Þórólf Guðnason, sóttvarnalækni.

Útflutningur og einkaneysla drógust saman í Bandaríkjunum í fyrra og hefur efnahagsamdráttur þar ekki verið meiri í 75 ár. Ásgeir Tómasson segir frá.

Þuríður Ingibjörg Elísdóttir, forstöðumaður Hrafnistuheimila í Reykjanesbæi, segir að það hafi verið dásamlegt að bjóða aðstandendur velkomna eftir seinni bólusetningu íbúa við COVID 19.

----

Steingrímur J. Sigfússon, forseti Alþingis vonar að ný kosningalög verði afgreidd á yfirstandandi þingi, annað væri sóun á tíma og kröftum í mikilvægu verkefni sem varði grunnstoðir lýðræðisins. Anna Kristín Jónsdóttir talaði við hann.

Þórdís Kolbrún Reykfjörð Gylfadóttir (D) iðnaðarráðherra sagði á Alþingi í dag að það væri ekki umhverfinu til bóta að leggja stóriðju niður á Íslandi. Það væri afturför í loftslagsmálum því það myndi auka hlutdeild kolaorku og annarra ósjálfbærra orkugjafa. Arnar Páll Hauksson tók saman úr umræðum á Alþingi heyrist líka í Bergþóri Ólasyni, (M), Smára McCarthy (P) og Hönnu Katrínu Friðriksson (C).

Norðmenn hafa lokað landamærum sínum að mestu í og miklar takmarkanir eru á ferða- og samkomufrelsi fólks í 25 sveitarfélögum í og við höfuðborgina Ósló. Gísli Kristjánsson segir frá.

Umsjón: Anna Kristín Jónsdóttir. Tæknimaður: Mark Eldred. Stjórn útsendingar fyrri hluta: Björg Guðlaugsdóttir.

Hafdís Helga Ólafsdóttir, sem kærði ráðningu ráðuneytisstjóra í menntamálaráðuneytinu segir menntamálaráðherra í málsókn gegn sér á kostnað ríkisins.

Óvissustigi vegna snjóflóðahættu hefur verið aflétt á Austfjörðum og Norðurlandi en er enn í gildi á norðanverðum Vestfjörðum. Elsa María Guðlaugs Drífudóttir talaði við Óliver Hilmarsson, snjólfóðaeftirlitsmann.

Nýr eigandi ætlar að biðja um flýtimeðferð á leyfi til að rífa brunarústir við Bræðraborgarstíg í Vesturbæ Reykjavíkur. Hólmfríður Dagný Friðjónsdóttir rædd i við Runólf Ágústsson, verkefnisstjóra hjá Þorpinu-vistfélagi.

Miðflokkurinn leggst gegn frumvarpi um viðurlög ef hlutfall kynja í stjórnum fyrirtækja er ójafnt. Slíkt sé yfirstéttajafnréttisnálgun. Jóhanna Vigdís Hjaltadóttir sagði frá umræðum á Alþingi og heyrist í þingmönnunum Bergþóri Ólasyni (M) og Bryndísi Haraldsdóttur (D).

Steingrímur J. Sigfússon, forseti Alþingis á von á góðu þingi, en störfum þess á að ljúka 10. júní. Hann telur gott að kjósa í haust og fá vissa fjarlægð milli þings og kosningar. Anna Kristín Jónsdóttir ræddi við Steingrím.

------------

Til að uppfylla húsnæðisþarfir landsmanna á næstu tíu árum þarf að byggja þrjú þúsund íbúðir á ári. Þetta segja þau Ólafur Sindri Helgason yfirhagfræðingur Húsnæðis- og Mannvirkjastofnunar og Karlotta Halldórsdóttir sérfræðingar hjá sömu stofnun. Þau fjölluðu um þróunina á húsnæðismarkaði og íbúðaþörfina á Húsnæðisþingi. Kristján Sigurjónsson ræddi við þau.

Umhverfisráðherra hefur kynnt tillögur að reglum um uppbyggingu vindorku á Íslandi. Samorka segir að tillögurnar séu skref í rétta átt en þó þurfi að breyta þeim. Eigandi vindmyllufyrirtækis segir að umsóknarferlið verði tvöfalt erfiðara. Arnar Páll Hauksson sagði frá og ræddi við Pál Erland, framkvæmdastjóra Samorku og Magnús B. Jóhannesson framkvæmdastjóri Storm-orku.

Umsjón: Anna Kristín Jónsdóttir. Tæknimaður: Markús Hjaltason. Stjórn útsendingar fréttahluta: Björg Guðlaugsdóttir.

Mikil verðbólga skýrist meðal annars af því að janúarútsölur hafa ekki verið lélegri í nítján ár. Hagfræðideild Landsbankans telur að verslanir hafi lækkað verð minna en í meðalári, vegna þess að Íslendingar séu nú háðari því að kaupa föt og skó hér á landi í faraldrinum.

Mannleg mistök urðu til þess að hundraða milljóna króna tjón varð í Háskóla Íslands í síðustu viku, þegar stofnlögn fór í sundur. Þetta er niðurstaða greiningar Veitna.

Þjóðvegur eitt yfir Jökulsá á Fjöllum er nú lokaður við brúna nærri Grímsstöðum eftir að mikið krapaflóð fór yfir veginn.

Heilbrigðisráðherra segir að Íslendingar muni fá alla þá skammta af bóluefni gegn COVID-19 sem eigi að koma, þótt einhver breyting verði á afhendingaráætlun.

39 hús á Seyðisfirði skemmdust í skriðuhrinunni fyrir jól, þar af eru 12 alveg ónýt.

Svandís Svavarsdóttir, heilbrigðisráðherra flutti munnlega skýrslu sína um öflun og dreifingu bóluefnis á Alþingi í dag.. Svandís fór í byrjun yfir það hvernig bóluefni berst hingað. Við yrðum að vera því viðbúin að það kæmi til landsins í skömmtum og bólusetning gengi hægt og bítandi fyrri helming ársins. Í gær var búið að bólusetja um 10.500 tíu þúsund og fimm hundruð að hluta eða öllu leyti. Framkvæmdin hefði gengið vel. Anna Kristín Jónsdóttir tók saman.

Yfir 75% Íslendinga telja að innflytjendur hafi haft góð áhrif á samfélagi. Þetta kemur fram í umfangsmikilli rannsókn sem gerð var 2018. Þar kemur líka fram að tekjur tæplega 60% innflytjenda voru undir 400 þúsund krónum á mánuði. Arnar Páll Hauksson talar við Hermínu Gunnþórsdóttur.

Skoski þjóðarflokkurinn stefnir nú á aðra þjóðaratkvæðagreiðslu um skoskt sjálfstæði, hvað sem breska stjórnin segir, nái flokkurinn meirihluta í skosku þingkosningunum í vor. Sigrún Davíðsdóttri sagði frá.

Spegillinn 25.janúar 2021

Umsjón: Kristján Sigurjónsson

Tæknimaður: Ragnar Gunnarsson

Ísland fær 13.800 skammta af bóluefni AstraZeneca í febrúar, gangi það eftir að Lyfjastofnun Evrópu afgreiði umsókn fyrirtækisins um skilyrt markaðsleyfi á föstudag.

Nokkur snjóflóð hafa fallið ofan við Eskifjörð og Reyðarfjörð í dag og óvissustigi hefur verið lýst yfir á Austfjörðum vegna snjóflóðahættu. Litlar líkur eru þó taldar á að flóð falli í byggð.

Rudy Giuliani, lögmaður fyrrverandi Bandaríkjaforseta er krafinn um einn komma þrjá milljarða dollara í skaðabætur fyrir að hafa haldið því fram að kosningavélar hefðu verið notaðar til að tryggja Joe Biden forsetaembættið.

Tveir laugarverðir voru að störfum í Sundhöll Reykjavíkur þegar karlmaður lést þar á fimmtudaginn. Lögreglan rannsakar málið og er með upptökur úr öryggismyndavélum Sundhallarinnar.

Gordon Brown, fyrrverandi forsætisráðherra Bretlands, varar við hættunni á því að sameinaða konungsríkið Bretland leysist upp haldi stjórnin í Lundúnum áfram að hundsa vilja Skota, Norður-Íra og íbúa Wales

Allt er á kafi í snjó á Akureyri og sorphirða þar féll niður í dag.

Lengri umfjöllun:

Þórólfur Guðnason sóttvarnalæknir hvetur Íslendinga til að ferðast ekki erlendis að nauðsynjalausu. Hann segir að talsverður fjöldi farþega greinist með smit á landamærunum. Farþegum hafi fækkað að undanförnu en hlutfall smita á meðal þeirra sé í kringum eitt prósent, en var langt undir núll komma núll einu prósenti síðastliðið haust. Hólmfríður Dagný Friðjónsdóttir ræðir við Þórólf um hvað er framundan í bólusetningu, dreifingu bóluefnis og útlitið í ferðaþjónustunni.

Bjarnheiði Hallsdóttur formaður Samtaka ferðaþjónustunnar bregst við orðum Þórólfs og segir frá hvernig ferðaþjónustuferðatækin standa að undirbúningi sumarsins, hvort erlendir ferðamenn séu væntanlegir og áherslu á íslenska ferðamenn. Kristján Sigurjónsson talar við Bjarnheiði.

Fyrirkomulag og úthlutun þingsæta miðað við gildandi kosningalög dugir ekki til að tryggja jöfnuð milli þingflokka. Jöfnunarsætin eru of fá, að mati Ólafs Þ. Harðarsonar prófessors í stjórnmálafræði. Hann telur að breytingar á kosningalögum sem lagðar voru til í vetur séu til bóta í mörgu en þar sé ekki tekið á þessum vanda. Anna Kristín Jónsdóttir talar við Ólaf.

Guðmundur Felix Grétarsson er farinn að geta hreyft upphandleggina. Á hann voru græddir handleggir og axlir fyrir rúmri viku og var það í fyrsta sinn sem slíkt er gert. Guðmundur segir draugaverkir sem hann var með fyrir ágræðslu hafi aukist til muna. Kristín Sigurðardóttir tók saman.

Katrín Jakobsdóttir forsætisráðherra segir stöðu afvopnunarmála í heiminum áhyggjuefni en Ísland hefur ekki fullgilt samning Sameinuðu þjóðanna um bann við kjarnorkuvopnum. Höskuldur Kári Schram ræddi við hana.

Hafrannsóknastofnun hefur lagt til rúmlega 54 þúsund tonna loðnukvóta á yfirstandandi vertíð.

Réttarhöld yfir Donald Trump fyrrverandi bandaríkjaforseta hefjast í öldungadeild Bandaríkjaþings eftir helgi. Hann er sakaður um að hafa hvatt stuðningsmenn sína til að ráðast á þinghúsið í Washington. Ásgeir Tómasson sagði frá.

Enn er hættustig vegna snjóflóðahættu á Siglufirði og rýmingu þar verður ekki aflétt að svo stöddu. Fjallvegir eru víða ófærir á norðanverðu landinu,

Landspítali tók í dag í notkun 3.400 fermetra húsnæði að Eiríksgötu 5. Þar verður klínísk starfsemi, fjarheilbrigðisþjónusta og göngudeildarþjónusta fyrir konur með brjóstakrabbamein. Bjarni Rúnarsson sagði frá.

Tónlistarmaðurinn Mugison veit ekki hvað manni sem auglýsti streymistónleika í nafni The Mugison gekk til og finnst það óþægilegt þó að ekki hafi verið krafist greiðslu. Arnhildur Hálfdánardóttir talaði við Örn Elías Guðmundsson.

----

Í kosningum frá hruni hefur orðið mikil endurnýjun á þingi en Ólafur Þ. Harðarson prófessor í stjórnmálafræði á ekki endilega von á því að svo verði í haust. Það yrði þá helst ef stórfelldar breytingar verða á fylgi flokka. Hann telur líkur á að 7-9 flokkar eigi menn á þingi eftir kosningar, nú eru þeir átta en afarbrýnt sé að breyta kosningalögum til auka á jöfnuð. Anna Kristín Jónsdóttir talaði við hann.

Miðstjórn Alþýðusambands Íslands fordæmir ákvörðun flugfélagsins Bláfugls að segja upp 11 flugmönnum félagsins í miðri kjaradeilu. Það sé brot á lögum og jafnframt að ráða aðra flugmenn í staðinn á lægri kjörum. Arnar Páll Hauksson sagði frá.

Náttúruauðlindir eru ekki alltaf nýttar til góðs. Mýmörg dæmi um lönd sem eru þjökuð af svokallaðir ,,auðlindabölvun.“ Nýting Norðmanna á sinni olíu gefur þó tilefni til að tala um ,,auðlindablessun“ og Norski olíusjóðurinn er ein skýring þess. Sigrún Davíðsdóttir heldur áfram að fjalla um þjóðarsjóð.