تستضيف نايلة الصليبي في "النشرة الرقمية" محمد نجم ، المدير التنفيذي لمنظمة "سميكس" ، الذي يشرح  ما هي البيانات التي يمكن للطائرات المسيرة الإسرائيلية التقاطه.وكيف يمكن حماية بياناتنا من تطفل وتجسس هذه المسيرات، و مسؤولية الدولة اللبنانية  من إيجاد سبل قانونية لحماية المواطن اللبناني من هذا التجسس والتطفل على خصوصيته وعلى حياته .

ما هي البيانات التي تلتقطها الطائرات المسيرة الإسرائيلية فوق رؤوس المواطنين اللبنانيين وكيف يمكن الحد من مخاطر هذا التطفل؟

تحلق يوميا فوق رؤوس اللبنانيين، في كل المناطق اللبنانية، طائرات مسيّرة إسرائيلية قادرة على جمع أنواع كثيرة من البيانات والمعلومات،وهو أمر مقلق للمواطن اللبناني، أو أي مواطن أخر، مجبر للخضوع لهذه المراقبة غير القانونية.

كثيرون يسألون ما هي البيانات التي يمكن للطائرات المسيرة الإسرائيلية التقاطها،وكيف يمكن حماية بياناتنا من تطفل وتجسس هذه المسيرات وكيف يمكن مواجهة هذا التطفل من ناحية القانون؟ عن هذه الأسئلة وغيرها يجيب في "النشرة الرقمية " محمد نجم،المدير التنفيذي لمنظمة "سميكس"التي تعنى بالنهوض وبالدفاع عن حقوق الإنسان في العالم الرقمي في منطقة غرب آسيا وشمال إفريقيا.  

سينطلق ملتقى "خبز ونت" السنوي الذي تنظمه سميكس في 29 من أكتوبر حتى أخر أكتوبر2025 . وهو ملتقى يجمع الناشطين، والمبرمجين، والصحفيين، وصنّاع السياسات، وكل المهتمّين بمجالات تقاطع التكنولوجيا وحقوق الإنسان في المنطقة العربية.

نص المقابلة :

• ما هي البيانات التي يمكن للطائرات المسيرة الإسرائيلية التقاطها؟

محمد نجم:  أول شيء نحن بدنا نفكر بنوعين من الاستهداف في الاستهداف العام اللي هو درون ماشي عم تجمع بيانات كيف ما كان عن كل الناس الموجودين في استهداف محدد لأفراد معينين، هذا الشيء نحن ما اختصاصنا وما عنا عنه معلومات بس حنحكي عن الشيء المختص بالناس العاديين، يعني نحن مثلا قاعدين بالمكتب قاعدين بالبيت ماشيين عالطريق، شو نوع البيانات يلي ممكن مثلا هيرمس 450 أو هيرمس  900 يقدروا يجمعوها عنا نحن كمواطنين، هلأ أول شي هيدا النوع قادر يخلق يعني مثل أنتينا بفكر التلفون إنه عم يحكي مع بصير يأخذ منه معلومات كل شي معلومات عن التلفون، بس هيدا التلفون ينتهي برقم التليفون اي "اي ام اس اي " يعني كل شيء يخصه بالتلفون بالشريحة السيم كارد. كل هالقصص بيصير عندها كل الداتا اللي عم بتجمعها بطريقه تلقائيه يعني ونحن هون مش مستهدفين يعني. بس هني عم يجمعوا خزنه بيانات عن المواطنين. اكيد ديفايس الثاني يلي موجود بالبيت يلي هو اساسي للدرون هو الراوتر يلي موجود عنا بالبيت. الراوتر بيقدروا يعرفوا الاي بي ادرس IP Adress تبعه إذا هو بس انه مبدئيا كل هذا النوع من من عم بتكون كتير فبس يفوتو على الراوتر بيصيروا يعرفوا مين عم يشبك الراوتر. أي نوع اي نوع تلفونات، اي كومبيوترات بيقدروا يرسمون خريطة، علاقات، شبكة علاقات بين الناس، بين التلفونات بين كومبيوترات فهيدا. كمان معلومات تانية قادرين هن يجمعوها بعدين بننتقل للصور والفيديو بالرصد البصري والحراري وفي تصوير عالي الدقه فهون فيهن يشوفوا لوحات السيارات. ارقام السيارات. رقم السيارة مع الاي بي ادريسIP Adress تبع التليفون حتى يشوفوا الناس بالليل مع الانفراريد. فكل هذه البيانات كمان فيها تتشابك مع بعضها وتربط مع بعضها وبتكون موجودة عندهم بخزنة البيانات كلها. فتقريبا هي المعلومات يلي بنعرف انه هم قاعدين يجمعونها. هل نحن عندنا معلومات عن كل شي بتقدر تعمل الدرونز؟ الجواب هو لا. لانه هيدي بالنهاية طائرات عسكرية. فكل هالمعلومات هي من مصادر مفتوحة تم تسريبها او تم نشرها. كرمال هيك نحن منعرف عنا.

 

• ما هي البيانات أو المعلومات التي لا يمكن ان تلتقطها الطائرات؟

محمد نجم : كل شيء نحن نستعمله يكون مشفر. مش لازم الدرون تقدر تلقطه إلا إذا استهدفوا شخص معين. مثلا إذا نحن عم نستعمل الواتس اب أو سيغنال هذه التطبيقات هي مشفرة، فإذا أنا وياك عم نحكي مثلا على واتس اب أو سيغنال  ما بيقدروا يعرفوا انه شو الرسالة اللي انبعثت من محمد لنايلة  او نايلة  لمحمد. بس هني قادرين يعرفوا مين عم يحكي مع مين . لأنه تم استجواب التلفون ، وصار عندهم قدرة وصول لبعض البيانات الوصفية. قادرين هني يعرفوا مين عم بحكي مع مين هيدا الاي بي ادريس  IP Adressعم يحكي مع هيدا الاي بي ادريس  IP Adressعن طريق سيغنال الساعة كذا الى اخره. وفي فرق بين الداتا و الميتاداتا، هم عندهم قدرة وصول الميتاداتا. في كتير ميتاداتا منها مشفرة. فسهل يقدروا يوصلوا لها. بس الرسائل الخاصة ما في يوصلوا لها. يعني احنا هون عم نحكي بس انه إذا هني عم  ماشيين فوق البيوت إذا هن يستهدفوا حدن. وهيدا الشي إذا بدو يستهدفوا حدا بيجربوا يستهدفوا بيغاسوس يللي هي تابعة لشركة اسرائيلية. وهون صار موضوع تاني. إذا شخص صار مستهدف بحطه رقمه بجربو يخترقوا له الايفون تبعو. وهون كتير مهم الشخص يكون حاطط شي اسمه Lockdown Mode .لوك داون في يحمي الى حد ما من هذا النوع من من محاولات القرصنة. بس في حال قرصن التليفون. ساعتها هكون قادرين يعرفوا الرسائل الخاصة لأنهم بيفتحوا الكاميرا بيفتحوا الاوديو بيصيروا يقدروا يعرفوا كل شيء حتى عم يصير بالغرفه مع التليفون.

• ما هي سبل الحد من مخاطر تطفل هذه الطائرات؟

محمد نجم:هذا سؤال كتير مهم وبتصور هيدا السؤال. يعني كلنا نتحمل مسؤولية شو فينا نجاوب عليه؟ يعني نحن كل ما خففنا قديش بجمع بيانات كلما خففنا كمية الانتليجينسيا يللي صارت عندهن كمية هيدي المعلومات الميتاداتا ، يللي ممكن يستعملوها ضدنا كلنا كمواطنين. ففي بعض النصايح طبعا يعني اهمها انه يضل السوفتوير محدث . وشفنا نحنا بكتير محاولات قبل كمان من برمجيات خبيثة اسرائيلية كيف انه أبل رجعت عملت سوفتوير ابديت لتقدر تسكر الفجوة، فدائما السوفتوير هو بيفيد لنقدر نخفف كمية محاولات القرصنة على اجهزتنا. النقطة الثانية يللي كمان في ناس ممكن يفكروا فيها بطريقة شائكة لانه في كتير شركات اسرائيلية واكيد الناس جربت تتجنب الشركات الاسرائيلية. بس هو كمان نصيحة اساسية لأنه VPN بخبي الاي بي ادريسIP Adress  تبع التلفون. يعني هلا في فوقي درون  انا مشبك عن طريق الـVPN ما في يعرف رقم IP تبعي. يعني انا مخبي IP تبعي.

نقطه مهمه للأشخاص انه فيهن يعملوا هيدا الشي. اكيد في بعض النصائح بتقول انه ينحط كمان. إذا واحد مثلا قاعد بالمكتب مش عم يستعمل تلفونه ينحط. air plane mode . نحن هون عم نخفف قديه عم تسحب منا بيانات شخصية لتقدر تستعملها ضدنا كلنا.

• هنا نطرح السؤال حول مسؤولية الدولة اللبنانية. أليس هنالك من سبل قانونية لحماية المواطن اللبناني من هذا التجسس والتطفل على خصوصيته وعلى حياته؟

محمد نجم: هلأ أكيد اللي عم بيصير حاليا هو خرق كتيرشغلات، خرق للسيادة. خرق للسيادة الرقمية. خرق للمعاهدات .للأسف الدولة اللبنانية ما عم نشوف في حراك على قد المسؤولية اللي لازم تكون .في خرق دائم وبشكل يومي  بقلب لبنان في كل المناطق. وفي تقصير كبير من  الحراك اللبناني برفع شكاوي، بالتوجه للأمم المتحدة، و غيرها. بس كمان  في مسؤولية من الدولة اللبنانية بشكل عام. نحنا ما عنا هلق حاليا قانون للخصوصية، طبعا قانون خصوصية مش يحمينا هلق دغري ضد درونز . بس هو فكرة قانون الخصوصية لحمايتنا من الشركات المحلية ومؤسسات الدولة. لانه في تسريب كتير بيانات  يعني في شغلات بتصير بشكل يومي بلبنان، في عنا كمان ثقافة يلي هي ما كتير مساندة لحماية البيانات الشخصية والخصوصية. هيدا الشي منو جديد من زمان. يعني بيصير انه بتكون امرأة  مثلا ماشية بسيارتها ببيروت فجأة الا واحد بيتصل برقم تلفونها، بيكون شافها بسيارة  بس ليتعرف عليها. ففي هذا النوع من خرق الخصوصية متاح لأنه ارقام السيارات يتم تسريبها والسيارة مسجلة باسم مين  ورقم تلفون مين. الخ. للأسف يعني لازم يكون  في تغيير بالثقافة في تغيير بطريقتنا. بالتفكير لموضوع الخصوصية. بدو يكون عنا مقاربه جديه أكثر. هلأ عنا منشوف بالحكومة عم يحكو وبدهم يعملو حكومة ذكاء اصطناعي ونحنا بعد ما عنا قانون الخصوصية، ففي عدم إدراك وعدم فهم للمصيبة يلي نحنا هلأ حاليا فيها ،من ناحية قديه عم بتم تجميع بياناتنا. وقديش هذه البيانات ممكن تأثر على المجتمع كله لسنه لخمس سنين لعشر سنين لقدام. فطبعا لازم نجرب نفكر بهالموضوع كرمال الاجيال التالية وكرمال نحن نقدر نحافظ على كينونتنا البشرية وخصوصيتنا وكل هالقصص.

 

يمكن الاستماع لـ "بودكاست النشرة الرقمية" على مختلف منصات البودكاست. الرابط للبودكاست على منصة أبل

للتواصل مع نايلة الصليبي عبر صفحة برنامَج"النشرة الرقمية"من مونت كارلو الدولية على لينكد إن وعلى تويتر salibi@  وعلى ماستودون  وبلوسكاي عبر موقع مونت كارلو الدولية مع تحيات نايلة الصليبي