Airport Associates tilkynnti í dag um uppsagnir þrjú hundruð og fimmtán starfsmanna. Forstjórinn segir að unnið sé að því að skipuleggja starfsemi fyrirtækisins upp á nýtt eftir gjaldþrot Wow air. Stórum hluta þeirra sem sagt var upp verði boðið starf áfram á breyttum vöktum og í breyttu starfshlutfalli.

Hópuppsagnir sem ná til um tvö hundruð manns hjá fyrirtækjum sem ekki starfa í ferðaþjónustu voru einnig tilkynntar til Vinnumálastofnunar.

VR ætlar að lána 250 félagsmönnum sínum sem störfuðu hjá WOW air, jafnvirði þeirra launa sem þeir hefðu fengið um mánaðamótin.

Forseti ASÍ hefur áhyggjur af ástandinu á vinnumarkaði vegna gjaldþrots WOW air. Hún segir að ábyrgð stjórnvalda sé mikil og nú sé tími til að grípa til samfélagslegra lausna.

Theresa May forsætisráðherra Breta varð í dag undir í þinginu í þriðja skipti í atkvæðagreiðslu um útgöngusamning Breta við Evrópusambandið. Sem fyrr ríkir óvissa um útgönguna, bæði ferlið og dagsetninguna.

Innflytjendur hafa að jafnaði 8 prósent lægri laun en innlendir samkvæmt greinargerð Hagstofu Íslands.

Forseti ASÍ hefur áhyggjur af ástandinu á vinnumarkaði vegna gjaldþrots WOW air. Hún segir að ábyrgð stjórnvalda sé mikil og nú sé tími til að grípa til samfélagslegra lausna. Hún varar hins vegar við heimsendaspám og ítrekar að ekki sé um annað efnahagshrun að ræða. Krafan um mannsæmandi laun sé enn í fullu gildi. Arnar Páll Hauksson talar við Drífu Snædal.

Breska þingið felldi í dag, í þriðja skiptið, útgöngusamning Theresu May forsætisráðherra Breta við Evrópusambandið. May fær tæplega tækifæri til að reyna aftur, sem fyrr er óvissan algjör. Í næstu viku mun þingið freista þess að finna aðrar leiðir en löng frestun útgöngu og - eða þingkosningar gætu blasað við. Sigrún Davíðsdóttir.

Það er víðar en á Íslandi sem menn velta fyrir sér sambandi sólar, klukku og birtu. Í Evrópu stefnir í að hætt verði að færa klukkuna til, vor og haust, en þó eru ekki allir á eitt sáttir um hvort, hvernig og hvenær það skuli gert. Anna Kristín Jónsdóttir segir frá.

Viðbragðsáætlun stjórnvalda hefur verið virkjuð. Forsætisráðherra segir koma til greina að styðja við ferðaþjónustuna með sérstökum aðgerðum.

Kynnisferðir hafa ákveðið að segja upp 59 starfsmönnum. Þetta var tilkynnt á starfsmannafundi síðdegis.

Óvissustigi almannavarna hefur verið lýst yfir vegna öflugrar jarðskjálftahrinu í Öxarfirði sem hefur staðið yfir síðan á laugardaginn.

Forstöðumaður greiningardeildar Capacent, segir að staða WOW air ætti ekki að koma neinum á óvart miðað við það sem á undan er gengið.

Hagfræðingur segir of miklar launahækkanir í núverandi efnahagsástandi leiða til aukins atvinnuleysis og hugsanlega til verðbólgu og vaxtahækkana.

Fjórir liðsmenn Sigur Rósar hafa verið ákærðir fyrir að telja ekki fram tekjur eða arðgreiðslur.

Í síðari hluta Spegilsins ræða Arnhildur Hálfdánardóttir og Arnar Páll Hauksson við

Jóhannes Þór Skúlason, framkvæmdastjóra Samtaka ferðaþjónustunnar, Katrínu Ólafsdóttur, lektor í Hagfræði, Þórhildi Elínardóttur, upplýsingafulltruá Samgöngustofu og Ragnar Þór Ingólfsson, formann VR, um áhrif brotthvarfs WOW air.

Sáttafundur sem hófst klukkan tvö í dag stendur enn yfir hjá Ríkissáttasemjara. Að óbreyttu hefst tveggja daga verkfall félagsmanna VR og Eflingar á miðnætti. Það nær til 40 hótela og rútufyrirtækja á höfuðborgarsvæðinu. (Rétt eftir lok Spegilsins var verkfallinu aflýst.)

Fækka á starfsmönnum og verktökum um 400 til að ná tökum á rekstri WOW air, gangi ný viðskiptaáætlun félagsins eftir. Fari WOW air í þrot verður markaðurinn lengur að jafna sig en gert hefur verið ráð fyrir. Þetta segir sérfræðingur Arion banka.

Theresa May, forsætisráðherra Bretlands, ætlar að segja af sér, þegar þingið hefur samþykkt samning hennar og Evrópusambandsins um Brexit. Hún tilkynnti þetta á fundi í Lundúnum í dag.

Innan árs verður öllum föngum á Íslandi tryggð geðheilbrigðisþjónusta. Að þessu marki stefnir Svandís Svavarsdóttir, heilbrigðisráðherra.

Fiskeldi Austfjarða hefur fengið leyfi til að hefja laxeldi í Fáskrúðsfirði í vor og til að auka eldi í Berufirði. Leyfisaukningin er næstum 10 þúsund tonn og aukningin verður nær öll ófrjór fiskur. Slíkt hefur aldrei áður verið reynt hér við land.

Innan árs verður öllum föngum á Íslandi tryggð geðheilbrigðisþjónusta. Að þessu marki stefnir Svandís Svavarsdóttir, heilbrigðisráðherra. Hún segir að með þessu komi stjórnvöld að fullu til móts við athugasemdir pyntingavarnanefndar Evrópuráðsins og úrbótakröfur Umboðsmanns Alþingis sem í rúm sex ár hefur bent á að sú meðferð sem geðsjúkir fangar sæta hér á landi kunni að brjóta gegn stjórnarskránni og Mannréttindasáttmála Evrópu. Páll Winkel. Arnhildur Hálfdánardóttir ræddi við Páll Winkel og Svandísi Svavarsdóttur.

Hvernig bregðast hótelin við verkfalli? Arnar Páll Hauksson talar við Ingibjörgu Ólafsdóttur hótelstjóra Hótel Sögu.

Verja á rúmlega fimm milljörðum króna næstu þrjú árin til að byggja upp innviði víða um land og vernda náttúru. Meðal verkefna sem fá fé úr Landsáætlun um uppbyggingu innviða og úr Framkvæmdasjóði ferðamála er bætt aðgengi að fjörunni við Hvítserk á Vatnsnesi, aðgengi við þrjá manngerða hella á bökkum Ytri-Rangár og fyrsti áfangi hjólaleiðar við Jökulsárgljúfur, úr Ásbyrgi í átt að Dettifossi. Anna Kristín Jónsdóttir talaði við Guðmund Inga Guðbrandsson og Þórdísi Kolbrúnu R. Gylfadóttur.

Umsjón Arnar Páll Hauksson

Tæknimaður Magnús Þorsteinn Magnússon

Skúli Mogensen, forstjóri Wow air, segir að unnið sé að því með kröfuhöfum og stjórnvöldum að tryggja langtímafjármögnun félagsins. Allir kröfuhafar WOW air, nema Isavia, hafa samþykkt formlega að breyta fimmtán milljarða kröfum sínum í 49 prósenta hlut í félaginu.

Óvissa um kjarasamninga og framtið flugrekstrar gætu haft áhrif á fjármálaáætlun ríkisstjórnarinnar að mati Bjarna Benediktssonar fjármálaráðherra. Oddný G. Harðardóttir fyrrverandi fjármálaráðherra telur ríkisstjórnina ekkert hafa gert til að greiða fyrir kjarasamningum. Jóhanna Vigdís Hjaltadóttir segir frá umræðum á Alþingi.

Íris Róbertsdóttir ,bæjarstjóri í Vestmannaeyjum segir að beint tekjutap vegna loðnubrests fyrir samfélagið sé um sex milljarðar króna. Hún vonar að á fundi sem haldinn er með þingmönnum, fyrirtækjum og fulltrúum sveitarfélagsins og fleirum verði hægt að leggja drög að áætlun um hvernig megi takast á við áfallið. Ágúst Ólafsson ræddi við Írisi.

Matvælastofnun hefur, í samvinnu við Lyfjastofnun, kært vef á íslensku léni til lögreglu og farið fram á að honum verði lokað Herdís M. Guðjónsdóttir, sérfræðingur hjá Matvælastofnun segir að þar hafi verið auglýst ólögleg fæðubótarefni og lyf.

Yfirmaður herráðsins í Alsír krafðist þess í dag að úrskurðað yrði að Abdelaziz Bouteflika forseti væri óhæfur til að stýra ríkinu vegna heilsubrests. Hörð mótmæli hafa verið í höfuðborginni Algeirsborg og víðar í Alsír undanfarnar vikur gegn forsetanum. Ásgeir Tómasson sagði frá.

-----

Allir kröfuhafar WOW air nema Isavia hafa samþykkt formlega að breyta fimmtán milljarða króna kröfum sínum í 49 prósenta hlut í félaginu. Skúli Mogensen forstjóri félagsins segir að sú ákvörðun styrki félagið verulega. Sigríður Dögg Auðunsdóttir ræddi við Skúla.

Talsvert er í að samningar náist milli SA og verkalýðsfélaganna hjá Ríkissáttasemjara. Enn er ósamið um vinnutímabreytingar og launataxta. All útlit er fyrir að tveggja daga verkfall hefjist á fimnmtudaginn.

Eftir óvænta framvindu í breska þinginu er óvissan bæði um Brexit og framtíð Theresu May forsætisráðherra nú komin á hærra stig.Sigrún Savíðsdóttir segir frá.

Umsjón: Anna Kristín Jónsdóttir. Tæknimaður: Ragnar Gunnarsson

Litlar upplýsingar er að hafa um gang viðræðna um framtíð Wow air. Forsvarsmenn félagsins hafa í dag fundað með Samgöngustofu, sem hefur heimild til að svipta félagið flugrekstrarleyfi ef rekstrargrundvöllurinn er ekki tryggur

Katrín Jakobsdóttir, forsætisráðherra og Bjarni Benediktsson fjármálaráðherra þvertaka báðir fyrir það að ríkið komi inni í rekstur Wow air með beinum hætti. Jóhanna Vigdís Hjaltadóttir ræddi við Katrínu Jakobsdóttur.

Neytendur hafa miklar áhyggjur af sinni stöðu fari Wow í gjaldþrot.

Ísraelsher gerði tvær árásir á Gazasvæðið síðdegis í hefndarskyni við eldflaugaárásir frá Gaza á bæ í Ísrael í nótt. Búist er við enn frekari árásum á Gaza. Þúsundir varaliða í Ísraelsher hafa verið kallaðar út. Bandaríkjaforseti lýsti því yfir í dag að Gólanhæðir tilheyrðu Ísrael. Ásgeir Tómasson sagði frá.

Atvinnurekendur og sex verkalýðsfélög luku sáttafundi í dag fyrr en áætlað var vegna ótryggrar stöðu WOW air, sem hefur áhrif á kjaraviðræðurnar. Enn á eftir að ræða launaliðinn segir Ragnar Þór Ingólfsson formaður VR.

Gunnar K Sigurðsson leiðsögumaður fann loðnu á óvenjulegum stað um helgina - í Jökulsárlóni - en þangað segir hann að torfur hafi komist á flóði. Gunnar sagði Ragnhildi Thorlacius og Leifi Haukssyni frá loðnugöngunni í Samfélaginu á rás eitt.

-------------

Forystumenn verkalýðsfélaganna sem starfsmenn Wow eru órólegir vegna stöðunnar. Rætt við Berglind Hafsteinsdóttur formann Flugfreyjufélags Íslands og Vignir Örn Guðnason, formaður Íslenska flugmannafélagsins sem segir að engu síður hafi starfsmenn trú á því að hægt sé að koma Wow á réttan kjöl. Kristján Sigurjónsson, ritstjóri Túrista.is spáir í næstu skref vegna Wow.

Fjöldi hjúkrunarfræðinga og annarra heilbrigðisstarfsmanna er starfandi í Svíþjóð að því er virðist án þess að kunna nokkuð fyrir sér í faginu. Fólkið hefur fengið starfsleyfi á grundvelli falsaðra pappíra eða prófskýrteina sem í raun eru einskis virði. Kári Gylfason segir frá.

Umsjón: Anna Kristín Jónsdóttir. Tæknimaður: Ragnar Gunnarsson

Forystumenn verkalýðsfélaga segja að ferðaþjónustufyrirtæki hafi framið verkfallsbrot - en rúmlega tvö þúsund manns lögðu niður störf í dag. Formaður VR segir að þessu verði mætt af fullri hörku.

Sérfræðingar í vinnumarkaðsfræðum og ferðaþjónustu búast ekki við að verkföll í greininni eigi eftir að dragast á langinn og þau muni ekki kasta eða að þau kasti rýrð á Ísland sem áfangastað. Ástandið í flugmálum sé öllu alvarlegra.

Það er vonskuveður um nær allt land, í gildi bæði gular og appelsínugular viðvaranir og vegir víða ófærir.

Formenn stjórnarflokkanna segja engar ákvarðanir hafa verið teknar um fjárhagslega aðkomu ríkisins vegna viðræðna um kaup Icelandair á WOW. Stjórn Icelandair hefur samþykkt að hefja viðræður við WOW air um aðkomu að rekstri félagsins.

Karlmaður á fertugsaldri, sem hollenska lögreglan hefur haft í haldi grunaðan um skotárás í Utrecht á mánudag, játaði verknaðinn í dag. Hann kvaðst hafa verið einn að verki.

Íslensk stjórnvöld eru bæði með belti og axlarbönd, gagnvart helstu álitamálum sem hafa verið viðruð vegna Þriðja orkupakkans, svokallaða, þetta segir utanríkisráðherra.

Bretar munu vart ganga úr Evrópusambandinu eftir viku, eins og til stóð - en fátt annað er ljóst í Brexit-efnum.

Fækkað hefur í hópi þeirra sem sækja um alþjóðlega vernd hér á landi en samsetning hópsins hefur breyst. Færst hefur í aukana að hingað komi fólk sem þegar hefur sótt um eða fengið vernd í öðru Evrópuríki.

Sáttafundur sem hófst hjá sáttasemjara í morgun stendur enn yfir og búist við að hann standið fram eftir kvöldi. Samningamenn eru í fjölmiðlabanni og ekki hefur verið upplýst um gang viðræðna.

Tugir varða munu sinna verkfallsvörslu vegna verkfalls Eflingar. Búist er við að beitt verði hörku til að koma í veg fyrir verkfallsbrot.

Rekstur hótela á höfuðborgarsvæðinu raskast talsvert á morgun vegna verkfallsins. Framkvæmdastjóri Center hotels segir það mikil vonbrigði að næturverðir hafi ekki fengið undanþágu til að sinna störfum.

Komi til verkfalls á Keflavíkurflugvelli þarf að fella niður flug til og frá vellinum. Þetta segir forstjóri Isavia.

Spáð er stórhríð um norðaustan- og austanvert landið í nótt og fram eftir degi á morgun, með tilheyrandi ófærð, mikil snjókoma gæti orðið suðvestanlands.

Forseti neðri deildar breska þingsins segir að þingmenn séu ekki föðurlandssvikarar þótt þeir hafi tvívegis fellt samninginn um útgöngu Bretlands úr Evrópusambandinu. Stefnt er að atkvæðagreiðslu í þriðja sinn í næstu viku.

Forráðamenn í ferðaþjónustu hafa áhyggjur af verkfallinu. Arnar Páll Hauksson talar við Jóhannes Þór Skúlason, framkvæmdastjóra Samtaka ferðaþjónustunnar.

Fjárfestingasjóðir og stærstu fjarskiptafyrirtæki Nýja-Sjálands krefjast þess að samfélagsmiðlar taki ábyrgð á því sem þar er birt og taka þar undir orð forsætisráðherra landsins. Forsvarsmenn Facebook hafa sett sig í samband við nýsjálensk stjórnvöld. Hryðjuverkamaðurinn sem myrti fimmtíu manns í tveimur moskum í borginni Christchurch á Nýja-Sjálandi á föstudaginn var með beina útsendingu frá voðaverkinu á Facebook. Ásrún Brynja Ingvarsdóttir segir frá.

Umsjón Arnar Páll Hauksson

Tæknimaður Mark Eldred

Forseti leiðtogaráðs Evrópusambandsins segir að hægt verði að fallast á að veita Bretum skamman frest á útgöngu úr sambandinu til þess að gefa breskum þingmönnum kost á að samþykkja samninginn um úrsögn, sem fyrir liggur. Þeir hafa tvívegis fellt hann.

Fyrsta framkvæmdaleyfið af þremur vegna Kröflulínu þrjú hefur verið gefið út. Vonast er til að línan verði komin í rekstur fyrir lok næsta árs.

Loðnubresturinn er skellur. Sumir sjá fram á að árstekjurnar skerðist um helming. Fiskvinnslufólk hefur sumt varið vikum og mánuðum í að skrúbba hvern fermetra í vinnsluhúsunum og sveitarfélög gera upp við sig hvernig skuli bregðast við tekjusamdrætti.

Um leið og Norðmenn fagna eða minnast þess að 25 ár eru liðin frá því að EES-samningurinn var lögleiddur verða raddir í Noregi háværari um að Norðmenn segi sig frá samningnum og semji upp á nýtt við Evrópusambandið

Ljóst er að skiptar skoðanir eru meðal kaupmanna hvort loka eigi Laugavegi, Bankastræti og Skólavörðustíg fyrir bílaumferð til frambúðar.

Forsætisráðherra segir að staðan á vinnumarkaði sé grafalvarleg. Ekki sé tímabært á þessu stigi að ræða um að setja lög á verkföll. Iðnaðarmenn bættust í dag í hóp þeirra sem hafa slitið viðræðum við atvinnurekendur.

Öryrkjabandalagið undirbýr málshöfðun vegna krónu á móti krónu skerðingar á bótum öryrkja. Formaður bandalagsins segir að öryrkjum sé ofboðið.

Amma barns sem nýlega var greint með banvænan sjúkdóm segir hræðilegt að hugsa til þess að kjaftasögur um sölu brjóstamjólkur til kraftlyftingamanna komi í veg fyrir að konur vilji gefa barninu brjóstamjólk. Hún gagnrýnir fréttaflutning af málinu harðlega.

Forsætisráðherra Bretlands segir að Bretar séu komnir í ógöngur vegna fyrirhugaðrar útgöngu úr Evrópusambandinu eftir tíu daga. Hún ætlar að óska skriflega eftir frestun til júníloka.

Hart var tekist á á opnum fundi Miðbæjarfélagsins í Reykjavík í dag en á fundinum kynntu verslunareigendur undirskriftalista þar sem því er mótmælt að Laugavegi, Bankastræti og Skólavörðustíg verði lokað fyrir bílaumferð.

Loðnuvertíðin hefur brugðist og ekki í fyrsta sinn. Í síðustu viku gaf Hafrannsóknastofnun það út að allri leit að loðnu fyrir þessa vertíð yrði hætt og enginn loðnukvóti gefinn út. Þorsteinn Sigurðsson, sviðsstjóri hjá stofnuninni, segir að loðnunnar hafi sennilega aldrei verið leitað jafn gaumgæfilega og nú. Loðna er annar mikilvægasti nytjastofn okkar og efnahagsleg áhrif loðnubrestsins því veruleg. En það er ekki nóg með það. Loðnan er líka ein mikilvægasta fæða aðalnytjastofns Íslendinga, þorsksins sem og grálúðu, ufsa og fleiri tegunda. Arnhildur Hálfdánardóttir tók saman.

Forsætisráðherra Nýja Sjálands heitir því að tillögur ríkisstjórnar landsins um endurbætur á byssulöggjöfinni verði kynntar áður en þingið kemur aftur saman á mánudag. Ásrún Brynja Ingvarsdóttir tók saman.

Skemmtiferðaskipum sem sigla á norðurslóðum hefur fjölgað mjög mikið á undanförnum árum. Þó að ekki séu miklar líkur á slysum er nauðsynlegt að hægt sé að bregðast við ef slys verður. Á næsta ári stendur Landhelgisgæslan fyrir æfingu, sem beinist að björgun og leit og einnig viðbrögðum við mengunarslysi. Arnar Páll Hauksson talaði við Auðun Kristinsson.

Umsjónarmaður: Ásrún Brynja Ingvarsdóttir

Tæknimaður: Jón Þór Helgason

Forsætisráðherra segir að íslensk stjórnvöld taki dóm Mannréttindadómstóls Evrópu alvarlega. Hún segir mikilvægt að þingið taki sér svigrúm til að reifa ólík sjónarmið, eyða óvissu og finna farsæla lausn, bæði fyrir dómskerfið og almenning í landinu. Forsætisráðherra flytur Alþingi skýrslu um viðbrögð stjórnvalda við dómi Mannréttindadómstólsins. Ásrún Brynja Ingvarsdóttir tók saman.

Starfsemi 40 hótela lamast og rútubílstjórar leggja niður vinnu á föstudaginn ef ekki tekst að semja fyrir þann tíma. Á sama tíma undirbúa iðnaðarmenn og Starfsgreinasambandið verkföll. Arnar Páll Hauksson ræddi við Halldór Benjamín Þorbergsson.

Formaður Félags hópferðaleyfishafa segir að boðuð verkföll ýti undir svarta starfsemi.

Forseti Mósambíkur óttast að yfir eitt þúsund hafi farist þegar fellibylur fór yfir miðhéruð landsins í síðustu viku. Borgin Beira er í rúst eftir óveðrið.

Risastór loftsteinn sprakk yfir Beringssundi á milli Alaska og Rússlands fyrir þremur mánuðum. Orkan sem losnaði úr læðingi við sprenginguna var tífalt meiri en í kjarnorkusprengjunni sem var sprengd í Hiroshima í lok síðari heimsstyrjaldar.

Þess er vænst að innan nokkurra ára geti samstarfsverkefni fjögurra stofnana gert Íslendingum kleift að skipuleggja landnýtingu betur. Þá verður hægt að fylgjast með auðlindum og stýra nýtingu miðað við ástand þeirra.

Stjórnarformaður Lýðháskólans á Flateyri fagnar nýju frumvarpi um lýðskóla. Með tilkomu þess verði hægt að gera langtímarekstrarsamninga við skólann.

Rúnar Björn Herrera Þorkelsson, formaður NPA miðstöðvarinnar, þarf aðstoð allan sólarhringinn. Það hefur borgin viðurkennt. Fjármagnið sem hann fær nægir þó ekki til að tryggja þessa aðstoð. Stundum þarf Rúnar, sem er með hálsmænuskaða og þarf aðstoð við flesta hluti, að vera einn á nóttunni. Hann segir að þá sé erfitt að horfa á eftir aðstoðarmanninum á kvöldin. Samband sveitarfélaga er ekki á því að laun aðstoðarmanna þurfi að vera þau sömu alls staðar á landinu. Arnhildur Hálfdánardóttir ræddi við Rúnar Björn Herrera Þorkelsson.

Umsjónarmaður Ásrún Brynja Ingvarsdóttir. Tæknimaður Davíð Berndsen.