Fréttir:

Bandarísk stjórnvöld óttast að efnavopnum verði beitt í yfirvofandi árás sýrlenska stjórnarhersins á uppreisnarmenn í Idlib í Sýrlandi. Forsetar Tyrklands, Rússlands og Írans komu sér ekki saman um viðbrögð við árásinni á fundi í dag.

Barnaverndarnefndir vinna ekki í samræmi við lög og reglur og það getur valdið því að málin taka of langan tíma. Þetta er niðurstaða úr rannsókn á stjórnsýslu barnaverndarnefnda.

Í Vestmannaeyjum eru álíka margar lundapysjur og í fyrra, segir líffræðingur hjá Náttúrustofu Suðurlands. Stór hluti pysjanna drapst í sumar en þær sem lifðu eru nú að komast á legg. Of snemmt er að segja til um hvort sandsílastofninn, helsta fæða lundans, er að rétta úr kútnum.

Lengri umfjallanir:

New York Times mun aldrei gefa upp hver skrifaði nafnlausa grein gegn Trump Bandaríkjaforseta, segir ritstjóri hjá blaðinu. Höfundur greinarinnar kveðst vera liðsmaður andspyrnuhreyfingar embættismanna í Hvíta húsinu. Spegillinn fjallar um málið.

Theresa May, forsætisráðherra Breta, vonast eftir stuðningi Evrópusambandsins við Brexit. Hún gæti rekið sig á að sameiginlegir hagsmunir ESB skipta aðildarlöndin meira máli en breskir hagsmunir.

Sítenging við vinnustað um snjalltæki getur valdið kvíða og streitu bæði hjá starfsfólki og stjórnendum. Þetta sýna nýlegar rannsóknir. Ráðgjafi í tímastjórnun segir að fólk þurfi að læra að virða mörkin milli vinnu og einkalífs. Nánar um þetta síðar í Speglinum.

Umsjónarmaður Spegilsins var Ragnhildur Thorlacius

Tæknimaður var Magnús Þorsteinn Magnússon

Júlíus Vífill Ingvarsson, fyrrverandi borgarfulltrúi Sjálfstæðisflokksins, neitaði sök þegar mál hans var þingfest í Héraðsdómi Reykjavíkur síðdegis.

Loftmengun hefur aldrei farið yfir heilsuverndarmörk við Kísilverið á Bakka. Þetta er niðurstaða Umhverfisstofnunar eftir fjórar eftirlitsferðir á jafnmörgum mánuðum. Niðurstöður mælinga voru kynntar á íbúafundi á Húsavík síðdegis.

Mikil ólga er á svæðum síta í suðurhluta Íraks. Átta hafa fallið í mótmælum í borginni Basra í þessari viku, þar sem stöðug mótmæli hafa verið að undanförnu.

Tvö tilfelli af lóasýki, eða afrískum augnormi, hafa komið upp hér á landi að undanförnu, í fólki sem dvalið hafði í Afríku

Á meðan fjöldi fólks hefur kveikt í Nike-skónum sínum í mótmælaskyni, fagna aðrir því að íþróttavöruframleiðandinn hafi gert bandarísku ruðningshetjuna Colin Kaepernick að andliti nýjustu herferðar sinnar. Þótt auglýsingin sé umdeild er þetta aðferð sem svínvirkar, segir prófessor við Listaháskóla Íslands.

Styttri fréttir:

Heilbrigðisráðherra hafnar því að hafa brotið lög með því að neita að gera rammasamning við taugalækni. Hún segist ekki vera að ýta undir tvöfalt heilbrigðiskerfi með ákvörðun sinni.

Setja þarf siðareglur fyrir aðstoðamenn ráðherra, og skýrari reglur um hagsmunaskráningu ráðherra og æðstu embættismanna, samkvæmt tillögum starfshóps forsætisráðherra um eflingu á tausti í stjórnmálum. Þeir sem tala fyrir hönd hagsmunaaðila, þurfa að skrá sig sem slíka, verði tillögur hópsins að veruleika.

Karlmaður sem ákærður er fyrir árás á konu í Vestmannaeyjum fyrir tveimur árum er ekki ákærður fyrir nauðgun, heldur sérlega hættulega líkamsárás samkvæmt upplýsingum frá Héraðsdómi Suðurlands.

Sterkustu orkudrykkirnir hér á landi innhalda mun meira koffein nú - en fyrir áratug. Verkefnisstjóri næringar hjá embætti landlæknis segir að mikil neysla meðal ungmenna sé áhyggjuefni.

Lengri umfjallanir:

Traust á stjórnmálum og stjórnmálamönnum snarminnkaði eftir hrunið fyrir áratug. Stjórnvöld vilja bregðast við þessu og skipuðu í ársbyrjun starfshóp um eflingu trausts í stjórnmálum og stjórnsýslu. Í dag voru tillögurnar kynntar. Hópurinn, sem Jón Ólafsson heimspekiprófessor fer fyrir, telur að það hafi ekki verið hugað nægilega vel að stefnumótun í þessum efnum hérlendis, af því stafi þetta litla traust að hluta. Stjórnvöld séu ekki nægilega vel búin til að bregðast við gagnrýni, taka henni og læra. Stjórnvöld þurfi því að móta heildarstefnu um heilindi í stjórnmálum og stjórnsýslu og fylgja eftir með aðgerðaáætlun. Ragnhildur Thorlacius fjallaði um tillögur nefndarinnar og ræddi við Jón Ólafsson.

Útgerðarfyrirtæki verja hundruðum milljóna, ef ekki milljörðum, í styrki til samfélagsmála á ári hverju. Erfitt er að segja til um nákvæmar upphæðir. Án framlaga fyrirtækjanna væri menningar- og íþróttalíf í sjávarþorpum líklega fátæklegra og heilbrigðisstofnanir verr tækjum búnar. Vopnfirðingar færu ekki frítt í ræktina og flugvöllurinn á Norðfirði væri kannski ekki með spánnýtt slitlag. Sums staðar gleðja styrkirnir, annars staðar veldur meintur skortur á þeim gremju. Arnhildur Hálfdánardóttir kannaði styrkveitingar nokkurra útgerðarfyrirtækja.

Umsjónaðarmaður Spegilsins var Ragnhildur Thorlacius.

Tæknimaður var Jón Þór Helgason.

Fréttir:

Fjögur stærstu útgerðarfélög landsins högnuðust um 21 milljarð í fyrra. Hagnaður Samherja var tvöfalt meiri en hinna þriggja til samans.

Aðalsamningamaður Sameinuðu þjóðanna í málefnum Sýrlands skorar á Rússa og Tyrki að leita leiða til að koma í veg fyrir blóðbað í Idlib-héraði, þar sem stórsókn hersveita gegn uppreisnarmönnum er að hefjast.

Lektor í hagfræði á bágt með að trúa því að tillaga fjármálaráðherra um eins prósents lækkun á lægra skattþrepi sé nóg að mati verkalýðshreyfingarinnar.

Óvíst er hvenær ný Vestmannaeyjaferja verður tekin í notkun.

Lengri umfjallanir:

Kosningar framundan í Svíþjóð. Arnhildur Hálfdánardóttir ræðir við Boga Ágústsson sem er nýkominn frá Stokkhólmi.

Svíþjóðardemókratarnir hafa verið mjög í sviðsljósinu í aðdraganda sænsku kosninganna, enda mælist fylgi þessa umdeilda flokks hátt í 20 prósent. Eiríkur Bergmann stjórnmálafræðiprófessor hefur rannsakað þjóðernispopúlíska flokka. Ragnhildur Thorlacius ræddi við hann um uppruna flokksins og formanninn, Jimmie Åkesson.

Foreldrar nokkurra barna sem skotin voru til bana í Sandy Hook barnaskólanum í Bandaríkjunum árið 2012 hafa höfðað mál gegn umdeildum útvarpsmanni sem hefur haldið því fram að skotárásin hafi ekki átt sér stað. Málið er af mörgum talið prófsteinn í uppgjöri við falsfréttir. Birta Björnsdóttir.

Umsjón: Arnhildur Hálfdánardóttir

Tæknimaður: Markús Hjaltason

Fréttir

Allt að hundrað útköll björgunarsveita eru á hverju sumri vegna ferðamanna sem þvera óbrúaðar ár. Fulltrúi Landsbjargar telur að tjón vegna þessa nemi tugum milljóna og tekur undir með lögreglu að merkingum sé ábótavant. Vegagerðin segir erfitt að merkja breytileg vöð. Sigríður Dögg Auðunsdóttir talaði við Jónas Guðmundsson og Einar Pálsson.

Taugalæknir sérhæfður í Parkinsons-sjúkdómnum tók á móti fyrstu sjúklingum sínum í dag. Þeir þurfa að greiða fullt verð því ráðuneytið hafnaði í síðustu viku beiðni Sjúkratrygginga um að gera við hann samning. Þórdís Arnljótsdóttir ræddi við Önnu Björnsdóttur.

Varahéraðssaksóknari segir að Val Lýðssyni, sem ákærður er fyrir að hafa orðið Ragnari bróður sínum að bana að Gýgjarhóli II um páskana, hafi ekki getað dulist að árásin á Ragnar gæti leitt hann til dauða. Hún krefst sextán ára fangelsis yfir Val.

Stuðningur við ríkisstjórnina er nær hinn sami og hann var í síðasta þjóðarpúlsi Gallups. Rétt innan við helmingur svarenda segist styðja hana. Fylgi flokkanna breytist lítið milli mánaða. Anna Kristín Jónsdóttir tók saman.

Argentínumenn ætla að grípa til róttækra aðgerða til að koma efnahag landsins á réttan kjöl að nýju. Fækka á ráðuneytum um meira en helming. Ásgeir Tómasson sagði frá.

Fjármálastjóri Ráðhúss Reykjavíkur skorar á borgina að fella niður stjórnsýslumál vegna meintrar eineltiskvörtunar. Hann segist aldrei hafa lagt slíka kvörtun fram og gagnrýnir vinnubrögð í stjórnkerfi Reykjavíkurborgar.

Lengri umfjallanir:

Almennir borgarar mega ekki villa á sér heimildir í þeim tilgangi að fletta ofan af hugsanlegum brotamönnum. Lögreglan má einungis beita tálbeitum í ákveðnum tilvikum og að ströngum skilyrðum uppfylltum. Á tímum samfélagsmiðla og sítengingar getur fólk þó vel tekið málin í eigin hendur og það gerði ungur maður nýverið á Snapchat. Arnhildur Hálfdánardóttir fjallaði um málið

Breskir stjórnmálamenn eru að koma úr sumarfríinu en umræðuefnin enn sem fyrr þau sömu. Verkamannaflokkurinn glímir við ásakanir um kynþáttahatur og and-gyðinglega afstöðu. Í Íhaldsflokknum eru það stríðandi Brexit-fylkingar. Theresa May forsætisráðherra situr fast við sinn Brexit-keip en virðist eiga fáa formælendur. Sigrún Davíðsdóttir sagði frá.

Það getur verið lamandi að horfa á tölur um fólksfækkun, segir íbúi á Þingeyri, og vissulega ekki skapandi. Um helgina fór fram málþing á Þingeyri. Fjórir íbúar japanska þorpsins Kamiyama vörpuðu þar ljósi á það sem þeir kalla skapandi fólksfækkun, fyrirbæri sem hefur átt sinn þátt í því að gera fimm þúsund manna þorp

Fréttir:

Erlend kona lést í slysi í Þórsmörk í dag. Tvennt var í bíl og reyndi að þvera Steinsholtsá, þegar bílinn rak niður ána. Karlmaðurinn komst á þurrt en konan fannst meðvitundarlaus á grynningum.

55 slösuðust vegna falls á byggingarsvæðum í fyrra. Vinnueftirlitið telur að það sé vanmat, sennilega hafi fimmfalt fleiri slasast, en ekki hafi verið tilkynnt um slysin.

Leiðtogi aðskilnaðarsinna í Austur-Úkraínu var myrtur í dag í sprengjutilræði á kaffihúsi í Donetsk.

Þó svo að aukinn kaupmáttur skili sér í fleiri nýjum bílum og fleiri utanlandsferðum hefur byrði láglaunaðra hópa þyngst, segir sérfræðingur hjá Eflingu. Kaupmáttur launa hefur aukist um 25 prósent á síðustu fjórum árum.

Tilgangslaust er að kvótasetja hlýra að mati formanns Félags smábátaeigenda á Norðurlandi. Heimilt verður að veiða 1000 tonn af hlýra á fiskveiðiárinu, nú þegar hlýri er kvótasettur í fyrsta sinn.

Norðmenn ætla að byggja meira en hundrað þúsund fermetra af menningarhúsum í Ósló innan tveggja ára. Við fjöllum um málið síðar í Speglinum.

Lengri umfjallanir:

Í fyrra var tilkynnt um 251 fallslys til Vinnueftirlitsins, þau hafa ekki verið fleiri síðan árið 2008. Þau eru algengust í byggingariðnaði. Í sumar hefur Vinnueftirlitið ítrekað stöðvað vinnu á byggingarsvæðum vegna skorts á fallvörnum - starfsmenn þess segja líf starfsfólks hafa verið í húfi. En hvers vegna fjölgar þessum slysum? Guðmundur Kjerúlf, aðstoðardeildarstjóri hjá Vinnueftirlitinu sat fyrir svörum hjá Arnhildi Hálfdánardóttur.

Innflytjendur og aðlögun þeirra að þýsku þjóðfélagi er eitt helsta deilumálið í samfélaginu þar. Nokkrar nýútkomnar bækur fjalla um þetta eldfima málefni og hvað það segir um sjálfsmynd þýsku þjóðarinnar. Pálmi Jónasson fjallaði um málið.

Umsjónarmaður Spegilsins var Ragnhildur Thorlacius

Tæknimaður var Ragnar Gunnarsson

Styttri fréttir:

Gerðardómur í ljósmæðradeilunni skilaði ríkissáttasemjara úrskurði sínum síðdegis. Dómurinn ákvað að meta eigi kandídatsgráðu ljósmæðra til jafns við hjúkrunarfræðing með sérnám. Þá á að greiða ljósmóðurnemum laun.

Áslaug Valsdóttir, formaður Ljósmæðrafélag Íslands, segir erfitt að segja til um hvort niðurstaða gerðardóms verði til þess að sátt náist meðal ljósmæðra.

Formaður Tannlæknafélags Íslands telur að nýr samningur félagsins og Sjúkratrygginga komi til með fækka ferðum lífeyrisþega til tannlækninga erlendis. Það sem af er þessu ári hafa á annað hundrað þeirra farið til Evrópulanda til tannlæknis.

Sveitarstjórn Skaftárhrepps vill að tryggingar úr Náttúruhamfaratryggingum Íslands nái líka yfir skýstróka.

Yfirvöld í Suður-Kóreu ætla að banna sölu á kaffi í grunn- og framhaldsskólum landsins. Þar eru dæmi um að nemendur finni fyrir hjartsláttartruflunum vegna neyslu kaffis eða orkudrykkja.

Lengri umfjallanir:

„Fyrir nokkrum árum fannst okkur mörgum svolítið eins og við værum ekki nógu góð og landið ekki nógu stórt en nú erum við stolt af því að vera Færeyingar,“ segir forstjóri Hugskotsins, frumkvöðlaseturs í Þórshöfn. Íbúar Færeyja hafa aldrei verið fleiri. Fæðingartíðnin hækkar og fleiri flytja heim. Það er uppgangur í efnahagslífinu og stjórnvöld hafa gripið tækifærið, ráðist í aðgerðir til að halda í unga fólkið og lokka brottflutta aftur til eyjanna. Arnhildur Hálfdánardóttir ræddi við Sóleyju Heradóttur Hammer.

Í haust verður kosinn nýr forseti Alþýðusambands Íslands og fyrirsjáanlegar eru miklar breytingar í forystusveit sambandsins. Anna Kristín Jónsdóttir fjallaði um málið.

Það þyrfti að planta minnst 19 milljónum trjáa til að vega upp á móti losun koldíoxíðs, sem hlaust af flugi til og frá Íslandi árið 2016. Og síðan þá, hefur flugumferð aukist. Ragnhildur Thorlacius tók saman.

Umsjón með Speglinum hafði Ragnhildur Thorlacius

Tæknimaður var Kolbeinn Soffíuson

Spegillinn 29. ágúst 2018

Fréttir:

Þó að rekstur flugfélaganna verði erfiðari, þýðir það ekki að hér verði kollsteypa, segir Már Guðmundsson seðlabankastjóri. Gjaldeyrisforðinn sé stærri en nokkru sinni, skuldastaða ríkissjóðs betri en hún hefur verið lengi og eiginfjárstaða bankanna sé góð. Ragnhildur Thorlacius.

Eftir 500 daga á hlutdeild endurnýjanlegra orkugjafa í samgöngum hér á landi að vera orðin tíu prósent. Horfurnar á því að markmiðið náist eru ágætar. Árangurinn skrifast þó ekki nema að örlitlu leyti á fjölgun vistvænna bíla. Ísland er næstum best í heimi þegar kemur að nýskráningum rafbíla en enn eru margar hindranir í veginum. Arnhildur Hálfdánardóttir ræðir við Guðna A. Jóhannesson, orkumálastjóra, og Egil Jóhannsson, forstjóra Brimborgar.

Umsjón: Arnhildur Hálfdánardóttir

Tæknimaður: Ragnar Gunnarsson.

Stjórnarformaður Icelandair segir mistök hafi verið gerð þegar leiðakerfi félagsins var breytt. Hann segir ekki hafa verið lagt að forstjóranum að segja upp.

Félags- og jafnréttismálaráðherra vill að fyrirtæki bretti upp ermarnar og ljúki jafnlaunavottun fyrir áramótin. Engin ákvörðun hafi verið tekin um hvort dagsektum verði frestað.

Fyrirtækið Eco Marine Iceland hóf fyrr í sumar tilraunaveiðar á ljósátu í Ísafjarðardjúpi með nýju veiðarfæri, í samstarfi við norskt fyrirtæki. Verkefnastjóri segir ekki liggja fyrir hvernig eigi að nýta ljósátuna ef veiðarnar gefa góða raun.

Tæplega 60% fleiri óku undir áhrifum ávana- og fíkniefna á höfuðborgarsvæðinu Í fyrren árið áður.

Verslunarhús í miðborg Belfast stendur í ljósum logum og óttast menn að það hrynji. Þetta er mesti eldsvoði í borginni um áratugaskeið.

Forstjóri Icelandair sagði upp í gær og mikill órói hefur verið á markaði með hlutabréf í félaginu í dag og stutt er síðan fréttir bárust af því að WOW leitaði eftir auknu fjármagni í rekstur sinn. Hver telur Jóhannes Þór Skúlason, framkvæmdastjóri Samtaka ferðaþjónustunnar verða áhrif þess á stöðu ferðaþjónustunnar almennt þar sem hægt hefur á þenslu.

Núna eru hafin í Noregi réttarhöld þar sem kviðdómendur fá í síðasta sinn að skera úr um sekt eða sakleysi sakbornings. Mikilli og ruglingslegri umfjöllun samfélagsmiðlum um fræg sakamál er kennt um að kviðdómar séu óstarfhæfir. Að þessu sinni á að að dæma í máli lögreglumanns grunaðann um of mikli tengsl við glæpamenn Óslóarborgar. Gísli Kristjánsson í Noregi segir frá.

Skúmey, sennilega yngsta eyja landsins, kom undan jökli um síðustu aldamót. Kristín Hermannsdóttir forstöðumaður Náttúrustofu Suðausturlands segir þarna tækifæri á borð við það þegar Surtsey reis úr sæ til að kanna gróðurfar, landmótun og dýralíf.

Umsjón: Anna Kristín Jónsdóttir

Tæknimaður: Magnús Þorsteinn Magnússon

Ólafur Björnsson, verjandi Vals Lýðssonar sem ákærður er fyrir að hafa banað bróður sínum, segir að ekki sé hægt að fallast á að hann hafi gert það af ásetningi. Verjandinn hefur gert athugasemdir við að rannsókn málsins sem Kolbrún Benediktsdóttir, varahérðassaksóknari telur að hafi verði sem skyldi.

Rigning kom líklega í veg fyrir mikla gróðurelda við Þingvallavatn í dag, þegar stór sumarbústaður brann til kaldra kola. Tuttugu metra há tré eru allt í kringum bústaðinn.

Dæmi eru um að fólk með fötlun setjist í hjólastóla þó það þurfi ekki á þeim að halda, bara til að passa betur í bílana sem Ferðaþjónusta fatlaðs fólks notar.

Lögregla í þýsku borginni Chemnitz er með mikinn viðbúnað, eftir fjölmenn mótmæli og óeirðir þar í gær, sem beindust að hluta til gegn innflytjendum og flóttafólki.

---

Fyrir ári flúðu hundruð þúsunda Rohingja frá Mjanmar til Bangladess undan ofsóknum og ódæðisverkum stjórnarhersins í Mjanmar. Rannsóknarnefnd á vegum Sameinuðu þjóðanna hvatti í morgun til þess að herforingjar í her Mjanmars yrðu sóttir til saka fyrir þjóðarmorð og stríðsglæpi. Aðalheiður Jónsdóttir, mannfræðingur fór sem sendifulltrúi Rauða krossins til Bangladess í vor og var í Kutupalong-búðunum sem eru fjölmennustu flóttamannabúðir í heimi.

Fram á tíunda áratuginn síðustu aldar var fasteignaverð á Íslandi nokkurn veginn það sama hvar sem var á landinu. Ekki lengur - og og engar horfur á að það breytist í bráð. Hræringar sem sjást í stórborgum sjást einnig á Íslandi.

Bandaríska þingið vill að fimm stærstu orkufyrirtæki Evrópu verði beitt refsiaðgerðum, láti þau ekki af þátttöku sinni í lagningu gasleiðslu frá Rússlandi til Þýskalands.

Umsjón: Anna Kristín Jónsdóttir

Tæknimaður: Magnús Þorsteinn Magnússon