Forsætisráðherra segist bjartsýn á að lagðar verði fram breytingatillögur á stjórnarskránni á Alþingi á þessu kjörtímabili og kosið um breytingar á henni eftir næstu kosningar. Formenn allra flokka samþykktu í dag að leggja fram drög að stjórnarskrárbreytingum um umhverfismál og auðlindir í náttúru Íslands.

Lögmaður eins hinna sýknuðu í Guðmundar- og Geirfinnsmálinu segir að bótafjárhæð sem þeim standi til boða sé of lág miðað við fordæmi í málinu. Hann segir að ríkisstjórnin hefði átt að leggja til veglegar bætur.

Losun gróðurhúsalofttegunda dregst saman um 19% fram til ársins 2030 samkvæmt útreikningum Umhverfisstofnunar. Forstjórinn er samt bjartsýnn því enn eigi eftir að meta áhrif fjölmargra aðgerða sem boðaðar eru í aðgerðaáætlun stjórnvalda í loftslagsmálum. Arnar Páll Hauksson talar við Kristínu Lindu Árnadóttur.

Helmingur landsmanna er andvígur þriðja orkupakkanum, Þetta kemur fram í nýrri könnun MMR. 98 prósent stuðningsmanna Miðflokksins eru á móti orkupakkanum

Rafdreifikerfið á höfuðborgarsvæðinu getur annað vaxandi kröfum um rafmagn vegna orkuskipta, segir framkvæmdastjóri Veitna. Þó megi gera ráð fyrir flöskuhálsum og álagsstýringu á rafmagninu. Stjórnvöld þurfi þó að koma að málinu ef tengja á skemmtiferðaskip við rafmagn í höfnum.

Viðskiptaveldi Donalds Trumps byggist á sýndarveruleika eða leiktjöldum. Hann var orðinn raunveruleikastjarna áður en sjónvarpið fór að snúast um slíkar persónur. Hann baðaði sig í sviðsljósinu sem farsæll viðskiptajöfur en skattaskýrslur sem The New York Times hefur birt sýna að hann tapaði meira en milljarði bandaríkjadala á einum áratug. Pálmi Jónasson segir frá.

Spegillinn 09.05.2019

Umsjónarmaður: Bergljót Baldursdóttir

Framkvæmd EES samningsins kæmist í uppnám og mikil lagaleg og pólitísk óvissa myndi fylgja því að þriðji orkupakkinn yrði ekki samþykktur. Þetta kemur fram í áliti Alþjóða- og Evrópuréttarstofnunar Háskólans í Reykjavík. Arnar Páll ræðir við Margréti Einarsdóttur, dósent við lagadeild HR

Bankastjóri Arion banka segir að rekstur bankans gangi vel þótt hagnaður á fyrsta ársfjórðungi hafi dregist saman um nærri helming á milli ára. Áhrif af gjaldþroti WOW og dómsmáli Valitors, séu skammtíma. Rætt við Stefán Pétursson starfandi bankastjóra Arion banka.

Forstjóri Landsnets segir að rafmagnsflutningskerfið í landinu sé of veikt til að geta mætt þeim breytingum sem fylgja orkuskiptum. Í nýrri kerfisáætlun fyrirtækisins er gert ráð fyrir framkvæmdum fyrir 8 milljarða króna á ári næstu tíu árin. Bergljót ræðir við Guðmund Inga Ásmundsson, forstjóra Landsnets.

Borgarráð stefnir á að fækka bensínstöðvum um helming á næstu sex árum. Á lóðum bensínstöðvanna eiga að rísa íbúðir, hverfisverslanir eða önnur starfsemi.

Kynningarefni hefur verið búið til fyrir starfsmenn hótela og gistiheimila til að auka vitund þeirra um kynlífsmansal. Arnar Páll ræðir við Ingunni Þorvarðardóttur MPM meistararnema í verkefnastjórnun í HR

Ýmis farartæki og landbúnaðarvélar í eigu Roberts Mugabes, fyrrverandi forseta Simbabve, verða boðin upp um helgina til að grynnka á skuldum hans við hið opinbera.

Allur flutningur á grænmeti frá Sölufélagi garðyrkjumanna verður kolefnisjafnaður að fullu, segir framkvæmdastjóri fyrirtækisins. Fyrirtæki verði að taka ábyrgð á umhverfinu

Landsvirkjun spáir því að raforkuframleiðsla aukist mikið samhliða bráðnun jökla fram á miðja þessa öld.

Innflytjendur gefa íslenskukennslu falleikunn. Í nýrri könnun kemur fram að um 60 prósent innflytjenda eru óánægð með kennsluna.

Hæstiréttur ætlar að taka til meðferðar mál Freyju Haraldsdóttur gegn Barnaverndarstofu.

Á annað hundrað þúsund Rússar hafa skrifað undir áskorun um að farþegaþotur af gerðinni Sukhoi verði kyrrsettar meðan rannsakaðar verði orsakir þess að ein þeirra fórst um síðustu helgi. Aeroflot flugfélagið aflýsti í dag nokkrum ferðum flugvéla af þeirri gerð.

Strætó þyrfti að ráðast í framkvæmdir fyrir allt að fjögur hundruð milljónir króna til þess að geta fjölgað metanstrætisvögnum.

Um 60% innflytjenda eru óánægð með þá íslenskukennslu sem er í boði hér á landi, samkvæmt nýrri könnun. Lítil fylgni er milli þess hversu vel innflytjendur telja sig geta talað íslensku og hversu mörg íslenskunámskeið þeir hafa sótt. Nærri helmingur innflytjenda telur íslenskukunnáttu sína slaka. Arnar Páll Hauksson segir frá og talar við Lara Wilhelmine Hoffmann og Eyjólf Sturlaugsson.

Fararstjórar í Söngvakeppni evrópskra sjónvarpsstöðva fá á hverju ári þjálfun í því hvernig á að bregðast við þegar sprengja springur eða vopnaðir menn komast inn á svæðið, segir Jónatan Garðarsson, sem fylgt hefur íslensku þátttakendunum sextán sinnum. Bergljót Baldursdóttir talat við Jónatan.

Anna Kristín Jónsdóttir segir frá norska þjóðbúningnum og því að konur sem mótmæla lokun fæðingardeilda í Norður Noregi hafa klæðst þjóðbúningum í mótmælunum.

Umsjón Arnar Páll Hauksson.

Tækinmaður Ragnar Gunnarsson.

Atkvæðagreiðslu á Alþingi um frumvarp um þungunarrof var í dag frestað fram yfir helgi. Lagt hefur verið til að breyta fjórðu grein þess og leyfa þungunarrof til loka 20 viku en ekki 22. Jóhanna Vigdís Hjaltadóttir ræddi við Pál Magnússon, (D) formann allsherjar og menntamálanefndar. Brot úr ræðum Óla Björns Kárasonar (D) og Bjarkeyjar Olsen Gunnarsdóttur (V).

Yfir 150 þúsund Sýrlendingar hafa flúið heimili sín í norðvesturhluta Sýrlands síðustu daga vegna árása Rússa og sýrlenska stjórnarhersins. Hundruð hafa fallið eða særst. Ásgeir Tómasson sagði frá.

Dæmi eru um að smálánaskuldarar hafi verið teknir af vanskilaskrá vegna þess að þeir mótmæltu því að krafan væri lögmæt, segir förstöðumaður lögfræðisviðs Creditinfo. Kristín Sigurðardóttir talaði við Sigríði Laufeyju Jónsdóttur, forstöðumann þjónustu- og lögfræðisviðs Creditinfo.

Malbikunarframkvæmdir sumarsins hófust í Reykjavík í dag. Valgeir Örn Ragnarsson fréttamaður hitti Ólaf Sigurmundsson yfirverkstjóra hja Malbikunarstöðinni Höfða í Bláskógum í dag.

Ein óyggjandi vísbending þess að sumarið er komið er áberandi söngur svartþrastar í mörgum húsagörðum landsins. Í garði í Reykjavík náðist á upptöku þegar svartþröstur hóf að syngja með partítónlist úr næsta húsi.

--------

Jón Kristinsson, umhverfisarkitekt og frumkvöðull á sviði sjálfbærrar byggingarlistar, leggur til að Markarfljóti verði veitt inn í Landeyjahöfn til að gera hana sjálfhreinsandi. Unnið er að endurbótum á höfninni sem eiga að gera það kleift að dæla sandi úr henni úr landi. Fjallað verður um lausn á vanda Landeyjahafnar síðar í Speglinum.

Málefni hafsins, loftslagsmál, grænar orkulausnir og fólkið og samfélög á norðurslóðum verða meginviðfangsefni Norðurskautsráðsins undir formennsku Íslands næstu tvö árin. Guðlaugur Þór Þórðarson utanríkisráðherra lagði sérstaka áherslu á sjálfbærni í Rovaniemi morgun þegar Ísland tók við formennskunni. Í fyrsta skipti í nærri aldarfjórðungs sögu ráðsins var ekki sameiginleg yfirlýsing eftir fund þess. Timo Soini utanríkisráðherra Finnlands, fráfarandi formaður vildi ekki álasa neinum fyrir það en í eigin yfirlýsingu væri rætt um loftslagsbreytingar. Mike Pompeo sagði að Trump stjórninni væri annt um vernd náttúrunnar en traust yrði að ríkja milli þjóða.

Fyrir tíu árum markaði skýrsla og tillögur Thorvalds Stoltenbergs, fyrrverandi utanríkisráðherra Noregs, um norræna samvinnu tímamót. Utanríkismálastofnanir Norðurlandanna kynntu fyrir helgi úttekt á Stoltenberg-skýrslunni og þýðingu hennar.

Forsvarsmenn bandaríska félagsins ALC hafa lagt fram nýja aðfarabeiðni og krefjast þess að félagið fái Airbus-þotuna sem Isavia kyrrsetti eftir gjaldþrot WOW air. Isavia hafnaði tilboði ALC í dag. Freyr Gígja Gunnarsson segir frá

Yfirkjörstjórn í Tyrklandi hefur ógilt úrslit borgarstjórakosninga í Istanbúl og boðar til nýrra kosninga. Erdogan forseti tók því afar illa að stjórnarandstæðingur hafði betur gegn frambjóðanda hans. Ásgeir Tómasson tók saman

Sparisjóður Strandamanna skoðar nú hvort hægt er að loka á viðskipti við smálánafyrirtæki. Sparisjóðsstjórinn segir málið í vinnslu með fjármálaeftirlitinu.

Helga Vala Helgadóttir, formaður stjórnskipunar- og eftirlitsnefndar Alþingis segir að stjórnvöld verði að koma Landsrétti til aðstoðar svo réttarkerfið í landinu sé starfhæft. Þórdís Kolbrún Reykfjörð Gylfadóttir, dómsmálaráðherra hefur enn ekki séð tillögu sem myndi laga stöðuna sem uppi er vegna dóms Mannréttindadómstóls Evrópu.

Prestar hvetja stjórnvöld til að lýsa yfir neyðarástandi vegna loftslagsmála. Halldór Reynisson, verkefnisstjóri umhvefismála þjóðkirkjunnar segir brýnt að endurheimta votlendi á kirkjujörðum og efla skógrækt til muna. Sunna Valgerðardóttir ræddi við hann.

Eva Björk Harðardóttir, oddviti Skaftárhrepps segir að lítil samfélög geti ekki fríað sig ábyrgð á umhverfismálum og sjálfbærni. Heimsmarkmið Sameinuðu þjóðanna verða lögð til grundvallar allri stefnumótun sveitarfélagsins. , Jón Þór Kristjánsson ræddi við hana.

Náttúrunni hnignar hraðar en nokkur sinni og þörf mannsins fyrir orku og mat eru það sem helst knýr afturförina. Milljón tegundir lífvera eru í útrýmingarhættu. Fjallað verður um nyja skýrslur um vá sem steðjar að fjölbreytileika náttúrunnar í Speglinum. Rætt við Auði Önnu Magnúsdóttur, framkvæmdastjóra Landverndar.

Fyrir helgi var kosið í 248 af 408 bæja- og sveitastjórnum í Bretlandi. Íhaldsflokkurinn tapaði illa, Verkamannaflokknum gekk heldur ekki sem best. Theresa May forsætisráðherra telur úrslitin til merkis um að kjósendur vilji nú klára útgöngu Breta úr Evrópusambandinu. Ýmsir flokksmenn hennar skrifa úrslitin á hennar reikning, flokkurinn þurfi nýjan leiðtoga. Staðreyndin er þó sú að sigurvegarar kosninganna eru andsnúnir Brexit. Sigrún Davíðsdóttir segir frá.

Umsjónarmaður: Anna Kristín Jónsdóttir

Tæknimaður: Magnús Þorsteinn Magnússon

Spegillinn 03.05.2019

Umsjónarmaður: Bergljót Baldursdóttir

Fjármálaráðherra segir að velta megi fyrir sér hvernig samskipti Isavia ætlar að eiga við skulduga viðskiptamenn í framtíðinni. Hvorki hann né samgönguráðherra gera athugasemdir við afgreiðslu félagsins á skuldum WOW. Rætt við Sigurð Inga Jóhannsson samgönguráðherra

Níu hafa fundist látin eftir að báti með flóttafólki hvolfdi undan ströndum Tyrklands. Til stóð að smygla hópnum til grísku eyjarinnar Lesbos.

Hreiðar Hermannsson hótelstjóri á Stracta hóteli er hættur við að reyna að stofna íslenskt lágfargjaldaflugfélag. Hann vinnur áfram að því að auka sætaframboð til Íslands. Rætt við Hreiðar Hermannsson, hótelstjóra

Valur Lýðsson, bóndi að Gýgjarhóli II í Biskupstungum, var í Landsrétti í dag dæmdur í fjórtán ára fangelsi fyrir að verða bróður sínum að bana í fyrravor. Þetta er helmingi þyngri dómur en Valur hlaut í héraði. Rætt við Helga Magnús Gunnarsson vararíkissaksóknara

Formaður Rafiðnaðarsambandsins segir að samningur iðnaðarmanna marki tímamót. Hann eigi eftir að auka lífsgæði félagsmanna. Rætt við Kristján Þórð Snæbjarnarson, formann Rafiðnaðarsambandsins. Arnar Páll Hauksson, ræddi við hann.

Íslensk stjórnvöld hafa styrkt Hamrahlíðarkórinn um fimm milljónir króna, svo kórinn geti sungið á tónleikum Bjarkar Guðmundsdóttur í New York næsta mánuðinn. Rætt við Lilju Alferðsdóttur, menntamálaráðherra

Alvarlegum bifhjólaslysum á þungum bifhjólum hefur fækkað um rúman helming á einum áratug. Sérfræðingur segir ökumenn einfaldlega vera betri en þeir voru. Rætt við Einar Magnús Magnússon, sérfræðingu á öryggis- fræðsludeild Samgöngustofu

Jón Kristinsson, íslenskur arkitekt og frumkvöðull í umhverfismálum segir að Reykvíkingar ættu að koma á jarðlestarkerfi í Reykjavík. Jón er þekktur er víða sem faðir sjálfbærrar byggingarlistar. Rætt verður við hann í Speglinum. Bergljót Baldursdóttir ræddi við hann.

Og við heyrum frægt Bítlalag flutt á Mi'kmaq máli - túlkun sem slegið hefur í gegn í Kanada.

Hætta er talin á að hátt í 90 prósent tungumála heimsins deyi út fyrir næstu aldamót. Árið 2019 er ár frumbyggjatungumála hjá Sameinuðu þjóðunum. Kristján Sigurjónsson sagði frá

Héraðsdómur Reykjaness telur Isavia ekki mega halda flugvél ALC til tryggingar tveggja milljarða króna skulda WOW air. Lögmaður ALC íhugar að skjóta kvörtun til eftirlitsstofnunar EFTA vegna ólögmætrar ríkisaðstoðar til WOW.

Smálánafyrirtæki sem bjóða lán hér á landi brjóta íslensk lög. Þetta segir ráðherra neytendamála sem vonast til þess að geta stöðvað starfsemi þeirra með frumvarpi í haust.

Hver Íslendingur losaði svo mikið af koltvísýringi vegna flugs árið 2017 að það jafngilti því að hver og einn hefði flogið þrettán sinnum aðra leiðina til Parísar það ár. Verð á losunaheimildum hefur nú náð sögulegu hámarki og getur haft áhrif á rekstur flugfélaga.

Forseti fulltrúadeildar Bandaríkjaþings sakar dómsmálaráðherra landsins um að hafa logið að þinginu. Með því hafi hann gerst brotlegur við lög.

Margrét Helga Guðmundsdóttir, sérfræðingur hjá Umhverfisstofnun, segir að hver Íslendingur hafi losað 2,33 tonn af koltvísýringi bara vegna flugs árið 2017. Það jafngildir því að hver Íslendingur hafi flogið tæplega þrettán sinnum aðra leiðina til Parísar það ár. Verð á losunaheimildum hefur nú náð sögulegu hámarki og getur það haft áhrif á rekstur flugfélaga.

Margrét Helga tekur þátt í alþjóðsamstarfi og þarf oft að fara til útlanda.

Formaður velferðarnefndar Alþingis segir að það eigi að leiðrétta bætur til öryrkja strax vegna skerts búsetuhlutfalls. Tæplega 1200 öryrkjar eiga rétt á leiðréttingu. Arnar Páll talar við Halldóru Mogensen

Margrét Helga Guðmundsdóttir, sérfræðingur hjá Umhverfisstofnun, segir að hver Íslendingur hafi losað 2,33 tonn af koltvísýringi bara vegna flugs árið 2017. Það jafngildir því að hver Íslendingur hafi flogið tæplega þrettán sinnum aðra leiðina til Parísar það ár. Verð á losunaheimildum hefur nú náð sögulegu hámarki og getur það haft áhrif á rekstur flugfélaga.

Margrét Helga tekur þátt í alþjóðsamstarfi og þarf oft að fara til útlanda. Bergljót Baldursdóttir talar við Margréti Helgu Guðmundsdóttur.

Frjókorn eru farin að svífa um loftið, elri er þegar farið að blómstra og dreifa frjóum sínum og fólk sem er með birkiofnæmi getur fundið fyrir ofnæmiseinkennum. Á vef Náttúrufræðistofnunar er fjallað um elri sem er sömu ættar og birki og því með sömu ofnæmisvaka en blómstrar miklu fyrr, mánaðamótin mars apríl. Lyng- og víðifrjó mælast líka snemma á vorin en eru ekki eins skæð þeim sem eru með frjókornaofnæmi því frjó þeirra dreifast helst með skordýrum. Anna Kristín Jónsdóttir segir frá.

Spegillinn 30.04.2019

Umsjón: Pálmi Jónasson

Yfirmaður heraflans í Venesúela varar við blóðbaði reyni stjórnarandstæðingar að steypa Nicolas Maduro forseta f stóli. Framkvæmdastjóri Sameinuðu þjóðanna hvetur andstæðar fylkingar til að forðast ofbeldi.

Stjórn Samherja og forstjóri fyrirtækisins hafa kært Má Guðmundsson og fjóra aðra stjórnendur Seðlabanka Íslands til lögreglu fyrir að hafa misbeitt valdi sínu um árabil. Stjórnendur Samherja hafa einnig ákveðið að höfða skaðabótamál gegn bankanum vegna rannsóknar á meintum gjaldeyrisbrotum.

Tvær flugferðir til Tenerife menga jafn mikið og fólksbíll á heilu ári. Umhverfisverkfræðingur segist hafa rosalegt flugviskubit yfir tíðum ferðum til útlanda.

Gunnar Jóhann Gunnarsson játaði að hafa orðið Gísla Þór Þorsteinssyni að bana þegar hann var handtekinn í norður Noregi á laugardag.

Landsmenn þurfa að horfast í augu við það að þeir verða að draga úr losun frá flugi, segir Sigurður Thorlacius, umhverfisverkfræðingur hjá Eflu verkfræðistofu - en hann þjáist af flugviskubiti eftir að hafa farið margar ferðir til útlanda á síðasta ári. Vaxandi vitund er hér um landi um áhrif flugs á loftslagsbreytingar. Þrjú tonn af koltvísýringi losnuðu út í andrúmsloftið vegna ferða Sigurðar á síðasta ári sem er helmingi meira en meðal fólksbíll losar á einu ári. Bergljót Baldursdóttir segir frá og talar við Sigurð Thorlacius.

Akihito Japanskeisari afsalaði sér í dag keisarartign en þetta er í fyrsta skipti í tvö hundruð ár sem það gerist. Akihito er yfirleitt elskaður og dáður af þegnum sínum og valdtími hans er kenndur við frið. Krónprinsinn tók formlega við hásæti tryggðarblómsins á miðnætti að staðartíma. Pálmi Jónasson fjallar um málið.

Skólaforðun er vaxandi vandamál og Fljótsdalshéraði ætlar félagsþjónustan að ráðast í átak til að hjálpa börnum sem glíma við slíkan vanda. Hann getur að hluta legið hjá foreldrum og því nær aðstoðin líka til foreldra. Þegar börn mæta ekki í skólann eða þola ekki við innan veggja skólans getur það verið vísbending um alvarleg vandamál. Sé ekkert að gert geta afleiðingarnar orðið alvarlegar. Rúnar Snær Reynisson segir frá og talar við Júlíu Sæmundsdóttur er félagsmálastjóri á Fljótsdalshéraði.