Framkvæmdir við borgarlínu hefjast á þar næsta ári, samkvæmt viljayfirlýsingu ríkisins og sveitarfélaga á höfuðborgarsvæðinu sem kynnt var í dag. Samgönguáætlun var einnig kynnt. Samkvæmt henni verður 160 milljörðum varið til framkvæmda og viðhalds á næstu fimm árum.

Samtök sveitarfélaga á Vesturlandi skora á fólk, fyrirtæki og sveitarfélög á svæðinu að endurskoða viðskipti sín við VÍS. Tryggingafélagið ætlar að loka báðum starfsstöðvum sínum á Vesturlandi.

Nánast algilt er að opinberar framkvæmdir fari fram úr kostnaðaráætlun. Lektor við HR segir að verkefnin séu að meðaltali 60 prósent dýrari en lagt sé upp með. Stór innviðaverkefni séu fram undan og mikilvægt að betur takist til með þau.

Minjastofnun gerði ekki annað en að veita álit á endurgerð braggans í Nauthólsvík, segir forstöðumaður hennar. Ábyrgð á 250 milljóna framúrkeyrslu, liggi hjá borginni.

Það væri heppilegast að banna almenna notkun flugelda að mati tveggja prófessora við Verkfræði- og náttúruvísindasvið Háskóla Íslands. Þau myndu vilja að það yrði gert, fyrir næstu áramót. Arnhildur Hálfdánardóttir ræðir við Hrund Andradóttur og Þröst Þorsteinsson.

Það sem stjórnendur í íslenskum orkufyrirtækjum hafa helst áhyggjur af og eru í óvissu um, eru netárásir, endurnýjanlegir orkugjafar, óstöðugur gjaldmiðill, válynd veður, gervigreind og blockchain-tækni svokallaðar bitakeðjur. Þetta er niðurstaða úr könnun Alþjóðaorkuráðsins. Örri tækniþróun fylgja krefjandi verkefni, og breytt notkun almennings á orku. Ragnhildur Thorlacius talar við Einar Kisel.

Max Otto von Stierlitz var svar KGB við James Bond og er sagður eiga stóran þátt í uppgangi og vinsældum Vladimirs Pútins. Þegar njósnarinn var á skjánum tæmdust göturnar í Sovétríkjunum, áttatíu milljónir sátu límdar við skjáinn og aðalritari kommúnistaflokksins Brezhnev lét færa miðstjórnarfundi til að æðstu ráðamenn þjóðarinnar misstu ekki af neinu. Pálmi Jónasson.

Fréttir:

Forsætisráðherra segir fyrirhugaðar heræfingar hér á landi fylgja því að vera í Atlantshafsbandalaginu. Engu máli skipti hvernig henni sem formanni Vinstri grænna líði með það.

Dómsmálastjóri Evrópusambandsins, segist ætla að krefjast skýringa á því hvers vegna peningaþvætti í gegnum útibú Danske Bank í Eistlandi hafi farið framhjá starfsmönnum bankans og eftirlitsaðilum.

Maður sem hlaut nítján ára dóm fyrir manndráp og fíkniefnasmygl krefst sýknu fyrir Landsrétti. Saksóknari segir málatilbúnað mannsins fráleitan.

Farþegum í innanlandsflugi hér á landi hefur fækkað umtalsvert það sem af er þessu ári. Ríflega fjögur þúsund færri farþegar flugu innanlands í ágúst en á sama tíma í fyrra

Borgarfulltrúar hafa fengið ábendingar um starfsmannamál Orkuveitu Reykjavíkur og oddviti Sjálfstæðismanna í borginni telur ástæðu til að kanna fleira en kynferðislega áreitni. Mikil starfsmannavelta sé hjá Orkuveitunni.

Allur sláttur og þresking liggur nú niðri hjá kornbændum í Eyjafirði. Þeir hafa lítið getað athafnað sig eftir að tók að rigna í byrjun vikunnar

Theresa May forsætisráðherra Breta hitti fyrir samtaka lið ESB-leiðtoga í dag og var gerð afturreka með grunnatriði í Brexit-áætlun sinni. Sigrún Davíðsdóttir.

Hvað skilaði bankakreppan á Íslandi mörgum nýjum borgurum til Noregs? Gísli Kristjánsson, fréttaritari Spegilsins í Osló, fjallar um landflóttann svokallaða - til Noregs, eftir hrun og ræðir við Einar Skúla Hafberg, sem flutti út og hyggst ekki flytja aftur heim til hagsveiflulandsins Íslands.

Fréttir:

Ríkið hefur enga leið til þess að vega og meta samsetningu sérgreina líkt og nauðsynlegt er, segir heilbrigðisráðherra um nýfallinn dóm um samning Sjúkratrygginga Íslands og sérgreinalækna.

Íslensk stjórnvöld ætla að framselja til Póllands meintan höfuðpaur í Euro Market málinu. Ráðist var í umfangsmiklar aðgerðir vegna þess í þremur löndum og lagt hald á miklar eignir.

Dæmi eru um að leigjendur félagslegra íbúða í Reykjavík, hafi leigt þær ferðamönnum á Airbnb. Það er brot á leigusamningi.

Mikil álag er nú á bráðamóttöku Landspítalans. Yfirlæknir deildarinnar, segir það ekki vegna veikinda eða slysa, heldur þess að hjúkrunarfræðinga vanti til starfa á spítalann.

Fyrrverandi forsætisráðherra Malasíu, var handtekinn í morgun og verður ákærður fyrir fjármálamisferli.

Ekkert varð af endurteknum leik Hugins og Völsungs í annarri deild karla í knattspyrnu sem átti að fara fram í dag. Liðin mættu á sitt hvorn völlinn.

Lengri umfjallanir:

Formaður Læknafélags Reykjavíkur fagnar dómi héraðsdóms í máli sérgreinalæknis en hefur þó áhyggjur af stöðu þeirra almennt. Hann segir einkarekstur á stofum kominn til að vera - óháð þátttöku ríkisins. Arnhildur Hálfdánardóttir.

Kirkjufell er á örfáum árum orðið einn af vinsælustu ferðamannastöðum landsins. Þangað koma bæði þeir sem vilja taka myndir af fjallinu og Kirkjufellsfossi og þeir sem vilja ganga á fjallið, en það er ekki á allra færi, enda mætti líkja því við píramída í útliti.

Erlendur ferðamaður hrapaði í fjallinu í gær og lést en það er annað banaslysið í fjallinu á rúmu ári. Ásrún Brynja Ingvarsdóttir talaði við Kára Gunnarsson, sem gjörþekkir fjallið og Björgu Ágústsdóttur, bæjarstjóra í Grundarfirði.

Moon Jae-in, forseti Suður-Kóreu og Kim Jong-Un leiðtogið Norður Kóreu undirrituðu í Pyongyang í dag samkomulag um að gera Kóreuskagann kjarnorkuvopnalausan og ýmislegt annað til að draga úr spennu milli ríkjanna. Norður-Kóreumenn ætla að loka aðaleldflaugatilraunasvæði sínu. Moon segir að Kim hafi lýst sig tilbúinn til þess að loka stærsta kjarnorkuveri landsins, Yongbyon. En - Kim setur skilyrði, og þau snúa að Bandaríkjamönnum. Hann er tilbúinn að loka kjarnorkuverinu, að því gefnu að Bandaríkjamenn grípi til viðeigandi gagnaðgerða. Ragnhildur Thorlacius sagði frá.

Umsjónarmaður Spegilsins var Ragnhildur Thorlacius

Tæknimaður Grétar Ævarsson.

Fréttir:

Stjórnarformaður Orkuveitu Reykjavíkur segist bera traust til Bjarna Bjarnasonar forstjóra. Dagur B. Eggertsson borgarstjóri vill bíða eftir niðurstöðu úttektar á starfsmannamálum og vinnustaðarmenningu Orkuveitunnar áður en hann lýstir yfir trausti.

WOW air hefur tryggt sér 7,7 milljarða króna í skuldabréfaútboði, sem lauk í dag.

Samheitalyf sem er nauðsynlegt fyrir fólk með brjóstakrabbamein hefur ekki verið fáanlegt á landinu í fjóra mánuði. Frumlyfið hefur verið til en það mun dýrara.

Pútín Rússlandsforseti segir röð hörmulegra tilviljana hafa orðið til þess að loftvarnarflaug sýrlenska stjórnarhersins skaut niður rússneska herþotu í gær. Áður höfðu Rússar kennt Ísraelum um.

Um fimm hundruð börn eru enn á biðlista eftir að komast á frístundaheimili í Reykjavík. Hundrað tuttugu og átta starfsmenn vantar. Komið hefur verið á fót afleysingastofu borgarinnar til að auðvelda mönnun á leikskólum.

Danska ríkisútvarpið þarf að spara um sjö milljarða íslenskra króna. Hátt í 400 störf verða lögð niður.

Lengri umfjallanir:

Dagur B. Eggertsson borgarstjóri segir að þau starfsmannamál sem komið hafa upp hjá Orkuveitu Reykjavíkur séu alvarleg og þau þurfi að taka alvarlega. Honum sýnist að stjórn Orkuveitunnar sé að taka á málinu af festu. Hann telur eðlilegt að stjórnin fái fái svigrúm til að vinna að úttekt á starfsmannamálum og vinnustaðarmenningunni innan fyrirtækisins, en lýsti ekki yfir trausti við forstjórann í samtali við Sigríði Dögg Auðunsdóttur fréttamann í dag.

„Fréttir af óviðeigandi framkomu gagnvart starfsmönnum innan orkugeirans eiga erindi við okkur öll og það er hryggðarefni að slíkt sé viðhaft enn þann dag í dag."

Þetta kemur fram í yfirlýsingu sem Stjórn Félags kvenna í orkumálum birti í gær. Konur í orkugeiranum sendu ekki frá sér nafnlausar sögur í tengslum við metoo-byltinguna í fyrra. Formaður stjórnar félagsins, segir að það hafi einfaldlega engar sögur borist félaginu. Arnhildur Hálfdánardóttir ræddi við Hörpu Pétursdóttur stjórnarformann um stöðu kenna í orkugeiranum.

Ísland hefur sennilega aldrei verið jafn mikið í fréttum og í hruninu og í kjölfar þess. Og eins og stundum vill verða þegar fjarlægðin er mikil, verður frásögnin einfaldari og línurnar skýrari en sjálfur veruleikinn. Það standa margir erlendis í þeirri trú að hér á Íslandi hafi verið samþykkt ný stjórnarskrá, skrifuð af almenningi. Öllum stjórnmálamönnum hafi verið bolað í burtu eftir hrun og allir bankamenn hafi farið í fangelsi. Og síðast en ekki síst, hefur því verið haldið á lofti að konur hafi komi

Fréttir:

Erlendur starfsmaður á veitingahúsi í Reykjavík segir að svo virðist sem atvinnurekendur á veitinga- og gistihúsum, sem brjóta á starfsfólki, telji að ekkert geti snert þá og þeir geti óáreittir haldið áfram iðju sinni. Hún hvetur starfsfólk til að hafa samband við stéttarfélög. Bergljót Baldursdóttir talaði við Önnu Mörtu Marjankowska.

Heilbrigðisráðherra vill leiðrétta mismunun hjá börnum með fæðingargalla eins og til dæmis klofinn góm, hvað varðar endurgreiðslur fyrir tannréttingar. Hún segir að málið verði skoðað í ráðuneytinu svo hægt verði að breyta reglugerð til að jafna stöðu allra barna með fæðingargalla. Hólmfríður Dagný Friðjónsdóttir tók saman

Vonast er til að nýr aðflugsbúnaður á Akureyrarflugvelli verði tekinn í notkun eftir eitt ár. Upplýsingafulltrúi Isavia segir að samkvæmt mati erlendra sérfræðinga komi búnaðurinn að góðum notum. Jón Þór Kristjánsson talaði við Guðjón Helgason

Við ljósleiðaravæðingu í dreifbýlum sveitarfélögum hafa skapast tækifæri fyrir nýja starfsemi í víða þar sem nú er komið háhraða netsamband. Þannig má efla starfsstöðvar þar sem starfsemi er í lágmarki í dag. Ágúst Ólafsson sagði frá og talaði við Silju Jóhannesdóttur.

Jafnréttismál færast á ábyrgð forsætisráðuneytis um leið og velferðarráðuneytinu verður skipt upp í heilbrigðisráðuneyti og félagsmálaráðuneyti. Stefnt er að því að breytingarnar taki gildi fyrsta janúar. Jóhanna Vigdís Hjaltadóttir tók saman.

Lengri umfjallanir:

Afstaða Theresu May forsætisráðherra Breta er að valið standi á milli hennar áætlunar um úrgöngu úr Evrópusambandinu eða að enginn samningur náist. En samningur við ESB um úrgöngu er enn ekki í höfn, alveg óljóst hvert framtíðarsambandið verður. Sigrún Davíðsdóttir:

Fólki fannst fjarstæðukennt fyrir nokkrum árum að hugsa til þess að deila húsnæði sínu með ókunnugu fólki. Hví ætti það þá ekki að geta hugsað sér að deila bíl sínum til og frá vinnu með öðrum sem eiga erindi á sama stað? Þetta segir Arndís Kristjánsdóttir sem hefur ásamt öðrum þróað app fyrir þá sem vilja samnýta ferðir á höfuðborgarsvæðinu. Hún er meðal þeirra sem tala á málþingi í ráðhúsi Reykjavíkur í vikunni í tilefni af samgönguviku. Ásrún Brynja Ingvarsdóttir fór yfir þetta.

Spotify bjó nýlega til algóriþma sem hefur greint öll lög í gagnagrunni tónlistarveitunnar, 35 milljón talsins, og gefið hverju þeirra einkunn á bilinu frá 0 til 1 út frá því hvaða tilfinningar þær vekja hjá hlustanda. En tölvuforrit hafa ekki tilfinningar, upplifa aldrei fortíðarþrá, hafa aldrei misst eða orðið ástfangin - hvernig eiga

Fréttir:

Þetta er sögulegur dagur í íslenskri réttarsögu, segir settur ríkissaksóknari. Málflutningi í endurupptöku Guðmundar- og Geirfinnsmáls lauk í Hæstarétti í dag.

Stjórnendur Wow Air segjast gefa út skuldabréf fyrir um 6,4 milljarða króna að lágmarki þegar skuldabréfaútboði fyrirtækisins lýkur á þriðjudag.

Filippseyingar búa sig undir að fimmta stigs fellibylur skelli á þeim í fyrramálið.

Ráðherra ferðamála sagði á Alþingi í dag að fara þurfi varlega í sérstaka gjaldtöku af ferðaþjónustu.

Lengri umfjallanir:

Á morgun verða liðin tíu ár frá falli Lehman fjárfestingabankans. Sigrún Davíðsdóttir rifjar það upp.

820 milljónir manna þjást af vannæringu í heiminum. Vannærðum fjölgaði um 44 milljónir á tveimur árum. Öfgar í veðri eru stór áhrifaþáttur.

Ragnhildur Thorlacius ræðir við Bergstein Jónsson, framkvæmdastjóra Barnahjálpar Sameinuðu þjóðanna á Íslandi.

Það er tekið að hausta og þá þurfa sauðfjárbændur að safna liði og sækja fé sitt á fjall. Spegillinn brá sér í göngur á Norðurlandi og ræddi við Birgi H. Arason, fjallskilastjóra í Eyjafjarðarsveit. Arnhildur Hálfdánardóttir.

Umsjón: Arnhildur Hálfdánardóttir

Spegillinn 13. September

Fréttir:

framkvæmdastjóri Orku náttúrunnar, hefur verið rekinn fyrir óviðeigandi framkomu við samstarfsfólk.

Það er fagnaðarefni að verja eigi fjármunum til uppbyggingar Landspítalans, segir forstjóri spítalans. Hann er þokkalega ánægður með fjárlagafrumvarpið.

Talsmaður forsætisráðherra Breta segir að viðtal við mennina tvo, sem grunaðir eru um að hafa eitrað fyrir Skripal-feðginunum, sé til skammar.

Lengri umfjallanir:

Það er kannski í takt við hvað allt er sérstakt í sambandi við Guðmundar- og Geirfinnsmálið, að bæði verjendurnir fimm og ákæruvaldið krefjast sýknu í málinu. Ragnar Aðalsteinsson verjandi Guðjóns Skarphéðinssonar segir þó að sýkna ein og sér dugi ekki til. Hann fer jafnframt fram á, að í forsendum dómsins verði lýst yfir að Guðjón sé saklaus af þeim ásökunum sem á hann voru bornar á sínum tíma. Spegillinn leitaði til Jóns Þórs Ólasonar lektors við Lagadeild Háskóla Íslands og spurði: Geta dómstólar lýst menn saklausa? Ragnhildur Thorlacius.

Í næstu viku kemur út bókin Conspiracy & Populism eða Samsæriskenningar og populismi eftir Eirík Bergmann stjórnmálafræðiprófessor. Þar er meðal annars fjallað um Donald Trump Bandaríkjaforseta og hvernig hann nýtir sér leynt og ljóst samsæriskenningar sér til framdráttar. Pálmi Jónasson.

Evrópusambandið hefur ráðist í átak gegn falsfréttum, formaður teymis sem berst gegn rússneskum áróðri, hélt erindi á fundi í Norræna húsinu í dag. Arnhildur Hálfdánardóttir ræddi við Michael Mann formann sendinefndar ESB á Íslandi og Smára McCarthy, þingmann pírata og fyrrum frkvst.

Umsjón: Arnhildur Hálfdánardóttir

Fréttir:

Skipulögð brotastarfsemi færðist í aukana og fíkniefnabrotum fjölgaði á milli áranna 2016 og -17, að því er kemur fram í ársskýrslu lögreglustjórans á höfuðborgarsvæðinu.

Það verður rúmlega átta þúsund krónum dýrara að reka meðalfjölskyldubíl á ári verði fjárlagafrumvarpið að lögum. Framkvæmdatjóri Félags íslenskra bifreiðaeigenda segir að eldsneytishækkanir í frumvarpinu bætist ofan á bensínverðið sem sé það hæsta í Evrópu.

Katrín Jakobsdóttir forsætisráðherra flytur stefnuræðu sína á Alþingi í kvöld.

Aðgerðir til að styðja við rekstrarumhverfi einkarekinna fjölmiðla voru kynntar í dag. Lagt er til að RÚV fari að hluta af auglýsingamarkaði og umsvif þess á samkeppnismarkaði verði minnkuð.

Abi-mael Guzman, leiðtogi skæruliðasamtakanna Skínandi stígs í Perú, hlaut í gær annan lífstíðardóm fyrir sprengjutilræði í höfuðborginni Lima árið 1992, þar sem 25 létu lífið. Níu aðrir forystumenn samtakanna voru einnig dæmdir í lífstíðarfangelsi.

Lögreglumaður á höfuðborgarsvæðinu var nýverið sviptur ökuréttindum og sektaður um á annað hundrað þúsund krónur fyrir ofsaakstur innanbæjar á merktum lögreglubíl.

Lengri umfjallanir:

Forsvarsmaður Vinnueftirlitsins segir dæmigert að öryggismál séu í ólagi á byggingarsvæðum á höfuðborgarsvæðinu. Spegillinn kannaði aðstæður í Úlfarsárdal með starfsmönnum stofnunarinnar fyrr í vikunni.

Kári Gylfason í Gautaborg fjallaði um störukeppni sænskra stjórnmálamanna um hver leiði næstu ríkisstjórn eftir kosningarnar á sunnudag.

Héraðsdómur hefur vísað frá dómi svokölluðu CLN-máli þar sem þrír fyrrum yfirmenn Kaupþings eru ákærðir en það eru þó ekki málalyktir. Spegillinn rifjar málið upp og nýleg erlend málaferli tengd sömu viðskiptum.

Umsjónarmaður Spegilsins var Ragnhildur Thorlacius.

Tæknimaður Jón Þór Helgason.

Spegillinn 11. september

Fréttir:

Framkvæmdastjóri Samtaka atvinnulífsins, fagnar fyrirhugaðri lækkun tryggingagjalds en segir útgjaldaaukningu í fjárlagafrumvarpi benda til þess að stjórnvöld séu óhóflega bjartsýn.

Seðlabankinn greip inn í gjaldeyrismarkaðinn í dag til að sporna gegn gengisveikingu íslensku krónunnar.

Líklegt er að tekjur af ferðamönnum aukist í ár þó dregið hafi úr fjölgun þeirra. Hagfræðiprófessor segir hættu á samþjöppun og endurskipulagningu í greininni, verði landið of dýrt.

Arnarlax virti ekki viðmið starfsleyfis Umhverfisstofnunar um hvíldartíma á eldissvæði sínu í Arnarfirði fyrr í sumar. Fyrirtækið hefur sótt um undanþágu frá hvíldartíma til Umhverfisráðuneytisins og segir að ástæða þess að seiði voru sett út, sé ósamræmi í starfsleyfi og reglugerð.

Lengri umfjallanir:

Fjárlagafrumvarpið. Ragnhildur Thorlacius tók saman og ræddi við Bjarna Benediktsson, fjármálaráðherra.

Viðbrögð Ragnars Þórs Ingólfssonar, formanns VR við fjárlagafrumvarpi. Arnhildur Hálfdánardóttir.

Fólk gat ekki þagað lengur, segir einn forsprakki Já-hreyfingarinnar á Írlandi sem vann stóran sigur í sumar, þegar mikill meirihlutti Íra samþykkti að leyfa fóstureyðingar í landinu. Björg Magnúsdóttir ræðir við Tara Flynn.

Umsjón: Arnhildur Hálfdánardóttir

Tæknimaður: Ragnar Gunnarsson

Fréttir:

Straumhvörf hafa orðið í fjárveitingum til loftslagsmála, segir forsætisráðherra. 6,8 milljarðar fara í aðgerðaáætlun ríkisstjórnarinnar í loftslagsmálum sem kynnt var í dag. Eftir 12 ár verður að mestu óheimilt að kaupa nýja bíla, sem ganga eingöngu fyrir bensíni eða dísil.

Aðalsamningamaður Evrópusambandsins í viðræðunum um brotthvarf Breta er vongóður um að samningur um aðskilnaðinn liggi fyrir innan tveggja mánaða. Enn séu þó nokkur erfið deilumál óútkljáð.

Mansal á vinnumarkaði og ill meðferð á starfsfólki bitnar oftast á útlendingum og ungu fólki. Hér þarf vitundarvakningu og hætta þarf meðvirki með þeim sem gerast brotlegir segir sérfræðingur hjá ASÍ.

Svandís Svavarsdóttir heilbrigðisráðherra ætlar að verja 25 milljónum króna í aðgerðir til þess að fækka sjálfsvígum

Lengri umfjallanir:

Samantekt um í aðgerðaáætlun ríkisstjórnarinnar í loftslagsmálum og viðtal við Guðmund Inga Guðbrandsson umhverfis- og auðlindaráðherra.

Umsjónarmaður Spegilsins var Ragnhildur Thorlacius.

Tæknimaður var Ragnar Gunnarsson.