?

Að minnsta kosti 60 féllu og 140 særðust í sprengingum við flugvöllinn í Kabúl í dag. Þetta hefur breska ríkisútvarpið eftir afgönskum heilbrigðisstarfsmanni.

Blaðafulltrúi Pentagon staðfestir að bandarískir hermenn séu í hópi þeirra sem létust í tveimur sprengjuárásum í Afganistan í dag. Talsmaður sjúkrahúss í Kabúl segir að sex hafi látist á leið á sjúkrahúsið.

Forstjóri Landspítalans hafnar því að of margir millistjórnendur séu á Landspítalanum á of háum launum, heldur bendi margt til þess að fleiri stjórnendur þyrfti.

Sextán liggja nú á Landsspítalanum vegna COVID-19. Fjórir þeirra eru á gjörgæsludeild.

Fjárfesting í fólki er yfirskrift kosningaáherslna Framsóknarflokksins fyrir komandi kosningar sem kynntar voru í dag.

Sviðslistirnar fagna afléttingu sóttvarnaaðgerða á meðan veitingageirinn telur þær vonbrigði.

Kínverskar fjölskyldur mega nú eignast fleiri börn en nokkru sinni, undanfarna fjóra áratugi. Svo hefur dregið úr fólksfjölgun að það mun vanta fólk á vinnualdri, nema fæðingum fjölgi og það getur hægt á hagkerfinu. Nú er vandinn sá að það vilja ekkert allir eiga fleiri en eitt barn. Ragnhildur Thorlacius sagði frá.

Norðmenn kjósa til þings 13. september. Tekist á um hvort og hvenær eigi að stöðva alla olíuvinnslu við landið. Olía mengar og veldur hlýnun jarðar. Æ fleiri ungir kjósendur vilja róttækar aðgerðir til að stöðva hlýnunina, þar á meðal að Norðmenn hætti að selja olíu. Ríkisstjórn á ekkert svar við þessu og fylgið hríðfellur. Gísli Kristjánsson í Osló sagði frá.

Nú þegar bresk pólitík er að koma úr sumarfríi liggur beint við að huga að stöðu stóru flokkanna tveggja, röðin komin að Verkamannaflokknum. Skoðanakannanir eru ekki upplífgandi lesning fyrir flokksforystuna en spurningin er hvort vandinn liggur hjá leiðtoganum eða flokknum eða er einhver samþætting af hvoru tveggja. Sigrún Davíðsdóttir.

Þörf er á bæði einkarekstri og opinberum rekstri í íslensku heilbrigðiskerfi segir forstjóri Karólínska- sjúkrahússins. Framkvæmdastjóri Samtaka atvinnulífsins segir að ná þurfi fram aukinni skilvirkni og hagræðingu.

Miðflokkurinn boðar tíu ný réttindi fyrir íslensku þjóðina í kosningastefnu fyrir kosningarnar eftir mánuð. Meðal þeirra er að verði ríkissjóður rekinn með afgangi fái allir fullorðnir íslenskir ríkisborgarar helming afgangsins endurgreiddan 1. desember á eftir.

Samorka telur einsýnt að rammaáætlun tryggi ekki orkuöryggi, hagfellt orkuverð né heldur græna framtíð. Rætt verður við framkvæmdastjóra Samorku í Speglinum.

Mannanafnanefnd hefur slakað á kröfum sem gerðar eru til nýrra nafna. Tökunöfn með erlendum rithætti geta nú fengið samþykki þótt sá ritháttur hafi ekki unnið sér sess í íslensku máli.

Verið er af þróa og framleiða tugi ef ekki hundruð mótefnalyfja sem gefa má þeim sem fá COVID-19-sjúkdóminn. Þetta segir yfirlæknir á ónæmisfræðideild Landspítalans. Bergljót Baldursdóttir segir frá og talar við Björn Rúnar Lúðvíksson, yfirlæknir á ónæmisfræðideild Landspítalans og prófessor við læknadeild Háskóla Íslands.

Samorka, samtök orku- og veitufyrirtækja, telur einsýnt að Rammaáætlun sé ekki að tryggja orkuöryggi, hagfellt orkuverð né heldur að tryggja græna framtíð. Samtökin efndu í dag til fundar í aðdraganda alþingiskosninga sem bar yfirskriftina Tölum um græna framtíð. Arnar Páll Hauksson talar við Pál Erland, framkvæmdastjóra Samorku

Spegillinn 24. ágúst 2021

Umsjónarmaður: Bergljót Baldursdóttir

Íslensk stjórnvöld hyggjast taka á móti allt að 120 afgönskum flóttamönnum, svo sem fyrrverandi starfsfólki Atlantshafsbandalagsins og fólki sem á fjölskyldu hér á landi.

Heimflutningi þriggja fjölskyldna sem dvalist hafa í Afganistan er lokið. Fólkið komst frá landinu með flugi sem stjórnvöld í Danmörku og Finnlandi skipulögðu. Þetta kemur fram í tilkynningu frá utanríkisráðuneytinu nú rétt fyrir fréttir. Allir meðlimir fjölskyldnanna þriggja eru ýmist með íslenskan ríkisborgararétt eða dvalarleyfi hér á landi.

Ásgeir Þór Ásgeirsson, yfirlögregluþjónn telur ekki þörf á að auka viðveru lögreglu við bólusetningar. Lögregla hefur í tvígang þurft að hafa afskipti af andstæðingum bólusetninga í sumar.

Þrettán ára gamalt hitamet féll á Hallormsstað í dag þegar hitinn fór í 29,3 stig. Rætt við Teit Arason, veðurfræðing á Veðurstofunni og Bergrúnu Örnu Þorsteinsdóttur aðstoðar skógarvörð í Hallormstað

Charlie Watts, trommari The Rolling Stones er látinn, 80 ára aldri.

Tilkynningum um líkamlegt ofbeldi gegn börnum fjölgaði í ár um ríflega fjörutíu og fimm prósent miðað við árið 2019 og tilkynningum um kynferðislegt ofbeldi gegn börnum fjölgaði um meira en sextíu og fimm prósent. Forstjóri Barnaverndarstofu telur að það að fólk var meira heima í faraldrinum hafi haft áhrif . Alma Ómarsdóttir ræðir við Sigþrúði Guðmundsdóttur, framkvæmdastýru Samtaka um kvennaathvarf, Rannveigu Þórisdóttur, félagsfræðing og sviðstjória hjá Ríkislögreglustjóra og Heiðu Björg Pálmadóttur, forstjóra Barnaverndarstofu.

Ragnhildur Thorlacius fjallar um andspyrnuhreyfingar í Afganistan.

Ríkisstjórn Íhaldsflokksins glímir við stórmál eins og umhverfismál, byggðamál, Covid og Brexit. En flokkurinn tekst einnig á við að lúta forystu forsætisráðherra sem er áberandi reikull í ákvörðunum. Sigrún Davíðsdóttir, segir frá

Spegillinn 23. ágúst 2021

Umsjónarmaður: Bergljót Baldursdóttir

Heilbrigðisráðherra hefur heimilað sölu á ákveðnum tegundum hrað- og sjálfsprófa. Þeir sem fá jákvæða niðurstöðu úr prófunum þurfa að staðfesta niðurstöðuna með hefðbundnu covid-prófi.

Enginn sjúklingur á Landakotsspítala hefur greinst með kórónuveiruna eftir að starfsmaður greindist smitaður á föstudag. Verkefnastjóri farsóttanefndar Landspítala segir mikið hafa verið gert til að forðast aðra hópsýkingu á spítalanum. Rætt við Hildi Helgadóttur, verkefnisstjóra farsóttanefndar Landspítala

Bólusetning 12-15 ára barna hófst í Laugardalshöll í dag. Foreldrar og börn sem fréttastofa tók tali segja að kostir og gallar við bólusetningu hafi verið ræddir heima fyrir áður en ákvörðun var tekin. Rætt við Árna Jónsson, föður barns sem var bólusett og Maríu Skúladóttur og Matthildi Freyju Árnadóttur, sem voru bólusettar í dag

Magnús Þorkell Bernharðsson, prófessor í Mið-Austurlandafræðum segir að yfirtaka Talíbana í Afganistan sé algjör vendipunktur í sögu Mið-Asíu.

Gæsaveiðitímabilið hófst um helgina. Ómar Örn jónsson, formaður Skotfélags Akureyrar hvetur veiðimenn til að herja á heiðargæs en gæta hófs í veiðum á grágæs.

Glæpahópar færðu starfsemi sína að miklu leyti yfir á netið í kórónuveirufaraldrinum, segir varahéraðssaksóknari og yfirlögregluþjónn segir merki um að brotum gegn börnum hafi fjölgað í faraldrinum. Fjallað verður um verkefni lögreglunnar síðar í Speglinum. Alma Ómarsdóttir, ræðir við Grím Grímsson, yfirlögregluþjón á rannsóknarsviði lögreglunnar á höfuðborgarsvæðinu og Kolbrúnu Benediktsdóttur, varahéraðssaksóknara

Varp við Tjörnina í Reykjavík var lélegt í ár eins og undanfarin ár, segir fuglafræðingur sem fylgst hefur með fuglalífinu þar í áratugi. Einungis um þrjátíu ungar komust á legg. Bergljót Baldursdóttir ræðir við Ólaf K Nielsen, fuglafræðing hjá Náttúrufræðistofnun Íslands

Spegillinn 20. ágúst 2021

Umsjónarmaður: Bergljót Baldursdóttir

Almannavarnanefnd vill að fjöldi nemenda í hverju rými í grunnskólum höfuðborgarsvæðisins verði minni en núgildandi sóttvarnatakmarkanir gera ráð fyrir. Rætt við Jón Viðar Matthíasson, framkvæmdastjóra almannavarnarnefndar Höfuðborgarsvæðisins

Heilbrigðisráðherra segir að ný skýrsla sem hefur að geyma hundrað og þrettán tillögur að aðgerðum til að bæta þjónustu við eldra fólk, verði ekki látin liggja uppi í hillu. Vinnan við skýrsluna eigi að nýtast til að bæta þjónustuna næstu áratugi. Rætt við Svandísi Svavarsdóttur, heilbrigðisráðherra

Veitingamenn leggja til að hraðpróf verði tekin upp til að komast inn á veitingastaði svo unnt verði að lengja afgreiðslutímann og hafa starfsemina nær eðlilegu árferði. Rætt við Arnar Þór Gíslason, hjá samtökum fyrirtækja í veitingarekstri

Sjónvarpsstjóri í Kabúl segir skilaboð hafa borist frá Talibönum um að fataval kvenkyns fréttamanna sé óásættanlegt. Sjónvarpsstöðin stundar sjálfsritskoðun og sendir ekki út efni sem ekki er Talibönum þóknanlegt.

Eitt vandamálið við að taka á móti flóttamönnum frá Afganistan er að koma þeim úr landi, segir formaður flóttamannanefndar. Nefndin skilaði ríkisstjórn í dag tillögum um aðgerðir vegna valdatöku Talibana í Afganistan. Rætt við Stefán Vagn Stefánsson, formann flóttamannanefndar

Ekki stendur til að setja hömlur á rafhlaupahjól í Reykjavík segir samgöngustjóri Reykjavíkurborgar. Sett verða upp sérstök stæði fyrir þau í haust. Spáð er í framtíðina í samgöngumálum í Speglinum. Ragnhildur Thorlacius, ræðir við Hjálmar Gíslason framkvæmdastjóra Grid sem sjálfur notar rafskútur og Þorstein R. Hermannsson samgöngustjóra Reykjavíkurborgar.

Einungis 18 fálkapör komu upp ungum í ár á Norðausturlandi segir Ólafur K. Nielsen, fuglafræðingur hjá Náttúrufræðistofnun Íslands. Bergljót Baldursdóttir, ræðir við Ólaf sem er nýkomin úr árlegri ferð sinni um Norðausturlandi þar sem hann hefur rannsakað fálkann í meir en 40 ár.

Spegillinn 19. ágúst 2021

Umsjónarmaður: Bergljót Baldursdóttir

Ekki eru allir á einu máli um gagnsemi örvunarskammta bóluefna sem Alþjóðaheilbrigðisstofnunin hefur gagnrýnt. Sóttvarnarlæknir telur réttlætanlegt að bjóða upp á þá hér á landi . Rætt við Þórólf Guðnason, sóttvarnalækni

Magnús Gottfreðsson, prófessor í sóttvörnum við HÍ tekur undir orð Alþjóðaheilbrigðisstofnunarinnar um að mikilvægara sé að bólusetja í fátækari löndum en gefa bólusettum örvunarskamta. Bergljót Baldursdóttir ræddi við hann.

Samtök atvinnulífsins telja núverandi reglur um sóttkví of strangar, tllögur sóttvarnaryfirvalda of stífar og muni hafa áhrif á gang efnahagslífsins. Ásdís Kristjánsdóttir, aðstoðarframkvæmdastjóri samtakanna segir að þetta hafi komið fram síðustu daga.

Varadeildarforseti við alþjóðaháskólann í Kabúl aðstoðar nemendur og starfsfólk við að komast frá Afganistan. Hann segir mikið hugrekki þurfa til að yfirgefa fjölskyldu sína og heimaland enda hætti sumir við á síðustu stundu. Rætt við Árna Arnþórsson, varadeildarforseti við alþjóðaháskólann í Kabúl

Hallgerður Hauksdóttir, formaður Dýraverndarsambands Íslands segir að málningin á hettumáfinum, sem fannst á Borgarfirði eystra í vikunni, sé greinilega af mannavöldum. Ekkert réttlæti slíka meðferð á dýrum.

Karlmaður á fertugsaldri lést þegar hann rak frá landi eftir að hafa verið að synda í heitu útfalli frá Reykjanesvirkjun ásamt þremur öðrum á sunnudag. Lögregla ítrekar að sjóböð við Reykjanesvirkjun séu stranglega bönnuð.

Sóttvarnalæknir leggur til að samkomutakmarkanir verði viðhafðar á meðan heimsfaraldur geisar. Undanþágu verður hægt að fá frá 200 manna samkomutakmörkunum. Engin ákvörðun hefur verið tekin um hvort farið verði eftir tillögum hans.

Svartsýnasta spá Landspítalans gerir ráð fyrir að fleiri en tíu liggi á gjörgæslu með covid í einu undir lok mánaðarins.

Landspítali hefur leitað til starfsmannaleiga í Evrópu til að leysa mönnunarvanda spítalans.

Dæmi eru um að fólk sem fékk covid í fyrri bylgjum faraldursins hérlendis hafi veikst aftur í þessari bylgju. Það er þó jafnan með væg einkenni.

Formaður Landssambands veiðimanna segir hita, þurrka og lélega endurheimt úr sjó vera aðalástæður þess að veiðisumarið hefur verið heldur dapurt víðast hvar. Það hafi þó ekki haft áhrif á sölu veiðileyfa.

Boris Johnson, forsætisráðherra Breta, var harðlega gagnrýndur í breska þinginu í dag. Margir þingmenn eru ósáttir við að Bretar hafi farið með herlið sitt frá Afganistan.

Sigrún Davíðsdóttir sagði frá.

Eftir 20 ára veru Bandaríkjamanna og annarra í Afganistan, mikinn fjáraustur og þjálfun öryggissveita völtuðu Talíbanar yfir stjórnarherinn. Fjölmargar ástæður eru týndar til, ein er sú að flækjustig við að þjálfa erlenda heri með ólíkan bakgrunn sé einfaldlega afar hátt. Ragnhildur Thorlacius sagði frá.

Í fjórtán ár þjálfuðu Norðmenn sérsveitir afgönsku lögreglunnar ? úrvalsliðið sem átti að halda liðsmönnum Talibana í skefjum á komandi árum. Þjálfun var lokið en þetta lið lét sig hverfa þegar á hólminn kom og veitti enga mótspyrnu. Norðmenn undrast nú hvað kom eiginlega fyrir. Gísli Kristjánsson segir frá.

Karlmaður á fertugsaldri lést þegar hann rak frá landi eftir að hafa verið að synda í heitu útfalli frá Reykjanesvirkjun ásamt þremur öðrum á sunnudag. Lögregla ítrekar að sjóböð við Reykjanesvirkjun séu stranglega bönnuð. Sóttvarnalæknir leggur til að samkomutakmarkanir verði viðhafðar á meðan heimsfaraldur geisar. Undanþágu verður hægt að fá frá 200 manna samkomutakmörkunum. Engin ákvörðun hefur verið tekin um hvort farið verði eftir tillögum hans. Svartsýnasta spá Landspítalans gerir ráð fyrir að fleiri en tíu liggi á gjörgæslu með covid í einu undir lok mánaðarins. Landspítali hefur leitað til starfsmannaleiga í Evrópu til að leysa mönnunarvanda spítalans. Dæmi eru um að fólk sem fékk covid í fyrri bylgjum faraldursins hérlendis hafi veikst aftur í þessari bylgju. Það er þó jafnan með væg einkenni. Formaður Landssambands veiðimanna segir hita, þurrka og lélega endurheimt úr sjó vera aðalástæður þess að veiðisumarið hefur verið heldur dapurt víðast hvar. Það hafi þó ekki haft áhrif á sölu veiðileyfa. Boris Johnson, forsætisráðherra Breta, var harðlega gagnrýndur í breska þinginu í dag. Margir þingmenn eru ósáttir við að Bretar hafi farið með herlið sitt frá Afganistan. Sigrún Davíðsdóttir sagði frá. Eftir 20 ára veru Bandaríkjamanna og annarra í Afganistan, mikinn fjáraustur og þjálfun öryggissveita völtuðu Talíbanar yfir stjórnarherinn. Fjölmargar ástæður eru týndar til, ein er sú að flækjustig við að þjálfa erlenda heri með ólíkan bakgrunn sé einfaldlega afar hátt. Ragnhildur Thorlacius sagði frá. Í fjórtán ár þjálfuðu Norðmenn sérsveitir afgönsku lögreglunnar ? úrvalsliðið sem átti að halda liðsmönnum Talibana í skefjum á komandi árum. Þjálfun var lokið en þetta lið lét sig hverfa þegar á hólminn kom og veitti enga mótspyrnu. Norðmenn undrast nú hvað kom eiginlega fyrir. Gísli Kristjánsson segir frá.

Það er engum vafa undirorpið að bólusetningar hafa dregið úr álagi á heilbrigðiskerfið, segir yfirlæknir smitsjúkdómadeildar

Samtök atvinnulífsins kalla eftir því að stjórnvöld endurskoði reglur um sóttkví barna vegna smita í skólum. Framkvæmdastjóri samtakanna segir það ekki vera að lifa með veirunni að hundruð fari í sóttkví vegna smita, jafnvel fullbólusett fólk.

Utanríkisráðherra segir stöðu mannúðarmála í Afganistan þannig að alþjóðasamfélagið þurfi að grípa til aðgerða.

Ný ríkisstjórn er í burðarliðnum í Afganistan, tryggja á konum réttindi á grundvelli sjaríalaga og Talibanar lofa að Afganistan verði ekki griðastaður hryðjuverkamanna.

Stjórnarflokkarnir halda velli samkvæmt þjóðarpúlsi Gallups. Samkvæmt könnuninni myndu þeir fá 34 þingmenn kjörna.

Það styttist í alþingiskosningar. Nú eru rétt rúmar fimm vikur þar til landsmenn ganga til kosninga 25.september. Það er óhætt að fullyrða að enn hefur farið lítið fyrir harðri kosningabaráttu. Við erum ekki vön að ganga til kosninga að hausti og það kannn að skýra það hversu seint kosningabaráttan fer í gang. Svo erum við líka að kljást við covid. Arnar Páll Hauksson talar við Eirkur Bergmann prófessor við Háskólann á Bifröst og Stefanía Óskarsdóttir dósent við Háskóla Íslands

Talibanar heita friði og reglu í Afganistan. Upplausn hefur ríkt á flugvellinum í höfuðborginn Kabúl í allan dag. Bandarískir hermenn reyna nú að bægja mannmergðinni frá. Allt flug um völlinn liggur niðri.

Landspítalinn er enn á hættustigi. Sóttvarnalæknir á ekki von á að nýjar reglur á landamærum hafi strax áhrif á stöðuna á spítalanum.

Konur sem hafa beðið vikum saman eftir niðurstöðu úr leghálsskimun ættu að fá niðurstöður á næstu tveimur vikum.

Þurrt vor og lítil úrkoma í sumar veldur lágri grunnvatnsstöðu í vatnsbólum höfuðborgarbúa. Enn sem komið er þykir ekki ástæða til að biðja fólk að spara kalda vatnið.

Hvernig gat Afganistan fallið svona hratt? Og hverjum er um að kenna? Ragnhildur Thorlacius leitaði svara. Heyrist í fréttakonunni Christiane Amanpour og hinni afgönsku R. Hún hefur tjáð sig um ástandið en ekki hefur verið gefið upp hennar rétta nafn.

Í Bretlandi eru háværar raddir um að valdataka Talíbana í Afganistan sýni svik Breta og Bandaríkjanna við Afganistan. Í viðbót vaknar þessi sígilda breska spurning um hvar bresk utanríkisstefna sé mótuð, í Westminster eða Washington. En raunveruleikinn er kannski sá að pólitísk þungamiðja heimsins hefur færst frá Washington til Asíu. Sigrún Davíðsdóttir segir frá.

Vinnumálastofnun spáir að það dragi jafnt og þétt úr langtímaatvinnuleysi og að á vormánuðum verði það komið í eðlilegt horf. Í lok júlí höfðu um 5400 verið án vinnu lengur en í 12 mánuði og fækkaði um tæplega 500 frá í júní. Arnar Páll Hauksson talar við Birnu Guðmundsdóttur