Neyðarfundur Atlantshafsbandalagsins NATÓ ákvað í dag að halda áfram stuðningi við stjórnvöld í Afganistan við að finna pólítiska lausn á ástandinu þar.

Halldór Benjamín Þorbergsson, framkvæmdastjóri Samtaka atvinnulífsins, fagnar því að atvinnuleysi sé komið niður í 6%. Hins vegar sé ljóst að atvinnuleysið sé enn allt of mikið. Hann hefur áhyggjur af því að langtímaatvinnuleysi skjóti rótum hér.

Byrjað er að bólusetja börn á aldrinum 12-15 ára hérlendis. Börn verða að mæta í fylgd með fullorðnum til að fá bólusetningu.

Nýliðinn júlímánuður var hlýjasti mánuður á jörðu frá upphafi mælinga.

Viðbúið er að farið verði að bjóða upp á bólusetningu barna allt niður í hálfs árs aldur eftir áramót, segir barnalæknir. Skynsamlegt sé að forða börnum frá veikindum og langtímaáhrifum covid.

Mikil eftirspurn er eftir að komast í hraðpróf sem greina covid-sýkingu á innan við korteri. Nokkur einkafyrirtæki bjóða upp á þau.

Utankjörfundaratkvæðagreiðsla hefst á morgun hjá embætti sýslumannsins á höfuðborgarsvæðinu. 23. ágúst verða opnaðir kjörstaðir í Smáralind og Kringlunni.

Prófessor í stjórnmálafræði telur það nýnæmi að ríkisstjórn birti gröf og yfirlit yfir árangur sinn í lok kjörtímabils. Taka þurfi yfirlýsingum hennar með fyrirvara enda ákveðinn freistnivandi til staðar þegar pólitíkusar dæma eigið ágæti.

Foreldrar og börn verða að ræða hvort þau ætli að þiggja bólusetningu við COVID-19, segir umboðsmaður barna. Hún segir að langflest tólf ára börn ættu að vera nógu þroskuð til að ræða málið af skynsemi og taka verði tillit til skoðana þeirra. Séu foreldrar og börn ósammála megi hugsanlega hinkra með bólusetningu og séu foreldrar innbyrðis ósammála sé hægt að leita ráðgjafar heilbrigðisstarfsfólks. Ragnhildur Thorlacius talar við Salvöru Nordal umboðsmann barna.

Þórólfur Guðnason, sóttvarnalæknir, hefur skilað heilbrigðisráðherra tillögum um langtímaaðgerðir í baráttunni gegn COVID-19. Hann segir ljóst að grípa þurfi til hertra aðgerða ef Landspítalinn ræður ekki við ástandið. Hólmfríður Dagný Friðjónsdóttir spurði Þórólf í dag um hvað felist í tillögunum um langtímasóttvarnaaðgerðir.

Hiti á jörðinni hækkar og þar með hækkar verð á losunarkvótum fyrir mengandi orku. Vegna þessa hafa Norðmenn náð selja 10 prósent af sinni raforku beint úr landi það sem af er ári og reikna með tvöföldun á næsta ári. Mengunin í Evrópu eykur áhugann á raforku um sæstrengi frá norðlægum löndum. Gísli Kristjánsson segir frá.

29 sjúklingar með covid eru nú á Landspítalanum. Ekki hafa fleiri verið inniliggjandi í einu frá því í þriðju bylgju faraldursins. Þrír eru í öndunarvél. Yfirlæknir segir að álagið aukist hratt.

Erfitt er að ráða í stöður lækna og hjúkrunarfræðinga í símaveri covid-göngudeildar. Sumir starfsmanna vinna til ellefu eða tólf á kvöldin.

Forseti ASÍ óttast langtímaatvinnuleysi. Í júlí höfðu um 5.400 verði án vinnu lengur en í 12 mánuði. Hún segir mikilvægt að finna þetta fólk og koma því í virkni.

Smitrakningarteymi almannavarna vinnur nú hörðum höndum að því að rekja hvert einasta smit á sama hátt og gert hefur verið í fyrri bylgjum. Sjálfboðaliðar frá Rauða krossinum aðstoða við rakninguna.

Talibanar hafa sölsað undir sig níu héraðshöfuðborgir í Afganistan. Stríðsherra í norðurhluta landsins hótar að ganga milli bols og höfuðs á talibönum eftir fund með forseta landsins.

Hátt í sjötíu hafa farist í miklum skógareldum í Túnis. Forseti landsins hefur lýst yfir þriggja daga þjóðarsorg en grunur leikur á að eldarnir hafi kviknað af mannavöldum.

Forseti Alþýðusambands Íslands fagnar því að dregið hefur úr atvinnuleysi en óttast langtímaatvinnuleysi eins og gerðist eftir hrunið 2008. Verkefnið fram undan sé að finna þetta fólk og koma því í virkni, nám eða störf sem henta. Arnar Páll Hauksson talar við Drífu Snædal.

Það er mjög margt óljóst um skólastarf í vetur. Skólastjórnendur bíða eftir nýrri reglugerð um skólahald á covidtímum. Skólastjóri Hvassaleitisskóla í Reykjavík segir að mikil vinna sé framundan í næstu viku við að skipuleggja skólastarfið. Hún gerir ráð fyrir að reglurnar verði óljósari en síðasta skólavetur og að hver og einn skólastjóri þurfi að taka ákvarðanir út frá aðstæðum í sínum skóla. Ragnhildur Thorlacius ræddi við Dagnýju Kristinsdóttur skólastjóra Hvassaleitisskóla.

Spegillin 10. ágúst 2021

Umsjónarmaður: Bergljót Baldursdóttir

Sóttvarnaaðgerðir sem renna áttu út á föstudag verða framlengdar um tvær vikur. Börn fædd eftir 2006 verða undanþegin grímuskyldu í skólum, eldri nemendur taka grímuna niður þegar þeir setjast niður í skólastofum sínum. Þetta kom fram á ríkisstjórnarfundi sem haldin var síðdegis í dag. Rætt við Svandísi Svavarsdóttur, heilbrigðisráðherra

Tuttugu og sex liggja á Landspítala með covid, þar af fjórir á gjörgæslu og tveir í öndunarvél.

Utanríkisráðuneyti Hvíta-Rússlands segir að vestræn ríki ætli að grafa undan fullveldi landsins og undirbýr nú hefndaraðgerðir

Óháður embættismaður í Kanada á að rannsaka örlög þúsunda kanadískra frumbyggjabarna sem létu lífið í sérstökum heimavistarskólum.

Stjórnvöld þurfa að bregðast við þessum loftslagsbreytingum sem eru að hellast yfir okkur, segir Hörður Sigurbjarnason, skipstjóri sem mælt hefur yfirborðshita sjávar í meira en tvo áratugi. Hitinn hefur náð nýjum hæðum í sumar. Bergljót Baldursdóttir ræðir við Hörð sem er einn af eigendum hvalaskoðunarfyrirtækisins Norðursiglingar.

Hrönn Egilsdóttir, sjávarvistfræðingur hjá Hafrannsóknastofnun, segir að loftslagsbreytingarnar séu svo víðtækar að erfitt sé að sjá fyrir hvernig áhrifin koma fram hjá lífríkinu. María Sigrún Hilmarsdóttir ræddi við hana.

Ámann Höskuldsson eldfjallafræðing, segir frá Reykjaneshryggnum, rannsóknum á honum og velta því upp hvað gæti hafa verið á seiði á hafsbotninum sunnan við land um helgina. Ragnhildur Thorlacius talar við hann

Fleira er ekki í Speglinum í kvöld, tæknimaður í útsendingu var

Spegillinn 9. ágúst 2021

Umsjónarmaður: Bergljót Baldursdóttir

Loftslagssérfræðingar Sameinuðu þjóðanna vara við því að ef ekki verði dregið mikið úr losun gróðurhúsalofttegunda strax, náist markmið Parísarsamkomulagsins ekki. Ný skýrsla milliríkjanefndar Sameinuðu þjóðanna í um loftslagsmál staðfestir að athafnir mannsins eru meginorsök margvíslegra loftslagsbreytinga.

Hjarðónæmi gegn Delta-afbrigði COVID-19 gæti náðst á næsta ári með nýjum útgáfum bóluefna sem veita betri vörn gegn afbrigðinu. Rætt við Kamillu Sigríði Jósefsdóttur, staðgengil sóttvarnalæknis

Forseti Hvíta-Rússland segir viðskiptaþvinganir vesturveldanna geta leitt af sér ófrið, jafnvel þriðju heimsstyrjöld. Hann ber af sér allar sakir um harðneskju í garð andófsfólks.

Starfsmenn á Glaumbæ í Skagafirði voru eitt spurningarmerki þegar dularfull póstsending barst safninu í síðustu viku frá Þýskalandi. Með sendingunni er bundinn endi á 50 ára ráðgátu. Óðinn Svan Óðinsson, ræddi við Ingu Katrínu Magnúsdóttur, verkefnisstjóra hjá Byggðasafni Skagafjarðar.

Ný skýrsla milliríkjanefndar Sameinuðu þjóðanna um loftslagsmál staðfestir að það er beint samband á milli losunar koltvísýrings og hlýnunar jarðar og að aukin losun er af mannavöldum. Stóra verkefni mannkyns er að draga úr losun, segir Guðfinna Aðalgeirsdóttir, prófessor í jöklafræði við Háskóla Íslands sem er einn af aðalhöfundum höfundum skýrslunnar. Bergljót Baldursdóttir ræddi við hana og Halldór Björnsson, loftslagsfræðing hjá Veðurstofu Íslands.

Bæði forsætisráðherra og heilbrigðisráðherra segja að dagurinn í dag sé stór dagur. Tilkynnt var í dag að frá miðnætti verði öllum samkomutakmörkunum aflétt innanlands. Það á við um meðal annars grímuskyldu, nándarreglu og fjöldatakmarkanir.

Tekjur fótboltafélaga hafa snarminnkað í faraldrinum vegna fækkunar áhorfenda. Framkvæmdastjóri KSÍ segir mikið tilhlökkunarefni að halda inn í sumarið án hólfaskiptinga og grímuskyldu.

Eftirspurn eftir tónleika- og ráðstefnusölum tók kipp í hádeginu eftir að heilbrigðisráðherra tilkynnti að öllum sóttvarnaaðgerðum hefði verið aflétt innanlands.

Framkvæmdastjóri Samtaka ferðaþjónustunnar fagnar afléttingu sóttvarna, en segist hafa vonast eftir því að kröfur um tvöfalda skimun og sóttkví á landamærunum hefðu ekki verið látnar gilda fram í miðjan ágúst.

Mikil gleði ríkir með afléttingar samkomutakmarkana og vegfarendur eru á einu máli um að þetta sé gleðidagur.

24 þúsund skammtar af bóluefni AstraZeneca koma til landsins á morgun. Bólusett verður með því á miðvikudag og fimmtudag.

Þjóðin hefur væntanlega tekið gleði sína aftur því á morgun falla allar takmarkanir innanlands niður vegna covid 19. 16 mars í fyrra var gefin út fyrsta reglugerðin um samkomutakmarkanir. Frá þeim tíma hafa verið gefnar út 90 reglugerðir og heilbrigðisráðherra hefur fengið 60 minnisblöð fá sóttvarnalækni. Hún hefur líka flutt 10 munnlegar skýrslur á Alþingi um ástandið og stigið 240 sinnu í ræðustól vegna þess. En voru einhverjar efasemdir um að taka ávörðun um að aflétta öllum talmörkunum innanlands? Arnar Páll Hauksson talar við Svanhvíti Svavarsdóttur, Katrínu Jakobsdóttur og Þórólf Guðnason.

Til stendur að bora ofan í kvikupoka við Kröflu, koma þar fyrir mælitækjum og beintengjast þannig kvikunni. Verkefnið kallast Krafla Magma Testbed og er hluti af fyrirhugaðri 100 milljóna bandaríkjadala tilraunastofu í kviku- og eldfjallafræði við Kröflu. Ragnhildur Thorlacius talaði við Hjalta Pál Ingólfsson framkvæmdastjóriaGEORGS - rannsóknarklasa í jarðhita.

Spegillinn 24. júní 2021

Umsjónarmaður: Bergljót Baldursdóttir

Aukin þátttaka almennings í hlutabréfaviðskiptum er ein helsta ástæða óvenjulegar mikillar veltu á árinu. Þetta segir Magnús Harðarsson, forstjóri Kauphallarinnar. Hann býst við að viðskipti með hlutabréf í Íslandsbanka verði áfram lífleg.

Yfir tuttugu þúsund kórónuveirusmit voru greind í Rússlandi síðastliðinn sólarhring.

Matvælastofnun, MAST, veitti í vikunni fjórum fyrirtækjum og félögum rekstrarleyfi til fiskeldis.

Formaður Geðhjálpar segir að framburður söngkonunnar Britney Spears, sem nú freistar þess að fá sjálfræðissviptingu sinni hnekkt, veki uppp áleitnar spurningar sem einnig eigi við hér á landi. Rætt við Héðinn Unnsteinsson, formann Geðhjálpar

Framkvæmdastjóri hjá Orkuveitu Reykjavíkur segir að grípa verði í taumana vegna þess hve mjög hefur dregist að afgreiða þriðja áfanga rammaáætlunar. Seinagangurinn sé byrjaður að standa starfseminni fyrir þrifum. Arnar Páll Hauksson, ræðir við Hildigunni Thorsteinsson, framkvæmdastjóra hjá Orkuveitu Reykjavíkur

Það að rammaáæltun hefur ekki verið afgreidd frá Alþingi hefur ekki með vinnu við rammaáætlun að gera. Þetta segir

Þóru Ellen Þórhallsdóttur prófessor sem starfað hefur við rammaáætlun þau 20 ár sem unnið hefur verið við hana. Bergljót Baldursdóttir ræðir við Þóru Ellen

Spegillinn 23. júní 2021

Umsjónarmaður: Bergljót Baldursdóttir

Forsætisráðherra segir söluna á Íslandsbanka vel heppnaða, meðal annars vegna þess hve dreifing á eignarhaldi er mikil. Sala á fleiri bréfum í bankanum bíði nýrrar ríkisstjórnar. Rætt við Katrínu Jakobsdóttur, forsætisráðherra

Farþegar geta þurft að bíða í allt að tvo tíma á Keflavíkurflugvelli eftir því að vottorð þeirra séu skoðuð og þeir sendir í skimun. Þrjátíu og ein flugvél lendir þar á morgun. Rætt við Arngrím Guðmundsson, aðstoðaryfirlögregluþjón í flugstöðvardeild Lögreglustjórans á Suðurnesjum

Rússar saka áhöfn bresks tundurspillis um að hafa siglt inn í rússneska lögsögu á Svartahafi. Bretar vísa því á bug - segjast hafa verið á úkraínsku hafsvæði.

Ekki verður af sameiningu Húnavatnshrepps og Blönduósbæjar að sinni. Tillaga um að kosið yrði um sameiningu samhliða Alþingiskosningum í haust var felld í gær. Rætt við Ragnhildi Haraldsdóttur, varaoddviti sveitarstjórnar Húnahrepps

Hjólreiðamaður sem hjólar með höndunum er á lokasprettinum eftir um 400 kílómetra hjólaferð um Suðurland, til að minna á mikilvægi hreyfingar fyrir hreyfihamlaða. Rætt við Arnar Helga Lárusson, hjólreiðamann

Lengra efni:

Höggva verður á þann hnút sem er í kringum rammaáætlun svo tryggja megi áfram græna orku, segir forstöðumaður Grænvangs í tilefni af því að fyrsti Loftslagsvegvísir atvinnulífsins var kynntur í dag. Bergljót Baldursdóttir ræddi við Eggert Benedikt Guðmundsson, forstöðumann Grænvangs

Magnús Þorkell Bernharðsson, sérfræðingur í málefnum Mið-Austurlanda, segir að kjör harðlínumanns í embætti forseta Írans breyti ekki miklu, hann framfylgi stefnu klerkaráðsins sem hafi stjórnað nánast öllu í Íran. Bogi Ágústsson talaði við hann.

Viðskipti við íslensk ferðaþjónustufyrirtæki drógust saman um 307 milljarða króna í fyrra miðað við árið áður. Samdrátturinn nam 58 prósentum.

Lokun Suðurstrandarvegar vegna eldgossins á Reykjanesskaga reynir fyrst og fremst á samgönguyfirvöld í landinu, segir bæjarstjórinn í Ölfusi. Huga þarf að uppbyggingu Þrengslavegar til að tryggja þungaflutninga.

Tíu læknanemar, sem starfa í sumarafleysingum á bráðamóttöku Landspítala, lýsa þungum áhyggjum af undirmönnun sérfræðinga á bráðadeildinni.

Flugfreyjufélag Íslands krefst þess að flugfélagið Play gangi til viðræðna um kjarasamning flugfreyja og flugþjóna. Flugfélaginu hefur verið sent erindi þess efnis.

Stjórnvöld í Bretlandi hafa ákveðið að leyfa 60 þúsund áhorfendum að fylgjast með undanúrslita- og úrslitaleikjum í Evrópukeppninni í fótbolta.

Samhefji biðst afsökunar á því að gerð hafi verið mistök vegna kvótaviðskipta í Namibíu. Engin refsiverð brot hafi verið framin í Namibíu af hálfu fyrirtækja á vegum Samherja. Sá eini sem brotið hafi af sér sé Jóhannes Stefánsson fyrrverandi framkvæmdastjóri. Hann var aðaluppljóstrarinn í Samherjamálinu. Arnar Páll Hauksson segir frá.

Ólympíuleikarnir 2020 hefjast eftir mánuð í Tokyo í Japan, eftir COVID-frestunina í fyrra. Nú verða þeir haldnir hvað sem tautar og raular. Það er enda ótrúlega flókið og dýrt að fresta risa viðburði eins og Ólympíuleikum, þó ekkert annað hafi verið í stöðunni í fyrra. Ragnhildur Thorlacius segir frá og talar við Þorkel Gunnar Sigurbjörnsson.

Delta afbrigði Covid er á góðri leið með að orsaka þriðju Covid-bylgjuna í Bretlandi. Það er þakkað bólusetningu að dauðsföllum þar af völdum Covid hefur ekki fjölgað að sama marki, alla vega ekki enn sem komið er. Bretland er ekki eina Evrópulandið þar sem delta afbrigðið hefur farið á flug, en ekki einhlítt að eina ástæðan fyrir fjölgun tilfella í Bretlandi sé delta afbrigðinu að kenna. Sigrún Davíðsdóttir sagði frá.

Allar forsendur eru til þess að auka tilslakanir vegna faraldursins, að mati sóttvarnalæknis. Staðan hér á landi sé góð. Útbreiddur faraldur verði ekki en hópsmit geti komið upp hjá óbólusettum og gott að fara með gát.

Fjörtíu prósent slysa fullorðinna á rafskútum er vegna ölvunar. Hugmyndir eru uppi um að banna leigu á rafskútum á föstudags- og laugardagskvöldum.

Ný rannsókn leiðir í ljós að hægt er að nota sjó í stað ferskvatns við hina svokölluð Carbfix aðferð til þess að breyta koltvísýringi í berg.

Svíþjóð stendur frammi fyrir nýrri stjórnarkreppu eftir að þingið lýsti í morgun vantrausti á forsætisráðherrann, Stefan Löfven. Forsvarsmenn flokkanna deila nú um hver eigi sök á því að stjórnarkreppa hafi bæst ofan í efnahagskreppu og heimsfaraldur. Arnar Páll Hauksson talar við Kára Gylfason.

Steinull og stálplötur verða settar yfir nýja ljósleiðarann meðfram Suðurstrandarvegi þar sem búist er við að hrauntjarnir geti myndast og hiti verði mestur. Annars staðar á að setja farg ofan á leiðarann til að hlífa honum við hitanum. Ragnhildur Thorlacius segir frá og talar við Rögnvald Ólafsson.

Um 33 þúsund einstaklingar verða bólusettir í þessari viku. Óvissa hefur verið um afhendingu á bóluefni frá Astra Zeneca en í dag barst staðfesting á því að von væri á 19 þúsund skömmtum á laugardaginn. Bólusett verður með Astra Zeneca á miðvikudag og fimmtudag í næstu viku. Arnar Páll talar við Júlíu Rós Atladóttur og Ragnheiði Ósk Atladóttur.