Umsjón: Pálmi Jónasson

Framkvæmdastjóri Samtaka ferðaþjónustunnar segir að án aðgerða ríkisstjórnarinnar til að sporna við afleiðingum COVID-19, stefni í fjöldagjaldþrot í greininni. Samtök atvinnulífsins vilja að tryggingagjald verði lækkað tímabundið ef ástandið versnar og að Seðlabankinn lækki stýrivexti í næstu viku.

Greinst hefur eitt svokallað þriðja stigs smit af COVID-19 veirunni hérlendis. Sextíu og níu smit hafa nú greinst, öll á höfuðborgarsvæðinu nema tvö.

Kári Stefánsson, forstjóri Íslenskrar erfðagreiningar, telur að veiran sem veldur COVID-19 sjúkdómnum, sé orðin töluvert útbreidd á Íslandi. Íslensk erfðagreining stefnir að því að hefja skimun fyrir veirunni meðal almennings á næstu dögum, að því gefnu að því takist að útvega veirupinna.

Lággjaldaflugfélagið Norwegian tilkynnti í dag að hætt hefði verið við 3.000 flugferðir á næstu vikum. Bókanir hefðu dregist mikið saman vegna COVID-19 faraldursins.

Fjörutíu og átta Sikileyingar mega búast við að verða sektaðir og jafnvel stungið í steininn fyrir að hafa tekið þátt í jarðarför í dag.

Framkvæmdastjóri Samtaka ferðaþjónustunnar segir að án aðgerða ríkisstjórnarinnar stefni í fjöldagjaldþrot í greininni. Ríkisstjórnin kynnti í dag aðgerðir til að mæta efnahagslegum áhrifum vegna útbreiðslu COVID-19 veirunnar. Samtök atvinnulífins segja aðgerðirnar mikilvægt skref. Ef ástandið versni sé eðilegt að lækka tryggingargjaldi tímabundið og að Seðlabankinn lækki stýrivesti í næstu viku. Arnar Páll talar við fjölmarga í Speglinum.

Kári Stefánsson, forstjóri Íslenskrar erfðagreiningar, veðjar á að veiran sem veldur COVID-19 sjúkdómnum, sé orðin töluvert útbreidd á Íslandi. Íslensk erfðagreining stefnir að því að hefja skimun fyrir nýju kórónaveirunni meðal almennings í lok þessarar viku. Fyrirtækið vinnur verkefnið undir stjórn sóttvarnalæknis. Allt veltur á því hvort fyrirtækinu tekst að útvega veirupinna svo hægt sé að taka sýni. Arnhildur Hálfdánardóttir segir frá í Speglinum.

Umsjón: Pálmi Jónasson

Öll skíðasvæði í Ölpunum eru orðin hluti af áhættusvæðum og þurfa allir sem koma þaðan að fara í tveggja vikna sóttkví.

Tilkynnt var í dag að 60 Íslendingar væru smitaðir af COVID-19.

Hlutabréfaviðskipti voru stöðvuð í fimmtán mínútur á Wall Street í New York í dag vegna verðhruns við upphaf viðskipta.

Öngþveiti skapaðist á Ítalíu í gær þegar þúsundir reyndu að flýja boðaða sóttkví í stórum hluta landsins. Strangt ferðabann er nú í gildi á nokkrum svæðum á Norður-Ítalíu og um sextán milljónir verða þar í sóttkví fram í byrjun apríl. Það er um fjórðungur ítölsku þjóðarinnar.

Þó að samningar hafi tekist í nótt við flest BSRB-félögin á enn eftir að semja við fjölmörg félög opinberra starfsmanna. Í þeim hópi eru meðal annars hjúkrunarfræðingar, kennarar og læknar.

Ef tækist að rafmagnsvæða alla bílaleigubíla hér á landi myndi það flýta innleiðingu hreinorkubíla og hafa jákvæð áhrif á ímynd Íslands, segir forstöðumaður Grænvangs. Rafvæðing bílaleiguflotans er nú til skoðunar í atvinnulífinu.

Öngþveiti skapaðist á Ítalíu í gær þegar þúsundir reyndu að flýja boðaða sóttkví í stórum hluta landsins. Sjö þúsund og fjögur hundruð smit hafa verið staðfest á Ítalíu og 366 dauðsföll, fleiri en nokkurs staðar í veröldinni að Kína frátöldu. Strangt ferðabann er nú í gildi á nokkrum svæðum á Norður-Ítalíu og um sextán milljónir verða þar í sóttkví fram í byrjun apríl. Það er um fjórðungur ítölsku þjóðarinnar. Pálmi Jónasson fjallar um málið í Spegilinum.

Þó að samningar hafi tekist í nótt við flest félög innan BSRB á enn eftir að semja við fjölmörg félög opinberra starfsmanna. Hjúkrunarfræðingar telja að stytting vinnuvikurnar hjá vaktavinnufólki hafi í för með sér launalækkun meðal hjúkrunarfræðinga og 11 BHM-félög sætta sig ekki við tvískipta yfirvinnutaxta. Arnar Páll Hauksson tók saman.

Eggert Benedikt Guðmundsson forstöðumaður Grænvangs segir að ef tækist að raforkuvæða alla bílaleigubíla myndi það flýta innleiðingu hreinorkubíla hér á landi og hafa jákvæð áhrif á ímynd Íslands. Rafvæðing allra bílaleigubíla á Íslandi er nú til skoðunar hjá aðilum í atvinnulífinu. Bergljót Baldursdóttir tók saman.

Samúðarverkfall sem Efling stéttarfélag boðaði í sjálftætt starfandi skólum er ólögmætt.. Þetta er niðurstaða Félagsdóms.

Samtök atvinnulífsins, Alþýðusamband Íslands og stjórnvöld hafa náð samkomulagi um greiðslur til fólks sem gert er að sæta sóttkví vegna COVID-19 veirunnar. SA beinir því til atvnnurekenda að laun verði greidd til þessa hóps og ASÍ til sinna aðildarsamtaka að sjukrasjóðir greiði óskert út til þeirra sem sýkjast.

Viðbúið er að enn fjölgi í hópi þeirra sem greindir hafa verið með kórónaveirusmit hér á landi. Verið er að rannsaka tugi sýna og búist við því að einhver reynist jákvæð.

Það er víða írafár yfir hvernig eigi að bregðast við efnahagslegum áhrifum af útbreiðslu COVID-19 veirunnar. Það erfiðasta er óvissan um hver heilsufarsáhrifin verði.

Þorsteinn Gunnarsson, settur forstjóri útlendingastofnunar, segir að engin áform séu um að falla frá brottvísun fjölskyldna til Grikklands. Börn verða send frá Íslandi til Grikklands í fysta skipti í næstu viku.

Veðurstofan varar við austan stórhríð á Suðurlandi á laugardag og austan roki eða ofsaveðri og hríð á Suðausturlandi á aðfaranótt laugardag

Mér líður eins og við séum píluspjöld sem ráðamenn henda pílum í, svona lýsir kona reynslu sinni af því að vera öryrki og búa við fátækt.

Forstjóri heilsugæslunnar á höfuðborgarsvæðinu hefur áhyggjur vegna yfirvofandi verkfalla BSRB. Hann segir að vegna COVID-19 veirunnar þurfi heilbrigðisstofnanir á öllu sínu fólki að halda. Hann hvetur aðila til að semja

Tíu greindust í dag með COVID19 veiruna. Alls hafa því 26 greinst hér á landi . Á fjórða hundrað manns eru í sóttkví.

Rúmlega hundrað eru látnir úr COVID-19 veirunni á Ítalíu. Staðfest tilfelli þar í landi eru nú um þrjú þúsund. Talið er að mun fleiri séu smitaðir en hafa fengið greiningu.

Michael Bloomberg hefur ákveðið að hætta við framboð sitt í forkjöri Demókrata fyrir forsetakosningarnar í Bandaríkjunum í nóvember.

Stjórnvöld stefna að því að árið 2030 verði helmingi færri undir fátæktarmörkum en nú. Félagsráðgjafi hjá Hjálparstarfi kirkjunnar vill leggja Tryggingastofnun niður og koma í veg fyrir að fólk eigi á hættu að verða tekjulaust mánuðum saman. Arnhildur Hálfdánardóttir talar við Vilborgu Oddsdóttur.

Samgöngustofa getur ekki svarað því, út frá reglum sem gilda um rétt flugfarþega, hver er réttur þeirra sem settir eru í sóttkví erlendis og missa af fluginu heim. Reglurnar eru hins vegar skýrar þegar flugi er aflýst vegna hættuástands í öðru landi. Arnar Páll Hauksson talar við Þórhildi Elínu Elínardóttur

Hlutfall nemenda í framhaldsskólum sem læra erlend tungumál hefur lækkað og fjöldi þeirra mála sem þeir læra á hverjum tíma líka, að því fram kemur í tölum Hagstofunnar sem birtust fyrir nokkru. Hólmfríði Garðarsdóttur, prófessor í spænsku við Háskóla Íslands og formanni samtaka tungumálakennara þykir miður að þróunin sé þessi en hún hafi ekki verið ófyrirséð. Samtökin hafi á sínum tíma lagst gegn styttingu framhaldsskólans. Anna Kristín Jónsdóttir talaði við Hólmfríði Garðarsdóttur.

Forstjóri heilsugæslunnar á höfuðborgarsvæðinu hefur áhyggjur vegna yfirvofandi verkfalla BSRB. Hann segir að vegna COVID-19 veirunnar þurfi heilbrigðisstofnanir á öllu sínu fólki að halda. Hann hvetur aðila til að semja

Tíu greindust í dag með COVID19 veiruna. Alls hafa því 26 greinst hér á landi . Á fjórða hundrað manns eru í sóttkví.

Michael Bloomberg hefur ákveðið að hætta við framboð sitt í forkjöri Demókrata fyrir forsetakosningarnar í Bandaríkjunum í nóvember.

Stjórnvöld stefna að því að árið 2030 verði helmingi færri undir fátæktarmörkum en nú. Félagsráðgjafi hjá Hjálparstarfi kirkjunnar vill leggja Tryggingastofnun niður og koma í veg fyrir að fólk eigi á hættu að verða tekjulaust mánuðum saman.

Út frá reglum sem gilda um réttindi flugfarþega er ekki hægt að gefa skýr svör um réttindi þeirra sem settir eru í stóttkví erlendis og missa af flugi heim.

Spegillinn 3.mars 2020

Umsjón: Kristján Sigurjónsson

Tæknimaður: Magnús Þorsteinn Magnússon

Mjög alvarlegt vinnuslys varð í Mosfellsbæ þegar gólfplata hrundi á byggingarsvæði. Tveir menn urðu undir plötunni. Báðir eru mjög alvarlega slasaðir og voru fluttir á slysadeild.

Fjórtán Íslendingar hafa greinst með COVID-19 veiruna. Fimm ný tilfelli voru greind í dag. Fólkið sem hefur greinst með veiruna er allt í einangrun.

Grikkir fá meira fé frá Evrópusambandinu til að bregðast við fjölda flóttamanna sem nú streymir inn í landið frá Tyrklandi. Forseti framkvæmdastjórnar sambandsins tilkynnti þetta í dag.

Gunnar Þorgeirsson garðyrkjubóndi var í dag kjörinn formaður Bændasamtaka Íslands á Búnaðarþingi í dag. Öll stjórn samtakanna var endurnýjuð.

Demókratar kjósa í fjórtán ríkjum Bandaríkjanna í forvali forsetakosninganna í kvöld og í nótt.

Íslenska karlalandsliðið í fótbolta var í dag dregið með Englandi, Belgíu og Danmörku í riðil 2 í Þjóðadeildinni sem fram fer í haust. Dregið var í Amsterdam í dag.

Ný frétt: Samninganefnd Eflingar sendi borgarstjóra í morgun boð um frestun verkfalls í tvo daga gegn því að staðfesta tilboð sem hann lýsti í Kastljósi 19. febrúar. Bréfið var sent klukkan ellefu og var þar boðið að fresta verkfalli frá miðnætti í kvöld og í tvo sólarhringa. Ríkissáttasemjari fékk afrit af bréfinu og staðfesti móttöku þess. Frestur til svars var til klukkan fjögur í dag. Svar barst ekki fyrir klukkan fjögur og heldur því verkfall áfram, segir í tilkynningu frá Eflingu.

Lengri umfjöllun:

Gunnar Þorgeirsson, garðyrkjubóndi í Ártanga í Grímsnes- og Grafningshreppi og formaður Sambands garðyrkjubænda var í dag kjörinn formaður Bændasamtaka Íslands. Hann tilkynnti um framboð sitt í gær, en fráfarandi formaður Guðrún Tryggvadóttir sauðfjárbóndi frá Svartárkoti í Bárðardal, hafði gefið það út að hún sæktist eftir formennsku áfram. Hún var varaformaður Bændasamtakanna, en tók við formennsku fyrir ári þegar Sigurgeir Sindri Sigurgeirsson hætti. Það má segja að hálfgerð hallarbylting hafi verið gerð í Bændasamtökunum í dag því fjögur buðu sig fram í stjórn með Gunnari og voru þau öll kjörin og eru öll ný í stjórn - þrjár konur og einn karl. Kristján Sigurjónsson ræðir við Gunnar Þorgeirsson í beinni útsendingu í Speglinum.

Margir óttast COVID-19 veiruna sem nú er komin til landsins en sumir hafa meiri ástæðu til að óttast en aðrir. Eldra fólk og fólk með undirliggjandi sjúkdóma á að sögn Alþjóðaheilbrigðismálastofnunarinnar frekar á hættu að veikjast alvarlega. Dánartíðni þessara hópa virðist margföld á við a

Spegillinn 2.mars 2020

Umsjón: Kristján Sigurjónsson

Tækninmaður: Magnús þorsteinn Magnússon

Sex hafa nú greinst smitaðir af COVID-19 veirunni hér á landi. Öll smituðust á Norður Ítalíu. Alls hafa 55 smit verið staðfest á Norðurlöndum.

Óróleirki er við landamæri Tyrklands og Grikklands. Þúsundir flóttamanna reyna að komast yfir landamærin frá Tyrklandi til Grikklands.

Búnaðarþing var sett í dag. Sitjandi formaður bændasamtakanna fær mótframboð á þinginu.

Formlegar samningaviðræður Breta og Evrópusambandsins um framtíðarviðskiptasamband hófust í morgun. Deilendur virðast hafa ólíkar hugmyndir um hvað stefnt sé að þó byggt sé á fyrri samningum.

Aríel Pétursson sjómaður úr Hafnarfirði er meðal æðstu manna á danska herskipinu Triton, sem lagðist að bryggju í Reykjavíkurhöfn í dag. Að loknu námi í Stýrimannaskólanum stundaði hann sjóinn, en þegar konan hans fór í framhaldsnám í Danmörku ákvað hann að sækja um inngöngu í sjóliðsforingjaskólann og nú er hann yfirstýrimaður og ábyrgur fyrir leit og björgun sem og því er lýtur að hernaðaraðgerðum, einkum æfingum.

Daði og Gagnamagnið sigruðu með yfirburðum í úrslitum Söngvakeppninnar á laugardagskvöldið og var með meirihluta atkvæða í báðum símakosningum sem og flest stig alþjóðlegrar dómnefndar.

Lengri umfjöllun:

Samkomulag virðist hafa náðst um styttingu vinnuvikunnar hjá vaktavinnufólki. Það dugir þó ekki til að leysa yfirstandandi kjaradeilur og koma í veg fyrir verkföll. Víðtæk verkföll gætu hafist eftir viku. Sáttafundur hefur ekki verið boðaður í deilu Eflingar og Reykjavíkurborgar. Verkfall hefur nú staðið yfir í tvær vikur. Arnar Páll Hauksson segir frá.

Það er óhætt að segja að veðurfarið í vetur hafi ýtt hressilega við landsmönnum og stjórnvöldum. Í ljós hefur komið að ýmsir innviðir, eins og raforkukerfið, stóðu ekki eins traustum fótum og talið var. Snjóflóðin á Flateyri og í Súgandafirði 14. janúar urðu einnig til þess að endurskoða þurfti hraðann á framkvæmdum við ofanflóðavarnir. Fyrir helgi kynnti ríkisstjórnin aðgerðir þar sem 27 milljörðum króna verður varið til þess að flýta framkvæmdum í flutnings- og dreifikerfum raforku og í ofanflóðavörnum. 15 milljarðar af þessum 27 fara í ofanflóðavarnir. Fasteignaeigendur borga ár hvert 2,7 milljarða króna í sérstakan skatt sem upphaflega var ætlað að færi í ofanflóðasjóð. Reyndin hefur hins vegar verið sú að einn milljarður fer í þennan sjóð, en ekki 2,7. Halldór Halldórsson, fyrrverandi bæjarstjóri á Ísafirði og fyrrverandi borgarfulltrúi í Reykjavík situr í stjórn Ofanflóðasjóðs, tilnefndur a

Maðurinn, sem greindist með fyrsta staðfesta tilfellið af COVID-19 kórónaveirunni, kom til landsins 22. febrúar. Hann er nú í einangrun á smitsjúkdómadeild Landspítalans í Fossvogi.

Alþjóðaheilbrigðsstofnunin segir að Covid-19 kórónaveiran geti borist til flestra, ef ekki allra landa. Stofnunin hefur lýst yfir hæsta viðbúnaðarstigi, en þó ekki heimsfaraldri.

Ríkisstjórnin boðar að leyfisveitingar vegna lagningar jarðstrengja og raflína taki mun styttri tíma en nú.

Vonskuveður er nú á austanverðu landinu og mikil ófærð.

Maðurinn, sem greindist með fyrsta staðfesta tilfellið af COVID-19 kórónaveirunni, kom til landsins 22. febrúar. Hann er nú í einangrun á smitsjúkdómadeild Landspítalans í Fossvogi. Alþjóðaheilbrigðsstofnunin segir að Covid-19 kórónaveiran geti borist til flestra, ef ekki allra landa. Stofnunin hefur lýst yfir hæsta viðbúnaðarstigi, en þó ekki heimsfaraldri. Ríkisstjórnin boðar að leyfisveitingar vegna lagningar jarðstrengja og raflína taki mun styttri tíma en nú. Vonskuveður er nú á austanverðu landinu og mikil ófærð.

Ekki er talin ástæða til að beita skimun eða taka upp landamæraeftirlit á Keflavíkurflugvelli vegna COVID-19 veirunnar. 46 sýni hafa verið rannsökuð hér á landi, öll reyndust neikvæð.

Enn er allt í hnút í kjaradeilu Eflingar og borgarinnar og verkfall á ellefta degi. Rusl flæðir upp úr tunnum víða um miðborg Reykjavíkur og í ruslageymslum við fjölbýlishús.

Dómsmálaráðherra vill leyfa áfengisauglýsingar í íslenskum fjölmiðlum. Bann við þeim virki ekki.

Veðurstofan hefur breytt viðvörun á Suðurlandi í appelsínugula vegna austan storms og stórhríðar. Víða er búst við skafrenningi og slæmum akstursskilyrðum. Til greina kemur að loka Reykjanesbraut.

Framkvæmdastjóri Rekstrarvara segir það árvekni heilbrigðisstarfsfólks að þakka að hér er til nóg af grímum og hlífðarbúnaði, nú sé einhverra mánaða bið eftir slíkum varningi að utan. Skrifstofustjóri velferðarsviðs Reykjavíkurborgar segir innviðina þar sterkari nú en fyrir komu svínaflensunnar 2009. Arnhildur Hálfdánardóttir talar við Grétu Maríu Grétarsdóttur framkvæmdastjóra Krónunnar, Kristófer Oliversson, eiganda Centerhotels-keðjunnar, Einar Kristjánsson, framkvæmdastjóra Rekstrarvara og Berglindi Magnúsdóttur, skrifstofustjóra velferðarsviðs Reykjavíkurborgar.

Það munar milljörðum á tekjum borgarinnar og kostnaði vegna ferðamanna. Hallinn nemur 6-9 milljörðum samkvæmt nýrri greiningu. Arnar Páll Hauksson talar við Þórdís Lóu Þórhallsdóttur borgarfulltrúa Viðreisnar.