Rúmlega þriðjungur þingmanna segist hafa orðið fyrir einelti og kynbundinni áreitni á starfstíma sínum á Alþingi. Steingrímur J. Sigfússon, forseti Alþingis segir niðurstöður könnunar sem gerð var á starfsumhverfi þingmanna og starfsmanna sláandi. Freyr Gígja Gunnarsson ræddi við hann.

Utanríkisráðherra Ítalíu segir ekkert því til fyrirstöðu að erlendir ferðamenn verji sumarfríinu á ítölskum ströndum eða fjallaþorpum og njóti matargerðarlistar heimamanna. Ásgeir Tómasson sagði frá.

Fundi í kjaradeilu flugfreyja og Icelandair sem átti að hefjast klukkan 17 var frestað að beiðni annarar samninganefndarinnar segir Aðalsteinn Leifsson, ríkissáttasemjari sem segist ræða við deilendur síðar í kvöld og ákveða hvort og hvenær boðað verður til nýs fundar.

Frumvarp sem felur í sér stofnun nýs dómstóls, endurupptökudóms, var samþykkt á Alþingi síðdegis. Hann kemur í stað endurupptökunefndar og sker úr um hvort heimilað er að taka dómsmál upp á ný. Áslaug Arna Sigurbjörnsdóttir dómsmálaráðherra fagnar lögunum. Helga Vala Helgadóttir Samfylkingu og Þórhildur Sunna Ævarsdóttir Pírötum telja lögin réttarbót en sakna þess að ekki sé í þeim ákvæði um gjafsókn.

Ísafjarðarbær vill að ríkið greiði 40 milljóna kostnað vegna snjóflóðanna sem féllu í byrjun árs, Birgir Gunnarsson, bæjarstjóri Ísafjarðarbæjar segir að stærsti hluti kostnaðarins sé vegna hreinsunar. Anna Lilja Þórisdóttir ræddi við hann.

Hverfisráð Oddeyrar leggst gegn áformum um byggingar á Gránufélagsreit á Oddeyri á Akureyri, þrátt fyrir að hámarkshæð húsa hafi verið lækkuð úr ellefu hæðum í átta. Núgildandi skipulag, sem leyfir allt að fjögurra hæða hús, sé vænlegri kostur. Bjarni Rúnarsson ræddi við Berglindi Ósk Óðinsdóttur, formann ráðsins.

Þuríður Harpa Sigurðardóttir, formaður Öryrkjabandalagsins segir að öryrkjar hafi gleymst við gerð kjarasamninga. Hún telur æskilegt að örorkubætur hækki í 400 þúsund krónur á mánuði. Arnar Páll Hauksson tók saman og ræddi við Þuríði, Drífu Snædal ASÍ, Sonju Ýr Þorbergsdóttur BSRB, Þórunni Sveinbjarnardóttur BHM og Ragnar Þór Pétursson KÍ.

Eftir því sem gróðursæld vex á Íslandi eykst hætta á gróðureldum. Járngerður Grétarsdóttir plöntuvistfræðingur segir að það eigi eftir að taka landið sem brann í nótt langan tíma að jafna sig. Veðurstofan hefur lengi viljað auka vöktun á gróðureldum en það hefur strandað á fjármagni. Arnhildur Hálfdánardóttir tók saman.

Brexit er ekki búið og nú er það smitað af COVID-19 veirunni. Sigrún Davíðsdóttir sagði frá.

Ákvörðun um að opna landið um miðjan júní er umdeild en Þórófur Guðnason, sóttvarnalæknir tekur ekki undir gagnrýni kollega sinna sem hafa áhyggjur af opnuninni. Ragnar Freyr Ingvarsson, sem var yfirlæknir á COVID deild LSH meðan hún var starfrækt hefði viljað meira samráð um ákvörðunina.

Ferðamenn frá Evrópu og í Asíu hafa sýnt Íslandi áhuga eftir að tilkynnt var að landið yrði opnað snemmsumars segir Birna Ósk Einarsdóttir, framkvæmdastjóra sölu- og þjónustusviðs Icelandair. Bergljót Baldursdóttir ræddi við hana.

Samninganefndir flugfreyja og Icelandair hafa setið á fundi hjá Ríkissáttasemjara frá því klukkan tvö.

Á Alþingi í dag er rætt um frumvör sem skilyrða aðstoð vegna COVID og setja launa- og aðrgreiðslum fyrirtækja sem hana þiggja skorður. Þá sætti forsætisráðherra gagnrýni fyrir að VG hefði staðið í vegi fyrir framkvæmdum á vegum NATO í Helguvík. Forsætisráðherra vísaði því á bug.

Forseti Kína vísar því á bug að Kínverjar hafi leynt upplýsingum um kórónuveiruna og áhrif hennar á fólk. Hann kveðst styðja óháða rannsókn á málinu. Ásgeir Tómasson sagði frá.

Tveir forsetaframbjóðendur hafa skilað inn meðmælenda listum og sá þriðji vísar í lista á netinu.

Kostnaður Haga vegna starfsloka Finns Þórs Árnasonar sem forstjóra Haga og Guðmundar Marteinssonar, framkvæmdastjóra Bónus, nemur 314 milljónum.

Breska söngkonan Vera Lynn varð um helgina elsti tónlistarmaðurinn til þess að komast á breska vinsældalistann, með lagi sem hún hljóðritaði fyrst fyrir rúmlega 80 árum.

---------

Heimsfaraldurinn virðist hafa aukið á vanda þeirra sem búa við sára fátækt á Íslandi. Í Speglinum verður rætt við mæður sem segjast ekki geta boðið börnum sínum neitt til afþreyingar í sumar. Öryrkjar og aðrir efnalitlir hópar hafi gleymst. Arnhildur Hálfdánardóttir ræddi við Hildi Oddsdóttur og Kristínu.

Niðurstaða í atkvæðagreiðslu flugmanna um nýjan kjarasamning verður ljós á sama tíma og hluthafafundur Icelandair hefst á föstudaginn. Afstaða flugvirkja til nýs samnings skýrist á miðvikudaginn. Óvíst er hvenær flugfreyjur semja en þær sitja á samningafundi. Arnar Páll Hauksson segir frá.

Þrjú sveitarfélög suður með sjó eru meðal þeirra sem verða harðast úti vegna hruns ferðaþjónustunnar. Berglind Kristinsdóttir, framkvæmdastjóri Sambands sveitarfélaga á Suðurnesjum segir að ríkið verði að bæta sveitarfélögum tekjutap því í haust verði erfitt að standa undir lögbundinni þjónustu.

Í Jógía-karta á Jövu í Indónesíu verjast íbúar plágunni með 49 daga inniveru og einföldum grænmetisrétti. Pálmi Jónasson segir frá.

Umsjón:

Nærri 50 þúsund manns voru án atvinnu eða í skertu starfshlutfalli í apríl. Fjöldinn er sá mesti síðan mælingar hófust.

Kostnaður við sýnatöku ferðamanna sem koma til landsins eftir fimmtánda júní gæti verið allt að fimmtíu milljónir á dag.

Ítalska ríkisstjórnin áformar að aflétta ferðabanni innanlands frá þriðja júní. Nokkrar tilslakanir verða gerðar á takmörkunum vegna kórónuveirunnar eftir helgi.

Gagnafyrirtæki sem fáir kannast við safna nákvæmum upplýsingum um ferðir Norðmanna. Þetta afhjúpar umfjöllun norska ríkisútvarpsins. Forstjóri Persónuverndar segir enga ástæðu til að halda að ferðir Íslendinga séu ekki raktar með sama hætti.

Sundlaugarnar í Reykjavík verða opnaðar eina mínútu yfir miðnætti á sunnudagskvöld.

Forseti ASÍ segir það rosalegt að forstjóri Icelandair sneiði fram hjá samninganefnd flugfreyja og setji sig milliliðalaust í samband við flugfreyjur með áróður. ASÍ hefur kvartað til Ríkissáttasemjara og Samtaka atvinnulífsins.

Forseti Alþýðusambandsins óttast að laun verði lækkuð eða að reikningurinn vegna kórónukreppunnar verði sendur heimilum með einhverjum hætti. Alþýðusamband Íslands kynnti í dag aðgerðir sem það telur nauðsynlegt að grípa til. Tryggja verði afkomuöryggi og verja heimilin.

Staðfest dauðsföll vegna kórónuveirunnar á heimsvísu fóru nú síðdegis yfir þrjú hundruð þúsund.

Tæplega 15% atvinnuleysi var í Bandaríkjunum í síðasta mánuði. Yfir 36 milljónir landsmanna hafa misst vinnuna frá því að COVID-19 faraldurinn braust út.

ASÍ leggur til að vinnuvikan verði 30 stundir hjá tilteknum hópum. eða 6 stundir á dag.

Tún á norðausturlandi eru víða illa farin af kali. Ráðgjafi í jarðrækt segist ekki hafa séð jafn miklar skemmdir í 40 ár.

Rétta leiðin. Frá kreppu til lífsgæða og öryggis fyrir okkur öll er yfirskrift á tillögum og leiðum sem Alýðusamband Íslands kynnti í dag. Aðgerðunum er skipt í bráðaaðgerðir, uppbyggingu til framtíðar og eftirfylgni. Arnar Páll Hauksson talar við Drífu Snædal, Kristján Þórð Snæbjarnarson og Sólveigu Önnu Jónsdóttur.

Fá kórónuveirusmit hafa komið upp á sambýlum og búsetukjörnum á Íslandi. Þetta leiddi eftirgrennslan Landssamtakanna Þroskahjálpar í ljós. Lokanir og skerðing þjónustu bitnuðu þó bæði á fötluðum og aðstandendum þeirra. Móðir þroskaskerts unglingspilts segir að í tvær vikur hafi öll þjónusta dottið út, sá tími hafi verið nánast óyfirstíganlegur. Arnhildur Hálfdánardóttir talar við Bryndísi Snæbjörnsdóttur, Sigríði Heimisdóttur og Árna Einarsson.

Barir, vínveitingastaðir og skemmtistaðir fá leyfi til að opna 25. maí, og fjöldi gesta í sundlaugum og líkamsræktarstöðvum verður fyrst um sinn helmingur af því sem venjulega er leyfður. Þetta er meðal tillagna sem sóttvarnalæknir hyggst leggja fyrir heilbrigðisráðherra.

Stúdentar gagnrýna aðgerðir stjórnvalda um sumarstörf og telja þær ganga allt of skammt.

Ekki hefur verið boðaður nýr sáttafundur í kjaradeilu flugfreyja og Icelandair eftir að stuttum fundi í dag var slitið.

Litháum er ekki lengur skylt að bera andlitsgrímur utan dyra. Útiveitingastaðir og kaffihús hafa verið opnuð. Farþegaflug milli landa hófst að nýju í dag.

Samkvæmt verðmati Capacent á Icelandair á félagið ekki eftir ná sömu tekjum og það var með 2019 fyrr en 2024. Niðurstaða kjarasamninga skipti miklu máli fyrir framtíð félagsins og virði þess. Arnar Páll Hauksson talar við Snorra Oddsson.

Það væri undir öllum kringumstæðum pólitískt grettistak fyrir bresku ríkisstjórnina að ljúka útgöngu Breta úr Evrópusambandinu fyrir árslok eins og til stendur. En Brexit á tímum COVID-19 veirunnar er hálfu erfiðara verk en ella. Inn í þetta fléttast samband Breta við Bandaríkin og umheiminn. Sigrún Davíðsdóttir segir frá.

Það væri undir öllum kringumstæðum pólitískt grettistak fyrir bresku ríkisstjórnina að ljúka útgöngu Breta úr Evrópusambandinu fyrir árslok eins og til stendur. En Brexit á tímum COVID-19 veirunnar er hálfu erfiðara verk en ella. Inn í þetta fléttast samband Breta við Bandaríkin og umheiminn. Arnar Páll Hauksson segir frá.

Umsjón: Pálmi Jónasson

Ferðamenn geta farið í skimun á Keflavíkurflugvelli í stað þess að sæta tveggja vikna sóttkví, eigi síðar en 15. júní.

Kvikmyndagerðarfólk og íþróttamenn geta komið til landsins frá og með föstudegi, án þess að fara í tveggja vikna sóttkví.

Forseti ASÍ segir það lengi hafa verið draum Icelandair að lækka laun flugfreyja. Hins vegar sé ekki hægt að ganga að samningi sem feli í sér 40 prósenta kjaraskerðingu.

Aðalráðgjafi Bandaríkjaforseta í viðbrögðum við COVID-19 farsóttinni varar við því að aflétta útgöngubanni of snemma. Það geti haft alvarlegar afleiðingar.

Fyrirtækin Össur hf. og Iceland Seafood hafa ákveðið að endurgreiða ríkinu hlutabætur.

Umsjón: Pálmi Jónasson

Flugfreyjufélag Íslands hefur fundað með lögfræðingi Alþýðusambandsins vegna tilboðs Icelandair um verulega launaskerðingu og skert réttindi flugfreyja til langs tíma.

Þórólfur Guðnason, sóttvarnalæknir, leggur til við heilbrigðisráðherra að áfram gildi það að allir sem koma hingað til lands, sama hvaðan, fari í tveggja vikna sóttkví.

Fyrirtæki hafa leitað til Vinnumálastofnunar í því skyni að endurgreiða fjármuni sem þau fengu í gegnum hlutabótaleið stjórnvalda.

Fleiri leita til heilsugæslunnar vegna andlegrar vanlíðanar nú en á meðan faraldurinn var í hámarki.

Virðisaukaskattur verður þrefaldaður í Sádi-Arabíu til að bregðast við fjárhagslegum erfiðleikum af völdum COVID-19 farsóttarinnar og verðlækkunar á olíu.

Í ljósi nýrra gagna vill atvinnuveganefnd Alþingis að kannað sé hvort endurmeta eigi ráðgjöf um grásleppuveiðar á yfirstandandi vertíð.

Það er brot á samfélagssáttmála að fyrirtæki greiði út arð eða kaupi eigin hlutabréf á meðan þau nýta sér björgunarhring stjórnvalda. Þetta segir framkvæmdastjóri Samtaka atvinnulífsins. Það verði ekki bæði sleppt og haldið.

Fyrirtækin Hagar, Festi og Skeljungur hafa ákveðið að hætta að nýta hlutabótaleiðina. Hagar og Skeljungur ætla að endurgreiða það sem þau hafa fengið frá ríkinu.

Útlit er fyrir að takmörkunum vegna samkomubanns verði aflétt hraðar þann 25. maí, en gert var ráð fyrir. Enginn greindist með smit síðasta sólarhring. Sóttvarnalæknir segir að óhætt sé að ganga lengra í að aflétta hömlum vegna þess hversu hratt faraldurinn hefur gengið niður.

Yfir 31 þúsund dauðsföll hafa verið tilkynnt í Bretlandi vegna COVID-19 sjúkdómsins. Þeirra á meðal er sex vikna ungbarn.

Á sunnudag eru 80 ár frá því að Bretar hernámu Ísland. Sagnfræðingur segir að fáir atburðir hafi haft jafn miklar og skjótar breytingar í för með sér í sögu landsins. Bogi Ágústsson segir frá og talar við Guðmund Hálfdánarson.

Í Bandaríkjunum hafa kjötpökkunarstöðvar orðið sérstaklega illa úti í heimsfaraldrinum. Af þeim 500 þúsund verkamönnum sem starfa í pakkhúsum stórfyrirtækja er talið að um 5000 hafi veikst, eða einn af hverjum hundrað. Að minnsta kosti tuttugu hafa látist. Kórónuveiran hefur varpað ljósi á bág starfsskilyrði verkamanna. Hún hefur líka afhjúpað hvernig matvælaframleiðsla í Bandaríkjunum hvílir að stórum hluta á herðum ólöglegra innflytjenda frá Rómönsku-Ameríku.

Arnhildur Hálfdánardóttir segir frá.

Það er óþolandi og algerlega siðlaust að fyrirtæki misnoti úrræði á borð við hlutabótaleiðina, segir Ásmundur Einar Daðason, félagsmálaráðherra og fyrir það verði girt. Eggert Kristófersson forstjóri Eignarhaldsfélagsins Festar segir að félagið sjálft hafi enga peninga fengið úr ríkissjóði og úrræðið einungis nýtt þar sem varð að loka vegna sóttvarna.

Skeljungur hefur ákveðið að endurgreiða Vinnumálastofnun það sem hún greiddi starfsmönnum Skeljungs sem fóru á hlutabætur í apríl.

Áfrýjunarréttur í Noregi úrskurðaði í dag að auðmanninum Tom Hagen skyldi sleppt úr gæsluvarðhaldi. Niðurstöðunni var vísað til hæstaréttar. Lögreglan furðar sig á henni. Ásgeir Tómasson segir frá.

Framleiðendur um allan heim hafa sýnt upptökum á sjónvarpsþáttunum Kötlu mikinn áhuga. Leikstjórinn Baltasar Kormákur segir þá hafa mikinn áhuga að taka upp hér á landi á meðan COVID-faraldurinn gengur yfir.

Ekkert nám í kvikmyndagerð er á háskólastigi hér á landi. Átta ár eru síðan stjórnvöld létu vinna skýrslu þar sem lögð var áhersla á að slíku námi yrði komið á. Hafsteinn Gunnar Sigurðsson, kvikmyndagerðarmaður er meðal þeirra sem hefur skorað á ráðherra að gera að því gangskör.

----------

Stjórnmálamenn og Alþýðusambandið hefur viðhaft stór orð um misnotkun hlutabótaleiðarinnar af stöndugum fyrirtækjum, Kristján Þórður Snæbjarnarson, fyrsti varaforseti ASÍ og Sigurður Hannesson, framkvæmdastjóri Samtaka iðnaðarins ræddu um málið.

Einu sinni var aflabrestur helsti ógnvaldur stöðugleika íslensks hagkerfis. Nú er það brestur í komu erlendra ferðamanna, en það er ekkert náttúrulögmál að svo sé. Sigrún Davíðsdóttir tók saman.

Umsjón: Anna Kristín Jónsdóttir. Tæknimaður: Ragnar Gunnarsson. Stjórn útsendingar Björg Guðlaugsdóttir.

Breyta á starfskjarastefnu Haga á aðalfundi félagsins í næsta mánuði. Starfslok tveggja stjórnenda kosta á fjórða hundrað milljóna króna, en stærsti eigandi félagsins hefur í tæpan áratug reynt að breyta ráðningarsamningum og starfskjarastefnunni. Jóhann Hlíðar Harðarson sagði frá.

Helga Guðmundsdóttir, 102 ára kona í Bolungarvík sem sýktist af COVID-19 hefur náð sér að fullu. Hún fékk að hitta barnabarn sitt í fyrsta skipti í dag eftir tvo mánuði í sóttkví og einangrun. Elsa María Drífu Guðlaugsdóttir ræddi við Helgu og barnabarn hennar Ragnhildur Helga Benediktsdóttur.

Rýmka á samkomubann enn frekar 25. maí og þá verður hægt að opna líkamsræktarstöðvar segir Þórólfur Guðnason, sóttavarnalæknir, Alma Ómarsdóttir ræddi við hann.

Enn verður bið á því að fyrirtæki geti sótt um brúarlánin sem ríkisstjórnin boðaði þann 21. mars. Vinnu við útfærslu þeirra stendur enn og ekki fást svör við því hvenær henni lýkur. Magnús Geir Eyjólfsson sagði frá.

Halldór Benjamín Þorbergsson, framkvæmdastjóri Samtaka atvinnulífsins, tekur undir orð Bjarna Benediktssonar fjármálaráðherra um að forsendur lífskjarasamningsins standi tæpt og allt annað svigrúm hafi verið við gerð kjarasamninanna en er nú.

Bresku götublöðin hafa farið mikinn vegna máls Neils Ferguson, ráðgjafa bresku ríkisstjórnarinnar í baráttunni við kórónuveirufaraldurinn. Ferguson neyddist til að segja af sér þegar í ljós kom að ástkona hans, sem er gift öðrum manni, hafði heimsótt Ferguson tvívegis í trássi við fyrirmæli yfirvalda. Freyr Gígja Gunnarsson sagði frá.

-----

Íslenski ferðamaðurinn hefur lítið verið rannsakaður, en ferðaþjónustufyrirtæki beina nú spjótum sínum að honum. Hann er talinn tilboðsdrifinn og er gjarn á að elta sólina. Arnhildur Hálfdánardóttir sagði frá og talaði við Guðrúnu Þóru Gunnarsdóttur hjá Rannsóknarmiðstöð ferðamála.

Hlutfall kvenna í stjórnum fyrirtækja sem hafa fleiri en fimmtíu í vinnu er rétt tæp 35% í fyrra og hafði hækkað um rétt rúmt prósentustig frá fyrra ári. Fyrir tíu árum voru lög um að hlutur hvors kyns færi ekki undir 40% samþykkt og þau tóku að fullu gildi þremur árum síðar. Konur hafa aldrei náð 40% hlut á þeim tíma. Hulda Ragnheiður Árnadóttir, formaður Félags kvenna í atvinnulífinu telur að viðurlög þurfi að koma til eigi þetta að breytast.

Annar stofnenda þýsku hljómsveitarinnar Kraftwerk lést í dag. Hjálmar Sveinsson, sérfræðingur í sögu sveitarinnar segir hana eina af áhrifamestu sveitum sögunnar, á pari við Bítlana. Jóhann Hlíðar Harðarson talaði við hann.

Umsjón: Anna Kristín Jónsdóttir. Tæknimaður