Umsjón: Pálmi Jónasson

Yngsti COVID-sjúklingurinn sem er í öndunarvél hérlendis er undir fertugu. Einn hefur losnað úr öndunarvél og af gjörgæsludeild.

Heilbrigðisráðherra hefur miklar áhyggjur af stöðu hjúkrunarfræðinga og segir að til greina komi að greiða heilbrigðisstarfsfólki sérstakan álagsauka.

Ríkissáttasemjari segist vongóður um að það þokist í samkomulagsátt á sáttafundi sem hann hefur boðað á mánudag í kjaradeilu hjúkrunarfræðinga og ríkisins.

Gert er ráð fyrir að rúmlega fjörutíu og sex þúsund manns verði án vinnu eða í skertu starfshlutfalli í aprílmánuði.

Fjármálaráðherra segir að ástandið vegna faraldursins versni dag frá dagi og ríkisstjórnin sé að hugleiða næstu skref.

Fasteignaveldi Donalds Trump Bandaríkjaforseta hefur leitað ásjár Deutsche Bank og beðið um greiðslufrest á lánum. Fasteignaveldið tapar jafnvirði hundrað milljóna króna í viku hverri.

Karl og kona á áttræðisaldri, sem glímdu við COVID-19 sjúkdóminn, létust á Landspítalanum síðasta sólarhring. 99 ný tilfelli hafa greinst síðan í gær. Sóttvarnalæknir vill framlengja samkomubann til 4. maí.

Landlæknir biðlar til hjúkrunarfræðinga og stjórnvalda að ná kjarasamningum. Forstjóri Landspítalans segir það til skoðunar hvernig umbuna megi hjúkrunarfræðingum sérstaklega vegna mikils álags síðustu vikurnar.

Hráolíuverð hækkaði um tugi prósenta þegar Bandaríkjaforseti tilkynnti að það sæi fyrir endann á verðstríði Rússa og Sádi-Araba.

Ef fiskeldi verður tvöfaldað á Austfjörðum, líkt og tillaga að nýju áhættumati gerir ráð fyrir, gæti orðið grundvöllur fyrir fraktflug frá Egilsstöðum með eldisfisk. Útflutningsverðmæti eldisfisks bara frá Austurlandi myndi aukast um það sem samsvarar næstum heilli loðnuvertíð.

Ef fiskeldi verður tvöfaldað á Austfjörðum, líkt og tillaga að nýju áhættumati gerir ráð fyrir, gæti orðið grundvöllur fyrir fraktflug frá Egilsstöðum með eldisfisk. Útflutningsverðmæti eldisfisks bara frá Austurlandi myndi aukst um það sem samsvarar næstum heilli loðnuvertíð.

Tuttugu tonna prufusending af lambakjöti fór nýlega frá Fjallalambi á Kópaskeri á markað í Kína. Framkvæmdastjóri Fjallalambs segir viðtökurnar góðar og Kínverjar séu áhugasamir um frekari viðskipti.

Formaður VR segir að verið sé að fórna meiri hagsmunum fyrir minni með því að hafna lífeyrissjóðsleiðinni sem felur í sér tímabundna lækkun á mótframlagi atvinnurekenda í lífeyrissjóði. Rætt var Við Ragnar Þór Ingólfsson í Speglinum.

Leiðtogar nýta tækifærið til að herða tökin um valdataumana. Lögregla beitir borgara ofbeldi og rétturinn til tjáningar og friðhelgi einkalífs víkur fyrir boðum og bönnum. Mannréttindabrot eru áhyggjuefni nú þegar farsótt breiðist um heiminn og fjöldi ríkja hefur lýst yfir neyðarástandi. Arnhildur Hálfdánardóttir segir frá.

Undanfarinn aldarfjórðung hefur dómstóllinn því komið reglulega til Amazon fenjasvæðisins í líki gufubáts. Fimmtíu starfsmenn dómsins eru um borð í þessum fljótandi dómstól. Innanborðs eru verjendur, sækjendur, dómsritarar, lögreglumenn og svo framvegis. Fjölmargir sjálfboðaliðar koma með bátnum og leggja sitt af mörkum. Í fyrra kom báturinn einu sinni í mánuði en eftir að Jair Bolsonaro var kjörinn forseti Brasilíu var ferðunum fækkað í eina á tveggja mánaða fresti. Pálmi Jónasson segir frá.

Samkomubann og aðrar ráðstafanir sem gilda áttu til 13. apríl, verða líklega framlengdar til loka mánaðarins.

Samtök atvinnulífsins segja mikil vonbrigði að verkalýðshreyfingin skuli hafa hafnað tillögum um að lækka tímabundið mótframlag atvinnurekenda í lífeyrissjóði. Formaður SA býst við frekari uppsögnum í apríl og að ástandið eigi eftir að versna.

Formaður Verkalýðsfélags Akraness sem vildi fara lífeyrissjóðsleiðina segir að það sé búið að breyta íslenskum vinnumarkaði í blóðugan vígvöll.

Lítið er um að eignir séu skráðar til sölu á fasteignasölum þessa dagana. Formaður Félags fasteignasala segir ekki útlit fyrir að fasteignaverð lækki vegna efnahagslægðarinnar sem nú gengur yfir vegna COVID-19.

Nokkuð er um að fólk hafi hætt við sumarbústaðaferðir um páskana. Almannavarnir ráða fólki frá ferðalögum sem kynnu að auka álag á heilbrigðiskerfið og stéttarfélög bjóða endurgreiðslu ef fólk vill hætta við.

Forstöðumaður Fjölmenningarseturs segist hafa áhyggjur af því að útlendingar á Íslandi einangrist og fari á mis við réttindi sín við þær aðstæður sem nú hafa skapast. Fjölmenningarsetur er í átaki við að reyna að ná til þeirra.

Samtök atvinnulífsins lýsa yfir miklum vonbrigði með ákvöðrun verkalýðshreyfingarinnar um að hafna tímabundinni lækkun á mótframlagi atvinnurekenda í lífeyrissjóði. Formaður SA telur fullvíst að til frekari uppsagna komi í apríl og að ástandið eigi eftir að versna. Formaður Verkalýðsfélags Akraness segir að vinnumarkaður hafi breyst blóðugan vígvöll. Miðstjórn ASÍ var einhuga í dag um að hafna tillögum SA. Arnar Páll Hauksson talar við Drífu Snædal, Vilhjálm Birgisson og Halldór Benjamín Þorbergsson.

Eldri borgarar í Vestmannaeyjum eru flestir í sjálfsskipaðri eða aðstandendaskipaðri sóttkví. Einn þeirra segist reyna að hafa hugann við annað en veiruna, Víðir hafi mælt með veirufríum klukkutíma en hjá honum sé meirihluti dagsins veirufrír. Arnhildur Hálfdánardóttir tók saman og talaði við Gísla Valtýsson, Kristján Valur Óskarsson og Janus Guðlaugsson.

Og Norðmönnum hefur verið stranglega bannað að dvelja í hyttunum sínum yfir páska. Arnar Páll Hauksson tlara við Gísla Kristjánsson í Osló.

Samkomubann og aðrar ráðstafanir sem gilda áttu til 13. apríl, verða líklega framlengdar til loka mánaðarins. Samtök atvinnulífsins segja mikil vonbrigði að verkalýðshreyfingin skuli hafa hafnað tillögum um að lækka tímabundið mótframlag atvinnurekenda í lífeyrissjóði. Formaður SA býst við frekari uppsögnum í apríl og að ástandið eigi eftir að versna. Formaður Verkalýðsfélags Akraness sem vildi fara lífeyrissjóðsleiðina segir að það sé búið að breyta íslenskum vinnumarkaði í blóðugan vígvöll. Lítið er um að eignir séu skráðar til sölu á fasteignasölum þessa dagana. Formaður Félags fasteignasala segir ekki útlit fyrir að fasteignaverð lækki vegna efnahagslægðarinnar sem nú gengur yfir vegna COVID-19. Nokkuð er um að fólk hafi hætt við sumarbústaðaferðir um páskana. Almannavarnir ráða fólki frá ferðalögum sem kynnu að auka álag á heilbrigðiskerfið og stéttarfélög bjóða endurgreiðslu ef fólk vill hætta við. Forstöðumaður Fjölmenningarseturs segist hafa áhyggjur af því að útlendingar á Íslandi einangrist og fari á mis við réttindi sín við þær aðstæður sem nú hafa skapast. Fjölmenningarsetur er í átaki við að reyna að ná til þeirra. Samtök atvinnulífsins lýsa yfir miklum vonbrigði með ákvöðrun verkalýðshreyfingarinnar um að hafna tímabundinni lækkun á mótframlagi atvinnurekenda í lífeyrissjóði. Formaður SA telur fullvíst að til frekari uppsagna komi í apríl og að ástandið eigi eftir að versna. Formaður Verkalýðsfélags Akraness segir að vinnumarkaður hafi breyst blóðugan vígvöll. Miðstjórn ASÍ var einhuga í dag um að hafna tillögum SA. Arnar Páll Hauksson talar við Drífu Snædal, Vilhjálm Birgisson og Halldór Benjamín Þorbergsson. Eldri borgarar í Vestmannaeyjum eru flestir í sjálfsskipaðri eða aðstandendaskipaðri sóttkví. Einn þeirra segist reyna að hafa hugann við annað en veiruna, Víðir hafi mælt með veirufríum klukkutíma en hjá honum sé meirihluti dagsins veirufrír. Arnhildur Hálfdánardóttir tók saman og talaði við Gísla Valtýsson, Kristján Valur Óskarsson og Janus Guðlaugsson. Og Norðmönnum hefur verið stranglega bannað að dvelja í hyttunum sínum yfir páska. Arnar Páll Hauksson tlara við Gísla Kristjánsson í Osló.

Umsjón: Pálmi Jónasson

Horfur eru á að atvinnuleysi verði 13% í apríl og 12% í maí. Ef það gengur eftir yrði það langmesta atvinnuleysi sem mælst hefur.

Penninn sagði í dag upp 90 starfsmönnum. Rúmlega 900 manns í 22 fyrirtækjum misstu vinnuna í hópuppsögnum í mars og rúmlega 25 þúsund hafa þurft að taka á sig skert starfshlutfall.

Bókunarstaða hjá íslenskum ferðaþjónustufyrirtækjum í sumar er herfileg og ljóst að ferðamannasumarið í ár er farið forgörðum. Þetta segir framkvæmdastjóri Samtaka ferðaþjónustunnar.

Álverið í Straumsvík er nefnt í umfjöllun Financial Times sem álbræðsla sem gæti verið lokað í kreppu áliðnaðarins í heiminum.

Kona á tíræðisaldri segist skilja þá ákvörðun stjórnenda Hrafnistu að setja á heimsóknabann. Dóttir hennar vonar að varnarveggurinn sem reistur hefur verið í kringum íbúa haldi. Venjulega hittast þær oft í viku en nú tala þær saman á Messenger.

Fánar voru dregnir í hálfa stöng á Ítalíu til minningar um þá sem COVID-19 hefur dregið til dauða.

Umsjón: Pálmi Jónasson

Rúmlega 100 starfsmönnum Isavia var sagt upp störfum í dag. Forstjórinn segir að áhrifa COVID-19 farsóttarinnar á ferðaþjónustuna muni gæta í marga mánuði og jafnvel ár.

Sex sjúklingar á Landakoti, allir á tíræðisaldri, eru smitaðir af kórónuveirunni. Þórólfur Guðnason sóttvarnalæknir segir aldrei hægt að koma alveg í veg fyrir að sjúkdómurinn berist út.

Staðfestum tilfellum hefur stöðugt fækkað á Ítalíu síðustu fimm daga. Síðastliðinn sólarhring náðu sér fleiri en sýktust.

Hertar aðgerðir í Vestmannaeyjum vegna útbreiðslu veirunnar verða í gildi fram yfir páska, hið minnsta.

Sóttvarnarlæknir segir að vonandi ljúki COVID faraldrinum í maí.Tæplega 900 er nú með staðfest smit af COVID-19 kórónuveirunni hér á landi.

Ríkisstjórnin leggur til að laun þjóðkjörinna fulltrúa og embættismanna verði fryst fram að áramótum.

Sekt fyrir að rjúfa einangrun vegna kórónuveirunnar getur numið allt að hálfri milljón króna, samkvæmt fyrirmælum sem ríkissaksóknari gaf út í dag vegna brota á sóttvarnalögum

Alþjóðaferðamálastofnunin áætlar að ferðaþjónustan í heiminum dragist saman um tuttugu til þrjátíu prósent á árinu. Milljónir starfa eru í hættu.

Stjórnvöld kynntu í dag aðgerðir í fimmtán liðum til að lágmarka neikvæð áhrif í sjávarútvegi og landbúnaði. Brugðist er við því ástandi sem nú ríkir en einnig horft lengra fram í tímann, segir ráðherra.

Bob Dylan kom aðdáendum sínum, og raunar heimsbyggðinni allri, rækilega á óvart dag þegar hann sendi frá sér nýtt lag.

Lögreglan hér á landi hefur ekki orðið vör við afbrot sem hægt er að tengja við kórónuveirufaraldurinn. Yfirvöld í Danmörku hafa hins vegar áhyggjur af glæpum sem framdir eru vegna eða í skjóli faraldursins. Þegar hefur verið tilkynnt um þjófnað á varnarbúnaði og að fólk villi á sér heimildir og þykist vera heilbrigðisstarfsmenn. Danir ætla að herða refsingar vegna þess sem þeir kalla kórónu glæpastarfsemi. Frumvarp um það liggur fyrir danska þinginu og verður að lögum í næstu viku. Arnar Páll Hauksson segir frá.

Foreldrar af erlendum uppruna senda börn sín síður í skóla en aðrir og margir í hópi innflytjenda furða sig á því hvers vegna stjórnvöld hér grípi ekki til jafn harðra aðgerða til að stemma stigu við útbreiðslu Covid-19 og stjórnvöld í heimalöndum þeirra. Síðustu daga hefur upplýsingagjöf til innflytjenda verið stórbætt en framan af var skortur á upplýsingum á öðrum tungumálum. Sabine Leskopf, formaður fjölmenningarráðs Reykjavíkurborgar og borgarfulltrúi Samfylkingar, segir að vantraustið hverfi ekki með einni þýðingu. Arnhildur Hálfdánardóttir talaði við Sabine Leskopf.

COVID-19 veirufaraldurinn mun án efa hafa pólitísk áhrif bæði til skamms tíma og eins til lengri tíma litið. Hér og nú eru þjóðarleiðtogar vegnir og metnir eftir viðbrögðum við faraldrinum. Til lengri tíma litið gæti áhrifanna gætt á pólitíska hugmyndafræði, á grundvallaratriði eins og hlutverk ríkisins. Sigrún Davíðsdóttir segir frá.

Atvinnuleysi næstu tvo mánuði verður það mesta sem mælst hefur hér á landi samkvæmt spá Vinnumálastofnunar. Í apríl verður það tæp 11% segir Karl Sigurðsson sérfærðingur á Vinnumálastofnun.

Fjárhagur Reykjavíkur verður fyrir margra milljarða króna höggi vegna kórónuveirufaraldursins. Borgin kynnti í dag fyrstu aðgerðir sínar til að bregðast við þessu. Brot úr ávarpi Dags B. Eggertssonar, borgarstjóra við kynningu þeirra í dag.

Innlagnir hafa verið bannaðar á Landakotsspítala eftir að COVID-19 smit greindist þar. Þá hefur þurft að loka Rjóðrinu á Barnaspítala Hringsins vegna smits sem kom upp hjá starfsmanni á spítalanum sagði Alma Möller, landlæknir á upplýsingafundi Almannavarna í dag.

Faraldurinn kann að valda dauða meira en áttatíu þúsunda í Bandaríkjunum og yfirfylla sjúkrahús landsins, jafnvel strax í næsta mánuði, að mati rannsóknarstofnunar sem hefur kannað útbreiðslu sjúkdómsins. Ásgeir Tómasson sagði frá.

Íslenska ríkið hefur verið sýknað af bótakröfu Guðjóns Skarphéðinssonar vegna Guðmundar- og Geirfinnsmála.

Hátt í 30 hótelum hefur verið lokað eða verður lokað innan skamms vegna COVID-19 faraldursins. Brynjólfur Þór Guðmundsson segir frá.

Pinnar frá Össuri duga til sýnatöku, þetta sýna prófanir Íslenskrar erfðagreiningar sem getur aftur prófað af krafti í Turninum.

Svartþrösturinn syngur inn vorið.

---

Reykjavíkurborg kynnti í dag þær aðgerðir sem gripið skal til vegna kórónuveirupestarinnar, Þórdís Lóa Þórhallsdóttir, Viðreisn er formaður Borgarráðs. Anna Kristín Jónsdóttir ræðir við hana.

Vinnumálastofnun spáir því að aðvinnuleysi næstu tvo mánuði verði það mesta sem mælst hefur á Íslandi. Það verði 10,8% í apríl og um 10% í maí en fari svo lækkandi. Atvinnuleysi yfir árið verði um 7,4% og á næsta ári geti þar verið 6,4%. Áætlað er að allt að 20 þúsund umsóknir berist um hlutabætur. Arnar Páll Hauksson ræðir við Karl Sigurðsson, sérfræðing hjá Vinnumálastofnun.

Í Bretlandi hafa veiruaðgerðir stjórnarinnar komið í hikandi en stigharðnandi skrefum. Nú er allt að því útgöngubann um leið og miklu er lofað, jafnt um efnahagsaðgerðir og aðstoð við heilbrigðiskerfið. Sigrún Davíðsdóttir segir frá, á Trafalgartorgi í kyrrlátri miðborg Lundúna þar sem holskefla veirufaraldursins virðist nú ríða yfir sjúkrahús borgarinnar.

Eftirlaunaþegar í Moskvu láta fyrirmæli rússneskra stjórnvalda um að halda sig heima nánast sem vind um eyrun þjóta. Þeir telja að kynslóð sem hefur lifað af þrengingar síðustu 60 ára sé ekki í hættu vegna kórónaveiru. Jóhann Hlíðar Harðarson segir frá.

Umsjón: Anna Kris

4.500 manns sóttu í dag um bætur vegna skerts starfshlutfalls. Í morgun var opnað fyrir umsóknir á vef Vinnumálalstofnunar. Búist er við að um tuttugu þúsund manns gætu nýtt sé slíkar bætur.

Fimmtán manns með staðfest COVID-19 smit eru nú á Landspítalanum. Þar af eru tveir á gjörgæslu og einn í öndunarvél. Þetta sagði Þórólfur Guðnason sóttvarnarlæknir á daglegum fundi Almannavarna.

Ásgeir Jónsson, seðlabankastjóri segir enga þörf á að setja þak á verðtryggingu lána. Ekki aðeins séu verðbólguhorfur lágar heldur hafi landsmönnum aldrei staðið til boða hagstæðari vaxtakjör.

Samkomubann kallar á breytta nálgun við jarðarfarir og hinstu kveðju ástvina segir Vigfús Bjarni Albertsson, sjúkrahússprestur á Landspítalanum.

Rúmlega þrír milljarðar jarðarbúa eiga að fyrirskipan stjórnvalda í hátt í sjötíu löndum að halda sig heima vegna COVID-19 farsóttarinnar. Ásgeir Tómasson sagði frá.

Sérstök COVID-deild hefur nú verið opnuð á Sjúkrahúsinu á Akureyri og öndunarvélum þar verður fjölgað um tvær. Ágúst Ólafsson ræddi við Krístínu Margréti Gylfadóttur, forstöðuhjúkrunarfræðing á Sjúkrahúsinu.

----

Vilhjálmur Birgisson. fyrsti varaforseti Alþýðusambands Íslands segir að ekki komi til greina að fresta umsömdum launahækkunum um næstu mánaðamót. Ásta Fjeldsted framkvæmdastjóri Viðskiptaráðs telur að til greina komi að fresta þeim vegna ástandsins sem nú ríkir. Arnar Páll Hauksson ræddi við Vilhjálm og Ástu.

Fólk í framlínustörfum leggur sig í ákveðna hættu til að halda samfélaginu gangandi. Það hittir fjölda fólks á hverjum degi og er því kannski útsettara en margur fyrir smiti. Arnhildur Hálfdánardóttir ræddi við lyfsala, leikskólakennara, strætóbílstjóra og starfsmenn matvöruverslana um lífið í framlínunni.

Nærri fimmtán hundruð manns hafa svarað kalli heilbrigðis- og velferðarþjónustunnar og skráð sig á útkallslista í svokallaðar Bakvarðasveitir. Hjá heilbrigðisþjónustunni voru í dag 710 skráðir; Á lista velferðarþjónustunnar voru komnir hátt í 800. Erna Blöndal er skrifstofustjóri í félagsmálaráðuneytinu sem heldur utan um skráningar í bakvarðasveit velferðarþjónustunnar, hún tekur undir það að vissulega hafi heilmargir skráð sig en þjónustan kalli á marga. Anna Kristín Jónsdóttir ræddi við Ernu.

Umsjón: Anna Kristín Jónsdóttir. Tæknimaður: Jón Þór Helgason. Stjórn útsendingar: Björg Guðlaugsdóttir.

Yfirlögregluþjónn hjá ríkislögreglustjóra segir að fjöldi undanþágubeiðna vegna samkomubanns bendi til þess að hluti landsmanna taki bannið ekki alvarlega. Það boði ekki gott. Sextíu og eitt nýsmit hefur greinst frá því í gær.

Opnað verður fyrir umsóknir um bætur vegna hlutastarfa fyrir hádegi á morgun. Forstjóri Vinnumálstofnunar býst við að minnsta kosti 10 þúsund umsóknum og að þær geti jafnvel orðið allt að 20 þúsund.

Gengi bréfa í Icelandair hækkaði um 5,5% í dag. Það hefur lækkað um rúmlega 60% á einum mánuði.

Sveitarstjóri Norðurþings segir það hafa hrist upp í fólki þegar ástralskur ferðamaður lést á sjúkrahúsinu á Húsavík. Mikil samstaða sé um að verjast kórónuveirunni.

Nokkuð ljóst er að kjaraviðræður Eflingar og sveitarfélaganna munu frestast þar til veirufaraldrinum lýkur. Nýju tilboði Eflingar var hafnað á stuttum sáttafundi í morgun. Verkfalli Eflingar hefur verið frestað en félagið segist reiðubúið að hefja verkfallsaðgerðir á nýjan leik þegar faraldurinn er genginn yfir. Arnar Páll Hauksson talar við Viðar Þorsteinsson og Unni Sverrisdóttur.

Ráðrúm stjórnvalda til að bregðast við vá eins og COVID19 faraldrinum markast meðal annars af trausti. Ef traust almennings á stjórnvöldum er lítið er minni von að fólk fari eftir opinberum boðum og bönnum. Eitt af því sem skapar traust eru einhlít boð og bönn, tilmæli og upplýsingar. Ekki upplýsingar sem vísa í allar áttir. Sigrún Davíðsdóttir segir frá.

Myllumerkið #Tradwives hefur átt vaxandi fylgi að fagna á samfélagsmiðlum. Í Bretlandi og Bandaríkjunum hefur sprottið upp hreyfing kvenna sem vill hverfa aftur til óræðs tíma þar sem konur voru heimavinnandi og karlar fyrirvinnur. Arnhildur Hálfdánardóttir segir frá.