Spegillinn 10.04.2019

Umsjón: Bergljót Baldursdóttir

Yfirmaður hjá lögreglunni á höfuðborgarsvæðinu vill ráða fjármálasérfræðinga til að rannsaka skipulagða glæpastarfsemi. Á þessu ári hafa verið kyrrsettar eignir í tengslum við starfsemina fyrir 70 milljónir. Talið er að allt að 20 skipulagðir brotahópar starfi hér á landi. Rætt við Karl Steinar Valsson yfirlögregluþjón hjá lögreglunni á höfuðborgarsvæðinu

Formaður Þroskahjálpar segir brýnt að stjórnvöld rannsaki aðbúnað fatlaðs fólks og annarra sem vistaðir voru í úrræðum á vegum stjórnvalda. Fatlaður maður hefur beðið þess í rúmt ár að stjórvöld svari ósk hans um rannsókn á Bitru. Rætt við Bryndísi Snæbjörnsdóttur formann Þroskahjálpar.

Bandaríkjastjórn biður Sameinuðu þjóðirnar að viðurkenna Juan Guaido, leiðtoga stjórnarandstöðunnar í Venesúela, sem réttmætan leiðtoga landsins. Koma verði Maduro forseta frá völdum.

Formaður Samtaka verslunar og þjónustu segir að leiðrétta þurfi álögur fasteignagjalda á atvinnurými. Fyrirkomulagið eins og það er nú sé galið og ekki hægt að bjóða atvinnulífinu upp á það. Rætt við Jón Ólaf Halldórsson, formann Samtaka verslunar og þjónustu

Leiðtogar Evrópusambandsins hittast á skyndifundi í kvöld til að ræða beiðni Breta um frekari frestun Brexit. Sigrún Davíðsdóttir sagði frá

Elsti manngerði hellir á Íslandi er á Rangárvöllum. Þetta staðfesta niðurstöður fornleifarannsóknar sem kynntar voru í dag. Líklegt þykir að nautahellir sem getið er í Jarteinabók Þorláks helga biskups sé fundinn. Rætt við Kristborgu Þórsdóttur fornleifafræðing hjá Fornleifastofnun Íslands

Indversku þingkosningarnar eru ólíkar öllum öðrum þingkosningum. Þær hefjast á fimmtudag og standa í þrjátíu og níu daga. Níu hundruð milljónir Indverja hafa kosningarétt, fjórum sinnum fleiri en í Bandaríkjunum, næstfjölmennasta lýðræðisríki veraldar á eftir Indlandi. Pálmi Jónasson sagði frá

Spegillinn 09.04.2019

Umsjón: Pálmi Jónasson

Utanríkisráðherra segir að allt sem viðkomi þriðja orkupakkanum sé á forræði Íslendinga. Engin ákvörðun verði tekin um lagningu sæstrengs nema með samþykki Alþingis. Ráðherra mælti fyrir tillögu sinni um þriðja orkupakkann á Alþingi nú síðdegis.

Formaður Kennarasambands Íslands segir það óskhyggju að lífskjarasamningurinn verði grundvöllur nýrrar þjóðarsáttar. Hann segir útlitið ekki bjart fyrir komandi kjaraviðræður kennara.

Stjórnarandstaðan í Danmörku er með mun meira fylgi en ríkisstjórn Lars Løkkes Rasmussens samkvæmt könnunum.

Byltingarvarðliðið, úrvalssveit íranska hersins, er komið á lista Bandaríkjaforseta yfir hryðjuverkasamtök.

Tólf verslunarrými standa auð í hjarta miðborgar Reykjavíkur þar sem Skólavörðustígur og Laugavegur mætast. Formaður íbúasamtaka miðborgarinnar segir að lítil þjónusta sé fyrir íbúa miðborgarinnar og framkvæmdastjóri einnar elstu verslunarinnar segir að flóttann úr bænum megi rekja til hækkunar fasteignagjalda.

Vísindunum og möguleikunum til að hafa áhrif með erfðatækni fleygir fram en menn verða að velta fyrir sér afleiðingum og stíga varlega til jarðar - má segja að sé inntakið í nýrri skýrslu Sameinuðu þjóðanna þar sem velt er upp áskorunum og umhverfisógnum framtíðar. Þar á meðal eru möguleg áhrif nýrrar líftækni. Anna Kristín Jónsdóttir sagði frá.

Spegillinn 08.04.19

Umsjón: Pálmi Jónasson

Utanríkisráðherra segir allt sem viðkomi þriðja orkupakkanum vera á forræði Íslendinga. Enginn ákvörðun verði tekin um lagningu sæstrengs nema með samþykki Alþingis. Ráðherra mælti fyrir tillögu sinni um þriðja orkupakkann á Alþingi nú síðdegis.

Formaður Kennarasambands Íslands segir það óskhyggju að lífskjarasamningarnir verði grundvöllur nýrrar þjóðarsáttar. Hann segir útlitið ekki bjart fyrir komandi kjaraviðræður kennara.

Stjórnarandstaðan í Danmörku er með mun meira fylgi en ríkisstjórn Lars Løkkes Rasmussens samkvæmt könnunum.

Byltingarvarðliðið, úrvalssveit íranska hersins, er komið á lista Bandaríkjaforseta yfir hryðjuverkasamtök.

Ísraelar ganga að kjörborðinu á morgun. Kosningarnar gætu markað endalok valdatíðar Benjamins Netanyahu. Eða tryggt að hann verði sá forsætisráðherra sem lengst hefur setið í Ísrael frá upphafi. Kosningarnar eru sagðar þjóðaratkvæðagreiðsla um Netanyahu og spillingamál honum tengd gætu skipt sköpum. Pálmi Jónasson segir frá.

Beðið er eftir því í Danmörku að Lars Løkke Rasmussen forsætisráðherra boði til þingkosninga. Síðast var kosið í Danmörku 2015 og fjögurra ára kjörtímabili lýkur 18. júní. Kosningar verða því í síðasta lagi 17. júní. Bogi Ágústsson segir frá.

Brynjólfur H Björnsson, framkvæmdastjóri verslunarinnar Brynju, segir að rekja megi flótta verslana úr miðborginni til hækkunar fasteignagjalda. Þau hafi hækkað um 60 prósent á þremur árum. Benóný Ægisson, formaður Íbúasamtaka miðborgarinnar segir að lítil þjónusta sé þar nú fyrir íbúa. Bergljót Baldursdóttir fór í bæinn.

Ríkið mun kaupa íbúðir með ungu fólki og tekjulágum, samkvæmt tillögum starfshóps um úrbætur á húsnæðismarkaði. Félagsmálaráðherra segist vonast til þess að fyrstu frumvörp verði lögð fram í haust.

Sjómannafélag Íslands hefur ákveðið að boða til nýrra kosninga í stjórn félagsins. Heiðveig María Einarsdóttir segir að hún og hennar framboðslisti íhugi að gefa aftur kost á sér ef óháður aðili hefur umsjón með framkvæmd atkvæðagreiðslunnar.

Samgönguráðherra segir ljóst að breyta verið gjaldtöku vegna vegaframkvæmda á næstu árum. Hann er sjálfur sannfærður um að að taka verði upp meiri notendagjöld í auknum mæli - og þá með gjaldtöku á vegum.

Þriggja daga viðræður Verkamannaflokksins og Íhaldsflokksins um útgöngu Bretlands úr Evrópusambandinu hafa engu skilað til þessa, að sögn stjórnarandstæðinga. Þeir segja Íhaldsflokkinn ekkert hafa til málanna að leggja.

Mick Jagger, söngvari The Rolling Stones, er á góðum batavegi eftir hann gekkst undir hjartaaðgerð í gær.

Teitur Erlingsson, varaforseti Landsamtaka íslenskra stúdenta, segir að það séu vonbrigði að ekki hafi verið í tillögum starfshóps félagsmálaráðherra vegna húsnæðismála ungs fólks, skýrari lausnir á því hvernig ungt fólk á leigumarkaði geti staðist greiðslumat. Nánast ómögulegt sé fyrir fólk sem greiðir húsaleigu að standast það mat. Bergljót Baldursdóttir talar við Teit Erlingsson.

Ekki er tekið af skarið í nýrri skýrslu um fjármögnun vegakerfisins um hvort byrjað verður að innheimta veggjöld. Samgönguráðherra vill að fram fari fagleg umræða um framtíðarfjármögnun vegaframkvæmda. Hann er sjálfur sannfærður um að það þurfi að koma til meiri notendagjöd með einhvers konar gjaldtöku á vegum. Arnar Páll Hauksson talar við Guðmund Inga Jóhannsson.

Alvarlegur vandi steðjar að í Marseille, annarri stærstu borg Frakklands. Fjölmargar byggingar eru að hruni komnar og tekjulitlir íbúar óttast sumir að húsin þeirra hrynji, þeir verði hreinlega grafnir lifandi og ekki að ástæðulausu. Einmitt það gerðist nefnilega nýlega í Marseille.

Arnhildur Hálfdánardóttir segir frá.

Framkvæmdastjóri SA segir að þó að meginþorri fyrirtækja geti staðið undir þeim launahækkunum sem samið var í gær sé því miður ljóst að einhver fyrirtæki verði að grípa til hagræðingaraðgerða.

Formaður bankaráðs Seðlabankans og nefndarmenn í peningastefnunefnd gagnrýna að forsenda kjarasamninga sé að vextir lækki. Einn þeirra segir að þetta sé galið. Seðlabankastjóri segir óheppilegt að sérstakt ákvæði um lækkun stýrivaxta hafi verið sett inn í kjarasamninga.

Ástralski kynþáttahatarinn og hægriöfgamaðurinn sem réðst á gesti tveggja moska í Christchurch á Nýja-Sjálandi um miðjan mars verður á morgun ákærður fyrir 50 morð og tugi morðtilrauna.

Fyrirhugaðar breytingar á strandveiðikerfinu falla í misgóðan jarðveg hjá smábátaeigendum.

Í Speglinum var rætt við Halldór Benjamín Þorbergsson framkvæmdastjóra SA, Vilhjálm Birgisson formann Verkalýðsfélags Akraness og Katrínu Ólafsdóttur lektor í HR og nefndarmann í peningastefnunefnd Seðlabankans um nýgerðan kjarasamning.

Spegillinn 3. apríl 2019

Umsjón: Bergljót Baldursdóttir

Tæknimaður: Gísli Kjaran Kristjánsson

Dráttur hefur orðið á því í dag að kjarasamningar í viðræðum VR, Eflingar, Starfsgreinasambandsins og annarra stéttarfélaga við Samtök atvinnulífsins verði undirritaðir. Búist var við því að samningar yrðu undirritaðir um klukkan þrjú í dag en enn sem komið er hefur ekkert orðið af því. Arnar Páll Hauksson segir frá og talaði við Vilhjálm Birgissson, formann verkalýðsfélagsins á Akranesi

Skúli Mogensen fjárfesti í WOW air fyrir um fjóra milljarða króna allt frá stofnun félagsins árið 2011. Hann segir ljóst að hann muni fá lítið sem ekkert af þessum fjórum milljörðum til baka. Jón Hákon Halldórsson segir frá

Gengi bréfa í Icelandair Group hækkaði um rúm átta prósent í þrjú hundruð tuttugu og tveggja milljóna króna viðskiptum í Kauphöll Íslands í dag.

Panamaskjölin svonefndu hafa gert skattayfirvöldum í 22 löndum víðs vegar um heiminn kleift að innheimta á annað hundrað milljarða króna í sektir og vangoldna skatta vegna fjármuna sem komið hafði verið fyrir í skattaskjólum. Víðs vegar er enn verið að rannsaka undanskotin þannig að upphæðin á eftir að hækka. Ásgeir Tómasson segir frá

Tvö tilvik hafa komið upp hér á landi að undanförnu þar sem kviknað hefur í rafbílum því að venjuleg framlengingarsnúra var notuð til að hlaða þá. Fagstjóri rafmagnsöryggissviðs hjá Mannvirkjastofnun segir ekki öruggt að stinga rafbílum í samband í venjulegar innstungur. Hann hvetur fólk eindregið til að nota frekar hleðslustöð. Dagný Hulda Erlendsdóttir tók saman. Rætt var við Jón Ólafsson í Samfélaginu á Rás 1 í dag.

Lengra efni:

Sigrún Davíðsdóttir fjallar um Brexit

Það er ekki aðeins við Brexit vandann að glíma heldur einnig Brexit angisina. Eftir viðvarandi Brexit-óvissu í Bretlandi undanfarin misseri eru læknar farnir að tala um Brexit-angist. Spurningin er hvernig eigi að taka á angistinn, á að gefa eitthvað við henni, eða kannski er þetta aðeins dæmi um ofgreiningu. En ef angist er dæmi um magnleysi þá er kannski pólitísk þátttaka til ráða til að fá útrás fyrir vanlíðanina.

Lísabet Guðmundsdóttir, fornleifafræðingur segir að þúsundir minjastaða á Íslandi séu að fara í sjóinn mun hraðar en talið var vegna loftslagsbreytinga. Á Norðurlöndunum hafi verið settir upp sjóðir til að fjármagna eftirlit með fornminjastöðum vegna þessarar hættu en ekkert slíkt er til hér á landi. Bergljót Baldursdóttir ræðir við hana

Alvarlegur vandi steðjar að í Marseille, annarri stærstu borg Frakklands. Fjölmargar byggingar eru að hruni komnar o

Spegillinn 2. apríl 2019

Umsjón: Kristján Sigurjónsson

Tæknimaður: Mark Eldred

Ríkisstjórnin og aðilar vinnumaraðarins ætla að kynna meginlínur kjarasamnings og aðgerðir ríkisstjórnar vegna væntanælegs nýs kjarasamnings nú seint á sjöunda tímanum. Fundahöld hafa staðið yfir hjá ríkissáttasemjara í allan dag. Búist er við að skrifað verði undir kjarasamning í kvöld eða á morgun.

Theresa May ætlar að óska eftir því að Bretar fái lengri frest til að segja skilið við Evrópusambandið. Hún biðlar til formanns Verkamannaflokksins að taka þátt í að greiða úr flækjunni sem Brexit er komið í.

Greina þarf þörf fyrir vinnuafl og menntun til framtíðar hér á landi því misræmi hefur verið á milli menntunar og framboðs starfa, segir sviðsstjóri hjá Vinnumálastofnun. Búast megi við auknu atvinnuleysi vegna falls WOW air en ekki verði allsherjarsamdráttur.

Samtals var 473 starfsmönnum sagt upp í sex hópuppsögnum sem tilkynntar voru til Vinnumálastofnunar í mars.

Kaupþing hefur ákveðið að bjóða til sölu 10 prósenta hlut í Arion banka. Miðað við markaðsvirði hlutabréfa bankans í dag nemur verðmæti hlutarins sem til stendur að selja um 15 milljörðum króna.

Landbúnaðarráðherra segir að frumvarp sem heimilar innflutning á hráu kjöti tryggi vernd búfjárstofna og bæti samkeppnisstöðu innlendrar matvælaframleiðslu.

Heiða Björg Pálmadóttir hefur verið skipuð í embætti forstjóra Barnaverndarstofu. Hún hefur starfað sem settur forstjóri í rúmt ár og var yfirlögfræðingur stofnunarinnar frá árinu 2009. Sex sóttu um embættið þegar það var auglýst.

Hrafnhildur Markúsdóttir, ellefu ára nemandi í Hvassaleitisskóla í Reykjavík hefur lesið 83 bækur það sem af er ári. Kennarinn hennar segir lesturinn hjálpa henni í öðrum greinum í skólanum. Hrafnhildur heldur skipulagt bókhald yfir bækur sem hún les.

Lengri umfjöllun:

Karl Sigurðsson sviðstjóri hjá Vinnumálastofnun segir að misræmi sé milli menntunar og starfa hér á landi og þörf sé fyrir að nýta gögn Hagstofunnar til að greina vinnumarkaðinn til framtíðar. Hann segir að gera megi ráð fyrir því að atvinnuleysi aukist hér á landi um eitt til eitt og hálft prósentustig milli ára vegna falls WOW og tengdra fyrirtækja. Fari úr 2,3 prósentum 2018 í yfir þrjú prósent á þessu ári. Bergljót Baldursdóttir talar við Karl Sigurðsson.

Hvort á maður að velja plast- eða pappírspoka undir vörurnar þegar farið er út í búð að kaupa í matinn? Hvort er betra fyrir umhverfið? Eða er best að fara með margnota pokann? Það eru ekki til nein einföld svör við þessum spurningum. Plastpokar og pappírs

Spegillinn 1. apríl 2019

Umsjón: Kristján Sigurjónsson

Tæknimaður: Mark Eldred

Samningafundur í kjaradeilu Eflingar, VR og fleiri félaga og Samtaka atvinnulífsins sem hófst snemma í morgun stendur enn hjá ríkissáttasemjara. Fyrir fram var búist við að í dag kæmi ljós hvort aðilar væru að ná samningi eða ekki. Stóra samningnefnd Eflingar kom í hús til sáttasemjara rétt fyrir klukkan sex sem og forseti ASÍ. Arnar Páll Hauksson talar beint frá Ríkissáttasemjara.

Ólíklegt er að eitthvað fáist upp í allar kröfur í þrotabú WOW air segir annar skiptastjóra félagsins. Opnað verður fyrir kröfur í búið á miðvikudag.

Íslendingar halda fullum foræðum yfir orkuauðlindum sínum með tilkomu þriðja orkupakkans, segir forsætisráðherra. Hún hafnar gagnrýni formanns Miðflokksins sem heldur öðru fram.

Abdelaziz Bouteflika, forseti Alsírs, hyggst láta af embætti á næstu dögum, áður en skipunartími hans rennur út. Hann hefur verið við völd frá árinu 1999.

Breska þingið kýs í kvöld um leiðbeinandi en ekki lagalega bindandi tillögur sem hafa tekið dagskrárvaldið af forsætisráðherra í baráttu við Brexit og sundrung í eigin flokki.

33 bandarískir foreldrar hafa verið ákærðir fyrir að borga svindlurum stórfé í því skyni að koma börnum sínum í bestu háskóla landsins.

Útibú frá Barnahúsi var opnað á Akureyri í dag. Þar verður tekið á móti börnum sem hafa orðið fyrir kynferðisofbeldi eða öðru ofbeldi og þeim veitt áfallameðferð.

Vorboðarnir flykkjast til landsins og nú er lundinn kominn en til hans sást í Grímsey um helgina.

Lengri Umfjöllun:

Í kvöld greiðir breska þingið í annað skiptið atkvæði um leiðbeinandi, ekki lagalega bindandi tillögur um Brexit-leiðir, þar á meðal varanleg aðild að tollabandalagi. Theresa May forsætisráðherra á í mesta basli með framvinduna, er á móti tollabandalagi, vill fresta fjórðu atkvæðagreiðslunnar um sinn útgöngusamning. Atkvæðagreiðslan í dag sýnir að forsætisráðherra hefur misst dagskrárvaldið í þinginu og flokkur hennar á góðri leið með að klofna. Sigrún Davíðsdóttir segir frá.

Óhætt er að fullyrða að fá mál á liðnum árum hafi vakið önnur eins viðbrögð og áhuga hjá bandarískum almenningi og háskólaskandallinn svokallaði. Allt bendir til þess að vel efnaðir foreldrar eða forráðamenn hundraða ungmenna hafi mútað eða borgað vel skipulögðum hópi manna með ítök í virtum háskólum vestanhafs stórfé til að koma afkvæmum sínum að í skólunum. Eftir sitja ungmenni sem verðskulduðu miklu frekar skólavist, en taumlaus metnaður og græðgi annarra rændi þau tækifærinu. Fjölmiðlar vestra hafa undanfarna