Seðlabankastjóri segir að ekki þurfi að hafa áhyggjur af þróun gengis krónunnar að undanförnu heldur því, hvernig okkur tekst að fóta okkur í nýju jafnvægi í þjóðarbúinu.

Guðlaugur Þór Þórðarson utanríkisráðherra segir að stjórnvöld í Sádí Arabíu verði að sæta ábyrgð, komi í ljós að þau hafi staðið fyrir morðinu á sádí arabíska blaðamanninum Jamal Khashoggi.

Landsréttur staðfesti í dag þriggja og hálfs árs fangelsisdóm Héraðsdóms Reykjaness yfir karlmanni sem beitti fimm ára dóttur sína kynferðis- ofbeldi

Sonja Ýr Þorbergsdóttir var í dag kjörin nýr formaður BSRB. Tvö voru í famboði og hlaut hún nær öll atkvæðin.

Ríkisfáni Íslands var dreginn að húni á bandarísku herskipi sem liggur í höfn í Reykjavík. Það er bannað samkvæmt fánalögum.

Árum saman hafa fjárfestar með aðstoð banka og lögmanna mergsogið ríkissjóði Evrópulanda og svikið út andvirði þúsunda milljarða króna í endurgreiðslur í að minnsta kosti tíu löndum, mest í Þýskalandi, Belgíu og Frakklandi. Rúmlega helmingur þess hefur verið svikinn út í Þýskalandi samkvæmt fréttum sem birst hafa og eru afrakstur samstarfs rannsókna blaða- og fréttamanna á sautján evrópskum miðlum, samhæfing rannsóknarinnar var í höndum þýska miðilsins Correctiv. Anna Kristín Jónsdóttir segir frá.

Hundrað ár eru liðin frá því spænska veikin barst til Reykjavíkur með farþegaskipunum Botnía og Willemoes. Þremur vikum síðar var veikin í algleymingi í borginni. Spænska veikin er talin mannskæðasta farsótt sem nokkurn tíman hefur geisað, á hálfu ári dró faraldurinn á bilinu 50 til 100 milljónir manna til dauða. Þrátt nafngiftina rekur hún ekki uppruna sinn til Spánar. Arnhildur Hálfdánardóttir segir frá.

Umsjón Arnar Páll Hauksson

Tæknimaður Ragnar Gunnarsson

Fréttir:

Fall krónunnar veldur þrýstingi á hækkandi verðbólgu. Þetta segir lektor í hagfræði við Háskólann í Reykjavík. Forsætisráðherra segir að engar töfralausnir sé að finna þegar talað sé um gjaldmiðil þjóðar.

Auka þarf sjálfvirkni og fækka störfum til að bregðast við bágri afkomu ferðaþjónustufyrirtækja á landsbyggðinni, segir ferðamálastjóri. Mun lakari afkoma er hjá hótelum á Norðurlandi en á höfuðborgarsvæðinu.

Mikilvæg sýni við rannsókn á hvarfi sádiarabíska blaðamannsins Jamals Khashoggi fundust í gær við húsleit í tveimur byggingum sem tengjast ræðisskrifstofu Sádi-Arabíu í Istanbúl í Tyrklandi.

Göngudeild SÁÁ á Akureyri verður líklega ekki lokað um áramót, segir formaður SÁÁ. Bæjarstjórn er tilbúin að styðja við starfsemina með öflugri hætti en áður.

Lengri umfjallanir:

Forsætisráðherra Noregs, hefur beðist afsökunar á illri meðferð sem norskar konur, sem áttu í sambandi við Þjóðverja í síðari heimsstyrjöldinni, máttu þola. Framkoma yfirvalda hafi ekki verið samboðin réttarríki. Bogi Ágústsson fjallar um málið.

Langri rimmu stærsta lántaka Kaupþings, Roberts Tchenguiz (tjengviss) við þrotabú bankans lauk í gær. Sigrún Davíðsdóttir var viðstödd réttarhöldin í gær.

Fjöldaframleiðsla er hafin á vetnisbílum. Fimmtán bílar voru fluttir hingað til lands í vor. BL ætlar að hefja almenna sölu á vetnisbíl frá Hyundai sem verður kynntur á næstunni. Nú eru reknar tvær vetnisstöðvar og von er á þeirri þriðju. Framkvæmdastjóri Íslenskrar Nýorku segir mikilvægt að styrkja innviði og fjölga vetnisstöðvum.Arnar Páll Hauksson talaði við Jón Björn Skúlason.

Umsjón: Arnhildur Hálfdánardóttir

Tæknimaður: Grétar Þór Ævarsson

Þó Wow að hafi ákveðið að fella niður flug til þriggja borga í miðríkjum Bandaríkjanna segir forstjóri félagsins að leiðarkerfi þess verði stækkað um 15% á næsta ári.

Vinnuveitandi á Norðurlandi reyndi nýverið að svíkja erlendan starfsmann um rúmar tvær milljónir króna. Formaður Einingar-Iðju segir að málum sem þessum hafi fjölgað mikið.

Bretar gætu þurft vegabréfsáritun til að ferðast til Frakklands ef ekki nást samningar á milli Bretlands og ESB um Brexit.

Það er hægt að knýja allan fiskiskiptaflotann hér á landi með innlendri repjuolíu. Þetta segir fagstjóri hjá Samgöngustofu. Nóg sé til af landi undir slíka ræktun.

Greiningardeild Íslandsbanka spáir því að íbúðaverð muni hækka um 8,2 prósent á þessu ári

Flest pör í heiminum eignast annað hvort fleiri eða færri börn en þau kæra sig um. Þetta kemur fram í nýrri skýrslu Mannfjöldastofnunar Sameinuðu þjóðanna.

Umsjón Arnar Páll Hauksson

Tæknimaður Grétar Ævarsson

Kjaraviðræður hófust formlega í morgun vegna samninga sem losna um áramótin. Framkvæmdastjóri Samtaka atvinnlífsins segir erfitt að bregðast við kröfugerðum VR og SGS því þeim fylgi ekki kostnaðarmat.

Hæstaréttarlögmaður telur að Landsréttardómari sé vanhæfur í öllum málum sem lögmaðurinn fer með fyrir réttinn.

Vegagerðin telur kostnað við tillögu norsku verkfræðistofunnar Multiconsult að leiðarvali um Gufudalssveit vera fjórum milljörðum meiri en stofan áætlaði. Þetta kemur fram í frummatsskýrslu Vegagerðarinnar á tillögu Multiconsult. Fyrsta val Vegagerðarinnar fyrir Vestfjarðaveg 60 er enn leið Þ-H um Teigsskóg.

Kostnaður við skiptingu velferðarráðuneytis í heilbrigðisráðuneyti og félagsmálaráðuneyti nemur sjötíu milljónum króna.

24 þingmenn hafa lagt fram frumvarp um bann við stafrænu kynferðisofbeldi. Brot varði sektum eða allt á 6 ára fangelsi.

Dagbækur Ólafs Ragnars Grímssonar, sem í eru frásagnir af trúnaðarsamtölum við ýmsa ráðamenn, eru á meðal gagna sem hann hefur afhent Þjóðskjalasafninu. Margt gagna forsetans fyrrverandi verða gerð aðgengileg fljótt, en í áföngum þó.

Langur tími og gott utanumhald eru þau vopn sem helst bíta á sjúkdóm þeirra sem hafa verið lengi í harðri neyslu. Þetta er mat forstöðumanns Vinjar. Þar geta karlmenn sem eru að vinna sig út úr neyslu dvalið í allt að því tvö ár.

Umsjón Arnar Páll Hauksson

Tæknimaður Mark Eldred

Dómsmálaráðherra segist bera fullt traust til lögreglustjórans á höfuðborgarsvæðinu. Hæstiréttur dæmdi íslenska ríkið í síðustu viku til að greiða miskabætur í málum tveggja starfsmanna embættisins.

Aðstæður geðsjúkra fanga hér á landi eru líklega ekki í samræmi við mannréttindareglur. Þetta er mat umboðsmanns Alþingis. Hann vill fá svör frá heilbrigðisráðuneytinu fyrir mánaðamót, um hvað eigi að gera.

Bæjarfulltrúi Sjálfstæðisflokksins á Akureyri segir það mjög alvarlegt að í samgönguáætlun sé ekki gert ráð fyrir neinni uppbyggingu á Akureyrarflugvelli.

Minjastofnun leggur til að Víkurkirkjugarður í Reykjavík verði friðlýstur. Það þýddi að ekki megi ráðast í neinar framkvæmdir þar, nema með leyfi Minjastofnunar.

Víkingaskip fannst á dögunum sunnan við Ósló í Noregi og þarlendir fornleifafræðingar segja fundinn með merkustu fornleifafundum Noregs.

Lengri umfjallanir:

Nefnd forsætisráðherra um umbætur á sviði tjáningar-, fjölmiðla- og upplýsingafrelsis vill afnema refsingar vegna ærumeiðinga og þrengja skilgreiningu á hatursorðræðu. Arnhildur Hálfdánardóttir ræðir við Eirík Jónsson, lagaprófessor og formann nefndarinnar og Birgittu Jónsdóttur, nefndarmann og stjórnarformann IMMI, alþjóðlegrar stofnunar um upplýsinga- og tjáningarfrelsi

Frysting eggja er talin auka frelsi fólks til að stjórna tímasetningu barneigna en það að geyma egg er ekki trygging fyrir því að úr verði barn. Anna Kristín Jónsdóttir ræðir við Þóri Harðarson, klínískan fósturfræðing hjá Livio.

Umsjón: Arnhildur Hálfdánardóttir

Fréttir:

Starfsgreinasambandið vill að lágmarkslaun verði hækkuð í 425 þúsund krónur. Forsætisráðherra segir að bent hafi verið á að ekki sé mikið svigrúm til launahækkanna

Hundrað ár eru í dag frá því að Katla gaus síðast. Kötlugos gæti leitt til þess að hringvegurinn væri rofinn mánuðum saman.

Stuðningur við ríkisstjórnina fer vaxandi samkvæmt nýrri könnun MMR.

Tæplega átta þúsund skrifuðu undir áskorun um bætt kjör aldraðra og öryrkja, sem var afhent forseta Alþingis í dag.

Lengri umfjallanir:

Dæmi eru um að vinnuveitendur meini starfsfólki að nýta rétt sinn til veikindaleyfis og komi með því í læknisviðtöl að því er virðist í annarlegum tilgangi. Þetta segir heimilislæknir. Félag íslenskra heimilislækna hefur skorað á stjórnvöld að bregðast við brotum á vinnumarkaði. Arnhildur Hálfdánardóttir ræðir við Margréti Ólafíu Tómasdóttir, stjórnarmann í félaginu og doktor í heimilislækningum.

Tyrkir saka Sádi Araba um að hafa drepið blaðamanninn og andófsmanninn Jamal Khashoggi í sendiráði Sádi Araba í Tyrklandi. Segjast hafa upptökur því til sönnunar. Donald Trump Bandaríkjaforseti segir að þetta sé hið versta mál og þeir ætli sér að komast til botns í því. Það verði hins vegar ekki til að eyðileggja gott samband þjóðanna og enn síður komi það niður á arðsömum vopnaviðskiptum þjóðanna. Pálmi Jónasson.

Rigning og ótíð á Vestur- og Suðurlandi í sumar virðist hafa farið illa með rjúpnaunga. Viðkoma rjúpunnar í þessum landshlutum var með allra lélegasta móti. Stofninn er þó í uppsveiflu og veiðiþol hans í haust talið vera 67 þúsund fuglar. Arnar Páll Hauksson ræðir við Ólaf Níelsen, fuglafræðing.

Umsjón: Arnhildur Hálfdánardóttir

Tæknimaður: Grétar Ævarsson

Lögreglustjórinn á höfuðborgarsvæðinu sér ekki ástæðu til að íhuga stöðu sína eftir að Hæstiréttur dæmdi í dag embætti hennar til að greiða tveimur starfsmönnum bætur.

VR krefst þess eins og Starfsgreinasambandið að lágmarkslaun verði hækkuð í 425 þúsund krónur á þriggja ára samningstíma. Félagið vill að lágmarkslaunin hækki árlega um röskar 40 þúsund krónur á samningstímanum.

Hlutabréfavísitölur um allan heim hafa lækkað í dag og búist er við að hlutabréfaverð eigi eftir að falla áfram á næstu vikum.

Bæjarstjórn Seltjarnarness vill að stjórn Sambands sveitarfélaga fari í sameiginlegt átak gegn slæmri meðferð á erlendum starfsmönnum og auki eftirlit með framkvæmdum á vegum sveitarfélaganna.

Hæstiréttur staðfesti í dag dóm Héraðsdóms Reykjavíkur í máli sem BHM höfðaði gegn ríkinu vegna ákvörðunar ríkisins um að skerða laun ljósmæðra sem stóðu vaktir á Landspítalanum í verkfalli.

Þegar kemur að því að minnka losun gróðurhúsalofttegunda frá landbúnaði eru margar hindranir. Forsvarsmenn bænda sjá ekki fyrir sér stórkostlega uppstokkun í greininni en hafa sett loftslagsgleraugun á nefið.

Umsjón Arnar Páll Hauksson

Tæknimaður Magnús Þorsteinn Magnússon

Starfsgreinasambandið krefst þess að lágmarkslaun verði 425.000 krónur í lok samningstíma komandi kjarasamninga. Sambandið krefst þess líka að lægstu laun verði skattfrjáls með tvöföldun persónuafsláttar, hann lækki svo með hækkandi tekjum. Arnar Páll Hauksson ræðir við Sólveigu Önnu Jónsdóttur formann Eflingar.

Aðrir kostir en fiskeldi í sjókvíum er ekki raunhæfir nú, segir prófessor í fiskeldi sem telur að úrskurðarnefnd umhverfis- og auðlindamála hafi gengið of langt þegar hún felldi úr gildi leyfi fyrirtækja sem stunda eldi í Patreks- og Tálknafirði. Jón Þór Kristjánsson ræðir við Helga Thorarensen.

Skipulagsstofnun metur það svo að laxeldisfyrirtæki sem misstu leyfi við ógildingu úrskurðarnefndar umhverfis- og auðlindamála geti skilað inn greinargerð þar sem bætt er úr annmörkum til að sækja um ný leyfi. Halla Ólafsdóttir talaði við Ásdísi Hlökk Theodórsdóttur.

Heimsbyggðin eyðir jafnmiklu til hernaðar og þarf til að bregðast við í loftslagsmálum, segir Steinunn Þóra Árnadóttir, þingmaður VG, peningarnir séu til.

Jón Steinar Gunnlaugsson lögmaður hefur sent rektor Háskólans í Reykjavík bréf fyrir hönd Kristins Sigurjónssonar lektors í efnafræði, þar sem skólanum er gefinn kostur á að hætta við að víkja Kristni frá störfum.

Bakarí á Norður-Írlandi mátti neita að baka köku með slagorði til stuðnings samkynja hjónaböndum. Þetta er niðurstaða hæstaréttar Bretlands í dag. Bjarni Pétur Jónsson sagði frá.

---

Starfsgreinasambandið gerir kröfu um að lágmarkslaun hækki eða verði í lok samningstímans komin í 425 þúund krónur á mánuði. Þau eru nú 300 þúsund krónur með launatryggingu en lægsti taxti er rösklega 260 þúsund krónur. Til að koma í veg fyrir að launahækkanir gangi upp alla launastiga er gert ráð fyrir að ákvæði verði um það að ef einhverjir aðir semji um meiri hækkanir fái launamenn innan raða Starfsgreinasambandisn einnig þá hækkun. Arnar Páll Hauksson ræddi við Björn Snæbjörnsson formann SGS og Sólveigu Önnu Jónsdóttur, formann Eflingar.

Í bókinni Conspiracy & Populism eða Samsæriskenningar og populismi eftir Eirík Bergmann stjórnmálafræðiprófessor er meðal annars fjallað um Eurabia Doctrine eða Evrabíu kenninguna. Hún gengur út á einhvers konar samsæri Múslima um að ná smám saman völdum í Evrópu. Þessi kenning hefur að mörgu leiti tekið við Gyðingaandúð sem gekk út á að gyðingar stefndu að alheimsyfirráðum í einu allsherjar samsæri. Nú er það Islam. Pálmi Jónasson ræðir við Eirík Bergmann.

Venjulega er á haustin sannkölluð veisla í görðum borgarinnar og skógarþrestir ekki síst fita sig fyrir

Fréttir:

Vaknað hefur grunur um að borgarar utan EES hafi komið hingað til land og fengið kennitölur á grundvelli falsaðra persónuupplýsinga.

Þingmenn stjórnarandstöðu á Alþingi furða sig á því að keyra eigi frumvarp sjávarútvegsráðherra um breytingu á lögum um fiskeldi á skömmum tíma. Þótt margt bendi til þess að samstaða sé um innihald málsins þá er málsmeðferðin gagnrýnd.

Kornuppskeran á Norðurlandi er með lakasta móti í haust. Vætutíð hefur tafið fyrir þreskingu auk þess sem frostnætur í ágúst skemmdu kornið.

Lengri umfjallanir:

Embætti héraðssaksóknara hefur takmarkaðri rannsóknarheimildir en embætti sérstaks saksóknara sem gæti torveldað rannsóknir viðamikilla efnahagsbrota í framtíðinni. Vonandi hefur þó eitthvað lærst af reynslunni, segir Ólafur Þ. Hauksson héraðsaksóknari

Sveitarstjórinn á Djúpavogi undrast að gerð heilsársvegar yfir Öxi sem styttir hringveginn um rúma 70 kílómetra, sé frestað í drögum að langtíma samgönguáætlun og að í staðinn sé ný brú yfir Lagarfljót tekin fram fyrir. Það sé ekki í samræmi við forgangsröðun heimamanna sem birtist í ályktunum Sambands sveitarfélaga á Austurlandi

Auka þarf hraða aðgerða gegn hlýnun jarðar því lítill tími er til stefnu, segir formaður Loftslagsráðs og fyrrverandi forstöðumaður loftslagssamnings Sameinuðu þjóðanna. Ísland sé á leiðinni í rétta átt en fer ekki nægilega hratt. Það sama gildi um heimsbyggðina. Það verður að fjárfesta í framtíðinni því annars verður engin framtíð, segir umhverfisstjórnunarfræðingur. Sameinuðu þjóðirnar telja að til að aftra hörmungum þurfi að verja 2,5% af heimsframleiðslu til aðgerða á sviði loftslagsmála; íslensk stjórnvöld setja nú um 0,05% af landsframleiðslu til málaflokksins.

Sjávarútvegsráðherra getur gefið fiskeldisfyrirtækjum rekstrarleyfi til bráðabirgða til allt að 10 mánaða verði frumvarp hans að lögum. Frumvarpið var kynnt í ríkisstjórn í morgun.

Rúmlega hundrað manns hafa haft samband við lögreglu vegna svikapósts sem sendur var í hennar nafni um helgina og líklega fengu hann miklu fleiri.

Ríkissaksóknari hefur ákveðið að áfrýja dómi Héraðsdóms Suðurlands yfir Val Lýðssyni, bónda á Gýgjarhóli II til Landsréttar.

Fangelsismálastofnun reynir að stunda ekki undirboð með vinnu sem fangar ynna af hendi, segir fangelsismálastjóri. Fangar fái greitt fyrir vinnuna í samræmi við lög um fullnustu refsinga.

Heilsufarsáhrif kreppu koma ekki fram í meðaltali um lífslíkur en áhrifin eru ólík eftir hópum.

Umsjón: Anna Kristín Jónsdóttir

Tæknimaður: Ragnar Gunnarsson